ហោរាសាស្រ្ត ប្រចាំថ្ងៃ សៅរ៍ ទី ៦ ខែ មីនា ឆ្នាំ ២០២១ ត្រូវនឹងថ្ងៃទី ៨រោច ខែផល្គុន ឆ្នាំជូត ទោស័ក ពស២៥៦៤
ឆ្នាំជូត
រាសីខ្ពស់ត្រដែត។នៅថ្ងៃនេះបញ្ហាឧបទ្រពចង្រៃចៀសឆ្ងាយ ហើយបញ្ហាល្អៗបានហូរចូលវិញ ហេតុនេះធ្វើឱ្យ លោកអ្នក សប្បាយចិត្ត សប្បាយកាយគ្រាន់ជាទី កក់ក្តៅ ផ្លូវចិត្ត។បើលោកអ្នកកាន់កិច្ចការអ្វីគួរចាប់ផ្តើមឱ្យបានខ្លាំងក្លា ហើយត្រូវចងចាំថា ធ្វើតិចបានតិច ធ្វើច្រើនទទួលបានផលច្រើន ជានិច្ច។អ្នកប្រកបរបររកស៊ីជួញដូរមានការទិញចូលលក់ចេញគ្រាន់បើតែយ៉ាងណាលោកអ្នកទាល់តែខិតខំខ្លាំងទើបទទួលជោគជ័យជំនួញធំៗទៅរួច។ រីឯបញ្ហាសម្ព័ន្ធស្នេហាកំលោះក្រមុំបើលោកអ្នកចង់ចងសម្ព័ន្ធជាមួយនរណាម្នាក់ពេលនេះជាឱកាសល្អប្រពៃបំផុត៕
ឆ្នាំឆ្លូវ
រាសីខ្ពស់ត្រដែត។នៅថ្ងៃនេះលោកអ្នកអាចទទួលដំណឹងល្អអ្វីមួយឱ្យសប្បាយចិត្ត ហើយអាចទទួលជោគលាភ អ្វីមួយចូលបន្ថែមទៀត។ក្រៅពីនេះបញ្ហាប្រាក់កាស ឬ ការបំពេញការងារលោកអ្នកនៅអាចធ្វើឱ្យចៅហ្វាយនាយឬអ្នករួមការងារមានការពេញចិត្តពេញថ្លើមទៀតផង។ចំពោះអ្នកប្រកបរបររកស៊ីជួញដូរ ប្រាក់កាសដែលធ្លាប់តែបោលហួសឬហោះរំលងពេលនេះអាចឈោងចាប់បានខ្លះៗវិញហើយ។ រីឯបញ្ហាកំលោះក្រមុំលោកអ្នកអាចមានគេចូលមកពាក់ព័ន្ធច្រើនតែយ៉ាងណាចំពោះបុរសកុំឃើញភ្លាមស្រឡាញ់ភ្លែតប្រយ័ត្នត្រូវរែកពន់ផលលំបាកនាគ្រាក្រោយ៕
ឆ្នាំខាល
រាសីស្រុតចុះ។នៅថ្ងៃនេះបើលោកអ្នកចង់ពឹងពាក់ ឬខ្ចីអ្វីមួយពីអ្នកដទៃតែងមិនបានដូចសមប្រកបប៉ុន្មានឡើយ។ចំពោះស្ត្រីក្នុងអំឡុងពេលនេះឱ្យប្រយ័ត្នប្រយែងរឿងសុខភាពបន្តិចពីព្រោះងាយកើតឡើងជាងសព្វមួយដង។ចំពោះបញ្ហាដែលត្រូវប្រុងប្រយ័ត្នមួយបន្ថែមទៀតគឺការទទួលរងគ្រោះរបួសរាងកាយនិងបញ្ហា ប្រាក់កាសក៏តែងជួបបញ្ហាដែរ។ដោយឡែកការប្រកបការងារមិនសូវទៅមុខទេ និងពិសេសក្រុមមនុស្សតាមឈ្នានីសចាំតែជាន់ពន្លិចបន្ថែមទៀត។ចំពោះអ្នកប្រកបរបររកស៊ីជួញដូរលោកអ្នកត្រូវចេះចាយវាយប្រាក់កាសក្បិតក្បៀតខ្លះកុំខ្ជះខ្ជាយដៃធំព្រោះបើមានប្រាក់ទុកក្នុងបង្វេចក្រែងអាចជួយដោះទាល់នូវរាល់គ្រាលំបាកនាថ្ងៃខាងមុខ។ការធ្វើដំណើរឆ្ងាយជិតជួបភាពសុខដុមទាំងពេលទៅនិងត្រឡប់មកវិញ។ រីឯបញ្ហាសម្ព័ន្ធស្នេហាកំលោះក្រមុំឬពោះម៉ាយមេម៉ាយក្តីចូរប្រយ័ត្នកើតជម្លោះវិវាទព្រោះតែការប្រកែប្រកាន់ច្រើន៕
ឆ្នាំថោះ
រាសីល្អជាមធ្យម។ការរស់នៅដំណើរចេញក្រៅផ្ទះលោកអ្នកប្រយ័ត្នក្រុមមនុស្ស ចាក់រុក ឆ្កឹះឆ្កៀល ពីបញ្ហាអ្វីមួយ ហើយបង្កើតជម្លោះវិវាទជាមួយសត្រូវចាស់ថ្មីហើយគេបែរជាលួចសើចចំអកដាក់មកវិញ។ក្នុងថ្ងៃនេះទោះធ្វើអ្វីមួយក៏ដោយលោកអ្នកគប្បីមានការប្រយ័ត្នប្រយែងបន្តិចហើយត្រូវចងចាំថាទោះលោកអ្នកប្រកបកិច្ចការអ្វីផ្លែផ្កាក៏ពុំឆ្លើយតប ដូចជាទីគាប់ចិត្តនោះឡើយ។ ចំពោះអ្នកប្រកបរបររកស៊ីជួញដូរពេលព្រឹកមានភាពរកាំរកូសច្រើន តែថ្ងៃបន្តិចពេលព្រះអាទិត្យរះពេញអាកាសវេហាឧបទ្រពចង្រៃទាំងពួងនឹងវិនាសជាអហោសិកម្មអស់។ រីឯសម្ព័ន្ធស្នេហាប្រុសស្រីមានការប្រែប្រួលប្តូរផ្លាស់ព្រោះជួនត្រូវរ៉ូវគ្នាជួនទាស់ទែងគ្នា៕
ឆ្នាំរោង
រាសីស្រុតចុះ។នៅថ្ងៃនេះទោះធ្វើអ្វីៗលោកអ្នកមិនអាចសម្រុកបានទេ ហើយចូរចងចាំថាសន្សឹមៗកុំបំបោលគង់តែដល់ទិសដៅពុំខាន។ក្រៅពីនេះធ្វើអ្វីមិនត្រូវចង់បានភ្លាមៗឡើយពីព្រោះថាផលលំបាកនាពេលក្រោយមានខ្ពស់គួរសម។ការប្រកបការងារក៏ដូច្នេះលោកអ្នកតោងតែត្រូវចេះរវាសរវៃប្រឹងប្រែងទើបក្តីប្រាថ្នាអ្វីមួយអាចឈោងចាប់បានទៅរួច។អ្នកប្រកបរបររកស៊ីជួញដូរក្នុងថ្ងៃនេះមានភាពរលូនល្អនិងការរកប្រាក់កម្រៃទៀតសោតក៏ហូរចូលខ្លះៗដែរ។ការធ្វើដំណើរឆ្ងាយជិតជួបភាពសុខដុមដូចសព្វមួយដង។ រីឯបញ្ហាស្នេហាប្រុសស្រីជួបរឿងការយល់ខុសនិងភាពប្រចែប្រច័ណ្ឌចូលលុកលុយមិនស្ទើរដែរទេ៕
ឆ្នាំម្សាញ់
រាសីស្រុតចុះ។នៅថ្ងៃនេះបើលោកអ្នកចង់ពឹងពាក់ ឬ ខ្ចីរបស់អ្វីមួយពីអ្នកដទៃឃើញថាតែងមិនឆ្លើយតបដូចគាប់បំណងទេពោលគឺតែងខកបំណងច្រើនជាង ។ការប្រកបការងារមានសភាពយឺតយូរនិងមិនសម្រេចដល់គោលដៅឡើយ។សម្រាប់បើជាអ្នកប្រកបរបររកស៊ីជួញដូរមិនត្រូវបោះទុនអ្វីមួយដោយតក់ក្រហល់ឡើយ ហើយត្រូវចេះពិនិត្យឱ្យបានគ្រប់ជ្រុងជ្រោយប្រយ័ត្នជួបរឿងស៊យបោះទុនទៅហើយសូន្យឈឹងរកតែដើមមកវិញមិនឃើញ។ រីឯបញ្ហាសេចក្តីស្នេហាប្រុសស្រីមានការរកាំរកូសព្រោះជួនត្រូវរ៉ូវជួនទាស់ទែងគ្នា៕
ឆ្នាំមមី
រាសីស្រុតចុះ។នៅថ្ងៃនេះលោកអ្នកធ្វើអ្វីគប្បីមានការប្រយ័ត្នប្រយែងពីព្រោះថាបើសម្រេចចិត្តអ្វីមួយខុសនាំបាត់បង់ប្រាក់កាស និង ពិសេសបង្កឱ្យខូចទាំងចិត្តថែមទៀត។ការប្រកបការងារចៅហ្វាយតែងចាំចាប់ថ្នាំងថ្នាក់ និង ស្តីបន្ទោសជាងសព្វមួយដង។អ្នកប្រកបរបររកស៊ីជួញដូរបញ្ហាការរកប្រាក់កម្រៃដំណើរការទៅមុខយ៉ាប់យ៉ឺនបន្តិចពិតមែន តែក៏មានភាពសុខដុមប្រពៃណាស់ផង។ការធ្វើដំណើរឆ្ងាយជិតមិនសូវមានសុវត្តិភាពទេគប្បីបន្ថែមការប្រុងប្រយ័ត្ន។ រីឯសេចក្តីស្នេហាកំលោះក្រមុំមានការជឿនលឿនទៅមុខតិចតួចឯបើថយក្រោយវិញនោះឆាប់រហ័សណាស់គប្បីមានការប្រយ័ត្នប្រយែង៕
ឆ្នាំមមែ
រាសីល្អជាមធ្យម។នៅថ្ងៃនេះដំណើរជីវិតរបស់លោកអ្នកជួបបញ្ហាមិនល្អយាយីច្រើន ម្ល៉ោះហើយធ្វើឱ្យមិនសូវសុខស្រួលខ្លួនប៉ុន្មានទេ។អ្នកប្រកបការងារកុំរុញរានឹងការងារសំខាន់ឬកិច្ចការធំដុំពីព្រោះថាផលតែងឆ្លើយតបមកវិញនាគ្រាខាងមុខគ្រាន់កក់ក្តៅ ។សម្រាប់អ្នកប្រកបរបររកស៊ីជួញដូរនៅថ្ងៃនេះពុំមានការរីកលូតលាស់ទៅមុខគួរជាទីកត់សម្គាល់ទេហើយក៏មិនមានការថយក្រោយដែរគឺដូចសព្វមួយដង។ រីឯបញ្ហាសម្ព័ន្ធស្នេហាកំលោះក្រមុំជួបរឿងខ្វាយខ្វល់ព្រោះតែម្នាក់ៗប្រកាន់ចិត្តខ្លាំង ម្ល៉ោះហើយការកើតរឿងរាវប្រទាំងប្រទើសងាយផ្ទុះឡើងដែរ៕
ឆ្នាំវក
រាសីល្អជាមធ្យម។នៅថ្ងៃនេះដួងរាសីរបស់លោកអ្នកមានការរីកលូតលាស់សន្សឹមៗទៅមុខតែយ៉ាងណាឱ្យប្រយ័ត្នបញ្ហាជម្លោះ ពីព្រោះងាយកើតមានណាស់។ការប្រកបការងារឱ្យប្រយ័ត្នដូចពាក្យចាស់ថាខឹងខូច ខឹងខាត ខឹងខុស។សម្រាប់អ្នកប្រកបរបររកស៊ីជួញដូរក្នុងថ្ងៃនេះដែរមិនថាការជួញទីជិតឆ្ងាយបើលោកអ្នកជួបបាតុភាពរឿងឈ្លោះវិវាទអ្វីមួយកើតឡើងហើយបើចេះទប់ចិត្តសង្កត់អារម្មណ៍មិនតបតគឺជាការប្រសើរបំផុតដើម្បីរក្សាសេចក្តីសុខផ្ទាល់ខ្លួន។ រីឯសម្ព័ន្ធស្នេហាកំលោះក្រមុំឬពោះម៉ាយមេម៉ាយក្តីលោកអ្នកដាច់ខាតមិនត្រូវឈ្លក់វង្វេងរឿងស្នេហារហូតវង្វេងស្មារតីនាំខាតបង់ការសិក្សាឬកិច្ចការងារប្រចាំថ្ងៃនោះឡើយ ៕
ឆ្នាំរកា
រាសីខ្ពស់ត្រដែត។នៅថ្ងៃនេះបញ្ហាឧបទ្រពចង្រៃចៀសឆ្ងាយ ហើយបញ្ហាល្អៗបានហូរចូល ហេតុនេះធ្វើឱ្យលោកអ្នកសប្បាយចិត្តសប្បាយកាយគ្រាន់គាប់ប្រសើរឡើងវិញ។បើលោកអ្នកកាន់កិច្ចការអ្វីគួរចាប់ផ្តើមឱ្យបានខ្លាំងក្លាហើយត្រូវចងចាំថា ធ្វើច្រើនបានទទួលផលច្រើនជានិច្ច។អ្នកប្រកបរបររកស៊ីជួញដូរមានការទិញចូលលក់ចេញគ្រាន់បើ តែយ៉ាងណាលោកអ្នកទាល់តែខិតខំខ្លាំងទើបទទួលជោគជ័យជំនួញធំៗទៅរួច។ រីឯបញ្ហាសម្ព័ន្ធស្នេហាកំលោះក្រមុំបើលោកអ្នកចង់ចងសម្ព័ន្ធជាមួយនរណាម្នាក់ពេលនេះជាឱកាសល្អប្រពៃបំផុត៕
ឆ្នាំច
រាសីស្រុតចុះ។នៅថ្ងៃនេះបើជួបបញ្ហាមិនល្អណាមួយចេះត្រៀមទប់ទល់ឱ្យបានល្អនិងមិនត្រូវប្រកាន់ចិត្តឆេវឆាវនោះឡើយ។អ្នកប្រកបការងារ រាជការ ឬ ក្រុមហ៊ុន ឯកជនក្តី លោកអ្នក មិនគប្បី ហក់លោតខ្លាំងពេកឡើយព្រោះផ្លែផ្កាទទួលបានមកវិញមិនឆ្លើយតបដូចសេចក្តីប្រាថ្នាទេ និង ស្រួលមិនស្រួលត្រូវចំណាយកម្លាំឥតអំពើថែមទៀត។សម្រាប់អ្នកប្រកបរបររកស៊ីជួញដូរវិញការរកផលចំណូលជួបការលំបាកហើយទាល់តែស្វះស្វែងបន្តិចទើបប្រាក់កាសហូរចូលគ្រាន់បំពេញក្រពះ។ រីឯបញ្ហាស្នេហាប្រុសស្រីមានភាពប្រែប្រួលប្តូរផ្លាស់ព្រោះជួនត្រូវរ៉ូវគ្នាជួនទាស់ទែងគ្នា៕
ឆ្នាំកុរ
រាសីល្អជាមធ្យម។នៅថ្ងៃនេះដំណើរជីវិតរបស់លោកអ្នកមានភាពងាយផុយស្រួយជម្លោះវិវាទណាស់ដូច្នេះបើមានជម្លោះវិវាទណាមួយកើតឡើងដាច់ខាតមិនត្រូវយក កំហឹងទល់កំហល់ បានទេបើមិនដូច្នេះអាចជួបបញ្ហាអាក្រក់ៗកើតឡើងនាំរែកពន់ផលលំបាកនៅពេលក្រោយប៉ុណ្ណោះ។ក្រៅពីនេះចំពោះស្ត្រីចូរប្រយ័ត្នជួបរឿងស៊យជាន់លើស៊យ។ការប្រកបការងារមិនត្រូវបង្កជម្លោះវិវាទជាមួយមនុស្សវ័យចំណាស់ឡើយពីព្រោះថាងាយកើតរឿងរាវអាក្រក់យូរអង្វែងផង។សម្រាប់បើជាអ្នកប្រកបរបររកស៊ីជួញដូរមិនត្រូវបោះទុនអ្វីមួយដោយតក់ក្រហល់ឡើយហើយត្រូវចេះពិនិត្យឱ្យបានគ្រប់ជ្រុងជ្រោយប្រយ័ត្នជួបរឿងស៊យបោះទុនទៅហើយសូន្យឈឹងរកតែដើមមកវិញមិនឃើញ។ រីឯបញ្ហាសេចក្តីស្នេហាប្រុសស្រីមានការរកាំរកូសព្រោះជួនត្រូវរ៉ូវជួនទាស់ទែងគ្នា៕