សុទ្ធតែអាយដល! តួអង្គកំពូលបុរសស្មោះស្នេហ៍ Mark Chao និង DengLun ត្រៀមសម្ដែងរួមគ្នាក្នុងខ្សែភាពយន្ដថ្មី

សុទ្ធតែធ្លាប់សម្ដែងជាតួអង្គបុរសស្មោះស្នេហ៍ តារាសម្ដែងប្រុស Mark Chao និង DengLun ត្រូវបានអ្នកគាំទ្រនារីជាច្រើនលង់ស្នេហ៍ដកចិត្តមិនរួចកំឡុងពេលដែលពួកគេសម្ដែងក្នុងរឿងភាគមនោសញ្ចេតនាស្នេហាជ្រាលជ្រៅ Ten Miles Of Peach Blossom និង Ashes of Love។

តាមរយៈប្រភពពត៌មាន Dramapanda បានបង្ហើបប្រាប់ឲ្យដឹងថា តារាសម្ដែងប្រុសដ៏មានទេពកោសល្យទាំងពីររូបនេះ នឹងត្រៀមចាប់ដៃគ្នាសម្ដែងក្នុងខ្សែភាពយន្ដថ្មីមួយរបស់ប្រទេសចិន ដែលថតតាមលំនាំសៀវភៅប្រលោមលោករបស់ប្រទេស ជប៉ុន មានចំណងជើងថា Onmyōji រឺ Qing Ya Ji 晴雅集។

ក្នុងខ្សែភាពយន្ដនេះផងដែរ តារាសម្ដែងប្រុស Mark Chao និងដើរតួជាអង្គ Qing Ming ខណៈតារាសម្ដែងប្រុស Deng Lun នឹងសម្ដែងជាតួអង្គ Bo Ya ដែលពួកគេជាមិត្តសម្លាញ់ និងធ្វើដំណើរផ្សងព្រេងរួមគ្នា។

មិនតែប៉ុណ្ណោះ ខ្សែភាពយន្ដមួយនេះ ក៏មានការចូលរួមសម្ដែងពីតារាស្រី ប្រុស ល្បីៗ ជាច្រើនទៀតដូចជា Olivia Wang Ziwen, Chun Xia និង Wang Duo ជាដើម។ ចំពោះកាលបរិច្ឆេទនៃការចាប់ផ្ដើមថតមិនទាន់បញ្ជាក់ច្បាស់នៅឡើយ តែអាចនឹងចាប់ផ្ដើមនៅដើមឆ្នាំក្រោយនេះហើយ៕

អត្ថបទដោយ៖ ស្រីពេជ្រ