ថ្វីបើស្ថានីយទូរទស្សន៍បុស្ដិ៍លេខ ៧ ពោរពេញទៅដោយតារាស្រីដែលមានសម្រស់លេចធ្លោ និងទេពកោសល្យក្នុងការសម្ដែងក៏ពិតមែណ ប៉ុន្ដែមួយរយៈចុងក្រោយនេះ គេសង្កេតឃើញថាប្រជាប្រិយភាពរបស់តារាស្រី Mookda Narinrak ហាក់ដូចជាឡើងកូតខ្លាំង និងមានភាពលេចធ្លោមិនធម្មតា។ ថ្ងៃនេះ Todaysharing News នឹងប្រាប់ប្រិយមិត្តពីប្រវត្ដិខ្លះៗ របស់តារាស្រីដែលកំពុងលេចធ្លោរូបនេះ។
តោះមកស្គាលពីតារាស្រីរូបនេះបន្ដិចមើល៖
១ នាងកើតនៅថ្ងៃទី ២៦ ខែ កក្កដា ឆ្នាំ ១៩៩៣
២ នាងមានកម្ពស់ ១៦៥ សង់ទីម៉ែត្រ
៣ នាងសិក្សាបរិញ្ញាបត្រនៅសាកលវិទ្យាល័យសភាពាណិជ្ជកម្មថៃ
៤ នាងបានឈ្នះពានរង្វាន់ Miss Teen Thailand ក្នុងឆ្នាំ ២០១១
៥ នាងបានក្លាយជាតារាបង្ហាញម៉ូតកំឡុងឆ្នាំ ២០១៣
៦ នាងបានចុះកុងត្រាជាមួយស្ថានីយទូរទស្សន៍បុស្ដិ៍លេខ ៧ នៅក្នុងឆ្នាំ ២០១៦ ហើយរឿងភាគដំបូងរបស់នាងសំរាប់បុស្ដិ៍ទូរទស្សន៍មួយនេះគឺរឿង ‘Kamin Kub Poon’
៧ នាងចាប់ផ្ដើមមានកេរ្ដិ៍ឈ្មោះល្បីក្រោយពីបានចាប់គូសម្ដែងជាមួយតារាសម្ដែងប្រុស Mik Thongraya ក្នុងរឿងភាគ ‘Mussaya’
៨ ក្នុងឆ្នាំនេះ តារាស្រីរូបនេះកាន់តែមានប្រជាប្រិយភាពខ្លាំងក្រោយសម្ដែងរឿង ‘Suparburoot Jorm Jon: Maturot Lohgan’ ជាមួយតារាប្រុសសង្ហារ Mike Pattaradet៕
អត្ថបទដោយ៖ ស្រីពេជ្រ