ជិតបានមើលហើយ! ពីរថ្ងៃទៀត “រឿងនិស្ស័យស្នេហ៍ទេវតាបីជាតិវគ្គ ២” នឹងចាក់បញ្ចាំងជាផ្លូវការហើយ (មានវីដេអូ)

វាពិតជាដំណឹងល្អសម្រាប់ប្រិយមិត្តដែលនិយមគាំទ្ររឿងភាគចិន និងជាពិសេសសម្រាប់អ្នកដែលគាំទ្ររឿងភាគមួយនេះតាំងពីឆ្នាំ ២០១៧ មក។ មុននេះបន្ដិច គេហទំព័រផ្លូវការរបស់ក្រុមហ៊ុន Tencent ដែលជាក្រុមហ៊ុនផលិតរឿងភាគ “រឿងនិស្ស័យស្នេហ៍ទេវតាបីជាតិវគ្គ ២” រឺ “Eternal Love of Dream” បានចែករំលែកនូវវីដេអូ Trailer ថ្មីរបស់រឿងភាគមួយនេះ និងបានបញ្ជាក់ថា រឿងភាគមួយនេះនឹងត្រៀមចាក់បញ្ចាំងជាផ្លូវការនៅថ្ងៃទី ២២ ខែ មករា ឆ្នាំ ២០២០ ខាងមុខនេះហើយ ដែលសម្រាប់ជាការអបអរដ៏ពិធីបុណ្យចូលឆ្នាំប្រពៃណីចិន។

គួររំលឹកផងដែរថា រឿងភាគនេះមានការចូលរួមសម្ដែងដោយតារាប្រុស Gao Wei Gaung និងតារាសម្ដែងស្រី Dilraba រួមជាមួយតួសម្ដែងល្បីៗ ជាច្រើនទៀតផងដែរ។ សម្រាប់ការមើលរឿងពេញ ប្រិយមិត្តអាចមើលតាមរយៈ App WeTv និង Channel យូធូបផ្លូវការរបស់ Tencent៕