អ្នកដឹកនាំរឿងថៃប៉ះជាមួយអ្នកដឹកនាំរឿងហុងកុង ! លោកWong Karwai និង លោកBaz Nattaut ចាប់ដៃគ្នាក្នុងខ្សែភាពយន្តថ្មី

ខ្សែភាគយន្តថ្មីនេះបានប្រកាសថតជាស្ថាពរកាលពីថ្ងៃទី១២ ខែធ្នូ ឆ្នាំ២០១៩កន្លងទៅ រឿង One For The Road និយាយពីមិត្តភក្តិចាស់ដែលបែកគ្នាយូរឆ្នាំណាស់មកហើយ តែត្រូវបានត្រឡប់មកធ្វើដំណើរផ្សងព្រេងរួមគ្នាជាលើកចុងក្រោយ នៅពេលដឹងថាមានភាគីម្ខាងកើតជម្ងឺមហារីកដំណាក់កាលចុងក្រោយ ។

តួឯកក្នុងរឿងនេះរួមមាន លោកTor Thanapob, កញ្ញា Violette Wautier, និង កញ្ញា Aokbab Chutimon ។

គួរបញ្ជាក់ផងដែរថា លោកBaz Nattaut ជាអ្នកដឹកនាំរឿង Bad Genius ដែលរកចំណូលបានជាង ១០០០ លានបាត ចំណែកលោកWong Karwai វិញជាអ្នកដឹកនាំរឿងហុងកុងដ៏ល្បីល្បាញតាំងពីឆ្នាំ១៩៨៨មកម្លេះ ៕

អត្ថបទដោយ ៖ Sunstar