ហោរាសាស្រ្ត ប្រចាំថ្ងៃ អាទិត្យ ទី ០៦ ខែ មិថុនា ឆ្នាំ ២០២១ ត្រូវនឹងថ្ងៃ ១១រោច ខែជេស្ឋ ឆ្នាំឆ្លូវ ត្រីស័ក ពស២៥៦៥
ឆ្នាំជូត
រាសីស្រុតចុះ។ថ្ងៃនេះវិលមកដួងរាសីស្រុតចុះសារជាថ្មី ម្ល៉ោះហើយលោកអ្នកគប្បីរកពេលវេលាធ្វើបុណ្យដាក់ទាន រំដោះគ្រោះចេញខ្លះ ដើម្បីកាត់បន្ថយរឿងរាវមិនល្អ ឱ្យធូរស្រាលចុះវិញ។លោកអ្នកកើតឆ្នាំកណ្តុរបើតាមក្បួនហោរាសាស្ត្រចិនហើយបញ្ជាក់ថាដួងរាសីស្រុតចុះខ្លាំងបន្តិច ពិសសទៅលើស្ត្រីតែម្តង។ដោយឡែកនៅថ្ងៃនេះវិញ បើទោះបីធ្វើអ្វីលោកអ្នកតោងតែក្រឡេកមើលគេមើលឯងហើយមិនត្រូវធ្វើដោយក្តីរឹងចចេសឡើយបើពុំនោះទេអាចហុចផលអាក្រក់នៅពេលក្រោយត្រូវទ្រាំទ្រការលំបាកពុំខាន។ អ្នកប្រកបរបររកស៊ីជួញដូរបើទោះបីលោកអ្នកចង់ធ្វើជំនួញទីជិតឆ្ងាយឬចង់ចំណាយទុនធ្វើអ្វីមួយមិនទាស់ខុសអ្វីដែរព្រោះថាផ្លែផ្កាដែលហុចមកវិញឃើញថាមានចូលមួយៗគ្រាន់បំពេញបំពង់ផង។ រីឯបញ្ហាសេចក្តីស្នេហាកំលោះក្រមុំឬពោះម៉ាយមេម៉ាយក្តីចូរកុំគប្បីយកភាពចង់ចាញ់ឈ្នះដាក់ខ្លួនច្រើនប្រយ័ត្នឈានមិនដល់ខ្លោងទ្វារអាពាហ៍ពិពាហ៍៕
ឆ្នាំឆ្លូវ
រាសីខ្ពស់ត្រដែត។ថ្ងៃនេះមានជោគសិរីហើយបើលោកអ្នកចង់ដោះស្រាយឬចរចាបញ្ហាអ្វីមួយក៏តែងទទួលផ្លែផ្កានិងផ្តល់ជាប្រយោជន៍ត្រឡប់មកវិញ ។ការប្រកបការងារទោះធ្វើអ្វីក៏ដោយមានក្រុមមនុស្សតែងខ្លាចក្រែងនិងអាណិតស្រឡាញ់ច្រើនឡើងវិញ។ចំពោះអ្នកប្រកបរបររកស៊ីជួញដូរការជួញទីជិតឆ្ងាយមានភាពរលូនល្អទៅមុខជានិច្ច ហើយបើលោកអ្នកចង់បើកមុខរបរថ្មីឬចង់ចរចាទិញអ្វីមួយជាឱកាសល្អប្រពៃបំផុត។ រីឯសម្ព័ន្ធស្នេហាកំលោះក្រមុំមានភាពស្រស់ស្រាយប្រៀបដូចត្រីក្នុងទឹក ហើយបើចង់ផ្សះផ្សាជម្លោះជាពេលវេលាល្អព្រោះឆាប់ប្រែប្រួលពីអាក្រក់មកល្អណាស់ផង ៕
ឆ្នាំខាល
រាសីល្អជាមធ្យម។ការរស់នៅលោកអ្នកក៏មិនត្រូវចិត្តល្អឱ្យគេខ្ចីរបស់មានតម្លៃដែរ ព្រោះថាការបាត់បង់មានខ្ពស់ណាស់ ហើយពិសេសត្រូវប្រយ័ត្នក្រុមនុស្សនៅពីចម្ងាយតែម្តង។លោកអ្នកត្រូវប្រឹងប្រែងការងារ ហើយពុះពារច្រើនជាងនេះទើបល្អប្រពៃបំផុត។ចំពោះអ្នកប្រកបរបររកស៊ីជួញដូរវិញការចេញធ្វើជំនួញផ្លូវឆ្ងាយចូរប្រយ័ត្នគ្រោះចាញ់បោកគេនិងគ្រោះបាត់របស់របរណាមួយព្រោះតែការធ្វេសប្រហែស។ រីឯបញ្ហាស្នេហាកំលោះក្រមុំមានការរីកលូតលាស់ទៅមុខតិចតួចតែឱ្យប្រយ័ត្នជម្លោះវិវាទព្រោះងាយឈានដល់ការប្រេះស្រាំធ្ងន់ធ្ងរណាស់៕
ឆ្នាំថោះ
រាសីល្អជាមធ្យម។ក្នុងថ្ងៃនេះបើមានបញ្ហាអ្វីមួយសំខាន់លោកអ្នកគប្បីប្រយ័ត្នប្រយែងបន្តិចពីព្រោះងាយហូរធ្លាយនិងចាញ់បោកគេណាស់ដែរ។ការប្រកបការងារអ្វីតោងតែមានការប្រយ័ត្នប្រយែងពិសេសអ្នកធ្វើដំណើរឆ្ងាយឬប្រកបកិច្ចការងារទីខ្ពស់តែម្តង។អ្នកប្រកបរបររកស៊ីជួញដូរយីអ៊ុនរបស់លោកអ្នកមិនសមដូចប្រកបប៉ុន្មានទេ បើដូចនេះទោះធ្វើជំនួញទីជិតឆ្ងាយមិនត្រូវលោភលន់ចង់ចំណេញច្រើនឡើយបើពុំនោះទេប្រយ័ត្នត្រូវមកដេកសោកស្តាយនៅឯផ្ទះវិញ។ រីឯបញ្ហាស្នេហាកំលោះក្រមុំឬពោះម៉ាយមេម៉ាយក្តីមិនមានការរីកលូតលាស់ទៅមុខទេគឺមានការថយក្រោយច្រើនជាង៕
ឆ្នាំរោង
រាសីខ្ពស់ត្រដែត។ការរស់នៅក្នុងផ្ទះសម្បែងបើលោកអ្នកមានជម្លោះវិវាទជាពេលវេលាល្អក្នុងការដោះស្រាយ ព្រោះមិនត្រឹមឆាប់ត្រូវរ៉ូវគ្នាទេតែអាចប្រែមកផ្អែមល្ហែមយ៉ាងឆាប់រហ័សទៀតផង។ថ្ងៃនេះដួងរាសីរបស់លោកអ្នកគាប់ប្រសើរ ម្ល៉ោះហើយផ្តល់ផលល្អសម្រាប់លោកអ្នកដោះស្រាយរឿងរាវនិងការដោះស្រាយកិច្ចការងារដែលសេសសល់កាលពីមុនមក។ចំណែកអ្នកប្រកបរបររកស៊ីជួញដូរមិនថាទីជិតឆ្ងាយតែងហុចផ្លែផ្កានិងប្រមូលផលចំណេញវិលត្រឡប់ចូលផ្ទះវិញគួរជាទីកក់ក្តៅ។ រីឯបញ្ហាសេចក្តីស្នេហាប្រុសស្រីមានភាពផ្អែមល្ហែមនិងស្រស់ស្រាយប្រពៃណាស់៕
ឆ្នាំម្សាញ់
រាសីខ្ពស់ត្រដែត។ថ្ងៃនេះផ្តល់ផលល្អសម្រាប់លោកអ្នកសម្រេចចិត្តរឿងបញ្ហាប្រាក់កាសអ្វីមួយពីព្រោះថាផលល្អតែងហុចមកវិញគ្រាន់គាប់ចិត្តមួយចំនួនត្រឡប់មកវិញ។ចំណែកការបំពេញកិច្ចការងារវិញទោះមិនមានអ្វីល្អគួរកត់សម្គាល់តែក៏មានភាពសុខដុមជានិច្ច។សម្រាប់អ្នកប្រកបរបររកស៊ីជួញដូរទោះជួបបញ្ហាស្មុគស្មាញបន្តិចក្តី ប៉ុន្តែបញ្ហាប្រាក់ចំណូលគ្រាន់នៅមួយទប់ទល់ផងដែរ។
រីឯបញ្ហាសេចក្តីស្នេហាកំលោះក្រមុំមានភាពជឿនលឿនទៅមុខនិងផ្អែមល្ហែមប្រពៃណាស់៕
ឆ្នាំមមី
រាសីស្រុតចុះ។នៅថ្ងៃនេះលោកអ្នកធ្វើអ្វីមិនអាចប្រមាថបានឡើយពីព្រោះថាងាយកើតជាបញ្ហាចំបែងចិត្តនាពេលក្រោយវិញណាស់។ការធ្វើដំណើរទីជិតឆ្ងាយចូរប្រយ័ត្នក្រុមមនុស្សបៀតបៀនយាយីដោយប្រការណាមួយ។ចំពោះការប្រកបការងារគឺងាយជួបនូវបញ្ហារាំងស្ទះពិសេសងាយបាត់បង់នូវតម្លៃ និង ទំនុកចិត្តពីអ្នកដទៃថែមទៀត។សម្រាប់អ្នកប្រកបរបររកស៊ីជួញដូរវិញលោកអ្នកជួបរឿងខ្វាយខ្វល់ច្រើនព្រោះតែការធ្វើជំនួញទីជិតឆ្ងាយមិនសមដូចប្រកបទេ។ រីឯបញ្ហាស្នេហាប្រុសស្រីមានការជ្រួលជ្រើមខុសបែបបទច្រើនដូច្នេះឱ្យប្រយ័ត្នការសប្បាយក្លាយជាទុក្ខ៕
ឆ្នាំមមែ
រាសីល្អជាមធ្យម។ក្នុងថ្ងៃនេះលោកអ្នកមិនត្រូវហ៊ានលូកដៃក្នុងល្បែងស៊ីសងឡើយពីព្រោះមានតែការបាត់បង់ប៉ុណ្ណោះ ហើយពិសេសអាចកើតមានរឿងក្តៅក្រហាយច្រើនទៀតផង។នៅថ្ងៃនេះទោះលោកអ្នកធ្វើអ្វីក៏ដោយគឺជារឿយៗពុំសូវដំណើរការបានស្រួលទេព្រោះតែងមានរឿងរ៉ាវមកយាយីអុកទ្បុកដូច្នេះទាល់តែខិតខំខ្លាំងទើបទទួលជោគជ័យទៅរួច។ អ្នកប្រកបរបររកស៊ីជួញដូរជួបផលលំបាកក្នុងការរកផលចំណូលណាស់ហើយការជួញជិតឆ្ងាយទៀតសោតជួបតែភាពរកាំរកូសមិនស្ទើរដែរទេ។ រីឯបញ្ហាស្នេហាប្រុសស្រីមានភាពសៅហ្មងនិងរកាំរកូសច្រើន៕
ឆ្នាំវក
រាសីល្អជាមធ្យម។ក្នុងថ្ងៃនេះដំណើរជីវិតរបស់លោកអ្នកពុំសូវគាប់ប្រសើរប៉ុន្មានទេ ប៉ុន្តែយ៉ាងណាបើធ្វើអ្វីមួយលោកអ្នកមិនត្រូវរំពឹងពេកដែរពីព្រោះថាលទ្ធផលមិនសម្រេចនោះក៏មានខ្ពស់។ ការប្រកបការងារវិញគឺងាយទទួលរងគេវាយប្រហារនិងបរាជ័យ ម្ល៉ោះហើយមុនធ្វើអ្វីមួយគួរគិតឱ្យបានគ្រប់ជ្រុងជ្រោយ។អ្នកអាជីវករការជួញដូររយះពេលនេះមុជមិនជ្រៅទៅមិនឆ្ងាយប៉ុន្មានទេគួរចេះអត់ធ្មត់ក្នុងមុខរបរ។ រីឯសេចក្តីស្នេហាប្រុសស្រីកើតមានភាពរកាំរកូសព្រោះតែការប្រចែប្រច័ណ្ឌច្រើន៕
ឆ្នាំរកា
រាសីខ្ពស់ត្រដែត។ការរស់នៅដោយសារយីអ៊ុនរបស់លោកអ្នកបានងើបខ្ពស់ឡើងវិញម្ល៉ោះហើយធ្វើឱ្យដំណើរជីវិតមានភាពភ្លឺថ្លា និង មានជោគមានជ័យគាប់ប្រសើរ។ក្នុងថ្ងៃនេះលោកអ្នកមានការសប្បាយចិត្តគួរសម ហើយបើចង់យកថ្ងៃនេះសម្រេចចិត្តរឿងអ្វីមួយក៏ជាពេលវេលាល្អប្រពៃណាស់ដែរ។អ្នកប្រកបរបររកស៊ីជួញដូរមានការទិញចូលលក់ចេញជឿនលឿនទៅមុខគួរសម ឯផលកម្រៃទៀតសោតក៏មានចូលគ្រាន់កក់ក្តៅផងដែរ។ សម្ព័នស្នេហាប្រុសស្រីបើចង់ចូលស្តីដណ្តឹងដល់ចាស់ទុំតែងទទួលជោគជ័យដូចគាប់បំណង៕
ឆ្នាំច
រាសីស្រុតចុះ។ការរស់នៅលោកអ្នកចូរប្រយ័ត្នការមានជម្លោះវិវាទសម្តីបន្តិចបន្តួចដោយសារការមិនចុះសម្រុងគ្នាឬការប្រឆាំងគ្នាដោយប្រការណាមួយកើតទ្បើងជាមួយមនុស្សនៅក្បែរខ្លួន។នៅថ្ងៃនេះការងារមួយចំនួនលោកអ្នកមិនត្រូវឆាប់ទុកចិត្តគេពេកទេពីព្រោះងាយប្រែប្រួលមកអាក្រក់ណាស់គួរមានការប្រយ័ត្នប្រយែងឱ្យបានខ្លាំងក្លា។ ចំពោះបើជាអ្នកប្រកបរបររកស៊ីជួញដូរមុខជំនួញមិនមានអ្វីប្រែប្រួលប្តួរផ្លាស់គួរជាទីកត់សំគាល់ទេគឺដូចសព្វមួយដង។ រីឯបញ្ហាស្នេហាប្រុសស្រីជួបលើកំណាត់ផ្លូវរដិបរដុបនិងមានការប្រឆាំងគ្នាច្រើនជាងសព្វមួយដង៕
ឆ្នាំកុរ
រាសីល្អជាមធ្យម។ការរស់នៅលោកអ្នកអាចមានក្រុមមនុស្សបង្ករឿងថ្នាំងថ្នាក់ច្រើន ដូច្នេះត្រូវចេះធ្វើគធ្វើថ្លង់ខ្លះទើបគ្មានបញ្ហាណាមួយកើតឡើងនាំត្រូវឈឺក្បាល។ការប្រកបការងារ លោកអ្នកបើមានកិច្ចការអ្វីសំខាន់គួររួសរាន់បញ្ចប់ព្រោះបើទុកយូរប្រយ័ត្នជួបផលលំបាកទៅគ្រាក្រោយវិញ។ ចំពោះអ្នកប្រកបរបររកស៊ីជួញដូរមិនថាជួញទីជិតឆ្ងាយតែងអាចហុចផ្លែផ្កាមកវិញគ្រាន់ជាទីកក់ក្តៅ តែយ៉ាងណាចូរប្រយ័ត្នក្រុមមនុស្សបាបមិត្តបង្កជម្លោះណាមួយកើតឡើង។ រីឯសេចក្តីស្នេហាប្រុសស្រីមានការប្រចែប្រច័ណ្ឌនិងចាប់កំហុសគ្នាច្រើន៕