នៅតែពិរោះ! Jerry Yan ច្រៀងបទចម្រៀងក្នុងរឿង F4 សារជាថ្មីម្ដងទៀតរហូតដល់ស្រក់ទឹកភ្នែក (មានវីដេអូ)

បើទោះបីជាកន្លងទៅអស់រយៈពេល ១៩ ឆ្នាំ ទៅហើយក្ដី ក៏ប៉ុន្ដែរឿងភាគ “Meotor Gardenៗ រឺមនុស្សភាគច្រើនស្គាល់ថា F4 2001 នៅតែជារឿងភាគមួួយដក់ជាប់ក្នុងអារម្មណ៍អ្នកគាំទ្រជាច្រើន ជាពិេសសនៅក្នុងប្រទេសចិនផ្ទាល់តែម្ដង។

មិនតែប៉ុណ្ណោះ សូម្បីតែបទចម្រៀងដែលមានចំណងជើងថា 流星雨” liu xing yu ដែលជាបទចម្រៀងបញ្ចូលក្នុងរឿងភាគដ៏ល្បីមួួយនេះក៏នៅតែជាបទចម្រៀងពេញនិយមមួយដែលតែងតែត្រូវបានតារាជាច្រើនក្នុងប្រទេសចិនយកមកច្រៀងនៅក្នុងកម្មវិធីនានា។

ជាក់ស្ដែង កាលពីថ្មីៗ កន្លងទៅនេះ លោក Jerry Yan ដែលជាតួឯកប្រុសក្នុងរឿង F4 ឆ្នាំ ២០០១ បានជ្រើសយកបទចម្រៀងមួយនេះ មកបកស្រាយសារជាថ្មីនៅក្នុងឱកាសការប្រគំតន្ដ្រីចុងឆ្នាំរបស់ស្ថានីយទូរទស្សន៍ ZheJiang។ ការបកស្រាយបទចម្រៀងដ៏ពិរោះមួយនេះ ក៏មានការចូលរួមពីសំណាក់តារាល្បីៗ ៣ រូបផ្សេងទៀតដូច ZhengKai, Li Chen និង Lucas។

មិនតែប៉ុណ្ណោះ ដោយដាក់អារម្មណ៍ក្នុងការច្រៀងពេក និងរលឹកដ៏អនុស្សាវរីយរឿងភាគរបស់ខ្លួន តារាសម្ដែងប្រុសវ័យ ៤៣ ឆ្នាំ រូបនេះច្រៀងរហូតដល់ស្រក់ទឹកភ្នែកថែមទៀតផង៕

 

តោះទៅមើលវីដេអូចម្រៀងដែលតារាសម្ដែងប្រុសរូបនេះបកស្រាយបន្ដិចមើល៖

អត្ថបទដោយ៖ ស្រីពេជ្រ