ក្ដុកក្ដួលណាស់! ថ្ងៃកំណើតឆ្នាំនេះរបស់ ខេមរៈ ស្រីពៅ ហ្វេនធ្វើឲ្យទាំងរូបកាយមិននៅលើលោក!(មានរូបភាព)
ដូចប្រិយមិត្តបានជ្រាបអញ្ចឹងថា ទោះបីជាពេលនេះរូបកាយរបស់អតីតតារាចម្រៀងស្រីល្បីឈ្មោះកញ្ញា ខេមរៈ ស្រីពៅ រលាយបាត់ពីលោកនេះក៏ពិតមែន តែហ្វេនៗ ជាពិសេសក្រុមគ្រួសាររបស់នាងនៅតែនឹករលឹកសឹងតែគ្រប់ពេលវេលាមិនភ្លេចនោះទេ។
ជាក់ស្ដែងកាលពីថ្ងៃទី៣១ ខែមករា ម្សិលមិញនេះ ត្រូវជាថ្ងៃកំណើតរបស់អតីតតារាចម្រៀងស្រីរូបនេះ ក្នុងមានគ្រប់គ្នាបានឃើញ ហ្វេនរបស់នាងបានរៀបចំនំខួបកំណើតនិងរៀបរាប់សារដ៏ក្ដុកក្ដួលថា៖
«១ឆ្នាំហើយដែលបងពៅចាកចេញទៅ ហើយការចាកចេញលើកនេះមិនមែន ១ថ្ងៃ ១ខែ ១ឆ្នាំ តែការចាកចេញលើកនេះគឺទៅជារាងរហូត ហើយក៏មិនដឹងថាតើថ្ងៃណានិងបានជួបគ្នា ចង់ប្រាប់ថារីករាយថ្ងៃកំណើតបងខេមរៈ ស្រីពៅ ទី៣១ ខែ១ ២០២០សូមឲ្យបងឆាប់មកវិញណាបងពៅគ្រប់គ្នានៅចាំសង្ឃឹមថាបងនិងឆាប់ឆ្ងាយតែកាយតែចិត្តនៅតែនឹកដល់បងរហូតពីរខ្ញុំ ស្រលាញ់ពេញបេះដូង»។
ក្រោយពេលលឺបែបនេះ មហាជនជាច្រើនក៏បាននាំគ្នាបង្ហាញអារម្មណ៍ នឹករលឹកដល់អតីតតារាចម្រៀងស្រីរូបនេះ ហើយក៏សរសើរដល់ទឹកចិត្តហ្វេនរបស់នាង ដែលនៅតែស្រលាញ់ទោះបីជាពេលនេះនាងលែងនៅលើលោកនេះក៏ដោយ៕ តោះ! ទៅទស្សនារូបភាពខាងក្រោមនេះទាំងអស់គ្នា៖
អត្ថបទដោយ៖ស៊ីវលី