ហោរាសាស្រ្ត ប្រចាំថ្ងៃ ពុធ ទី ២៣ ខែ កុម្ភៈ ឆ្នាំ ២០២១ ត្រូវនឹងថ្ងៃទី ១២កើត ខែផល្គុន ឆ្នាំជូត ទោស័ក ពស២៥៦៤
ឆ្នាំជូត
រាសីល្អជាមធ្យម។នៅថ្ងៃនេះការរស់នៅចូរប្រយ័ត្នបញ្ហាបន្តិចបន្តួចក្នុងគ្រួសារឬអ្នករស់នៅក្បែរគ្នាបង្កើតជាជម្លោះវិវាទណាមួយឡើង។ការប្រកបកិច្ចការងារឃើញថាពុំមានការជឿនលឿនប៉ុន្មានទេ ហើយអ្នកកើតឆ្នាំកណ្តុរមួយចំនួនថែមទាំងរងគ្រោះដោយសារអ្នកដទៃថែមទៀត ។សម្រាប់អ្នកប្រកបរបររកស៊ីជួញដូរវិញជួបផលលំបាកក្នុងការរកប្រាក់ចំណូលណាស់ដែរ ហើយការជួញជិតឆ្ងាយទៀតសោតជួបតែភាពរកាំរកូសនិងភាពសៅហ្មង។ការធ្វើដំណើរទីជិតឆ្ងាយចូរប្រយ័ត្នឧប្បត្តិហេតុយាយី។ រីឯបញ្ហាស្នេហាប្រុសស្រីបើចង់ធ្វើការជ្រើសរើសគូស្រករពុំសូវល្អទេព្រោះច្រើនជួបគូកម្មច្រើនជាងគូព្រេង៕
ឆ្នាំឆ្លូវ
រាសីស្រុតចុះ។លោកអ្នកកើតឆ្នាំគោនៅសប្តាហ៍ក្រោយដួងរាសីល្អជាមធ្យម។ក្នុងអំឡុងខែកុម្ភៈនេះដោយសារដួងរាសីស្រតុចុះធ្វើឱ្យការរស់នៅជួបស្ថានភាពលំបាកមួយចំនួនយាយី។ដោយឡែកការប្រកបការងារនៅថ្ងៃនេះវិញដោយសារដំណើរជិវិតរបស់លោកអ្នកស្ថិតនៅលើកំណាត់ផ្លូវរដិបរដុបច្រើនពិសេសការប្រកបកិច្ចការងារមិនសូវមានការជឿនលឿនទៅមុខថែមទៀត។សម្រាប់អ្នកប្រកបរបររកស៊ីជួញដូរមិនមានអ្វីប្រែប្រួលប្តូរផ្លាស់គួរកត់សម្គាល់ទេគឺទោះការជួញទីជិតឆ្ងាយតែងហុចផ្លែផ្កាគ្រាន់ចិញ្ចឹមឆ្នាំងបាយដូចសព្វមួយដង។ការធ្វើដំណើរឆ្ងាយជិតមិនសូវមានសុវត្តិភាពទេគប្បីបន្ថែមប្រុងប្រយ័ត្ន។ រីឯសម្ព័ន្ធស្នេហាប្រុសស្រីមានការរកាំចិត្តនិងកើតមានការខ្វាយខ្វល់ផ្លូវចិត្តមិនតិចដែរទេ៕
ឆ្នាំខាល
រាសីខ្ពស់ត្រដែត។នៅថ្ងៃនេះបើទោះបីរាសីខ្ពស់ពិតមែនក្តី ប៉ុន្តែសម្រាប់ស្ត្រីការរស់នៅចូរប្រយ័ត្នចំណីចំណុកនិងបញ្ហារស់នៅបន្តិចដែលនាំឱ្យប៉ះពាល់ដល់សុខភាព។ការប្រកបការងារវិញលោកអ្នកអាចសម្រេចចិត្តបញ្ហាតូចធំឬក៏សម្រេចចិត្តផ្លាស់ប្តូរការងារក៏តែងជួបក្តីសម្រេចខ្ពស់ដែរ។ចំពោះអ្នកប្រកបរបររកស៊ីជួញដូរវិញជួបការលំបាកក្នុងការរកផលចំណូលបន្តិចព្រោះតែមានការប្រជែងគ្នាច្រើន ហើយពិសេសប្រយ័ត្នមានជម្លោះវិវាទព្រោះតែការដណ្តើមអតិថិជនគ្នា។ បញ្ហាសម្ព័ន្ធស្នេហាប្រុសស្រីមានភាពផុយស្រួយជម្លោះវិវាទណាស់ហើយបើចេះអត់ឱនឱ្យគ្នាខ្លះទើបអាចគេចពីរឿងរ៉ាវចម្រូងចម្រាស់ទៅរួច៕
ឆ្នាំថោះ
រាសីស្រុតចុះ។នៅថ្ងៃនេះលោកអ្នកអាចមានទំនាស់កើតឡើង ហេតុនេះបើមានបញ្ហាអ្វីត្រូវចេះសង្កត់ចិត្តទប់អារម្មណ៍ពីព្រោះថានាំជះផលមិនល្អនាពេលក្រោយវិញប៉ុណ្ណោះ។ការប្រកបការងារតែងមានក្រុមមនុស្សចាំជំទាស់ឬប៉ែងជើងដើម្បីផលប្រយោជន៍ទៀតផង។សម្រាប់អ្នកប្រកបរបររកស៊ីជួញដូរទោះជួញទីជិតឆ្ងាយជួបផលលំបាកក្នុងការរកចំណូលណាស់ ហើយទាល់តែខិតខំខ្លាំងទើបអាចរកប្រាក់ចំណេញចិញ្ចឹមឆ្នាំងបាយគ្រាន់រស់ស្រួលខ្លួន។ រីឯសម្ព័ន្ធស្នេហាកំលោះក្រមុំកុំចង់ទុំមុនស្រគាលប្រយ័ត្នកើតរឿងធំគ្មាននរណាអាចជួយកើត៕
ឆ្នាំរោង
រាសីល្អជាមធ្យម។អ្នកកើតឆ្នាំរោងឆ្លងដល់សប្តាហ៍ក្រោយជាខែមីនាដួងរាសីស្រុតចុះ ម្ល៉ោះហើយបើចង់ធ្វើអ្វីមួយតែងមិនដូចក្តីបំណងប៉ុន្មានឡើយ។ ការប្រកបការងារនៅថ្ងៃនេះលោកអ្នកជួបបញ្ហានឿយណាយនិងប្រទាំងប្រទើសច្រើនបន្តិចតែយ៉ាងណាក៏មានការរីកលូតលាស់សន្សឹមៗដូចសព្វមួយដងទេ។អ្នកប្រកបរបររកស៊ីជួញដូរទោះជួញទីជិតឆ្ងាយវិញពុំសូវគាប់ប្រសើរទ្បើយគួរមានការប្រយ័ត្នប្រយែងបន្តិចពីព្រោះមានតែក្រុមមនុស្សចាំផ្តួលរំលំដោយក្តីឈ្នានីស។ រីឯបញ្ហាស្នេហាប្រុសស្រីកុំគប្បីលេងម៉េះម៉ោះច្រើននាំកើតរឿងសៅហ្មងមានតែបញ្ហាប្រទាំងប្រទើសជាមួយគ្នាតែប៉ុណ្ណោះ៕
ឆ្នាំម្សាញ់
រាសីស្រុតចុះ។នៅថ្ងៃនេះលោកអ្នកធ្វើអ្វីក៏ដោយតោងតែមានការប្រយ័ត្នប្រយែងបន្តិចពីព្រោះថាផលអាក្រក់ងាយមកយាយីជាងសព្វមួយដង។នៅថ្ងៃនេះបើលោកអ្នកសង្ឃឹមឬប្រាថ្នាអ្វីមួយតែងមិនឆ្លើយតបដូចសេចក្តីប្រាថ្នាទេពោលគឺមានការខកបំណងច្រើនជាង។អ្នកប្រកបរបររកស៊ីជួញដូរវិញលាភហេងមានការខ្សត់ខ្សោយដូច្នេះមិនគប្បីមានការលោភលន់ចង់ចំណេញច្រើនទ្បើយប្រយ័ត្នបានបាតដៃទទេវិលត្រទ្បប់មកផ្ទះវិញ។ការធ្វើដំណើរឆ្ងាយជិតជួបបញ្ហាប្រទាំងប្រទើសនិងរឿងរាវយាយីច្រើន។ រីឯបញ្ហាសេចក្តីស្នេហាកំលោះក្រមុំ មានភាពសោះកក្រោះដោយសារម្នាក់ៗមិនសូវបានយកចិត្តទុកដាក់ចំពោះគ្នាប៉ុន្មានទេ៕
ឆ្នាំមមី
រាសីខ្ពស់ត្រដែត។ក្នុងថ្ងៃនេះបើលោកអ្នកចង់សម្រេចចិត្តអ្វីមួយតែងទទួលផលប្រយោជន៍មកវិញនៅពេលក្រោយផង។ក្រៅពីនេះបើប្រកបការងារលោកអ្នកទៅកាន់ទីកន្លែងណាក៏ដោយមានតែក្រុមមនុស្សស្វាគមន៍រាក់ទាក់និងអាណិតស្រឡាញ់ជានិច្ច។សម្រាប់អ្នកប្រកបរបររកស៊ីជួញដូរមិនថាទីជិតឆ្ងាយតែងហុចផ្លែផ្កានិងប្រមូលផលចំណេញវិលត្រឡប់ចូលផ្ទះវិញគួរជាទីកក់ក្តៅ។ទោះបីយ៉ាងណាការធ្វើដំណើរចូរប្រយ័ត្នបញ្ហាមិនល្អរត់ចូលនាំពិបាកទប់ទល់។ រីឯបញ្ហាសម្ព័ន្ធស្នេហាកំលោះក្រមុំមានភាពផ្អែមល្ហែមនិងស្រស់ស្រាយប្រពៃ៕
ឆ្នាំមមែ
រាសីល្អជាមធ្យម។អ្នកកើតឆ្នាំពពែនាថ្ងៃនេះដំណើរជីវិតរបស់លោកអ្នកមុជមិនជ្រៅទៅមិនឆ្ងាយប៉ុន្មានទេ ហេតុនេះត្រូវរក្សាភាពនឹងធឹងបន្តិចទើបប្រសើរ។នៅថ្ងៃនេះដែរអ្នកប្រកបការងាររាជការឬក្រុមហ៊ុនឯកជនក្តីពុំផ្តល់ជោគលាភល្អទេដូច្នេះទោះធ្វើអ្វីក៏មិនអាចធ្វេសប្រហែសឬធ្វើដោយក្តីក្តៅក្រហាយបានឡើយបើពុំនោះទេនឹងជួបផលអាក្រក់ណាមួយមកវិញ។អ្នកប្រកបរបររកស៊ីជួញដូរទោះការជួញទីជិតឆ្ងាយតែងមានផលកម្រៃហូរចូលមួយៗអញ្ជឹងដែរហើយកំពុងមានភាពសុខដុមប្រពៃ ។ រីឯបញ្ហាស្នេហាកំលោះក្រមុំឬពោះម៉ាយមេម៉ាយក្តីមានភាពស្រុះស្រួលនិងផ្អែមល្ហែមប្រពៃណាស់៕
ឆ្នាំវក
រាសីស្រុតចុះ។នៅថ្ងៃនេះដំណើរជីវិតមិនសូវល្អទេ ម្ល៉ោះហើយទោះធ្វើអ្វីតោងតែប្រយ័ត្នប្រយែងក្រែងជួបរឿងរាវអាក្រក់ណាមួយនាំពិបាកក្នុងដំណើរជីវិតទៅថ្ងៃក្រោយ។ការប្រកបការងារបើទោះបីធ្វើអ្វីក៏ដោយលោកអ្នកតោងតែចេះគិតឱ្យបានគ្រប់ជ្រុងជ្រោយទើបគ្មានពាក្យថាត្រូវមកដេកសោកការនៅពេលក្រោយ។នៅថ្ងៃនេះដែរដោយសារដួងរាសីស្រុតចុះដូចនេះចំពោះអ្នកប្រកបរបររកស៊ីជួញដូរមុខជំនួញឆ្ងាយជិតមានការប្រែប្រួលពីល្អមកអាក្រក់ច្រើនដូច្នេះគួរមានការប្រយ័ត្នប្រយែងឱ្យបានខ្លាំងក្លា។ រីឯបញ្ហាសេចក្តីស្នេហាកំលោះក្រមុំកុំចង់លលេងនឹងល្បែងកាមគុណប្រយ័ត្នកើតជារឿងធំគ្មាននរណាជួយកើត៕
ឆ្នាំរកា
រាសីខ្ពស់ត្រដែត។នៅថ្ងៃនេះបើលោកអ្នកធ្វើអ្វីឃើញថាជឿនលឿនទៅមុខនិងហុចផលមកវិញគ្រាន់ជាទីកក់ក្តៅផ្លូវចិត្ត។ការប្រកបការងារមានការលូតលាស់គួរសម ហើយបើចង់ទំនាក់ទំនងមនុស្សទាំងឋានៈតូចធំតែងគេអាណិតជួយផងដែរ។ចំណែកអ្នកប្រកបរបររកស៊ីជួញដូរវិញការជួញទីជិតឆ្ងាយពុំទាស់ខុសអ្វីទ្បើយពិសេសការចង់បើកហាងថ្មីឬផ្លាស់ប្តូរមុខរបរតែងហុចផលល្អៗមកវិញដូចសមប្រកបជានិច្ច។ការធ្វើដំណើរឆ្ងាយជិតជួបភាពសុខដុមទាំងពេលទៅនិងត្រឡប់មកវិញ។ រីឯបញ្ហាសម្ព័ន្ធស្នេហាកំលោះក្រមុំឬពោះម៉ាយមេម៉ាយក្តីមានភាពផ្អែមល្ហែមចាក់ទឹកមិនលិចប៉ុន្មានទេ៕
ឆ្នាំច
រាសីខ្ពស់ត្រដែត។អ្នកកើតឆ្នាំចការរស់នៅបើចង់ពឹងពាក់ឬចង់បង្កើតអ្វីមួយដែលថ្មីសម្រាប់ជីវិតក៏ប្រសើរដែរ។ក្នុងថ្ងៃនេះដែរដំណើរជីវិតឃើញថាល្អប្រសើរគួរសម ម្ល៉ោះហើយបើលោកអ្នកមានការប្រឹងប្រែងការងារនិងអត់ធ្មត់ក៏មានការទទួលជោគជ័យមួយកម្រិតផងដែរ។ចំណែកអ្នកប្រកបរបររកស៊ីជួញដូរបើចង់ទិញទំនិញឬចង់បញ្ចេញទំនិញអ្វីមួយគួររួសរាន់ទាន់មានឱកាសបើពុំនោះទេនឹងជួបបញ្ហាប្រឈមមុខការលក់មិនចេញទៀតហើយ។ រីឯបញ្ហាស្នេហាកំលោះក្រមុំឬពោះម៉ាយមេម៉ាយក្តីបើមិនទាន់មានគូគាប់ពេលនេះជាឱកាសល្អក្នុងការស្វែងរកហើយ៕
ឆ្នាំកុរ
រាសីខ្ពស់ត្រដែត។នៅថ្ងៃនេះ ដំណើរជីវិតរបស់លោកអ្នកលូតលាស់ទៅមុខគួរសម ទេហេតុនេះទោះធ្វើអ្វីឃើញថាជឿនលឿនទៅមុខនិងហុចផ្លែផ្កាមកវិញជានិច្ច។ក្រៅពីនេះក៏ផ្តល់ផលល្អសម្រាប់លោកអ្នកសម្រុកការងារពីព្រោះថាការធ្វើច្រើនប៉ុនណាផលក៏តែងឆ្លើយតបមកវិញច្រើនប៉ុននោះដែរ ។អ្នកប្រកបរបររកស៊ីជួញដូរមានការទិញចូលលក់ចេញគ្រាន់រស់រវើកគួរសមហើយបើចង់រកស៊ីចូលហ៊ុនជាមួយអ្នកដទៃក៏មានភាពល្អប្រសើរដែរតែត្រូវចេះត្រួតពិនិត្យសមាសភាពឱ្យបានត្រឹមត្រូវប្រយ័ត្នត្រូវចាញ់បោកគេ។ សម្ព័ន្ធ ស្នេហាកំលោះក្រមុំឬពោះម៉ាយមេម៉ាយក្តីកំពុងមានភាពស្រស់ស្រាយនិងផ្អែមល្ហែមប្រពៃណាស់៕