ហោរាសាស្រ្ត ប្រចាំថ្ងៃ ពុធ ទី ៣ ខែ មីនា ឆ្នាំ ២០២១ ត្រូវនឹងថ្ងៃទី ៥រោច ខែផល្គុន ឆ្នាំជូត ទោស័ក ពស២៥៦៤
ឆ្នាំជូត
រាសីល្អជាមធ្យម។លោកអ្នកកើតឆ្នាំកណ្តុរក្នុងសប្តាហ៍នេះ ថ្ងៃមិនល្អមានច្រើនជាងថ្ងៃល្អ ម្ល៉ោះហើយក្នុងការដំណើរជីវិតគប្បីប្រយ័ត្នប្រយែងបញ្ហាជម្លោះវិវាទ របៀបរបបកិច្ចការងារនិង បញ្ហាប្រាក់កាសបន្តិច។ដោយឡែកការប្រកបការងារនៅថ្ងៃនេះឃើញថាផុយស្រួយមានជម្លោះវិវាទណាស់ ហេតុនេះត្រូវធ្វើគ ធ្វើថ្លង់ខ្លះទើបគ្មានបញ្ហាជាមួយអ្នកដទៃឡើង។អ្នកប្រកបរបរ រកស៊ីជួញដូរមិនត្រូវឱ្យអតិថិជនជំពាក់ប្រាក់កាសច្រើនឡើយពីព្រោះថាងាយប្រឈមគេមិនសង ឬបើសងក៏មានការយឺតយូរផងដែរ។ សម្ព័ន្ធស្នេហាកំលោះក្រមុំមានភាពផុយស្រួយជម្លោះវិវាទបន្តិច ហេតុនេះត្រូវមានចិត្តទូលាយ និងចេះយល់ចិត្តគ្នាទើបប្រសើរ៕
ឆ្នាំឆ្លូវ
រាសីស្រុតចុះ។នៅថ្ងៃនេះដួងរាសីស្រុតចុះ ម្ល៉ោះហើយធ្វើឱ្យងាយប្រែប្រួលខាងអារម្មណ៍ គំនិត និងពិសេសងាយទទួលរងផលប៉ះពាល់កើតចេញពីការងារ និងបញ្ហាប្រាក់កាស។ក្រៅពីនេះឱ្យប្រយ័ត្នការមានពាក្យសម្តី ជាមួយអ្នកដទៃ ឬ សូម្បីតែក្រុមសាច់ញាតិ សាចសារលោហិត ថែមទៀត។ការប្រកបការងារងាយសាងកំហុស និងពិសេសចៅហ្វាយនាយច្រើនតែកើតការមិនពេញចិត្តដែលធ្វើឱ្យកិច្ចការជួបស្ថានភាពលំបាកច្រើនជាងសព្វមួយដង។ចំពោះមុខជំនួញពុំសូវកាក់កបទេ ហើយពិសេសលាភក៏មិនសម្បូណ៍ឡើយ ដែលធ្វើឱ្យជួបស្ថានភាពបញ្ហាថវិការច្រើន។ សម្ព័ន្ធស្នេហាកំលោះក្រមុំបើមានការជ្រុលជ្រួសពាក្យសម្តីកាលពីមុនមកគប្បីចេះអត់ឱនអព្យាស្រ័យឬវាចារដោយសម្តីផ្អែមល្ហែមទៅរកគ្នាវិញជាការប្រពៃបំផុត៕
ឆ្នាំខាល
រាសីខ្ពស់ត្រដែត។នាសប្តាហ៍នេះលោកអ្នកកើតឆ្នាំខ្លាមានការល្អប្រសើរ បន្តិចដោយសារថ្ងៃដួងរាសីខ្ពស់នោះមានច្រើនជាងថ្ងៃរាសីស្រុតចុះ។ដូចជាថ្ងៃនេះបើមានជោគមានជ័យ និងបើចង់ដោះស្រាយរឿងអ្វីតែងមានភាពភ្លឺថ្លាជានិច្ច។ការប្រកបការងារពុំមានអ្វីប្រែប្រួលប្តូរផ្លាស់ច្រើនទេ គឺអ្វីៗដូចសព្វមួយដង។ការធ្វើជំនួញមិនត្រូវយកចិត្តឆេវឆាវ ឬ ឆាប់ជឿសម្តីក្រុមមនុស្សឡើយបើពុំនោះទេលាភដែលបម្រុងហូរចូល វានឹងហូរចេញទៅវិញដោយពុំដឹងខ្លួនជាក់ជាពុំខាន។ សម្ព័ន្ធស្នេហាកំលោះក្រមុំពេលនេះមានភាពស្រស់ស្រាយ និង ផ្អែមល្ហែមគួរសម ហើយបើមានរឿងរាវទំនាស់ក៏ជាពេលវេលាល្អក្នុងការដោះស្រាយគ្នាដែរ៕
ឆ្នាំថោះ
រាសីខ្ពស់ត្រដែត។នៅថ្ងៃនេះបើមានបញ្ហាក្នុងរង្វង់គ្រួសារ ឬ សូម្បីតែសាច់ញាតិក្តី ជាឱកាសល្អក្នុងការផ្សះផ្សាឬដោះស្រាយបានហើយ។ រីឯ ការប្រកបការងារវិញលោកអ្នកមិនអាចធ្វើអ្វីដោយការមិនប្រយ័ត្នប្រយែងបាននោះឡើយ បើពុំនោះផលលំបាកងាយធ្លាក់មកឱ្យរែកពន់ណាស់។សម្រាប់អ្នកប្រកបរបរ រកស៊ីជួញដូរវិញមានការចម្រើនលូតលាស់ទៅមុខ ដូច្នេះជាឱកាសល្អក្នុងការផ្លាស់ប្តូរមុខរបរឬបើកធ្វើជំនួញតូចធំពីព្រោះថាផលល្អៗនៅកំពុងរង់ចាំផងដែរ។ សម្ព័ន្ធស្នេហាកំលោះក្រមុំឬពោះម៉ាយមេម៉ាយក្តីមានការយកចិត្តទុកដាក់និងផ្អែមល្ហែមល្អចំពោះគ្នាគ្រាន់បើ៕
ឆ្នាំរោង
រាសីស្រុតចុះ។នៅថ្ងៃនេះការរស់នៅលោកអ្នកធ្វើអ្វីក៏ដោយមិនអាចបង្ខំ ឬយកភាពមានះដាក់ខ្លួនបានឡើយពីព្រោះថាផលអាក្រក់តែងកើតមានច្រើនជាងសព្វមួយដង។ក្រៅពីនេះគប្បីប្រយ័ត្នប្រយែងបញ្ហាសុខភាព និង ការត្រូវបាត់បង់ប្រាក់កាសដោយប្រការណាមួយ។ការប្រកបការងារផុយស្រួយកើតជម្លោះវិវាទណាស់ដែរគប្បីប្រយ័ត្នប្រយែង។សម្រាប់ថ្ងៃនេះដែរដោយសារដួងរាសីដាំក្បាលចុះ ដូចនេះការប្រកបរបរ រកស៊ីជួញដូរមានការថយចុះច្រើនបន្តិច ហើយបើមានបើករបរថ្មីផងតែងមិនសូវសមដូចបំណងប៉ុន្មានទេ។ រីឯសម្ព័ន្ធស្នេហាកំលោះក្រមុំមានការប្រែប្រួលប្តូរផ្លាស់ព្រោះជួនត្រូវរ៉ូវគ្នាជួនទាស់ទែងគ្នា៕
ឆ្នាំម្សាញ់
រាសីស្រុតចុះ។ក្នុងថ្ងៃនេះដោយសារដំណើរជីវិតមិនល្អប្រសើរ ដូចនេះចូរប្រយ័ត្នការទទួលរងឈឺខ្លួនប្រាណដោយប្រការណាមួយកើតឡើង។ក្រៅពីនេះលោកអ្នកឱ្យប្រយ័ត្នការបាត់បង់ប្រាក់កាសនិងការចាញ់ល្បិចកលគេដោយប្រការណាមួយ។ការប្រកបការងារមិនសូវលូតលាស់ទៅមុខទេ ហើយបើថយក្រោយវិញសឹងត្រូវគេដកតួនាទីថែមទៀត។ក្នុងថ្ងៃនេះដែរចំពោះលោកអ្នកដែលចង់ពង្រីកមុខរបររកស៊ីជួញដូរពុំសូវទទួលផលប្រយោជន៍អ្វីឡើយគឺបានត្រឹមមួយបង់កម្លាំងច្រើនជាង។ រីឯបញ្ហាស្នេហាកំលោះក្រមុំឬពោះម៉ាយមេម៉ាយក្តីកើតមានការរកាំរកូសព្រោះតែភាពប្រចែប្រច័ណ្ឌកំពុងលុកលុយ៕
ឆ្នាំមមី
រាសីខ្ពស់ត្រដែត។សប្តាហ៍នេះ លោកអ្នក អាចជ្រើសរើសថ្ងៃល្អសម្រាប់ ការទិញផ្ទះសម្បែង លេងហ៊ុន ធ្វើកិច្ចសន្យា ឬចរចាក្ន្ងុងរឿងអ្វីមួយផង។បើលោកអ្នកចង់ដំណើរការកិច្ចការងារអ្វីតែងចម្រើនលូតលាស់និងទទួលផ្លែផ្កាមកវិញជានិច្ច។អ្នកប្រកបរបររកស៊ីជួញដូរក្នុងថ្ងៃនេះវិញមានការចម្រើនលូតលាស់ទៅមុខដូច្នេះជាឱកាសល្អក្នុងការផ្លាស់ប្តូរមុខរបរ ឬ បើកធ្វើជំនួញតូចធំបំផុត។ការធ្វើដំណើរឆ្ងាយជិតជួបភាពសុខដុមដូចសព្វមួយដង។ រីឯបញ្ហាសេចក្តីស្នេហាកំលោះក្រមុំមានការលូតលាស់និងផ្អែមល្ហែមប្រពៃ៕
ឆ្នាំមមែ
រាសីស្រុតចុះ។នៅថ្ងៃនេះអារម្មណ៍ លោកអ្នក ងាយតប់ប្រម៉ល់ និង ពេលខ្លះឥតការអ្វីនាំបញ្ហាដាក់ខ្លួនក៏មានផងដែរ។ការប្រកបការងារវិញងាយរាំងស្ទះ និង ពិសេសចូរប្រយ័ត្នចៅហ្វាយនាយស្តីបន្ទោសដោយប្រការណាមួយព្រោះតែភាពធ្វេសប្រហែស ឬ ការខ្ជីខ្ជាដោយប្រការណាមួយ។សម្រាប់ថ្ងៃនេះវិញអ្នកប្រកបរបររកស៊ីជួញដូរការរកផលចំណូលមានការជឿនលឿនទៅមុខសន្សឹមៗហើយបើចង់បោះទុនទៅលើអ្វីមួយក៏ជាឱកាសល្អប្រពៃ។ បញ្ហាគូគ្រងប្តីប្រពន្ធឬគូស្នេហ៍ប្រុសស្រីមានការចង់ចាញ់ឈ្នះនិងងាយមានជម្លោះវិវាទណាស់គួរមានការប្រយ័ត្នប្រយែងពាក្យសម្តីបន្តិចទើបប្រសើរ៕
ឆ្នាំវក
រាសីល្អជាមធ្យម។នៅថ្ងៃនេះដំណើរជីវិតរបស់លោកអ្នកមិនសូវល្អប្រសើរប៉ុន្មា
នទេដូចនេះធ្វើអ្វីក៏ដោយតោងតែប្រយ័ត្នប្រយែងបើពុំនោះផលលំបាកនឹងរត់ចូលទៀតហើយ។ការប្រកបការងារ ចូរប្រយ័ត្នក្រុមមនុស្សបំពានដោយប្រការណាមួយ។កប្រកបរបររកស៊ីជួញដូរមានការទិញចូលលក់ចេញគ្រាន់បើតែយ៉ាងណាលោកអ្នកទាល់តែខិតខំខ្លាំងទើបទទួលជោគជ័យជំនួញធំៗទៅរួច។ការធ្វើដំណើរទីជិតឆ្ងាយជួបរឿងសៅហ្មងពិសេសឱ្យប្រយ័ត្នក្រុមមនុស្សព្យាបាទយាយីតែម្តង ។ រីឯបញ្ហាស្នេហាប្រុសស្រីបើស្គាល់ចិត្តស្គាល់ថ្លើមគ្នាយូរហើយជាឱកាសល្អក្នុងការចូលនិយាយដល់ចាស់ទុំបំផុត៕
ឆ្នាំរកា
រាសីស្រុតចុះ។នៅថ្ងៃនេះដោយសារដួងរាសីស្រុតចុះខ្លាំងបន្តិច ម្ល៉ោះហើយបញ្ហាតូចធំងាយរត់ចូល ហើយពេលខ្លះមិនអាចចៀសផុតនឹងរឿងរាវថែមទៀត។ការប្រកបការងារដោយសារយីអ៊ុនធ្លាក់ស្រុតចុះហេតុនេះយកល្អបំផុតលោកអ្នកត្រូវរក្សាភាពស្ងៀមស្ងាត់។អ្នកប្រកបរបររកស៊ីជួញដូរការធ្វើជំនួញទីជិតឆ្ងាយមិនសូវផ្តល់ផលល្អប៉ុន្មានទេ ព្រោះតែការរកផលចំណូលតានតឹង ហើយការចំណាយវិញនោះមានគ្រប់សារពើដែលសឹងរកទប់ទល់ពុំចង់ឈ្នះ។ការធ្វើដំណើរឆ្ងាយជិតចូរប្រយ័ត្នក្រុមមនុស្សបង្កបញ្ហាណាមួយនាំត្រូវពិបាកទប់ទល់។ រីឯបញ្ហាសេចក្តីស្នេហាកំលោះក្រមុំមានដំណើរថយក្រោយមិនសូវមានការលូតលាស់ទៅមុខប៉ុន្មានទេ៕
ឆ្នាំច
រាសីខ្ពស់ត្រដែត។ការរស់នៅនាថ្ងៃនេះឃើញថា លោកអ្នក ជួបភាពសុខដុម ហើយបើចង់កសាងមិត្តឬលុបបំបាត់រឿងរាវពីមុនមកជាមួយអ្នកដទៃក៏ជាការល្អប្រពៃបំផុត។ក្នុងថ្ងៃនេះដំណើរជីវិតរបស់លោកអ្នកល្អប្រសើរ ដូចនេះការប្រកបការងារងាយទទួលផល និងទទួលជោគជ័យឆ្លើយតបមកវិញ។អ្នកប្រកបរបររកស៊ីជួញដូរក្នុងថ្ងៃនេះផ្តល់ផលល្អចំពោះការចរចាការបណ្តាក់ទុនឬការចង់បញ្ចេញប្រាក់កាសក្នុងការធ្វើអ្វីមួយព្រោះមិនត្រឹមសមដូចប្រកបទេតែនៅឆាប់រីកដុះដាលឈានទៅមុខ។ រីឯបញ្ហាសេចក្តីស្នេហាកំលោក្រមុំមានការរីកលូតលាស់និងផ្អែមល្ហែមប្រពៃ៕
ឆ្នាំកុរ
រាសីល្អជាមធ្យម។ការរស់នៅថ្ងៃនេះលោកអ្នកចូរប្រយ័ត្នកូនចៅនិងចាស់ទុំកើតរោគជំងឺដោយប្រការណាមួយ។ការប្រកបការងារ វិញពុំមានចោទអ្វីជាបញ្ហាធំដុំទេគឺរាល់ធ្វើអ្វីតែងឆ្លើយតបភោគផលជាសន្សឹមៗគ្រាន់កក់ក្តៅជានិច្ច។ ចំណែកលោកអ្នកដែលប្រកបរបររកស៊ីជួញដូរស្ថិតនៅលើកំណាត់ផ្លូវរដិបរដុបបន្តិច ហើយទាល់តែខិតខំខ្លាំងទើបអាចរកផលចំណូលគ្រាន់ចិញ្ចឹមគ្រួសាររស់ស្រួលខ្លួន។ រីឯបញ្ហាស្នេហាប្រុសស្រីក្នុងថ្ងៃនេះកុំគប្បីយកភាពមោហៈទោសៈដាក់ខ្លួនព្រោះងាយកើតជម្លោះវិវាទឈានដល់ការបែកបាក់ណាស់ដែរ៕