ចម្លែកមែន! តួឯកស្រី F4 2001 ឧបត្ថម្ភម៉ាសជួយ Wuhan តែបែរជាត្រូវគេរិះគន់យ៉ាងចាស់ដៃទៅវិញ

ករណីផ្ទុះវីរុសរលាកសួតប្រភេទថ្មី កូរ៉ូណា នៅតែជាប្រធានបទក្ដៅគគុកនៅជុំវិញពិភពលោកនាពេលបច្ចុប្បន្ន ដោយហេតុថាចំនួនអ្នកស្លាប់បានកើនឡើងដល់ទៅជាង ២៥០ នាក់ ខណៈអ្នកឆ្លងកើនដល់ ១ ១០០០ នាក់។

បែបនេះហើយ ទើបតារាសម្ដែងជាច្រើនក្នុងប្រទេសចិននាំគ្នា បរិច្ចាគនូវទឺកប្រាក់ និងសម្ភារៈផ្សេងៗ ដល់តំបន់ Wuhan។ ក្នុងនោះគេក៏សង្កេតឃើញថា តារាស្រី តៃវ៉ាន់មានឈ្មោះល្បី Barbie Hsu ដែលមនុស្សភាគច្រើនស្គាល់ថាជាតួឯកស្រីក្នុងរឿង F4 2001 ក៏បានចូលរួមឧបត្ថមនូវម៉ាស់ចំនួន ១០ ០០០ ដល់ជនរងគ្រោះនៅឯតំបន់ Wuhan។

អ្វីដែលគួរឲ្យភ្ងាក់នោះគឺ តារាស្រីរូបនេះ បែរជាត្រូវមហាជនជាច្រើនរិះគន់ទៅរិញ ពោលគឺនាងត្រូវបានប្រជាជនតៃវ៉ាន់ថាឲ្យចំៗ ថា “នាងគិតពីសុវត្ថិភាពរបស់ប្រជាជនចិន ជាជាងសុវត្ថិភាពរបស់ប្រជាជនតៃវ៉ាន់របស់ខ្លួន”។

ដោយឃើញមហាជនរិះគន់បែបនេះ តារាស្រីរូបតៃវ៉ាន់រូបនេះក៏ចេញមុខបកស្រាយភ្លាមៗ ថា “ពួកយើងសុទ្ធតែរស់នៅក្នុងពិភពលោកតែមួយ បើយើងមិនជួយគ្នាក្នុងគ្រាមានអាសន្ន ពួកយើងមិនសមជាមនុស្សឡើយ។ បើមនុស្សមិនព្រមជួយគ្នា ពិភពលោកនេះនឹងកាន់តែយ៉ាប់យឺនជាមិនខាន”។

គួររំលឹកផងដែរថា តារាស្រីរូបនេះ និងស្វាមីក៏ត្រៀមឧបត្ថម្ភម៉ាស់ជូនដល់មនុស្សដែលរស់នៅឯតៃវ៉ាន់ផងដែរ៕

ប្រភព៖ jaynestars

អត្ថបទដោយ៖ ស្រីពេជ្រ