ហោរាសាស្រ្ត ប្រចាំថ្ងៃ អង្គារ ទី ០១ ខែ មិថុនា ឆ្នាំ ២០២១ ត្រូវនឹងថ្ងៃ ៦រោច ខែជេស្ឋ ឆ្នាំឆ្លូវ ត្រីស័ក ពស២៥៦៥

ឆ្នាំជូត

រាសីខ្ពស់ត្រដែត។កាលពីសប្តាហ៍មុនដូចដែល ក្បួនហោរាសាស្ត្រចិន បានបញ្ជាក់ហើយគឺ ឆ្លងចូលខែថ្មីនេះទាំងស្ត្រីបុរសជួបនូវដួងរាសីខែស្រុតចុះ ម្ល៉ោះហើយធ្វើឱ្យដំណើរជីវិតក្នុងខែមិថុនានេះជួបនូវលើកំណាត់ផ្លូវរដិបរដុបនិងមានបញ្ហាច្រើនជាងសព្វមួយដង។ក្នុងខែថ្មីនេះស្ត្រីជួបបញ្ហាលំបាកធ្ងន់ជាងបុរស ម្ល៉ោះហើយគប្បីមានការអត់ធ្មត់ និង ប្រយ័ត្នប្រយែង។ដោយឡែកនៅថ្ងៃនេះវិញដោយសារដួងរាសីឡើងខ្ពស់ ម្ល៉ោះហើយការប្រកបការងារមានការរីកដុះដាល និងបើចង់ធ្វើអ្វីផ្លែផ្កាឆ្លើយតបគ្រាន់ជាទីពេញចិត្តត្រឡប់មកវិញ។អ្នកប្រកបរបររកស៊ីជួញដូរការជួញទីជិតឆ្ងាយ លោកអ្នក អាចរកផលកម្រៃគ្រាន់គួរជាទីកក់ក្តៅជាងមុន ហើយពិសេសបើមានអតិថិជនជំពាក់ប្រាក់កាសជាឱកាសល្អក្នុងការទារបំផុតព្រោះច្រើនតែសម្រេចដូចគាប់បំណង។ រីឯបញ្ហាសម្ព័ន្ធស្នេហាកំលោះក្រមុំបើលោកអ្នកចង់ស្វែងរកស្នេហាថ្មីថ្មោងតែងសម្រេចជោគជ័យដូចក្តីប៉ងប្រាថ្នា៕

ឆ្នាំឆ្លូវ

រាសីស្រុតចុះ។លោកអ្នកកើតឆ្នាំគោឈានចូលខែនេះដំណើរជីវិត ប្រែប្រួលក្រឡាប់ចាក់ប្រៀបដូចពាក្យចាស់ថា”ពីបាតដៃមកជាខ្នងដៃ”ដែលមានន័យថាធ្វើអ្វីៗងាយភ្លាំងភ្លាត់ឬបាត់បង់ឱកាសទៅច្រើនដោយសារខែនេះដួងរាសីធ្លាក់ស្រុតចុះនោះឯង។ដោយឡែកនៅថ្ងៃនេះដែរដោយសារដួងរាសីស្រុតចុះ ម្ល៉ោះហើយ បើទោះបីលោកអ្នកធ្វើអ្វីក៏ដោយត្រូវមើលឱ្យច្បាស់ ហើយមិនត្រូវធ្វេសប្រហែសឡើយប្រយ័ត្នឥតការអ្វីនាំផលលំបាកដាក់ខ្លួន។ សម្រាប់អ្នកប្រកបរបររកស៊ីជួញដូរមានការទិញចូលលក់ចេញគ្រាន់រស់រវើកផងដែរតែយ៉ាងណាចូរប្រយ័ត្នគ្រោះបាត់របស់របរ និង គ្រោះចាញ់បោកគេដោយប្រការណាមួយ។ រីឯសេចក្តីស្នេហាកំលោះក្រមុំកើតមានការខ្វាយខ្វល់ព្រោះតែភាពប្រចែប្រច័ណ្ឌកំពុងលុកលុយ៕

ឆ្នាំខាល

រាសីល្អជាមធ្យម។ថ្ងៃនេះបើលោកអ្នកចង់សម្រេចចិត្តរឿងអ្វីមួយសំខាន់ត្រូវមើលមុខមើលក្រោយឱ្យបានច្បាស់លាស់បើពុំនោះទេនឹងជួបក្តីសោកស្តាយពេលក្រោយជាក់ជាពុំខាន។ក្រៅពីនេះបើលោកអ្នកមានជួបពិភាក្សាការងារអ្វីក៏តែងទទួលលទ្ធផលជាផ្លែផ្កាហើយពិសេសថែមទាំងឆាប់ចុះសម្រុងគ្នាទៀតផង។ចំណែកអ្នកប្រកបរបររកស៊ីជួញដូរវិញជួបភាពប្រទាំងប្រទើសច្រើនចូរប្រយ័ត្នជម្លោះវិវាទណាមួយកើតឡើងព្រោះតែសម្តីមាត់ឥតគម្របហើយរិះគន់អ្នកដទៃ។ សេចក្តីស្នេហាកំលោះក្រមុំត្រូវចេះពូនជ្រោយចំណងស្នេហាដោយមានភាពផ្អែមល្ហែមនិងយកចិត្តទុកដាក់ចំពោះគ្នាទើបជាការប្រសើរ៕

ឆ្នាំថោះ

រាសីស្រុតចុះ។លោកអ្នកកើតឆ្នាំទន្សាយបានឆ្លងផុតខែ ឧសភាដែលជាដួងរាសីខែល្អជាមធ្យម។សម្រាប់ឆ្លងដល់ ខែ មិថុនានេះដួងរាសីធ្លាក់ស្រុតចុះ ម្ល៉ោះហើយដំណើរជីវិតជួបបញ្ហាលំបាកជាងនេះបន្តិចវិញ។នៅថ្ងៃនេះបើទោះបីធ្វើអ្វីក៏ដោយតោងតែចេះមើលមុខក្រោយនិងមិនត្រូវបំពេញកិច្ចការងារណាដែលសំខាន់ពេកឡើយពីព្រោះថាផលអាក្រក់ងាយកើតឡើងជាងសព្វមួយដង។ចំពោះអ្នកប្រកបរបររកស៊ីជួញដូរបើចង់ចំណាយប្រាក់កាសធ្វើអ្វីមួយត្រូវគិតគូរឱ្យច្បាស់លាស់ចៀសវាងដាក់ទុនទៅហើយត្រូវកប់បាត់អស់ ហើយត្រូវទៅខ្ចីអ្នកដទៃនាំគេប្រមាថ។ រីឯគូស្នេហ៍ប្រុសស្រីក្នុងពេលនេះពុំគប្បីដើរហើរពាសវាលកាលប្រយ័ត្នរែកពន់ភាពទុក្ខសោកមកវិញ៕

ឆ្នាំរោង

រាសីខ្ពស់ត្រដែត។លោកអ្នកកើតឆ្នាំរោងនៅ ខែ មិថុនា នេះដួងរាសីល្អជាមធ្យម ហេតុនេះហើយទើបមិនធ្វើឱ្យទទួលរងប៉ះទង្គិចអ្វីជាដុំកំភួនទេ។ទោះបីយ៉ាងណាសម្រាប់ស្ត្រីលោកអ្នកទទួលរងផលប៉ះពាល់បន្តិចបន្តួចដែរក្នុងនេះដូចជារឿងរាវចូលមកកកូរផ្លូវចិត្តនិងការប៉ះទង្គិចផ្លូវចិត្តបន្តិចបន្តួចជាដើម។ដោយឡែកនៅថ្ងៃនេះវិញផ្តល់ផលល្អសម្រាប់លោកអ្នកដោះស្រាយបញ្ហា និង ចាត់ចែងការងារចាស់ថ្មីពីព្រោះថាផលល្អៗតែងឆ្លើយតបមកវិញជានិច្ច។សម្រាប់អ្នកប្រកបរបររកស៊ីជួញដូរមិនថាទីជិតឆ្ងាយតែងហុចផ្លែផ្កា និង ប្រមូលផលចំណេញវិលត្រឡប់ចូលផ្ទះវិញគួរជាទីកក់ក្តៅ។ រីឯសេចក្តីស្នេហាប្រុសស្រីបើចង់ធ្វើការជ្រើសគូស្រករតែងជួបគូព្រេងពិតដូចសេចក្តីប្រាថ្នា៕

ឆ្នាំម្សាញ់

រាសីល្អជាមធ្យម។ធម្មជាតិរបស់មនុស្សយើងដូចជាកង់ត្រាចកង់ធ្នង់ពោលគឺនៅពេលមានមកហើយក៏មានទៅវិញ។ពេលខ្លះទៅហើយក៏ត្រឡប់មកជាថ្មីវិញទៀតគ្មានអ្វីជាទៀតទាត់ទេ។តួយ៉ាងដូចជាអ្នកកើតឆ្នាំម្សាញ់នៅខែមុននេះដំណើរជីវិតល្អប្រសើរ ប៉ុន្តែឈានដល់ខែមិថុនានេះបានធ្លាក់ស្រុតចុះធ្វើឱ្យជួបស្ថានភាពលំបាកឡើងវិញ។ដោយឡែកថ្ងៃនេះវិញការប្រកបការងារលោកអ្នកចូរប្រយ័ត្នការមានជម្លោះវិវាទពីតូចទៅធំព្រោះងាយមានភាពប្រេះស្រាំចំពោះគ្នាណាស់។ចំណែកអ្នកប្រកបរបររកស៊ីជួញដូរលោកអ្នកមានក្រុមមនុស្សតាមឈ្នានីសច្រើនដូច្នេះត្រូវតែប្រយ័ត្នប្រយែងបន្តិចដើម្បីចៀសវាងការបរាជ័យដោយប្រការណាមួយកើតឡើង។
រីឯសម្ព័ន្ធស្នេហាកំលោះក្រមុំមិនត្រូវយកភាពប្រកែប្រកាន់ដាក់ខ្លួនច្រើនឡើយបើពុំនោះបញ្ហាចម្រូងចម្រាសពិតជាកើតមានទៀតហើយ៕

ឆ្នាំមមី

រាសីល្អជាមធ្យម។លោកអ្នកកើតឆ្នាំសេះឈានដល់ខែមិថុនានេះដួងរាសីងើបឡើងបន្តិច ហើយដំណើរជីវិតឃើញថាមានភាពគ្រាន់រលូនឡើងវិញ។ការប្រកបការងារថ្ងៃនេះបើមានក្រុមមនុស្សចាក់ដោត ឬផ្លុំត្រចៀកពីរឿងអ្វីមួយលោកអ្នកមិនគប្បីខឹងច្រឡោតដោយក្តីខ្វះការពិចារណានោះឡើយប្រយ័ត្នឥតការអ្វីសោះនាំរឿងរាវអាក្រក់ដាក់ខ្លួន។អ្នកប្រកបរបររកស៊ីជួញដូរវិញមិនមានអ្វីលេចធ្លោគួរឱ្យកត់សម្គាល់ទេគឺប្រាក់ចំណូលអាចរកបានត្រឹមមួយទប់ទល់តែការជួញឆ្ងាយចូរប្រយ័ត្នការមានជម្លោះវិវាទណាមួយកើតឡើង។ បញ្ហាសេចក្តីស្នេហាកំលោះក្រមុំមានការប្រឆាំងនិងរកាំចិត្តគ្នាច្រើនដូចនេះបើមិនខិតខំកាត់បន្ថយជម្លោះវិវាទទេប្រយ័ត្នឆ្លងមិនដល់ខ្លោងទ្វារអាពាហ៍ពិពាហ៍៕

ឆ្នាំមមែ

រាសីស្រុតចុះ។លោកអ្នកកើតឆ្នាំពពែឈានចូល ខែ មិថុនានេះអាចសប្បាយចិត្ត បានហើយពីព្រោះជាខែដួងរាសីឡើងខ្ពស់។អ្វីៗនឹងប្រសើរឡើងវិញបន្តិចទាំងការរស់នៅ និង កិច្ចការងារ។ដោយឡែកនៅថ្ងៃនេះវិញសម្រាប់អ្នកប្រកបការងារជួបនូវបញ្ហាប្រទាំងប្រទើសនិងមានបញ្ហាជាមួយក្រុមមនុស្សនៅជុំវិញខ្លួនច្រើន។ ចំពោះបើជាអ្នកប្រកបរបររកស៊ីជួញដូរថ្ងៃនេះការជួញទីជិតឆ្ងាយផលកម្រៃមិនឆ្លើយតបដូចសេចក្តីប្រាថ្នាទេឬអាចនិយាយបានថាគ្រាន់មួយទប់ទល់។ រីឯសម្ព័ន្ធស្នេហាកំលោះក្រមុំបើមានការរីកលូតលាស់ខ្លាំងកាលពីមុនមកពេលនេះចូរប្រយ័ត្នការដើរថយក្រោយរហូតឈានដល់បាក់បែកណាមួយកើតឡើង៕

ឆ្នាំវក

រាសីខ្ពស់ត្រដែត។បន្ទាប់ពី២ខែឆ្លងផុត ពោលគឺខែ មេសានិងខែឧសភាដែលជាខែដួងរាសីល្អប្រសើរ ហេតុនេះឆ្លងចូលខែថ្មីនេះ(មិថុនា)ឃើញថាដំណើរជីវិតរបស់លោកអ្នកជួបនូវលើកំណាត់ផ្លូវរដិបរដុបវិញ ហើយគប្បីអត់ធ្មត់និងប្រយ័ត្នប្រយែងបន្តិច។ដោយឡែកនៅថ្ងៃនេះការប្រកបការងារបើលោកអ្នកមានពឹងពាក់ឬខ្ចីរបស់អ្វីមួយពីអ្នកដទៃក៏តែងឆ្លើយតបផលល្អៗមកវិញជានិច្ច។សម្រាប់អ្នកប្រកបរបររកស៊ីជួញដូរវិញបើលោកអ្នកចង់បោះទុនតូចធំឃើញថាមិនមានទាស់ខុសអ្វីដែរព្រោះផ្លែផ្កាទទួលបានក៏ឆ្លើយតបគ្រាន់កក់ក្តៅ។ រីឯសម្រាប់គូស្នេហ៍ប្រុសស្រីបើមានផែនការអ្វីសម្រាប់រៀបចំជាគ្រួសារហើយខ្នះខ្នែងធ្វើតែងជោគជ័យដូចគាប់បំណង៕

ឆ្នាំរកា

រាសីខ្ពស់ត្រដែត។នៅខែមិថុនានេះបើតាមក្បួនហោរាសាស្ត្រចិនហើយបញ្ជាក់ថាដួងរាសីស្រុតចុះ ម្ល៉ោះហើយធ្វើឱ្យមានការប្រែប្រួលទាំងកិច្ចការងារ និងប្រាក់កាសមួយចំនួនផង។នៅថ្ងៃនេះវិញការងារដោយសារដួងរាសីឡើងខ្ពស់ ហេតុនេះលោកអ្នកអាចសម្រុកកិច្ចការតូចធំបានហើយពីព្រោះថាផលតែងឆ្លើយតបគ្រាន់ពេញចិត្ត។ចំពោះអ្នកប្រកបរបររកស៊ីជួញដូរបើលោកអ្នកចង់បោះទុនតូចធំឬចង់រកស៊ីចូលហ៊ុនជាមួយអ្នកដទៃត្រូវចេះត្រួតពិនិត្យឱ្យបានគ្រប់ជ្រុងជ្រោយបើពុំនោះទេអាចជួបផលអាក្រក់ណាមួយនៅថ្ងៃខាងមុខជាក់ជាពុំខាន។ រីឯបញ្ហាសេចក្តីស្នេហាប្រុសស្រីមានភាពជឿនលឿនទៅមុខនិងផ្អែមល្ហែមល្អប្រពៃ៕

ឆ្នាំច

រាសីស្រុតចុះ។លោកអ្នកកើតឆ្នាំចក្នុងរយៈពេល២ទៅ៣ខែកន្លងមកនេះដំណើរជីវិតរបស់លោកអ្នកបានជួបនូវព្យុះភ្លៀងច្រើនត្រូវឆ្លងកាត់ក្នុងនេះមានទាំងលំបាកទាំងផ្លូវកាយនិងផ្លូវចិត្តផង។សម្រាប់ឆ្លងចូលខែថ្មីនេះដំណើរជីវិតល្អប្រសើរឡើងវិញ ហើយចង់ធ្វើអ្វីក៏ចម្រើនលូតលាស់សន្សឹមៗទៅមុខជានិច្ច។ដោយឡែកនៅថ្ងៃនេះវិញដោយសារដួងរាសីស្រុតចុះការប្រកបការងារជួបនូវបញ្ហាចោមរោមច្រើននិងពិសេសឱ្យប្រយ័ត្នមនុស្សគុំគួនតែម្តង។សម្រាប់អ្នកប្រកបរបររកស៊ីជួញដូរវិញមានការទិញចូលលក់ចេញរស់រវើកគ្រាន់បើ ហើយផលកម្រៃមានចូលគ្រាន់កក់ក្តៅផ្លូវចិត្ត។ សម្ព័ន្ធស្នេហាកំលោះក្រមុំមានដំណើរថយក្រោយ ហើយប្រឆាំងគ្នាច្រើនចូរប្រយ័ត្នកើតជម្លោះវិវាទណាមួយនាំត្រូវឈឺផ្សាផ្លូវចិត្ត៕

ឆ្នាំកុរ

រាសីល្អជាមធ្យម។ឆ្លងចូលខែថ្មីនេះសូមចូលរួមអបអរ លោកអ្នកកើតឆ្នាំជ្រូកផងដែរពីព្រោះថាខែកន្លងមកជួបនូវបញ្ហាច្រើនទាំងបញ្ហាផ្ទាល់ខ្លួន បញ្ហាប្រាក់កាស បញ្ហាសុខភាពនិងរួមទាំងបញ្ហាស្នេហាផងព្រោះថាតែងលេចនូវបាតភាពរកាំចិត្តច្រើន។ដោយឡែកនៅថ្ងៃនេះវិញការប្រកបការងារលោកអ្នកតែងជួបបញ្ហាមិនល្អយាយីនិងកើតរឿងរាវរកាំរកូសក៏ច្រើនចំពោះមុខ។សម្រាប់អ្នកប្រកបរបររកស៊ីជួញដូរចូរប្រយ័ត្នប្រយែងជនខិលខូចនៅក្បែរខ្លួនពីព្រោះគេអាចមានបំណងមិនល្អចាំតែផ្តួលរំលំលោកអ្នកប៉ុណ្ណោះ។
រីឯបញ្ហាសេចក្តីស្នេហាកំលោះក្រមុំត្រូវឃ្លាតពីគ្នាខ្លះហើយរកពេលវេលាបំពេញការងារទើបជាការប្រពៃបំផុត៕