ទោះបែកគ្នាក៏នៅតែជាមិត្តល្អ! Porshe មិនគិតរឿងអតីតនៅតែទៅអបអរ Dao Pimthong ថ្ងៃទទួលសញ្ញាប័ត្រ

ដូចដែលប្រិយមិត្តបានដឹងរួចមកហើយថាចំណងស្នេហារវាង Porshe និង Dai Pimthong មិនបានសមប្រកបហើយអាចទៅមុខជាមួយគ្នាទៀតនោះទេ​ ពោលគឺត្រូវបញ្ចប់គ្នាជាឋានៈសង្សារក្លាយមកជាមិត្ដវិញ។ កាលពីថ្មីៗ កន្លងទៅនេះ តារាស្រីថៃ Dao Pimthong បានបញ្ចប់ការសិក្សានៅឯសាកលវិទ្យាល័យ Stamford International University ក្នុងប្រទេសថៃ ហើយកាលពីថ្ងៃទី ១៥ ខែធ្នូ នេះ រូបតារាស្រីរូបស្រស់  Dao Pimthong ក៏ទៅចូលរួមពិធីទទួលសញ្ញាប័ត្រ។

ក្នុងថ្ងៃដ៏ពិសេសរបស់នាង គេសង្កេតឃើញមានក្រុមគ្រួសារ មិត្តភក្ដិ ជាច្រើនដើម្បីចូលរួមអបអររូបនាង តែអ្វីដែលធ្វើឲ្យមហាជន និងរូបនាងផ្ទាល់មានការភ្ងាក់ផ្អើលនោះគឺ អតីតមិត្តប្រុសរបស់នាងដែលទើបចែកផ្លូវគ្នាមិនបានប៉ុន្មាន លោក Porshe ក៏មកចូលរួមអបអរនាងនោះដែរ។

ប៉ុន្ដែទោះបីជាតារាប្រុសរូបនេះបង្ហាញខ្លួនក្នុងថ្ងៃពិសេសរបស់នាងក៏ពិតមែន តែតារាស្រីរូបនេះបានបញ្ជាក់ប្រាប់ថា នេះមិនមែនជាត្រូវរូវគ្នា រឺចាប់ផ្ដើមសារជាថ្មីនោះទេ ពីព្រោះពួកគេអាចបន្ដត្រឹមតែជាមិត្តប៉ុណ្ណោះ។

អត្ថបទដោយ៖ ស្រីពេជ្រ