លេងចិញ្ចឹមសុទ្ធតែកូនជ្រូក! សត្វចិញ្ចឹមរបស់ Victoria ឃើញហើយខ្នាញ់តែម្ដង

សត្វចិញ្ចឹមបានក្លាយទៅជាផ្នែកមួយនៃជីវិតរបស់មនុស្សជាច្រើននាពេលបច្ចុប្បន្ន វាប្រៀបបានដូចជាសមាជិកគ្រូសារមួយផងដែរសម្រាប់អ្នកដែលជ្រើសចិញ្ចឹមសត្វទាំងអស់នោះ។ សត្វឆ្កែ សត្វឆ្មា ទន្សាយ ជាសត្វមួយដ៏ពេញនិយមសម្រាប់មនុស្សទូទៅក្នុងការទិញយកទៅចិញ្ចឹម ដោយហេតុថាវាជាសត្វដែលមានភាពវ័យឆ្លាត និងគួរឲ្យស្រលាញ់។

ជាក់ស្ដែង Victoria Song ដែលយើងភាគច្រើនស្គាល់ថាជាសមាជិកក្រុមចម្រៀងកូរ៉េ F(x) និងជាតារាស្រីចិនដែលកំពុងមានកេរ្ដិ៍ឈ្មោះបោះសម្លេង នាងក៏មានសត្វចិញ្ចឹមផ្ទាល់ខ្លួនផងដែរ។ អ្វីដែលគួរឲ្យចាប់អារម្មណ៍នោះ សត្វដែលនាងចិញ្ចឹមមិនមែនជា សត្វឆ្កែ រឺក៏ជាសត្វឆ្មា ប៉ុន្ដែគឺជាកូនជ្រូកដ៏គួរឲ្យស្រលាញ់មួយក្បាលទៅវិញ។ នាងបានទទួលចិញ្ចឹមកូនជ្រូកមួយនេះ ចាប់តាំងពីខែ កុម្ភះ ឆ្នាំ​២០១៩ មកម្ល៉េះ ដែលវាត្រូវបានតារាស្រីរូបនេះ ដាក់ឈ្មោះឲ្យថា Show Lo។

ដោយឡែក តារាស្រីវ័យ ៣២ ឆ្នាំ រូបនេះហាក់ដូចជាស្រលាញ់ និងយកចិត្តទុកដាក់មើលថែកូនជ្រូកមួយនេះបានយ៉ាងល្អ ដែលជាហេតុធ្វើឲ្យសត្វនេះរីកធំធាត់យ៉ាងលឿន ហើយមើលទៅកាន់តែគួរឲ្យស្រលាញ់ខ្លាំងថែមទៀតផង៕

តោះទៅមើលរូបភាពបន្ដិចមើល៖

 

 

ប្រភព៖ DramaPanda

អត្ថបទដោយ៖ ស្រីពេជ្រ