តោះទៅស្ដាប់អារម្មណ៍ពិតរបស់ Nadech និង Yaya នៅក្នុងកម្មវិធីយប់មិញជាមួយគ្នា!
កាលពីម្សិលមិញនេះ តារាសម្ដែងថៃប្រុសល្បីឈ្មោះលោក Nadech និងកញ្ញា Yaya បានរៀបចំខ្លួនយ៉ាងស្រស់ស្អាត ចូលរួមក្នុងកម្មវិធីមួយក្នុងផ្សារទំនើប Central World ធ្វើឲ្យអ្នកគាំទ្រឃើញហើយចាប់អារម្មណ៍ខ្លាំងណាស់។
ក្នុងនោះផងដែរ នៅក្នុងកម្មវិធីនេះ អ្នកទាំងពីរក៏ឆ្លៀតពេលផ្ដល់បទសម្ភាសន៍ជាមួយនិងអ្នកកាសែត ទាក់ទងនិងដំណើរកំសាន្តនៅប្រទេសអង់គ្លេសកាលពីពេលថ្មីៗនេះរបស់អ្នកទាំងពីរ។
ក្នុងនោះ Yaya បាននិយាយថា «តាមពិតទៅកាលនោះ នាងទៅធ្វើការតែម្នាក់ឯងទេ ប៉ុន្ដែដោយសារ Nadech មានពេលទំនេរទើបលួចទៅតាមមើលថែនាងកុំឱ្យនៅម្នាក់ឯង និង ឆ្លៀតពេលដើរលេងជាមួយគ្នាតែម្ដងទៅ» ហើយ Nadech ក៏ពោលពាក្យចេញពីចិត្តរបស់ខ្លួនដែរថា «Yaya ជាមនុស្សស្រីម្នាក់ដែលពិបាករក ហើយលោកពិតជាមានសំណាងខ្លាំងណាស់ពេលដែលបាននៅក្បែរនាង»។
ក្រោយពេលដែលអ្នកគាំទ្របានលឺពាក្យទាំងនេះរបស់អ្នកទាំងពីរ ធ្វើឲ្យគ្រប់គ្នាបង្ហាញអារម្មណ៍រំភើប និងលួចច្រណែនដែលឃើញអ្នកទាំងពីរស្រលាញ់គ្នាខ្លាំងយ៉ាងនេះ៕ តោះ! ទៅទស្សនារូបភាពខាងក្រោមនេះទាំងអស់គ្នា៖
អត្ថបទដោយ៖ស៊ីវលី