រកឃើញមូលហេតុពិតប្រាកដនៃការស្លាប់របស់តារាសម្ដែង Godfrey Gao ហើយ
ការស្លាប់របស់តារាសម្ដែងប្រុស និងតារាម៉ូឌែលលោក Godfrey Gao កាលពីថ្ងៃទី ២៧ ខែ វិច្ឆិកា ឆ្នាំ ២០១៩ ម្សិលមិញនេះ នៅតែជាប្រធានបទក្ដៅគគុក ហើយត្រូវបានវែកញ៉ែកពីបណ្ដាមហាជន និងអ្នកគាំទ្រ។ យ៉ាងណាមិញ បើយោងតាមសារព័ត៌មាន Taiwan News បានបញ្ជាក់ប្រាប់ឲ្យដឹងថា ការស្លាប់របស់លោក គឺបណ្ដាលមកពីការគាំងបេះដូង ។
ជាងនេះទៅទៀត គ្រូពេទ្យចិត្តសាស្ត្រដែលមកពីមន្ទីរពេទ្យ National Taiwan University Hospital បានសន្និដ្ឋានថា ការគាំងបេះដូងរបស់តារាសម្ដែងប្រុសរូបនេះ គឺអាចបណ្ដាលមកពីការធ្វើការហួសកម្រិតជ្រុល គួបផ្សំជាមួយភាពស្ដ្រេសតានតឹងរបស់លោកផង ទើបបណ្ដាលឱ្យលោកគាំងបេះដូងស្លាប់តែម្ដង។
គួរបញ្ជាក់ផងដែរថា មុនពេលដែលលោកដួលសន្លប់ស្លាប់ លោកបានធ្វើការដល់ទៅ ១៧ ម៉ោង នឹងទើបបានសម្រាកនៅម៉ោង ១ និង ៤៥ ព្រឹក មុនពេលលោកស្លាប់ ៤៥ នាទីប៉ុណ្ណោះ៕
ប្រភព៖ mustsharenews
អត្ថបទដោយ៖ ស្រីពេជ្រ