គូស្នេហ៍ចិត្តធម៌! អាណិតពេក Hyuna និង មិត្តប្រុសរបស់ខ្លួនទទួលចិញ្ចឹមឆ្កែអនាថា

កាលពីថ្មីៗ កន្លងទៅនេះ គូស្នេហ៍កំពូល Sweet នៅឯប្រទេសកូរ៉េខាងត្បូង Hyuna និង Dawn បានទទួលចិញ្ចឹមឆ្កែអនាថាមួយក្បាល ហើយពួកគេក៏បានចែករំលែករូបភាពយ៉ាងគួរឲ្យស្រលាញ់ជាមួយនឹងសត្វឆ្កែនោះទៀតផង។

បើយោងតាមប្រភពពត៌មានពី P Nation ដែលជាទ្រនំរបស់តារាប្រុសស្រីមួយគូនេះ កាលពីថ្ងៃទី ១៦ ខែ ធ្នូ បានប្រាប់ថា “នេះមិនមែនជាលើកទី ១ នោះទេ ពួកគេតែងតែទៅមើលឆ្កែអនាថាជាច្រើននៅតំបន់ Nowon ហើយមូលហេតុដែលពួកគេសម្រេចទទួលចិញ្ចឹមសត្វឆ្កែមួយនេះក៏ព្រោះថា សត្វឆ្កែដែលនៅទីនោះត្រូវគេទទួលយកទៅចិញ្ចឹមជាបន្ដបន្ទាប់លើកលែងតែសត្វឆ្កែមួយនេះ ដូចនេះពួកគេក៏សម្រេចទទួលចិញ្ចឹមដើម្បីផ្ដល់គ្រួសារកក់ក្ដៅមួយទៅឲ្យវា”។

លើសពីនេះតារាចម្រៀងរូបសង្ហារ Dawn ដែលត្រូវជាមិត្តប្រុសរបស់តារាស្រីស៊ិចស៊ី HyunA ក៏បានប្រាប់អ្នកគាំទ្រថា “គួរតែទទួលចិញ្ចឹមឆ្កែអនាថា ជាជាងទិញថ្មី”៕

ប្រភព៖ Soompi

អត្ថបទដោយ៖ ស្រីពេជ្រ