ទីបំផុត James Ma បង្ហើបរឿងស្នេហានាពេលខាងមុខរបស់ខ្លួនហើយ!
ដូចប្រិយមិត្តបានជ្រាបអញ្ចឹងថា ឆ្នាំថ្មីនេះតារាសម្ដែងថៃប្រុសរូបសង្ហាលោក James Ma មានវ័យ២៦ឆ្នាំហើយ ហើយអ្វីដែលភ្ញាក់ផ្អើល តាំងពីលោកចូលប្រឡូកក្នុងវិស័យសិល្បៈមក ពុំដែលលេចលឺព័ត៌មានទាក់ទងនឹងរឿងស្នេហារបស់លោកឡើយ។
ក្នុងនោះផងដែរ អ្វីដែលធ្វើឲ្យមហាជនជាច្រើនចាប់អារម្មណ៍គឺ កាលពីថ្ងៃខួបកំណើតគ្រប់២៦ឆ្នាំរបស់លោក លោកបានរៀបរាប់ទាក់ទងនឹងរឿងរ៉ាវស្នេហាថា «ពេលនេះខ្ញុំកំពុងតែមមារញឹកនិងការងារ ហើយបើដល់ពេលវានឹងមករកយើងដោយខ្លួនឯង ហើយ ហើយពេលនោះផងដែរ ខ្ញុំនឹងនាំនាងទៅជួបមិត្តភក្ដិ និង ក្រុមគ្រួសារជាផ្លូវការ ។ ខ្ញុំជឿថា បើសិនជាខ្ញុំបានជួបនរណាម្នាក់រយៈពេលយូរ នាងនឹងក្លាយជានារីដ៏ពិតប្រាកដម្នាក់សម្រាប់ខ្ញុំ ព្រោះវាចេញពីបេះដូង»។
ក្រោយពេលលឺបែបនេះ ធ្វើឲ្យមហាជនជាច្រើនរំភើប និងនាំគ្នាជូនពរឲ្យតារាប្រុសសង្ហារូបនេះ ឆាប់ជួបគូក្នុងជីវិត ព្រោះមិត្តភក្ដិដែលជាតារាៗជុំវិញខ្លួនលោកគេបានគូជីវិតគ្រប់គ្នាអស់ហើយ នៅតែរូបលោកទេ៕
អត្ថបទដោយ៖ស៊ីវលី