ហោរាសាស្រ្ត ប្រចាំថ្ងៃ សៅរ៍ ទី ១៧ ខែ មេសា ឆ្នាំ ២០២១ ត្រូវនឹងថ្ងៃ ៦កើត ខែពិសាខ ឆ្នាំឆ្លូវ ត្រីស័ក ពស២៥៦៥

ឆ្នាំជូត

រាសីស្រុតចុះ។នៅថ្ងៃនេះដំណើរជីវិតរបស់លោកអ្នកធ្លាក់ស្រុតចុះ ម្ល៉ោះហើយរឿងតូចធំងាយរត់ចូល ហើយពិសេសក្រុមមនុស្សបង្កបញ្ហាមកឱ្យក៏ច្រើនដែរ។នៅថ្ងៃនេះបើមានការប្រកបការងារឃើញថាមិនសូវជឿនលឿនទៅមុខទេ ហើយពិសេសតែងកើតរឿងសៅហ្មងចំពោះមុខច្រើនផង។សម្រាប់អ្នកប្រកបរបររកស៊ីជួញដូរមានការជឿនលឿនទៅមុខយ៉ាងឆាប់រហ័ស ហើយរឿងរាវអាក្រក់ទាំងឡាយដែលធ្លាប់មានកាលពីមុនមកក៏ត្រូវបានរលត់រលាយទៅឆ្ងាយតាមកាលវេលាដែរ។ រីឯបញ្ហាសម្ព័ន្ធស្នេហាកំលោះក្រមុំមានការរកាំចិត្តព្រោះតែម្នាក់ៗប្រកាន់ចិត្តខ្លាំង និង មិនសូវចេះចុះចាញ់គ្នាប៉ុន្មានទេ៕

ឆ្នាំឆ្លូវ

រាសីខ្ពស់ត្រដែត។នៅថ្ងៃនេះ លោកអ្នក ទោះទៅកាន់ទីណាតែងមានសញ្ញាភ្លើងខៀវបើករង់ចាំ និង មានជោគជ័យផង។នៅថ្ងៃនេះបើមានការប្រកបការងារតែងពុំមានឧបសគ្គចូលមករារាំងនាំពិបាកនោះឡើយ។បើជាអ្នកប្រកបរបររកស៊ីជួញដូរទោះមានការជួញទីជិតឆ្ងាយតែងអាចប្រមូលផលកម្រៃចូលផ្ទះវិញគ្រាន់កាក់កប និង មានភាពសុខដុមប្រពៃ។ រីឯសម្ព័ន្ធស្នេហាកំលោះក្រមុំបើមានការផ្សំផ្គុំជាគ្រួសារល្អប្រពៃព្រោះថាអាចរួមរស់នៅជាមួយគ្នាសុខដុម៕

ឆ្នាំខាល

រាសីល្អជាមធ្យម។ការរស់នៅជួបនូវបញ្ហាចម្រូងម្រាសខ្លះៗយាយី ប៉ុន្តែយ៉ាងណាក៏ពុំមានអ្វីកើតឡើងធំដុំគួរកត់សម្គាល់ប៉ុន្មានទេ។នៅថ្ងៃនេះការប្រកបការងារ របស់លោកអ្នកឃើញថាមានការជឿនលឿនទៅមុខសន្សឹមៗហើយធ្វើអ្វីក៏មានក្រុមមនុស្សជួយជ្រោមជ្រែងមួយចំនួនផង។ ដោយឡែកនៅថ្ងៃនេះដែរការធ្វើជំនួញឆ្ងាយជិតអាចរកផលកម្រៃគ្រាន់ជាទីពេញចិត្តមួយចំនួនផងដែរ។
រីឯបញ្ហាសេចក្តីស្នេហាប្រុសស្រីវិញមានការកក់ក្តៅនិងយកចិត្តទុកដាក់គ្នាដូចសព្វមួយដង៕

ឆ្នាំថោះ

រាសីស្រុតចុះ។ការរស់នៅក្នុងផ្ទះសម្បែងក៏ងាយផ្ទុះជម្លោះវិវាទណាស់ដែរគប្បីមានការខន្តីនិងបើកចិត្តឱ្យទូលាយទើបគ្មានរឿងរាវចម្រូងចម្រាសកើតមានឡើង។ថ្ងៃនេះទោះលោកអ្នកធ្វើអ្វីៗមិនអាចលោភលន់បានទេពីព្រោះងាយខកបំណងនិងជួបផលលំបាកតូចធំណាស់។ អ្នកប្រកបរបររកស៊ីជួញដូរពេលនេះមុខជំនួញឆ្ងាយជិតមានការប្រែប្រួលពីល្អមកអាក្រក់ច្រើន ដូច្នេះគួរមានការប្រយ័ត្តប្រយែង។ រីឯបញ្ហាសេចក្តីស្នេហាប្រុសស្រីកុំគប្បីមើលផ្លូវអាក្រក់ចំពោះគ្នាប្រយ័ត្នកើតជាទម្លាប់អាក្រក់ហើយកើតតែបញ្ហា មិនចេះចប់មិនចេះហើយ៕

ឆ្នាំរោង

រាសីខ្ពស់ត្រដែត។នៅថ្ងៃនេះមានជោគសិរី ហើយធ្វើអ្វីឃើញថាមានការជឿនលឿនទៅមុខនិងតែងផ្តល់ផលល្អមកវិញគ្រាន់ជាទីកក់ក្តៅផង។នៅថ្ងៃនេះបើមានការប្រកបការងារមានសភាពរលូនល្អ ហើយក៏តែងហុចផ្លែផ្កាដូចការគ្រោងទុកថែមទៀត។ចំពោះអ្នកប្រកបរបររកស៊ីជួញដូរពេលនេះប្រៀបដូចបានជា”ភ្លៀងធ្លាក់មួយមេមេឃស្រទ្បះ”ព្រោះអាចកម្ចាត់រាល់ឧបទ្រពចង្រៃទាំងពួងឱ្យវិនាសជាអហោសិកម្មអស់ហើយលោកអ្នកអាចប្រកបមុខរបរពេញដៃពេញជើងទ្បើងវិញ។ រីឯបញ្ហាសម្ព័ន្ធស្នេហាប្រុសស្រីមានការជឿនលឿនទៅមុខនិងកំពុងមានភាពស្រស់ស្រាយប្រពៃ៕

ឆ្នាំម្សាញ់

រាសីល្អជាមធ្យម។ការរស់នៅងាយជួបបញ្ហារោគជំងឺណាស់ ចូរប្រយ័ត្នរោគចាស់យាយីពិសេសបញ្ហាចំណីចំណុកតែម្តង។ដំណើរជីវិតរបស់លោកអ្នកនៅថ្ងៃនេះមានភាពស្រស់ស្រាយ ហើយបើចង់ទំនាក់ទំនងអ្វីក៏តែងផ្តល់ផលល្អៗមកវិញផង។សម្រាប់អ្នកប្រកបរបររកស៊ីជួញដូរវិញមិនសូវមានការរីកលូតលាស់ទៅមុខទេ ដូចនេះមិនផ្តល់ផលល្អសម្រាប់ការផ្លាស់ប្តូរមុខរបរថ្មីឬបើកធ្វើជំនួញអ្វីថ្មីប៉ុន្មានឡើយ។ រីឯបញ្ហាស្នេហាកំលោះក្រមុំមានការថ្នាំងថ្នាក់និងចាប់កំហុសគ្នាមិនតិចឡើយ៕

ឆ្នាំមមី

រាសីល្អជាមធ្យម។ទាំងបុរស ស្ត្រីដំណើរចាកចេញក្រៅផ្ទះមានបញ្ហាអាក្រក់យាយីបន្តិចពីព្រោះមនុស្សនៅជុំវិញខ្លួនចាំតែចាប់កំហុសនិងបង្កជម្លោះប៉ុណ្ណោះ។នៅថ្ងៃនេះដំណើរជីវិតរបស់លោកអ្នកមានភាពរលូនល្អជាសន្សឹមៗទៅមុខតែយ៉ាងណាបញ្ហារកាំចិត្តតែងមកយាយីច្រើនផង ដូចនេះត្រូវចេះធ្វើមិនដឹងមិនឮចំពោះរឿងរាវ ខ្លះទើបប្រសើរ។ អ្នកប្រកបរបររកស៊ីជួញដូរត្រូវប្រុងប្រយ័ត្នក្រុមមនុស្សសម្តីផ្អែមល្ហែមព្រោះងាយធ្លាក់ក្នុងកលឧបាយគេណាស់ផង។ បញ្ហាសម្ព័ន្ធស្នេហាកំលោះក្រមុំឬពោះម៉ាយមេម៉ាយក្តីពុំត្រូវផ្តោះផ្តងដោយសម្តីផ្លែផ្កាដាក់គ្នាឡើយប្រយ័ត្នកើតជម្លោះវិវាទឈានដល់ការប្រេះស្រាំខ្លាំងក្លា ៕

ឆ្នាំមមែ

រាសីស្រុតចុះ។នៅថ្ងៃនេះមិនផ្តល់ផលល្អសម្រាប់លោកអ្នកធ្វើ អ្វីសំខាន់ទេពីព្រោះថាងាយកើតនូវបញ្ហាចម្រូងចម្រាសចំពោះមុខផង។ការប្រកបការងារលោកអ្នកអាចទទួលការគាបសង្កត់ផ្លូវចិត្តច្រើនដូចនេះបើទោះបីធ្វើអ្វីក៏តែងមានបញ្ហាតាមយាយីជានិច្ច។សម្រាប់អ្នកប្រកបរបរកស៊ីជួញដូរនៅថ្ងៃនេះមានការចម្រើនលូតលាស់សន្សឹមៗទៅមុខ ប៉ុន្តែបញ្ហាជម្លោះក៏មានច្រើនដែរគប្បីមានការអត់ធ្មត់ធ្វើមិនដឹងមិនឮខ្លះទើបប្រសើរ។ រីឯបញ្ហាសេចក្តីស្នេហាប្រុសស្រីមានការប្រឆាំងនិងបង្កបញ្ហាចំពោះគ្នាច្រើន៕

ឆ្នាំវក

រាសីខ្ពស់ត្រដែត។បើលោកអ្នកមានគម្រោងឬចង់ធ្វើអ្វីមួយគួររួសរាន់ធ្វើព្រោះផ្លែផ្កាដែលទទួលបានមកវិញគួរជាទីកក់ក្តៅគ្រាន់បើ ។នៅថ្ងៃនេះដំណើរជីវិតរបស់លោកអ្នកមានភាពល្អប្រសើរ ហើយបើចង់ប្រកបការងារអ្វីឃើញថាមានការលូតលាស់ទៅមុនជានិច្ច។ ចំពោះអ្នកប្រកបរបររកស៊ីជួញដូរក្នុងថ្ងៃនេះវិញមានការចម្រើនលូតលាស់ទៅមុខ ដូច្នេះជាឱកាសល្អក្នុងការផ្លាស់ប្តូរមុខរបរឬបើកធ្វើជំនួញតូចធំបំផុត។ រីឯបញ្ហាសម្ព័ន្ធស្នេហាប្រុសស្រីមានការយកចិត្តទុកដាក់និងផ្អែមល្ហែមល្អចំពោះគ្នា៕

ឆ្នាំរកា

រាសីស្រុតចុះ។សម្រាប់ក្នុងអំឡុងពេលនេះដែរបើមានក្រុមមនុស្សភេទផ្ទុយគ្នាមកចងជាសម្ព័ន្ធមិត្តភាពគប្បីមានការពិនិត្យពិច័យបន្តិច ហើយមិនត្រូវទុកចិត្តគេពេកដែរនាំជួបផលលំបាកនៅពេលក្រោយវិញ។នៅថ្ងៃនេះបញ្ហាតូចធំងាយកើតឡើង ហើយឱកាសប្រកបការងារអ្វីងាយភ្លាំងភ្លាត់នោះក៏មានខ្ពស់ផងដែរ។ សម្រាប់អ្នកប្រកបរបររកស៊ីជួញដូរលាភហេងតូចធំច្រើនបោលហួសនិងចាប់ពុំសូវជាប់ហើយទាល់តែខិតខំខ្លាំងទើបប្រាក់ចំណូលអាចរកចូលគ្រាន់ធូរដូចគេឯង ។ រីឯបញ្ហាសេចក្តីស្នេហាប្រុសស្រីមានតែការនឿយណាយព្រោះតែការមិនសូវទុកចិត្តគ្នា៕

ឆ្នាំច

រាសីល្អជាមធ្យម។នៅក្នុងផ្ទះសម្បែងស្ត្រីចូរប្រយ័ត្នកូនតូចៗឬមនុស្សចាស់កើតរោគជំងឺណាមួយបៀតបៀនយាយីហើយពិសេសឱ្យប្រយ័ត្នបញ្ហាចំណីចំណុកតែម្តង។នៅថ្ងៃនេះអ្វីដែលមិនល្អនឹងប្រែប្រួលមកគាប់ប្រសើរវិញជាបណ្តើរៗតែយ៉ាងណាបញ្ហាប្រាក់កាសលោកអ្នកតោងតែប្រយ័ត្នប្រយែងបន្តិចពីព្រោះថាងាយទទួលរងខាតបង់ច្រើន។ ចំពោះអ្នកប្រកបរបររកស៊ីជួញដូរក៏ដូច្នេះដែរការចង់បោះទុនទៅលើអ្វីមួយត្រូវមើលមុខមើលក្រោយព្រោះផ្លែផ្កាទទួលបានមកវិញមានភាពយ៉ាប់យ៉ឺនណាស់។ រីឯបញ្ហាសេចក្តីស្នេហាកំលោះក្រមុំមានការប្រឆាំងគ្នាច្រើនដូនេះឱ្យប្រយ័ត្នកើតមានជម្លោះវិវាទ៕

ឆ្នាំកុរ

រាសីខ្ពស់ត្រដែត។ក្នុងថ្ងៃនេះអ្នកកើតឆ្នាំជ្រូគបើលោកអ្នកធ្វើអ្វីមួយក៏តែងមានការចម្រើនលូតលាស់ជាសន្សឹមៗទៅមុខ ហើយពិសេសធ្វើច្រើនទទួលបានផលច្រើនទៀតផង។ការបំពេញការងារមានការចម្រើនលូតលាស់ និង បើចង់ពឹងពាក់អ្នកដទៃគេតែងអាណិតស្រឡាញ់និងជួយជ្រោមជ្រែងផង។សម្រាប់អ្នកប្រកបរបររកស៊ីជួញដូរមិនថាទីជិតឆ្ងាយតែងហុចផ្លែផ្កានិងប្រមូលផលចំណេញវិលត្រឡប់ចូលផ្ទះវិញគួរជាទីពេញចិត្ត។ការធ្វើដំណើរទីជិតឆ្ងាយជួបសេចក្តីសុខក្សេមក្សាន្តទាំងពេលទៅនិងត្រឡប់មកវិញ។ រីឯបញ្ហាគូស្នេហ៍កំលោះក្រមុំបើចង់ទំនាក់ទំនងស្នេហាថ្មីថ្មោងតែងសម្រេចជោគជ័យផងដែរ៕