អូហូ! នេះគឺជាលើកទី១ហើយ ដែលស្វាមីរបស់ នៅ សូនីតា ពោលពាក្យបែបនេះមកនាង!
ជាការពិតណាស់ ពេលនេះតារាសម្ដែងនិងជាពិធីការិនីអ្នកនាង នៅ សូនីតា កំពុងតែសាងគ្រួសារយ៉ាងមានសុភមង្គលជាមួយលោក ទិត្យ ថាវរិទ្ធ ហើយក៏ទទួលបានកូនម្នាក់គួរឲ្យស្រលាញ់ខ្លាំងផងដែរ។
យ៉ាងណាមិញថ្មីៗនេះ គូស្នេហ៍មួយគូនេះ បានធ្វើឲ្យមហាជននិងហ្វេនជាច្រើនច្រណែន ក្រោយពេលដែលគ្រប់គ្នាបានឃើញអ្នកនាង នៅ សូនីតា ស៊ែរផុសរបស់លោក ទិត្យ ថាវរិទ្ធ ដែលជាស្វាមី រៀបរាប់ពាក្យនៅក្នុងដួងចិត្តរបស់លោកថា៖
«អូនជាឧត្ដមភរិយាតែមួយរបស់បង សូមឲ្យអូននិងកូនមានក្ដីសុខ ជារៀងរហូត បងនឹងសងនូវអ្វីៗគ្រប់យ៉ាងដើម្បីអូននិងកូន បងពិតជាមិនស្ដាយក្រោយទេ ដែលជ្រើសយកអូន»
ក្រោយពេលឃើញបែបនេះ មិនថាអ្នកនាង នៅ សូនីតា នោះទេ សូម្បីតែមហាជនគ្រប់គ្នាបានឃើញហើយ ក៏បង្ហាញអារម្មណ៍រំភើបជំនួសតារាស្រីរូបនេះដែរ៕
អត្ថបទដោយ៖ស៊ីវលី