ហោរាសាស្រ្តប្រចាំថ្ងៃពុធ ទី០៣ ខែឧសភា ឆ្នាំ២០២៣

នៅថ្ងៃពុធ ទី០៣ ខែឧសភា ឆ្នាំ២០២៣នេះ គេហទំព័រហោរាសាស្រ្ដចិនបានចុះផ្សាយពីរាសីប្រចាំថ្ងៃនៃអ្នកដែលកើតឆ្នាំទាំង១២ថា៖

ឆ្នាំជូត៖ រាសីល្អជាមធ្យម។ក្នុងផ្ទះសម្បែងស្ត្រីត្រូវយកចិត្តទុកដាក់កិច្ចការឱ្យបានច្រើនបើពុំនោះទេបញ្ហាចម្រូងចម្រាសពិតជាកើតមានទៀតពុំខាន។ការប្រកបការងារ ជួបភាពរដិបរដុបបន្តិច ដូចនេះទោះធ្វើអ្វីក៏ដោយគឺជារឿយៗពុំសូវដំណើរការបានស្រួលទេព្រោះតែងមានរឿងរ៉ាវមកយាយីអុកទ្បុក ដូចនេះបើពុំព្យាយាមដោះស្រាយទេពិតជាជួបបញ្ហានៅគ្រាខាងមុខហើយ។ អ្នកប្រកបរបររកស៊ីជួញដូរក្នុងថ្ងៃនេះដែរមានភាពប្រទាំងប្រទើសចំពោះមុខ ប៉ុន្តែយ៉ាងណាក៏ចំណូលមានហូរចូលដោយអាចប្រមូលចូលផ្ទះវិញគ្រាន់ជាទីកក់ក្តៅ។ សម្ព័ន្ធស្នេហាកំលោះក្រមុំកើតរឿងទុក្ខព្រួយលុកលុយព្រោះតែភាពរកាំរកូសកើតមានឥតសូវសុខស្រួលខ្លួនប៉ុន្មានទេ៕

ឆ្នាំឆ្លូវ៖ រាសីស្រុតចុះ។នៅថ្ងៃនេះដំណើរជីវិតរបស់លោកអ្នកមិនល្អប្រសើរទេ ពិសេសងាយមានការផ្លាស់ប្តូរខាងអារម្មណ៍ ឬ ប្រាក់កាសផង។ការប្រកបការងារលោកអ្នកឱ្យប្រយ័ត្នប្រយែងបញ្ហា ឯកសារ ពីព្រោះថាងាយបាត់បង់ឬត្រូវជួបគ្រោះចាញ់បោកគេណាស់។អ្នកប្រកបរបររកស៊ីជួញដូរលាភតូចធំពុំសូវសម្បូរទេព្រោះបើមិនបោលហួសគឺឈោងចាប់មិនសូវជាប់នោះឡើយ។ បញ្ហាសេចក្តីស្នេហាកំលោះក្រមុំជួបរឿងរកាំចិត្តពីព្រោះតែការប្រឆាំងគ្នាច្រើន៕

ឆ្នាំខាល៖ រាសីខ្ពស់ត្រដែត។ការរស់នៅថ្ងៃនេះឃើញថា លោកអ្នក ជួបភាពសុខដុម ហើយបើចង់កសាងមិត្តឬលុបបំបាត់រឿងរាវពីមុនមកជាមួយអ្នកដទៃក៏ជាការល្អប្រពៃ។ការប្រកបការងារមានការជឿនលឿនទៅមុខ និងបើសម្រេចចិត្តក្នុងរឿងអ្វីមួយតែងហុចផល គ្រាន់ជាទីគាប់បំណង។ចំពោះអ្នកប្រកបរបររកស៊ីជួញដូរក្នុងថ្ងៃនេះដែរបញ្ហាប្រាក់កាស និងទ្រព្យសំណាងបានឡើងខ្ពស់ ហើយបើមានការខិតខំតែងហូរចូលគួរសម។ រីឯបញ្ហាស្នេហាប្រុសស្រីបើមានការទុំជោរ ហើយមិនត្រូវបង្អង់បន្តទៅទៀតបានទេជាឱកាសល្អបំផុតក្នុងការផ្សំផ្គុំគ្រួសារហើយដែរ៕

ឆ្នាំថោះ៖ រាសីខ្ពស់ត្រដែត។ផ្តល់ផលល្អសម្រាប់លោកអ្នកសម្រេចចិត្តក្នុងការចរចា ទំនាក់ទំនងការងារ ការសម្រេចចិត្តរឿងធ្វើអាជីវកម្ម ពីព្រោះថាផលតែងឆ្លើយតបគ្រាន់គាប់បំណង។ថ្ងៃនេះដែរដោយសារយីអ៊ុនឡើងខ្ពស់ ម្ល៉ោះហើយការប្រកបកិច្ចការតូចធំ តែងមានសញ្ញាភ្លើងខៀវបើករង់ចាំជានិច្ច។សម្រាប់អ្នកប្រកបរបររកស៊ីជួញដូរបើទោះបីលោកអ្នកចេញធ្វើជំនួញទីជិតឆ្ងាយមិនទាស់ខុសអ្វីទេព្រោះថាផ្លែផ្កាដែលទទួលបានក៏មានការរីកលូតលាស់ជាសន្សឹមៗគ្រាន់បំពេញបំពង់ដែរ។ រីឯបញ្ហាស្នេហាកំលោះក្រមុំកុំជ្រួលជ្រើមខុសរបៀបប្រយ័ត្នរែកពន់ផលលំបាក និង ភាពទុក្ខសោកមកវិញ៕

ឆ្នាំរោង៖ រាសីស្រុតចុះ។ការរស់នៅជាពិសេសស្ត្រីមេផ្ទះចូរប្រយ័ត្នកូនចៅដើរពាសវាលកាល ហើយនាំរឿងរាវក្រៅផ្ទះមកអំពលទុក្ខ។ការប្រកបការងារទាំងស្ត្រីបុរសលោកអ្នកមិនត្រូវជឿសម្តីក្រុមមនុស្សច្រើនពេកឡើយប្រយ័ត្នគេនាំរឿងរាវមកឱ្យមិនដឹងខ្លួន ហើយនៅពេលក្រោយគេបែរជាទទួលផលប្រយោជន៍ទៅវិញ។ចំពោះលោកអ្នកដែលចង់ពង្រីកមុខជំនួញដោយសារទ្រព្យដែលជាលាភហេងមានការខ្សត់ខ្សោយ ដូចនេះមិនត្រូវហ៊ានបោះទុនរកស៊ីដោយចំណាយទុនធំដុំឡើយប្រយ័ត្នចំណាយប្រាក់ទុនទៅហើយរកតែដកដើមមកវិញមិនឃើញ។ រីឯសេចក្តីស្នេហាប្រុសស្រីមានភាពតានតឹងព្រោះតែម្នាក់ៗមិនសូវចេះអត់ឱនឱ្យគ្នាប៉ុន្មានឡើយ៕

ឆ្នាំម្សាញ់៖ រាសីល្អជាមធ្យម។លោកអ្នកមានការនឿយហត់ និង មានការសម្រេចចិត្តខុសច្រើនគប្បីមានការប្រយ័ត្នប្រយែង។ការប្រកបការងារពុំមានអ្វីប្រែប្រួលប្តូរផ្លាស់ទេគឺអ្វីៗដូចសព្វមួយដង ។អ្នកប្រកបរបររកស៊ីជួញដូរនៅថ្ងៃនេះវិញទោះលោកអ្នកធ្វើអ្វីក៏ដោយត្រូវមានចិត្តត្រជាក់ ហើយមិនត្រូវយកភាពមោហៈទោសៈដាក់ខ្លួនឡើយព្រោះមានតែងផ្តល់ផលអាក្រក់ជាងល្អ។ សម្ព័ន្ធស្នេហាកំលោះក្រមុំកុំឃើញថ្មីចង់ចោលចាស់ប្រយ័ត្នកម្មពៀរវាឆ្លងម្តងម្នាក់ហើយត្រូវមកដេកឈឺចាប់នៅពេលក្រោយវិញ៕

ឆ្នាំមមី៖ រាសីល្អជាមធ្យម។នៅថ្ងៃនេះលោកអ្នកគប្បីរក្សាភាពស្ងប់ស្ងាត់ ហើយមិនត្រូវអួតអាងឬច្រងេងច្រងាងឡើយពីព្រោះមានតែក្រុមមនុស្សចាំវាយប្រហារដែលលោកអ្នកពិបាកទប់ទល់ណាស់។ការប្រកបការងារបើមានបញ្ហាអ្វីកើតឡើងលោកអ្នកត្រូវរក្សាភាពនឹងធឹង ហើយយកបញ្ញាជាអាវុធក្នុងការដោះស្រាយទើបអាចឆ្លងគ្រាលំបាកៗឬសត្រូវចំពោះមុខទៅរួច។សម្រាប់អ្នកប្រកបរបររកស៊ីជួញដូរលោកអ្នកជួបប្រទះនូវរឿងរ៉ាវប្រទាំងប្រទើសច្រើន ហើយបើចេះធ្វើគធ្វើថ្លង់ខ្លះទើបមានភាពសុខដុមគ្រាន់ស្រួលខ្លួន។ រីឯបញ្ហាសេចក្តីស្នេហាកំលោះក្រមុំមានដំណើរថយក្រោយដូចនេះប្រយ័ត្នជម្លោះវិវាទឈានដល់ការបែកបាក់៕

ឆ្នាំមមែ៖ រាសីខ្ពស់ត្រដែត។ក្នុងថ្ងៃនេះផ្តល់ផលល្អសម្រាប់លោកអ្នកចរចា ឬចុះ ហត្ថលេខា រឿងសំខាន់អ្វីមួយ ។ថ្ងៃនេះដែរជាពេលវេលាល្អសម្រាប់លោកអ្នកបំពេញការងារសំខាន់ ឬធំដុំពីព្រោះថាផ្លែផ្កាដែលហុចមកវិញនោះតែងទទួលបានដូចជាទីពេញចិត្ត។សម្រាប់អ្នកប្រកបរបររកស៊ីជួញដូរពេលនេះជាឱកាសល្អក្នុងការផ្លាស់ប្តូរមុខរបរឬរើទីកន្លែងលក់ដូរដោយអាចជួបនូវក្តីចម្រុងចម្រើនលូតលាស់ឈានទៅមុខជានិច្ច។ សម្ព័ន្ធស្នេហាកំលោះក្រមុំឬពោះម៉ាយមេម៉ាយក្តីបើចង់ណែនាំឱ្យចាស់ទុំបានស្គាល់ឬចូលចែវចូវជាឱកាសល្អប្រពៃមួយដែរ៕

ឆ្នាំវក៖ រាសីស្រុតចុះ។នៅថ្ងៃនេះលោកអ្នកងាយកើតនូវបញ្ហាតប់ប្រម៉ល់ និង មានរឿងរាវទាស់ទែងជាមួយអ្នកដទៃជាងសព្វមួយដង។ការប្រកបការងារក៏ពុំល្អដែរ ម្ល៉ោះហើយត្រូវតាំងចិត្តត្រជាក់ទើបមិនមានបញ្ហាអ្វីណាមួយឈានចូលកើតនាំពិបាកដោះស្រាយ ហើយពិបាកដល់អាត្មាថែមទៀត។សម្រាប់អ្នកប្រកបរបររកស៊ីជួញដូរវិញការធ្វើជំនួញទោះទីជិតឆ្ងាយមានភាពសុខដុមល្អតែទោះធ្វើអ្វីៗលោកអ្នកតោងតែចេះបែងចែកល្អអាក្រក់ឱ្យបានត្រឹមត្រូវទើបគ្មានរឿងរាវចម្រូងចម្រាសជាមួយអ្នកដទៃ។ រីឯបញ្ហាគូស្នេហ៍កំលោះក្រមុំពុំមានការជឿនលឿនទៅមុខទេ ហើយបញ្ហាជម្លោះក៏មានច្រើន៕

ឆ្នាំរកា៖ រាសីល្អជាមធ្យម។ការរស់នៅមនុស្សល្អអាចប្រែជាអាក្រក់ ដោយសារផលប្រយោជន៍អ្វីមួយ ម្ល៉ោះហើយលោកអ្នកគប្បីមានការប្រយ័ត្នប្រយែងបន្តិចទើបមិនទទួលរងផលលំបាកកើតឡើង។នៅថ្ងៃនេះការបំពេញការងារធំដុំច្រើនភ្លាំងភ្លាត់ពុំសូវសមដូចប្រកបទេ ម្ល៉ោះហើយគប្បីប្រយ័ត្នប្រយែងបន្តិចទើបគ្មានបញ្ហាអាក្រក់ណាមួយកើតឡើង។អ្នកប្រកបរបររកស៊ីជួញដូរការរកផលចំណូលមិនត្រូវឱ្យអតិថិជនជំពាក់ប្រាក់ច្រើនទ្បើយប្រយ័ត្នជួបរឿងដូចពាក្យចាស់ថាពេលឱ្យជំពាក់ធូរដូចទឹកហូរ ឯការសងមកវិញតឹងដូចអូសឬស្សីបញ្ច្រាសចុង ហើយកើតមានតែបញ្ហាជាមួយគ្នាមិនចេះចប់ ។ សម្ព័ន្ធស្នេហាកំលោះក្រមុំមានដំណើរថយក្រោយ ហេតុនេះចូរប្រយ័ត្នជម្លោះវិវាទឈានដល់ការបែកបាក់៕

ឆ្នាំច៖ រាសីស្រុតចុះ។ថ្ងៃនេះលោកអ្នកសម្រេចចិត្តអ្វីមួយងាយជួបគ្រោះចាញ់បោកគេ និង ជួបបញ្ហាត្រូវអូសបន្លាយពេលយូរអង្វែង។ដោយសារដួងរាសីក្នុងថ្ងៃនេះធ្លាក់ស្រុតចុះ ដូចនេះធ្វើឱ្យរាល់កិច្ចការងារជួបភាពរដិបរដុប និង បញ្ហារារាំងចំពោះមុខច្រើន។ក្រៅពីនេះលោកអ្នកអាចមានអារម្មណ៍តប់ប្រម៉ល់នាំកើតតែរឿងរាវចំពោះមុខប៉ុណ្ណោះ។អ្នកប្រកបរបររកស៊ីជួញដូរលោកអ្នកទោះធ្វើអ្វីក៏ដោយតែងមានបញ្ហាបង្កល្អក់កករ ហើយបើមិនចេះអត់ធ្មត់ទេពិតជាកើតបញ្ហាចំពោះមុខពុំខាន។ បញ្ហាគូគ្រងប្តីប្រពន្ធឬគូស្នេហ៍ប្រុសស្រីមានការប្រឆាំងគ្នាច្រើនព្រោះតែភាពប្រចែប្រច័ណ្ឌកំពុងដឹកមុខ៕

ឆ្នាំកុរ៖ រាសីខ្ពស់ត្រដែត។ការរស់នៅផ្តល់ផលល្អសម្រាប់លោកអ្នកចរចា ទំនាក់ទំនងឬចេញដំណើរទៅកាន់ទីណាមួយតែងផ្តល់ផលល្អត្រឡប់មកវិញ។ការប្រកបការងារឃើញថាដំណើរជីវិតរបស់លោកអ្នកមានការរីកលូតលាស់នឹងហុចផលមកវិញគ្រាន់ជាទីពេញចិត្ត។ចំពោះអ្នកប្រកបរបររកស៊ីជួញដូរការចេញធ្វើជំនួញមិនថាផ្លូវគោក ផ្លូវទឹក ផ្លូវអាកាសក្តីតែងមានភាពសុខដុម ហើយផលកម្រៃទៀតសោតបានគ្រាន់បំពេញបំពង់អញ្ចឹងដែរ។ រីឯសេចក្តីស្នហាកំលោះក្រមុំមានការឆាប់ទាំងផ្អែមល្ហែម និងឆាប់ទាំងជម្លោះវិវាទផងដែរ៕