តួឯកស្រី ត្រចៀកកាំ ត្រូវមហាជនរិះគន់ ក្រោយតុបតែងខ្លួនមិនសមរម្យចូលរួមសម្ពោធរឿងថ្មីរបស់ខ្លួន
ពាក្យថា តារា តែងតែត្រូវមហាជនរង់ចាំរិះគន់ជានិច្ច នៅពេលដែលធ្វើអ្វីមួយដែលមិនសមរម្យ ។ ជាក់ស្ដែង នាពេលថ្មីៗ នេះ តារាស្រីជើងចាស់ Zhao Wei ដែលប្រិយមិត្តភាគច្រើនស្គាល់ថាជា តួឯកស្រី ត្រចៀកកាំ ក៏ត្រូវបានមហាជនជាច្រើនរិះគន់ក្រោយនាងបង្ហាញខ្លួននៅទីក្រុងប៉េកាំងប្រទេសចិន ដើម្បីផ្សព្វផ្សាយស្នាដៃថ្មីគឺរឿង “Two Lions”។
ដើមហេតុដែលធ្វើឲ្យមហាជនរិះគន់តារាស្រីរូបនេះ ក៏ព្រោះតែនាងស្លៀកពាក់សាមញ្ញជ្រុល ទៅចូលរួមក្នុងព្រឹត្ដិការណ៍សម្ពោធរឿងដ៏ធំបែបនេះ ពោលគឺនាងពាក់ត្រឹមអាវយឺតពណ៌ក្រហមដៃវែងធម្មតា។ មិនតែប៉ុណ្ណោះ តារាស្រីរូបនេះក៏តុបតែងមុខជ្រុលរហូតដល់ឃើញមុខរបស់នាងសស្លេកទៀតផង។
ជាងនេះទៅទៀត គេក៏សង្កេតឃើញថាតារាស្រីជើងចាស់រូបនេះឡើងគីឡូមិនធម្មតា រហូតដល់ឃើញបឿនៅនឹងករបស់នាង៕
អត្ថបទដោយ៖ ស្រីពេជ្រ