ក្រោយប្រជាប្រិយកើនឡើងជាលំដាប់! អ្នកគាំទ្រចង់ឃើញ Nychaa សម្ដែងជាមួយតារាប្រុសប៉ុន្មានរូបនេះ
ដូចដែលប្រិយមិត្តបានដឹងរួចមកហើយថា នារយៈពេលចុងក្រោយនេះ ប្រជាប្រិយភាពរបស់តារាស្រីរូបស្រស់ខ្ពស់ស្រឡៈ Nychaa បានកើនឡើងជាលំដាប់ និងមានរឿងភាគសម្ដែងជាហូរហែរឥតដាច់ថែមទៀតផង។ ដោយមើលឃើញពីទេពកោសល្យដ៏ប៉ិនប្រសប់របស់នាង អ្នកគាំទ្រជាច្រើនសង្ឃឹមថារូបនាងនឹងមានឱកាសចាប់ដៃគូសម្ដែងជាមួយតារា Mark Prin, Nine Naphat, Boy Pakorn, James Jirayu, James Ma, Nadech Kugimiya និង Pope Thanawat នៅថ្ងៃអនាគត។
គួររំលឹកផងដែរថា បច្ចុប្បន្នតារាស្រីដែលកំពុងមានភាពលេចធ្លោរូបនេះ កំពុងថតរឿងភាគថ្មីចំនួន ២ ទៀត ដែលមានចំណងថា ‘Wassana Ruk’ និង ‘Duang Jai Nai Montra’ ហើយរូបនាងក៏នឹងត្រៀមចាប់ដៃគូសម្ដែងជាមួយតារាប្រុសរូបសង្ហារថ្ពាល់ខួច Alek Teeradetch ក្នុងរឿងភាគដែលមានចំណងជើងថា ‘Game Pratana’៕
ប្រភព៖ ThaiUpdate
អត្ថបទដោយ៖ ស្រីពេជ្រ