ហោរាសាស្រ្ត ប្រចាំថ្ងៃ ព្រហស្បតិ៍ ទី ១១ ខែ មីនា ឆ្នាំ ២០២១ ត្រូវនឹងថ្ងៃទី ១៣រោច ខែផល្គុន ឆ្នាំជូត ពស២៥៦៤
ឆ្នាំជូត
រាសីស្រុតចុះ។នៅថ្ងៃនេះបើមានបញ្ហាកើតឡើង ឬ ស្ថិតនៅក្នុងស្ថានការណ៍បែបណាក៏ដោយលោកអ្នកត្រូវរក្សាចិត្តនឹងធឹង និង ចិត្តត្រជាក់គ្រប់រឿងទើបជាការល្អបំផុត។ក្រៅពីនេះការប្រកបការងារមិនត្រូវសម្រេចចិត្តរឿងសំខាន់ ឬ ការងារបង្ខំបន្ទាន់ណាមួយឡើយ យកល្អត្រូវគិតឱ្យបានលម្អិតលម្អន់បន្តិចទើបប្រសើរ។អ្នកប្រកបរបររកស៊ីជួញដូរមានសកម្មភាពគ្រាន់ រស់រវើកបន្តិចវិញ ហើយបើចង់រកស៊ីចូលហ៊ុនជាមួយអ្នកដទៃក៏មានភាពល្អប្រសើរដែរតែត្រូវចេះត្រួតពិនិត្យសមាសភាពឱ្យបានត្រឹមត្រូវប្រយ័ត្នត្រូវចាញ់បោកគេ។ សម្ព័ន្ធស្នេហាកំលោះក្រមុំឬពោះម៉ាយមេម៉ាយក្តីកំពុងមានភាពស្រស់ស្រាយនិងផ្អែមល្ហែមប្រពៃណាស់ដែរ៕
ឆ្នាំឆ្លូវ
រាសីខ្ពស់ត្រដែត។ការរស់នៅថ្ងៃនេះឃើញថាលោកអ្នកមានជោគសិរីគួរសម ហើយមនុស្សដែលប៉ងអាក្រក់ក៏មិនអាចចូលចុះដែរ ផ្ទុយទៅវិញមានតែចាញ់ប្រៀបអ្នកថែមទៀត។ការប្រកបការងារវិញបើមានការពុះពារឃើញថាតែងសម្រេចដល់ចប់ចុងដើម ហើយ ក៏តែងឆ្លើយតបជាលទ្ធផលគ្រាន់ជាទីពេញចិត្តដែរ។អ្នកប្រកប របរជួញដូរបើមានការប្រឹងប្រែងឃើញថាផលកម្រៃអាចហុចមកវិញគ្រាន់ចិញ្ចឹមគ្រួសារអញ្ចឹងដែរ។ សម្ព័ន្ធស្នេហាកំលោះក្រមុំឬសូម្បីតែប្តីប្រពន្ធ ក្តីបើមានជម្លោះវិវាទជាពេលវេលាល្អក្នុងការផ្សះផ្សាឬដោះស្រាយជាមួយគ្នាហើយ៕
ឆ្នាំខាល
រាសីស្រុតចុះ។ក្នុងថ្ងៃនេះបើទោះបីធ្វើអ្វីក៏តែងកើតរឿងតប់ប្រម៉ល់ និង មានរឿងរាវច្រើននាំឱ្យល្អក់កករផ្លូវចិត្តផង។ក្រៅពីនេះការប្រកបការងារក៏តែងមិនសម្រេចដូចបំណងតាមការប៉ងទុកនោះដែរ។អ្នកប្រកបរបររកស៊ីជួញដូរលោកអ្នកតែងកើតមានរឿងរាវរកាំរកូសព្រោះតែមានក្រុមមនុស្សបង្កផលលំបាកច្រើន ដូចនេះបើមិនចេះដោះស្រាយទេពេលខ្លះរឿងរាវតូចសោះអាចប្រែរីកជាធំថែមទៀត។ការធ្វើដំណើរចាកចេញពីផ្ទះសម្បែងចូរប្រយ័ត្នរោគជំងឺបៀតបៀនដោយប្រការណាមួយ ពិសេសបញ្ហាចំណីចំណុកតែម្តង។ រីឯបញ្ហាសម្ព័ន្ធស្នេហាប្រុសស្រីមានការស្មុគស្មាញហើយងាយកើតជម្លោះវិវាទណាស់ដូចនេះលោកអ្នកត្រូវចេះកាត់បន្ថយការប្រកែប្រកាន់ចេញខ្លះទើបប្រសើរ៕
ឆ្នាំថោះ
រាសីស្រុតចុះ។នៅពេលនេះសម្រាប់ស្ត្រីកើតឆ្នាំទន្សាយមិនអាចប្រកាន់ចិត្តឆេវឆាវ ឬប៉ះមាត់យកមាត់បានទេ ត្រូវរក្សាភាពចិត្តត្រជាក់ដោះស្រាយដោយបញ្ញាទើបគ្មានបញ្ហាចោទឡើង។ក្រៅពីនេះមុនធ្វើអ្វីមួយត្រូវចេះគិតគូរឱ្យបានគ្រប់ជ្រុងជ្រោបន្តិចទើបគ្មានបញ្ហាមិនល្អចោទឡើង។ទោះបីយ៉ាងណាការប្រកបការងារលោកអ្នកទាល់តែខិតខំប្រឹងប្រែងបន្តិចទើបផលលំបាករត់ចេញហើយភាពភ្លឺថ្លាដែលជាជ័យជំនះរត់ចូលជំនួសវិញ។សម្រាប់អ្នកប្រកបរបររកស៊ីជួញដូរពេលនេះដោយការរកផលចំណូលតឹងឯចំណាយច្រើនធ្វើឱ្យលោកអ្នកទទួលអម្រែកធ្ងន់ ម្ល៉ោះហើយត្រូវចេះចាយវាយក្បិតក្បៀតបន្តិចដើម្បីចៀសវាងនូវវិបត្តិដល់សេដ្ឋកិច្ចគ្រួសារចោទឡើង។ រីឯសម្ព័ន្ធស្នេហាប្រុសស្រីបើឃើញថាទៅមុខលែងរួចបន្តទៅទៀតហើយនិងលោកអ្នកចង់បញ្ចប់ចំណងស្នេហានេះក៏ជាពេលវេលាល្អប្រពៃណាស់៕
ឆ្នាំរោង
រាសីល្អជាមធ្យម។នាពេលនេះសម្រាប់ស្ត្រីចូរប្រយ័ត្នកើតបញ្ហាជារឿងរាវឈានដល់បង្ករបួសស្នាមដល់រាងកាយទាំងមនុស្សនៅក្បែរខ្លួន ឬសូម្បីតែអ្នកមកពីចម្ងាយក្តី។ក្នុងពេលនេះការប្រកបការងារលោកអ្នកទទួលរងការហត់នឿយច្រើន ហើយការងារទាល់តែខិតខំពុះពារបន្តិចទើបផលល្អៗហុចឱ្យគ្រាន់ជាទីពេញចិត្តទៅរួច។ចំណែកអ្នកប្រកបរបររកស៊ីជួញដូវវិញជួបការលំបាកក្នុងការរកផលកម្រៃណាស់ ឯការជួញទីជិតឆ្ងាយទៀតសោតកើតមានភាពរកាំរកូសច្រើន។ រីឯបញ្ហាសេចក្តីស្នេហាប្រុសស្រីគឺពុំទៀងទាត់ឡើយព្រោះជួនត្រូវចំណាយកម្លាំងកាយចិត្តស្ទើរស្លាប់តែនៅផ្គាប់ចិត្តគេមិនត្រូវថែមទៀត៕
ឆ្នាំម្សាញ់់
រាសីស្រុតចុះ។សម្រាប់ស្ត្រីកើតឆ្នាំម្សាញ់លោកអ្នកនៅតែទទួលរងការនឿយហត់ និងពិសេសអារម្មណ៍នោះក៏ជួបបញ្ហាមួហ្មងច្រើនដែរ។ហេតុនេះត្រូវរក្សាភាពអត់ធ្មត់បន្តិចទើបគ្មានបញ្ហាមិនល្អចូលយាយីកើត។ការប្រកបការងារ បើចង់សម្រេចចិត្តអ្វីមួយឬធ្វើអ្វីមួយមានការប្រយ័ត្នប្រយែងនោះក៏មិនមានរឿងមិនល្អចូលយាយីនាំដំបៅចិត្តដែរ។ សម្រាប់អ្នកប្រកបរបររកស៊ីជួញដូរមុនធ្វើអ្វីមួយត្រូវចេះត្រិះរិះពិចារណាឱ្យបានគ្រប់ជ្រុងជ្រោយ ហើយពុំត្រូវមានគំនិតវៀចវេឡើយ បើពុំនោះទេនាំជួបផលលំបាកដល់អាត្មាខ្លួនឯងដោយសារអតិថិជនលែងមកក្បែរ។ រីឯបញ្ហាសម្ព័ន្ធស្នេហាកំលោះក្រមុំក្នុងពេលនេះជួនត្រូវជួនឈ្លោះធ្វើឱ្យកើតការខ្វាយខ្វល់ឥតសូវស្បើយ៕
ឆ្នាំមមី
រាសីខ្ពស់ត្រដែត។នៅថ្ងៃនេះដំណើរជីវិតល្អប្រសើរបន្តិចវិញ ម្ល៉ោះហើយរាល់ឧបទ្រពចង្រៃដែលប៉ងយាយីក៏បានរលត់រលាយចាកចេញឆ្ងាយ ហើយផលល្អៗបានរត់ចូលមកជំនួសវិញ។ការប្រកបការងារលោកអ្នកអាចប្រកបកិច្ចការធំៗឬរឿងសំខាន់អ្វីមួយពីព្រោះថាផ្លែផ្កាល្អៗនោះឃើញថានឹងឆ្លើយតបច្រើននៅពេលក្រោយផង។ចំពោះអ្នកប្រកបរបររកស៊ីជួញដូរការជួញទីជិតឆ្ងាយលោកអ្នកអាចរកផលកម្រៃគ្រាន់គួរជាទីកក់ក្តៅជាងមុន ហើយពិសេសបើមានអតិថិជនជំពាក់ប្រាក់កាសជាឱកាសល្អក្នុងការទារហើយព្រោះច្រើនតែសម្រេចដូចគាប់បំណងមួយចំនួនមកវិញ។ រីឯបញ្ហាសេចក្តីស្នេហាប្រុសស្រីមានភាពផ្អែមល្ហែមនិងស្រស់ស្រាយប្រពៃ៕
ឆ្នាំមមែ
រាសីខ្ពស់ត្រដែត។ការរស់នៅមានភាពសុខដុម ហើយចង់ទៅកាន់ទីណាមានតែក្រុមមនុស្សជួយយកអាសានិងស្វាគមន៍រាក់ទាក់ផង។ការប្រកបការងារដំណើរជីវិតរបស់លោកអ្នកគាប់ប្រសើរ ម្ល៉ោះហើយបើចង់ធ្វើអ្វីក៏តែងមានការជឿនលឿនទៅមុខ និងក្រុមមនុស្សជួយជ្រោមជ្រែងច្រើនដែរ។ ចំពោះបើជាអ្នកប្រកបរបររកស៊ីជួញដូរវិញការធ្វើជំនួញទីជិតឆ្ងាយលោកអ្នកអាចរកផលកម្រៃមានភាពធូរស្បើយជាងមុនបន្តិចវិញ ហើយមុខរបរទៀតសោតក៏មានភាពសុខដុមល្អ។ រីឯសេចក្តីស្នេហាកំលោះក្រមុំបើមានទំនាស់ពេលនេះជាឱកាសល្អក្នុងការដោះស្រាយជាមួយគ្នាបំផុត៕
ឆ្នាំវក
រាសីល្អជាមធ្យម។ការរស់នៅពិសេសទាំងនៅផ្ទះសម្បែង ឬ ចាកចេញក្រៅផ្ទះចូរប្រយ័ត្នក្រុមមនុស្សបៀតបៀនយាយីដោយប្រការណាមួយ។ នៅថ្ងៃនេះដំណើរជីវិតរបស់លោកអ្នកជួបភាពរកាំរកូសច្រើនបន្តិចតែយ៉ាងណាការបំពេញការងារ បើមានការពុះពារនោះក៏តែងមានការរីកលូតលាស់ជាសន្សឹមៗទៅមុខឥតថយក្រោយនោះឡើយ។សម្រាប់អ្នកប្រកបរបររកស៊ីជួញដូរមិនត្រូវធ្វើអ្វីមួយដោយក្តីតក់ក្រហល់ឡើយប្រយ័ត្នជួបរឿងស៊យដាក់ទុនទៅហើយអស់ប្រាក់កាសពីខ្លួនត្រូវមកដេកសោកស្តាយនៅពេលក្រោយ។
រីឯបញ្ហាស្នេហាប្រុសស្រីមានភាពស្រស់ស្រាយនិងផ្អែមល្ហែមគួរសមតែយ៉ាងណាជម្លោះពាក្យសម្តីនោះក៏ងាយផ្ទុះណាស់ផង៕
ឆ្នាំរកា
រាសីស្រុតចុះ។នៅថ្ងៃនេះលោកអ្នកបើមានបញ្ហាអ្វីក៏ដោយតោងតែចេះគ្រប់គ្រងអារម្មណ៍ខ្លួនឯងឱ្យបានល្អមិនត្រូវឆេវឆាវគ្មានហេតុផល ប្រយ័ត្នខ្លួនឯងត្រូវសោះទីបំផុតក្លាយជាអ្នកមានកំហុសទៅវិញ។ការបំពេញការងារនៅពេលនេះវិញលោកអ្នកគប្បីប្រយ័ត្នចៅហ្វាយនាយបន្តិចព្រោះងាយធ្វើឱ្យលោកអ្នកជួបបញ្ហាលំបាកក្នុងរឿងអ្វីមួយផង។អ្នកប្រកបរបររកស៊ីជួញដូរមុខជំនួញមិនមានអ្វីប្រែប្រួលប្តួរផ្លាស់គួរជាទីកត់សំគាល់ទេគឺដូចសព្វមួយដង។ រីឯសម្ព័ន្ធស្នេហាប្រុសស្រីប្រយ័ត្នកើតជម្លោះវិវាទព្រោះតែការយល់ខុសក្នុងរឿងអ្វីមួយ៕
ឆ្នាំច
រាសីខ្ពស់ត្រដែត។នៅថ្ងៃនេះលោកអ្នកអាចទទួលដំណឹងល្អទាំង មនុស្សនៅក្បែរខ្លួនឬពីចម្ងាយក្តី។ក្រៅពីនេះបើលោកអ្នករង់ចាំដំណឹងល្អអ្វីមួយក៏អាចទទួលជាផ្លែផ្កានៅថ្ងៃនេះផងដែរ។ដំណើរជីវិតគាប់ប្រសើរប្រពៃម្ល៉ោះហើយផ្តល់ផលល្អសម្រាប់លោកអ្នកចាត់ចែងការងារសំខាន់ឬការងារធំដុំពីព្រោះថាផលល្អតែងហុចមកវិញដូចជាទីពេញចិត្តផង។អ្នកប្រកបរបររកស៊ីជួញដូរទោះជួញទីជិតឆ្ងាយការរកផលកម្រៃមានភាពធូរស្បើយជាងមុនដោយអាចរកប្រាក់ចំណូលគ្រាន់ចិញ្ចឹមឆ្នាំងបាយអញ្ចឹងដែរ។ រីឯបញ្ហាសម្ព័ន្ធស្នេហាកំលោះក្រមុំបើលោកអ្នកមិនទាន់មានគូគាប់ហើយចង់ស្វែងរកជាពេលវេលាល្អប្រពៃបំផុតតែយ៉ាងណាស្ត្រីប្រយ័ត្នព្រាននារីក៏មានតាមជាប់ច្រើន៕
ឆ្នាំកុរ
រាសីល្អជាមធ្យម។នៅថ្ងៃនេះ ដំណើរជីវិតរបស់លោកអ្នកបើមានគម្រោងចង់ធ្វើអ្វីមួយឬសម្រេចចិត្ត អ្វីគប្បីប្រយ័ត្នប្រយែងពីព្រោះងាយជួបគ្រោះចាញ់បោកគេណាស់។ការប្រកបការងារពុំមានអ្វីប្រែប្រួលប្តូរផ្លាស់គួរជាទីកត់សម្គាល់ទេគឺដូចសព្វមួយដង។សម្រាប់អ្នកប្រកបរបររកស៊ីជួញដូរលោកអ្នកត្រូវលៃលកគិតគូរបញ្ជីប្រាក់កាសឱ្យបានច្បាស់លាស់ ហើយត្រូវទូទាត់ឱ្យរួចរាល់ប្រយ័ត្នកើតជម្លោះវិវាទដោយប្រការណាមួយ។ការធ្វើដំណើរទីជិតឆ្ងាយចូរប្រយ័ត្នពេលយប់ព្រលប់ព្រោះងាយរងគ្រោះដោយសារក្រុមមនុស្សបៀតបៀនយាយី។ រីឯបញ្ហាសេចក្តីស្នេហាកំលោះក្រមុំមានការលូតលាស់ទៅមុខល្អតែក៏ងាយថយក្រោយណាស់ដែរគួរប្រយ័ត្នប្រយែង៕