ហោរាសាស្រ្ត ប្រចាំថ្ងៃ អង្គារ ទី ១៧ ខែ សីហា ឆ្នាំ ២០២១ ត្រូវនឹងថ្ងៃ៩កើត ខែស្រាពណ៌ ឆ្នាំឆ្លូវ ត្រីស័ក ពស២៥៦៥
ឆ្នាំជូត
រាសីស្រុតចុះ។ នៅថ្ងៃនេះដួងរាសី ម្ល៉ោះហើយរាល់ការរស់នៅតែងជួបនូវបញ្ហារកាំរកូស និងមានបញ្ហាច្រើនត្រូវពុះពារឆ្លងកាត់។ការប្រកបការងារវិញឃើញថាលូតលាស់ទៅមុខយឺត ហើយពិសេសងាយទទួលរងដូចពាក្យចាស់ថា ធ្វើច្រើនខុសច្រើនថែមទៀត ។អ្នកប្រកបរបររកស៊ីជួញដូរការធ្វើជំនួញទីជិតឆ្ងាយមិនទាន់ភ្លឺថ្លាប៉ុន្មានទេគឺអួអាប់ណាស់ ហើយពិសេសបើចង់ជួញដូររយៈពេលយូរអង្វែងគប្បីប្រយ័ត្នប្រយែងពីព្រោះថាជួបនូវបញ្ហាច្រើន ។
បញ្ហាសម្ព័ន្ធស្នេហាកំលោះក្រមុំមានការទៅមុខយឺតតែងាយថយក្រោយដូចនេះចូរប្រយ័ត្នជម្លោះវិវាទឈានដល់ការប្រេះស្រាំរហូតក្លាយជារឿងបែកបាក់៕
ឆ្នាំឆ្លូវ
រាសីស្រុតចុះ។ លោកអ្នកត្រូវរក្សាភាពស្ងាត់ស្ងៀម ហើយធ្វើអ្វីត្រូវប្រយ័ត្នប្រយែងទើបពុំមានបញ្ហាចោទឡើង។ការប្រកបការងារចូរប្រយ័ត្នសត្រូវលាក់មុខតាមវាយប្រហារដោយប្រការណាមួយ។សម្រាប់អ្នកប្រកបរបររកស៊ីជួញដូរជួបរឿងរកាំចិត្តច្រើន ហើយការជួញទីជិតឆ្ងាយចូរប្រយ័ត្នមានជម្លោះវិវាទជាមួយក្រុមមនុស្សនៅក្បែរខ្លួនព្រោះមានភាពផុយស្រួយជម្លោះវិវាទណាស់។ សម្ព័ន្ធស្នេហាប្រុសស្រីមានការប្រឆាំងគ្នា និងចង់ចាញ់ឈ្នះគ្នាច្រើនដូចនេះនាំឱ្យកើតបញ្ហាប្រទាំងប្រទើសនោះមិនតិចឡើយ៕
ឆ្នាំខាល
រាសីល្អជាមធ្យម។អ្នកកើតឆ្នាំខ្លាក្នុងថ្ងៃនេះដំណើរជីវិតមិនសូវល្អប្រសើរប៉ុន្មានទេគឺអ្នកខ្លះបានជួបប្រទះនូវឧបសគ្គច្រើនផង។ការប្រកបការងារលោកអ្នកធ្វើអ្វីត្រូវចេះគ្រប់គ្រងអារម្មណ៍ និងមិនត្រូវយកចិត្តក្តៅដាក់ខ្លួនឡើយពីព្រោះថាផលអាក្រក់នោះមានចំពោះមុខច្រើនជាងសព្វមួយដង។ចំណែកអ្នកប្រកបរបររកស៊ីជួញដូរវិញជួបបញ្ហាស្មុគស្មាញ និងពិសេសមិនត្រូវឱ្យអតិថិជនជំពាក់ប្រាក់កាសឡើយប្រយ័ត្នទារវិញមិនបានកើតជំលោះវិវាទថែមទៀត។ ស្នេហាប្រុសស្រីកុំគប្បីចង់ទុំមុនស្រគាលប្រយ័ត្នជួបរឿងប្រុសប្រកែកស្រីប្រកាន់ស្រួលមិនស្រួលខូចកិត្តិយសហើយជាប់ទោសពៃរ៍ឥតអំពើ៕
ឆ្នាំថោះ
រាសីស្រុតចុះ។ថ្ងៃនេះ លោកអ្នក ងាយកើតនូវបញ្ហាតប់ប្រម៉ល់ ហេតុនេះត្រូវចេះទប់ចិត្ត សង្កត់អារម្មណ៍ទើបគ្មានបញ្ហាមិនល្អណាមួយចោទឡើង។ការប្រកបការងារវិញត្រូវចេះដោះស្រាយរឿងចាស់ឬរឿងអ្វីមួយឱ្យបានល្អទើបគ្មានបញ្ហាចោទឡើង។សម្រាប់អ្នកប្រកបរបររកស៊ីជួញដូរពុំមានការរីកលូតលាស់ទៅមុខគួរជាទីកត់សម្គាល់ទេ ហើយក៏មិនមានការថយក្រោយដែរគឺដូចសព្វមួយដង។ រីឯបញ្ហាសម្ព័ន្ធស្នេហាកំលោះក្រមុំជួបរឿងខ្វាយខ្វល់ព្រោះតែម្នាក់ៗប្រកាន់ចិត្តខ្លាំង ម្ល៉ោះហើយការកើតរឿងរាវប្រទាំងប្រទើសងាយផ្ទុះឡើងណាស់៕
ឆ្នាំរោង
រាសីខ្ពស់ត្រដែត។ លោកអ្នកកើតឆ្នាំរោងថ្ងៃនេះបើចង់ពឹងពាក់ឬចង់ឱ្យនរណាជួយក្នុងរឿងអ្វីមួយតែងមានក្រុមមនុស្សអាណិតស្រឡាញ់ជួយជ្រោមជ្រែង។ការប្រកបការងារវិញទោះធ្វើអ្វីងាយឆាប់ចប់និងទទួលលទ្ធផលលឿនផង។សម្រាប់អ្នកប្រកបរបររកស៊ីជួញដូរវិញចូរលោកអ្នកគប្បីបង្កើនការទំនាក់ទំនងជាមួយអ្នកដទៃឱ្យបានច្រើនព្រោះអាចទទួលផលប្រយោជន៍មកវិញយ៉ាងច្រើនជាក់ជាពុំខាន។ រីឯបញ្ហាសម្ព័ន្ធស្នេហាកំលោះក្រមុំឬពោះម៉ាយមេម៉ាយក្តីត្រូវចេះយកចិត្តទុកដាក់ថែទាំចំណងស្នេហ៍ទើបមិនកើតរឿងបែកបាក់នៅគ្រាខាងមុខ៕
ឆ្នាំម្សាញ់
រាសីល្អជាមធ្យម។ ក្នុងថ្ងៃនេះដំណើរជីវិតរបស់លោកអ្នកចាប់ផ្តើមនឿយហត់ និងជួបស្ថានភាពលំបាក ហេតុនេះត្រូវអត់ធ្មត់តស៊ូជាមួយវាទើបប្រសើរ។ការប្រកបការងារវិញនាថ្ងៃនេះមិនសូវរីកចម្រើនទេពោលគឺមានការថយក្រោយនិងមានបញ្ហាច្រើន។សម្រាប់អ្នកប្រកបរបររកស៊ីជួញដូរនៅថ្ងៃនេះវិញមានការទិញចូលលក់ចេញរស់រវើកគ្រាន់បើហើយផលកម្រៃមានចូលគ្រាន់កក់ក្តៅផ្លូវចិត្ត។ សម្ព័ន្ធស្នេហាកំលោះក្រមុំមានដំណើរថយក្រោយហើយប្រឆាំងគ្នាច្រើនចូរប្រយ័ត្នកើតជម្លោះវិវាទណាមួយនាំត្រូវឈឺផ្សារផ្លូវចិត្ត៕
ឆ្នាំមមី
ររាសីស្រុតចុះ។ ក្នុងថ្ងៃនេះលោកអ្នកធ្វើអ្វីងាយទទួលរងផលប៉ះទង្គិចនិងមានរឿងរាវត្រូវដំបៅចិត្តផង។ការប្រកបការងារលោកអ្នកមិនត្រូវហ៊ានរិះគន់ចៅហ្វាយនាយឡើយប្រយ័ត្នជញ្ជាំងមានត្រចៀកកើតមានរឿងរាវជាប់កុនដល់អាត្មាខ្លួនវិញ។ចំពោះអ្នកប្រកបរបររកស៊ីជួញដូរទោះជួញទីជិតឆ្ងាយមិនសូវដូចសមប្រកបប៉ុន្មានដែរគឺច្រើនខកបំណង ហើយពិសេសឱ្យប្រយ័ត្នកើតរឿងជម្លោះវិវាទថែមទៀត។ រីឯសេចក្តីស្នេហាកំលោះក្រមុំកើតមានការរកាំចិត្តនិងចម្រូងចម្រាសចំពោះគ្នាច្រើន៕
ឆ្នាំមមែ
រាសីល្អជាមធ្យម។ក្នុងរង្វង់គ្រួសារមានភាពស្រុះស្រួល គ្នាគ្រាន់គាប់ប្រសើរ ហើយបើចង់ដោះស្រាយអ្វីមួយក្នុងរង្វង់គ្រួសារក៏ជាការល្អប្រពៃដែរ។នៅថ្ងៃនេះបើមានកិច្ចការតូចធំលោកអ្នកអាចសម្រុកបានហើយពីព្រោះថាផលតែងហុចមកវិញគ្រាន់កក់ក្តៅ។អ្នកប្រកបរបររកស៊ីជួញដូរការរកប្រាក់ចំណូលមានហូរចូលគ្រាន់គួរជាទីកក់ក្តៅផងដែរ ហើយបើចង់ជួញផ្លូវឆ្ងាយផងជាការប្រសើរដោយលោកអ្នកអាចកើបផលចំណូលត្រឡប់មកវិញយ៉ាងត្រជាក់ចិត្ត។ ស្នេហាប្រុសស្រីមានភាពចម្រើនលូតលាស់ទៅមុខ ហើយបើជាស្នេហាថ្មីថ្មោងផងតែងបានទទួលក្តីសង្ឃឹមពីគ្នាយ៉ាងកក់ក្តៅ៕
ឆ្នាំវក
រាសីល្អជាមធ្យម។ ទាំងស្ត្រីបុរសលោកអ្នកត្រូវចេះរក្សាភាពនឹងធឹងទោះមានបញ្ហាអ្វីក៏ដោយ ពីព្រោះថាងាយកើតរឿងរាវជាមួយសាច់ញាតិឬមិត្តភក្តិទៀតផង។ដោយឡែក ការប្រកបការងារថ្ងៃនេះលោកអ្នកគប្បីមានការព្យាយាមអត់ធ្មត់បន្តិចពីព្រោះថាផលអាក្រក់នោះងាយកើតមានផង។ចំពោះអ្នកប្រកបរបររកស៊ីជួញដូរវិញឱ្យប្រយ័ត្នពាក្យសម្តីបន្តិចព្រោះងាយប៉ះទង្គិចជាមួយមនុស្សនៅជុំវិញខ្លួនណាស់។ រីឯបញ្ហាស្នេហាប្រុសស្រីកុំចង់យកកំហឹងទល់កំហល់ប្រយ័ត្នកើតជម្លោះវិវាទឈានដល់ការមិនមាត់ការរកគ្នាច្រើនថ្ងៃ៕
ឆ្នាំរកា
រាសីខ្ពស់ត្រដែត។ក្នុងថ្ងៃនេះដំណើរជីវិតរបស់លោកអ្នកភ្លឺថ្លាហើយក៏ពុំមានអ្វីជាឧបសគ្គធំដុំចូលមកយាយីនាំជួបផលលំបាកត្រូវឆ្លងកាត់នោះឡើយ។ក្រៅពីនេះបើលោកអ្នកមានប្រកបការងារអ្វីមិនត្រូវមើលស្រាលក្រុមមនុស្សឡើយត្រូវតែប្រុងប្រយ័ត្នជានិច្ចពីព្រោះគេចាំមើលតែលោកអ្នកចន្លោះប្រហោងដើម្បីវាយប្រហារប៉ុណ្ណោះ។ចំណែកអ្នកប្រកបរបររកស៊ីជួញដូរបើចង់ប្រកបជំនួញទីជិតឆ្ងាយគឺតែងអាចទទួលនូវផលកម្រៃឆ្លើយតបគ្រាន់កក់ក្តៅ។ បញ្ហាសម្ព័ន្ធស្នេហាកំលោះក្រមុំមានភាពផុយស្រួយជម្លោះវិវាទគួរប្រយ័ត្នប្រយែងពាក្សសម្តីបន្តិចទើបជាការប្រពៃបំផុត៕
ឆ្នាំច
រាសីស្រុតចុះ។នៅថ្ងៃនេះដំណើរជីវិតរបស់លោកអ្នកមិនល្អប្រសើរទេ ពិសេសស្ត្រីមានគ្រោះយាយីនៅឡើយដូចនេះទោះធ្វើអ្វីក៏តែងមិនភ្លឺថ្លាដូចគាប់បំណងប៉ុន្មាននោះឡើយ។ការប្រកបការងារមិនមានអ្វីប្រែប្រួលប្តូរផ្លាស់ទេគឺដូចសព្វមួយដង។អ្នកប្រកបរបររកស៊ីជួញដូរជួបបញ្ហាស្មុគ្រស្មាញច្រើន ពិសេសងាយជួបគ្រោះចាញ់បោកគេថែមទៀតគប្បីមានការប្រយ័ត្នប្រយែង ។ បញ្ហាគូស្វាមីភរិយាជួបបញ្ហាប្រទាំងប្រទើសនិងមានការបង្កទំនាស់ពាក្យសម្តីច្រើនបន្តិចដោយសារម្នាក់ៗចង់ចាញ់ឈ្នះគ្នារៀងៗខ្លួ។ ៕
ឆ្នាំកុរ
រាសីល្អជាមធ្យម។ក្នុងថ្ងៃនេះឃើញថាដំណើរជីវិតមានភាពល្អប្រសើរ ម្ល៉ោះហើយបើចង់ជជែកពិភាក្សា ឬ ចង់ចូលដោះស្រាយបញ្ហាតូចធំជាមួយសាច់ញាតិ ឬ សូម្បីតែអ្នកដទៃតែងទទួលផ្លែផ្កាគ្រាន់កក់ក្តៅ។ ការប្រកបការងារ របស់លោកអ្នកនៅតែល្អប្រសើរហើយបើចង់ធ្វើអ្វីផ្លែផ្កាតែងឆ្លើយតបមកវិញជានិច្ច។ អ្នកអាជីវករនៅថ្ងៃនេះវិញមានការទិញចូលលក់ចេញគ្រាន់កម្រើកបន្តិចឡើងវិញ ហើយបើចង់ជួញទីជិតឆ្ងាយតែងហុចលទ្ធផលគ្រាន់ពេញចិត្តដែរ។ រីឯបញ្ហាសេចក្តីស្នេហាកំលោះក្រមុំកុំគប្បីមានការជ្រួលជ្រើមខុសបែបបទប្រយ័ត្នការសប្បាយក្លាយជាទុក្ខវិញ៕