CDC ប្រកាសរកអ្នកដំណើរជិះយន្តហោះមកពីថៃ ជាមួយអ្នកផ្ទុក COVID-19 ម្នាក់
នាយកដ្ឋានប្រយុទ្ធនឹងជំងឺឆ្លងបានប្រកាសស្វែងរកអ្នកដំណើរមកពីបាងកក ដែលបានជិះយន្តហោះជើងហោះហើរលេខ PG933 មួយចំនួន ព្រោះមានម្នាក់ក្នុងចំណោមអ្នករួមដំណើរបានតេស្តវិជ្ជមាន COVID-19 កាលពីថ្ងៃ ០៩ មីនា ២០២០។
ក្នុងនោះ នាយកដ្ឋានប្រយុទ្ធនឹងជំងឺឆ្លងបានឲ្យដឹងថា ប្រសិនបើអ្នកនៅលើជើងហោះហើរតែមួយខាងលើ ហើយអង្គុយនៅជួរទី ២២ ២៣ ២៥ ២៥ ឬ ២៦ អ្នកត្រូវទាក់ទងទៅក្រសួងសុខាភិបាល ដោយទូរស័ព្ទទៅលេខ ១១៥។
សម្រាប់អ្នកដំណើរផ្សេងទៀត ដែលធ្វើដំណើរតាមជើងហោះហើរលេខ PG933 ត្រូវត្រួតពិនិត្យតាមដានសុខភាពរបស់អ្នករយៈពេល ១៤ ថ្ងៃ ចាប់ពីថ្ងៃដែលជើងហោះហើរចុះចតនៅប្រទេសកម្ពុជា ហើយទាក់ទងក្រសួងសុខាភិបាលតាមលេខ ១១៥ ប្រសិនបើមានរោគសញ្ញាណាមួយ។
អ្នកនាំពាក្យនាយកដ្ឋានប្រយុទ្ធនឹងជំងឺឆ្លងលោក លី សូវ៉ាន់ បានឲ្យដឹងថា អ្នកតេស្តរកឃើញនោះ គឺនេះជាករណីចាស់តែប៉ុណ្ណោះ មិនមែនមានករណីថ្មីទៀតនោះទេ។
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
អត្ថបទផ្ដល់សិទ្ធិដោយ 