ហោរាសាស្រ្ត ប្រចាំថ្ងៃ ពុធ ទី ០១ ខែ មិថុនា ឆ្នាំ ២០២២ ត្រូវនឹងថ្ងៃ ២កើត ខែជេស្ឋ ឆ្នាំខាល ចត្វាស័ក ពស២៥៦៥
ឆ្នាំជូត
រាសីស្រុតចុះ។នៅថ្ងៃនេះឆ្លងចូលខែថ្មីតែយ៉ាងណាដំណើរជីវិតរបស់ លោកអ្នកស្ថិតនៅលើកំណាត់ផ្លូវរដិបរដុបបន្តិច ម្ល៉ោះហើយលោកអ្នកតែងជួបនូវឧបសគ្គយាយី និងបញ្ហាបានរត់ចូលមកច្រើន។ការប្រកបការងារត្រូវព្យាយាមតាំងចិត្តទាំងកិច្ចការតូចតាចនិងធំដុំ ពីព្រោះថាងាយទទួលរងការរិះគន់ ឬមានការស្តីបន្ទោសដោយប្រការណាមួយណាស់។ចំពោះអ្នកប្រកបរបររកស៊ីជួញដូរការរកផលចំណូលមានភាពតានតឹងវិញតែយ៉ាងណាការជួញទីជិតឆ្ងាយជួបសេចក្តីសុខក្សេមក្សាន្តដូចសព្វមួយដង។ សម្ព័ន្ធស្នេហាកំលោះក្រមុំកើតមានការប្រឆាំងគ្នានិងបើមានទំនាស់ផងតែងកើតពីរឿងតូចតាច ហើយ រីកជាធំផង៕
ឆ្នាំឆ្លូវ
រាសីខ្ពស់ត្រដែត។អ្នកកើតឆ្នាំគោឆ្លងចូលខែថ្មី មិថុនានេះដំណើរជីវិតខ្ពស់ត្រដែត ម្ល៉ោះហើយរាល់បញ្ហាមិនល្អខ្លះដែលធ្លាប់តែយាយីបានចាកចេញទៅឆ្ងាយ ហេតុនេះការរស់នៅមានភាពសុខដុមគ្រាន់គាប់ប្រសើរឡើងវិញ។នៅថ្ងៃនេះផ្តល់ផលល្អសម្រាប់លោកអ្នកដំណើរកិច្ចការងារអ្វីមួយពីព្រោះថាផលជាផ្លែផ្កាតែងហុចមកវិញផង។ចំពោះអ្នកប្រកបរបររកស៊ីជួញដូរពេលនេះប្រៀបបានដូចជា”ភ្លៀងធ្លាក់មួយមេមេឃស្រទ្បះ”ព្រោះអាចកម្ចាត់រាល់ឧបទ្រពចង្រៃទាំងពួងឱ្យវិនាសជាអហោសិកម្មអស់ ហើយលោកអ្នកអាចប្រកបមុខរបរពេញដៃពេញជើងទ្បើងវិញ។ រីឯបញ្ហាសេចក្តីស្នេហាប្រុសស្រីមានការស្រុះស្រួល ហើយបើមានជម្លោះវិវាទជាពេលល្អក្នុងការដោះស្រាយហើយ៕
ឆ្នាំខាល
រាសីស្រុតចុះ។ឆ្លងចូលខែថ្មីនាថ្ងៃនេះដោយសារដួងរាសីស្រុតចុះ ម្ល៉ោះហើយការរស់នៅទោះធ្វើអ្វីលោកអ្នកតោងតែប្រយ័ត្នប្រយែងបន្តិចទើបមិនមានផលប៉ះពាល់ណាមួយឈានចូលកើត។ចំពោះការប្រកបការងារលោកអ្នកក៏តែងជួបនូវរឿងខ្វាយខ្វល់ និងកិច្ចការងារមានបញ្ហាចូលយាយីក៏ច្រើន។អ្នកប្រកបរបររកស៊ីជួញដូរក្នុងថ្ងៃនេះឃើញថាមិនផ្តល់ផលល្អសម្រាប់ការធ្វើជំនួញធំៗប៉ុន្មានទេព្រោះថាផលកម្រៃមិនឆ្លើយតបដូចសេចក្តីប្រាថ្នាឡើយ។ រីឯបញ្ហាសម្ព័ន្ធស្នេហាកំលោះក្រមុំជួបរឿងប្រទាំងប្រទើស និងបង្ករឿងចំពោះគ្នាច្រើនជាងសព្វមួយដង៕
ឆ្នាំថោះ
រាសីល្អជាមធ្យម។នៅថ្ងៃនេះលោកអ្នកមុនធ្វើអ្វី ឬ ចង់ធ្វើអ្វីគប្បីមានការគិតឱ្យបានគ្រប់ជ្រុងជ្រោយពីព្រោះថាដួងរាសីកំពុងស្ថិតនៅក្នុងអំឡុងមានបញ្ហារង្គោះរង្គើមួយចំនួនយាយី ម្ល៉ោះហើយបើសម្រេចចិត្តត្រូវមិនថ្វីទេ ប៉ុន្តែបើសម្រេចចិត្តខុសនោះផលលំបាកក៏កើតមានច្រើនទៅតាមនោះដែរ។ការប្រកបការងារពុំមានអ្វីប្រែប្រួលប្តូរផ្លាស់គួរជាទីកត់សម្គាល់ទេគឺដូចសព្វមួយដង។សម្រាប់អ្នកប្រកបរបររកស៊ីជួញដូរនៅថ្ងៃនេះវិញមិនថាផ្លូវគោកផ្លូវទឹកឬផ្លូវអាកាសក្តីទោះលោកអ្នកខិតខំប៉ុនណាបានត្រឹមមួយទប់ទល់ ហើយបើឱ្យសល់ធំដុំនោះគ្មានឡើយ។ សម្ព័ន្ធស្នេហាកំលោះក្រមុំឬពោះម៉ាយមេម៉ាយក្តីកើតមានការចាប់កំហុស និងយកភាពប្រចែប្រច័ណ្ឌដាក់ខ្លួននាំឱ្យកើតការរកាំចិត្តចំពោះគ្នាច្រើន ៕
ឆ្នាំរោង
រាសីល្អជាមធ្យម។ថ្ងៃនេះបើលោកអ្នកចង់ធ្វើអ្វីមួយក៏នៅអាចដំណើរការទៅមុខជាធម្មតា ហើយផ្លែផ្កាក៏ហុចឱ្យគួរសមផង។ទោះបីយ៉ាងណាក៏ដោយលោកអ្នកធ្វើអ្វីៗត្រូវគិតឱ្យបានគ្រប់ជ្រុងជ្រោយកុំធ្វើទាំងចុងដៃចុងជើងនោះនាំជួបតែបញ្ហាស្មុគស្មាញនៅគ្រាខាងមុខ។ការធ្វើដំណើរជាជំនួញទីជិតឆ្ងាយលោកអ្នកមិនគប្បីមានការមាត់ប៉ប៉ាច់ប៉ប៉ោចច្រើនឡើយព្រោះជញ្ជាំងមានត្រចៀកហើយ បើហ៊ានរិះគន់អ្នកដទៃនាំត្រូវកើតជារឿងរាវនៅគ្រាខាងមុខពុំខាន ។ សេចក្តីស្នេហាកំលោះក្រមុំជួនល្អជួនអាក្រក់ព្រោះតែព្យុះភ្លៀងកំពុងអុកឡុកដំណើរជីវិតស្នេហារបស់លោកអ្នកឱ្យទទួលរងផលលំបាកច្រើនចំពោះមុខ ៕
ឆ្នាំម្សាញ់
រាសីខ្ពស់ត្រដែត។ក្នុងថ្ងៃនេះបើលោកអ្នកចង់ពឹងពាក់ឬខ្ចីរបស់អ្វីមួយពីអ្នកដទៃឃើញថាតែងសម្រេចជោគជ័យឬមនុសុ្សភាគច្រើនអាណិតអាសូរជានិច្ច។ការប្រកបការងារមានភាពជឿនលឿន និង ការចុះសម្រុងគ្នាឃើញថា ច្រើនគួរសម។ចំពោះអ្នកប្រកបរបររកស៊ីជួញដូរបើចង់បោះទុនតូចធំមិនទាស់ខុសអ្វីទេតែយ៉ាងណាត្រូវចេះពិនិត្យឱ្យបានគ្រប់ជ្រុងជ្រោយទើបមិនត្រូវអសារបង់ប្រាក់កាសដោយប្រការណាមួយ។
រីឯបញ្ហាសេចក្តីស្នេហាកំលោះក្រមុំមានការស្រុះស្រួល និងផ្អែមល្ហែមប្រពៃ៕
ឆ្នាំមមី
រាសីល្អជាមធ្យម។ការរស់នៅក្នុងរង្វង់គ្រួសារស្ត្រីចូរចេះអត់ធ្មត់កិច្ចការងារផ្ទះសម្បែងបន្តិច បើពុំនោះទេនឹងកើតជម្លោះវិវាទណាមួយពុំខាន។នៅថ្ងៃនេះការប្រកបការងារចូរប្រយ័ត្នការប៉ះទង្គិចសម្តីណាមួយជាមួយក្រុមមនុស្សនៅក្បែរខ្លួន។អ្នកប្រកបរបររកស៊ីជួញដូរនេះវិញលោកអ្នកជួបរឿងខ្វាយខ្វល់ច្រើនព្រោះតែការធ្វើជំនួញទីជិតឆ្ងាយមិនសមដូចប្រកបទេ ច្រើនអង្គុយស្ងាបឬដកដង្ហើមចោលច្រើនជាង។
រីឯបញ្ហាស្នេហាប្រុសស្រីមានការប្រែប្រូលប្តូរផ្លាស់ព្រោះជួនផ្អែមល្ហែម ជួនពាក់មុខខ្លាដាក់គ្នា៕
ឆ្នាំមមែ
រាសីស្រុតចុះ។ឆ្លងចូលខែថ្មីនាថ្ងៃនេះដោយសារដួងរាសីស្រុតចុះ ហេតុនេះទាំងស្ត្រីបុរសការធ្វើដំណើរឆ្ងាយជិតពុំសូវមានសុវត្តិភាពទេគប្បីបន្ថែមការប្រុងប្រយ័ត្នបន្តិច ពិសេសចូរប្រយ័ត្នក្រុមមនុស្សបៀតបៀនយាយីតែម្តង។ការប្រកបការងាររបស់ លោកអ្នកក៏មិនសូវល្អប្រសើរដែរ ហើយបើចង់ធ្វើអ្វីមួយ ឬ សម្រេចចិត្តកិច្ចការអ្វីគប្បីប្រយ័ត្នប្រយែងពីព្រោះថាផលអាក្រក់នោះមានច្រើនត្រូវឆ្លងកាត់។អ្នកប្រកបរបររកស៊ីជួញដូរពេលនេះមុខជំនួញឆ្ងាយជិតមានការប្រែប្រួលពីល្អមកអាក្រក់ច្រើន ដូច្នេះគួរមានការប្រយ័ត្តប្រយែងឱ្យបានខ្លាំងក្លា។ បញ្ហាស្នេហាពិសេសស្ត្រីគឺមានមន្តស្នេហ៍ប្រពៃហើយអាចមានគេចោមរោមស្រឡាញ់ច្រើនតែយ៉ាងណាប្រយ័ត្នព្រាននារីក៏មានតាមចាំបោកប្រាស់ក៏ច្រើន៕
ឆ្នាំវក
រាសីខ្ពស់ត្រដែត។ក្នុងថ្ងៃនេះបើលោកអ្នកជួបផលលំបាកនឹងមានក្រុមមនសុ្សជួយណែនាំ និង ផ្តល់យោបល់ដែលនាំឱ្យជួបផលល្អៗមកវិញ។ការប្រកបការងារឃើញថាពុំមានឧបសគ្គចូលមកយាយីនាំលោកអ្នកពិបាកឆ្លងកាត់ឡើយ។សម្រាប់អ្នកប្រកបរបររកស៊ីជួញដូរវិញការជួញទីជិតឆ្ងាយមិនថាផ្លូវគោកផ្លូវទឹកផ្លូវអាកាសក្តីតែងហុចផ្លែផ្កានិងប្រមូលផលកម្រៃគ្រាន់ជាទីកក់ក្តៅ ហើយក៏មានភាពសុខដុមប្រពៃ។
រីឯបញ្ហាស្នេហាប្រុសស្រីបើចង់ធ្វើការជ្រើសរើសគូស្រករតែងជួបគូព្រេងពិតដូចសេចក្តីប្រាថ្នា៕
ឆ្នាំរកា
រាសីខ្ពស់ត្រដែត។ឈានចូលខែមិថុនាថ្ងៃនេះដោយសារដួងរាសីខ្ពស់ត្រដែត ម្ល៉ោះហើយនៅផ្ទះសម្បែងបើមានជម្លោះវិវាទក្នុងគ្រួសារ ហើយលោកអ្នកចង់ធ្វើការដោះស្រាយមិនត្រឹមឆាប់ត្រូវរ៉ូវគ្នាទេថែមទាំងអាចប្រែមកផ្អែមល្ហែមឆាប់រហ័សទៀតផង។ក្នុងថ្ងៃនេះការបំពេញការងារអ្វីតែងងាយឆាប់ចប់ និងសម្រេចលទ្ធផលគួរជាទីពេញចិត្តថែមទៀត។ក្រៅពីនេះក៏ផ្តល់ផលល្អសម្រាប់លោកអ្នកបំពេញការងារចាស់ថ្មីមួយចំនួនទៀត។ លោកអ្នកអាចបណ្តាក់ទុនរកស៊ីមិនថាតូចតាចឬធំដុំក្តីគឺតែងអាចហុចនូវផ្លែផ្កាសមប្រកបសឹងតែទាំងអស់។ បញ្ហាស្វាមីភរិយាមានភាពសុខដុមរមនាដោយចេះយោគយល់ចិត្តគ្នាច្រើន ៕
ឆ្នាំច
រាសីល្អជាមធ្យម។នៅថ្ងៃនេះការធ្វើដំណើរទីជិតឆ្ងាយឱ្យប្រយ័ត្នរោគជំងឺបៀតបៀនយាយី ឬកើតបញ្ហាដោយប្រការណាមួយរកស្មានមិនដល់។ការប្រកបការងារលោកអ្នកក៏ត្រូវចេះគ្រប់គ្រងអារម្មណ៍ឱ្យបានល្អ និងមិនត្រូវប្រកាន់ចិត្តឆេវឆាវឡើយនាំតែកើតបញ្ហាមិនចេះចប់ប៉ុណ្ណោះ។សម្រាប់ការប្រកបរបររកស៊ីជួញដូរលោកអ្នកអាចមានបាតុភាពរកាំរកូសខ្លះៗកើតឡើង ដូចនេះត្រូវចេះបើកចិត្តឱ្យទូលាយដោយធ្វើមិនដឹងមិនឮចំពោះរឿងរាវខ្លះទើបប្រសើរបំផុត។ រីឯបញ្ហាស្នេហាកំលោះក្រមុំបើចង់ធ្វើការជ្រើសរើសគូស្រករពុំល្អទេគប្បីមានការត្រួតពិនិត្យឱ្យបានគ្រប់ជ្រុងជ្រោយព្រោះច្រើនជួបគូកម្មច្រើនជាងគូព្រេង៕
ឆ្នាំកុរ
រាសីស្រុតចុះ។ក្នុងថ្ងៃនេះដោយសារដួងរាសីស្រុតចុះ ម្ល៉ោះហើយលោកអ្នកអាចនឹងជួបនូររឿងរាវប្រទាំងប្រទើស និងរឿងរាវទាស់ទែងពាក្យសម្តីផង។ការប្រកបការងារលោកអ្នកមិនត្រូវជឿពាក្យអុជអាលអ្នកដទៃឡើយបើពុំនោះទេរឿងខ្លះតូចតាចសោះអាចរីកក្លាយជាធំជាក់ជាពុំខាន។សម្រាប់អ្នកប្រកបរបររកស៊ីជួញដូរមានការទិញចូលលក់ចេញគ្រាន់រស់រវើកបន្តិចវិញ ប៉ុន្តែយ៉ាងណាផលកម្រៃក៏មិនសូវឆ្លើយតបដូចសេចក្តីប៉ងប្រាថ្នាទេឬអាចនិយាយបានថាគ្រាន់មួយទប់ទល់។ សម្ព័ន្ធស្នេហាប្រុសស្រីកុំយកភាពប្រចែប្រច័ណ្ឌដឹកច្រមុះឱ្យសោះប្រយ័ត្នកើតរឿងរាវឈានមិនដល់ខ្លោងទ្វារអាពាហ៍ពិពាហ៍៕