ហោរាសាស្រ្តប្រចាំថ្ងៃព្រហស្បតិ៍ ទី០៤ ខែឧសភា ឆ្នាំ២០២៣

នៅថ្ងៃព្រហស្បតិ៍ ទី០៤ ខែឧសភា ឆ្នាំ២០២៣នេះ គេហទំព័រហោរាសាស្រ្ដចិនបានចុះផ្សាយពីរាសីប្រចាំថ្ងៃនៃអ្នកដែលកើតឆ្នាំទាំង១២ថា៖

ឆ្នាំជូត៖ រាសីស្រុតចុះ។ថ្ងៃនេះដោយសារដួងរាសីស្រុតចុះ ម្ល៉ោះហើយចូរប្រយ័ត្នជួបរឿវរាវទាស់សម្តីណាមួយកើតឡើង។ការប្រកបការងារជួបបញ្ហារអាក់រអួល និង ពិសេសចូរប្រយ័ត្នប្រយែងចៅហ្វាយនាយថាស្តីបន្ទោសដោយប្រការណាមួយ។អ្នកប្រកបរបររកស៊ីជួញដូរការចេញជួញទីជិតឆ្ងាយចូរប្រយ័ត្នជួបគ្រោះចាញ់បោកគេដោយការលង់ជឿសម្តីជនបោកប្រាស់ដោយប្រការណាមួយ។ សម្ព័ន្ធស្នេហាប្រុសស្រីត្រូវចេះយកចិត្តទុកដាក់ចំពោះគ្នា ហើយមិនត្រូវយកភាពប្រចែប្រច័ណ្ឌដាក់មុខទើបគ្មានរឿងរាវចម្រូងចម្រាសកើតឡើងបន្តទៀត៕

ឆ្នាំឆ្លូវ៖ រាសីល្អជាមធ្យម។ថ្ងៃនេះបើលោកអ្នកចង់សម្រេចចិត្តរឿងអ្វីមួយសំខាន់ត្រូវមើលមុខមើលក្រោយឱ្យបានច្បាស់លាស់បើពុំនោះទេប្រយ័ត្នជួបរឿងសោកស្តាយនាពេលក្រោយ ។បើលោកអ្នកមានជួបពិភាក្សាការងារអ្វីក៏តែងទទួលលទ្ធផលជាផ្លែផ្កាហើយពិសេសថែមទាំងឆាប់ចុះសម្រុងគ្នាទៀតផង។ចំណែកអ្នកប្រកបរបររកស៊ីជួញដូរវិញជួបភាពប្រទាំងប្រទើសច្រើនចូរប្រយ័ត្នជម្លោះវិវាទណាមួយកើតឡើងព្រោះតែសម្តីមាត់ឥតគម្របហើយរិះគន់អ្នកដទៃ។ សេចក្តីស្នេហាកំលោះក្រមុំត្រូវចេះពូនជ្រោយចំណងស្នេហាដោយមានភាពផ្អែមល្ហែមនិងយកចិត្តទុកដាក់ចំពោះគ្នាទើបជាការប្រសើរ៕

ឆ្នាំខាល៖ រាសីខ្ពស់ត្រដែត។នៅថ្ងៃនេះលោកអ្នកដែលមានបញ្ហាអាចញញឹមចេញមកបានវិញហើយ និងរឿងរាវខ្លះអាចរលត់រលាយចាកចេញមិនហ៊ានមកក្បែរទៀតផង។ដោយសារដួងរាសីឡើងខ្ពស់ហេតុនេះផ្តល់ផលល្អសម្រាប់លោកអ្នកជុំរុញការងារឬបញ្ហាប្រាក់កាសឱ្យមានការចម្រើនលូតលាស់ទៅមុខ។ សម្រាប់អ្នកប្រកបរបររកស៊ីជួញដូរមិនត្រូវធ្វើអ្វីៗដោយក្តីតក់ក្រហល់ពេកទេប្រយ័ត្នតែមានការថ្លោះធ្លោយខាតបង់ទ្រព្យឥតអំពើ។ការធ្វើដំណើរទីជិតឆ្ងាយជួបសេចក្តីសុខក្សេមក្សាន្តដូចសព្វមួយដង។ រីឯសេចក្តីស្នេហាកំលោះក្រមុំមានការជឿនលឿនទៅមុខនិងផ្អែមល្ហែមប្រពៃគួរសម៕

ឆ្នាំថោះ៖ រាសីខ្ពស់ត្រដែត។នៅថ្ងៃនេះលោកអ្នកមានការសប្បាយចិត្តឡើងវិញខ្លះ ហើយក្តីសង្ឃឹមអ្វីមួយអាចបង្ហាញឱ្យឃើញផង។ទាំងស្ត្រីបុរសការប្រកបការងារផ្តល់ផលល្អសម្រាប់លោកអ្នកជុំរុញការងារឬបញ្ហាប្រាក់កាសឱ្យមានការចម្រើនលូតលាស់ទៅមុខ។សម្រាប់អ្នកប្រកបរបររកស៊ីជួញដូរមិនត្រូវធ្វើអ្វីៗដោយក្តីតក់ក្រហល់ពេកទេប្រយ័ត្នតែមានការថ្លោះធ្លោយខាតបង់ទ្រព្យឥតអំពើ។ រីឯសេចក្តីស្នេហាកំលោះក្រមុំមានការជឿនលឿនទៅមុខនិងផ្អែមល្ហែមប្រពៃណាស់៕

ឆ្នាំរោង៖ រាសីល្អជាមធ្យម។នៅថ្ងៃនេះទាំងស្ត្រីបុរសទោះនៅទីណា ឬធ្វើអ្វីចូរប្រយ័ត្នជួបគ្រោះចាញ់បោកគេដោយប្រការណាមួយ ។ការប្រកបការងារឃើញថាដំណើរជីវិតមិនសូវល្អប្រសើរទេ ម្ល៉ោះហើយបើទោះបីធ្វើអ្វីក៏ដោយតោងតែមានការប្រយ័ត្នប្រយែងពីព្រោះថាផលមិនល្អនោះក៏ងាយកើតជាងសព្វមួយដង។សម្រាប់អ្នកប្រកបរបររកស៊ីជួញដូរវិញពេលនេះជួបរឿងចំណាយធំឯផលកម្រៃនោះហូរចូលមានកម្រិតធ្វើឱ្យរែកពន់ផលលំបាកលំបិនមិនស្ទើរដែរទេ។ សម្ព័ន្ធស្នេហាប្រុសស្រីមានភាពប្រទាំងប្រទើសព្រោះតែការមិនចេះអត់ឱនឱ្យគ្នាប៉ុន្មានឡើយ៕

ឆ្នាំម្សាញ់៖ រាសីស្រុតចុះ។ការរស់នៅតែងលេចនូវបាតុភាពរឿងរាវប្រទាំងប្រទើសច្រើនចូរប្រយ័ត្នបញ្ហាមិនល្អណាមួយកើតឡើង។នៅថ្ងៃនេះដំណើរជីវិតរបស់លោកអ្នកមិនល្អប្រសើរទេ ដូចនេះបើទោះបើធ្វើអ្វីក៏តោងតែប្រយ័ត្នប្រយែងទើបមិនមានបញ្ហាចោទឡើង។សម្រាប់អ្នកប្រកបរបររកស៊ីជួញដូរការរកផលចំណូលនោះជួបស្ថានភាពតានតឹងខ្លាំង ហើយអ្នកខ្លះរកត្រឹមបង្គ្រប់ឆ្នាំងបាយសឹងមិនគ្រាន់ផង។ សម្ព័ន្ធស្នេហាកំលោះក្រមុំឬពោះម៉ាយមេម៉ាយក្តីកុំគប្បីជ្រួលជ្រើមខុសបែបបទប្រយ័ត្នរែកពន់សេចក្តីទុក្ខសោកមកវិញ៕

ឆ្នាំមមី៖ រាសីខ្ពស់ត្រដែត។ការរស់នៅ ដោយសារដំណើរជីវិតល្អប្រសើរ ដូចនេះមិនត្រូវទុកពេលវេលាល្អចោលដោយឥតប្រយោជន៍ឡើយ ហើយត្រូវចងចាំថាប្រាក់កាសរត់ចូលក៏ទាល់តែយើងស្រវ៉ាទៅរកវាដែរ ។ ថ្ងៃនេះផ្តល់ផលល្អសម្រាប់លោកអ្នកធ្វើកិច្ចការធំដុំ ឬកិច្ចការសំខាន់ពីព្រោះថាអាចសម្រេចជោគជ័យត្រឡប់មកវិញ។អ្នកប្រកបរបររកស៊ីជួញដូរបើចង់បើករបរថ្មីឬផ្លាស់ប្តូរទីកន្លែងលក់ដូរក៏ផ្តល់ផលល្អប្រពៃ។ រីឯបញ្ហាសេចក្តីស្នេហាវិញពេលនេះបើលោកអ្នកចង់ទំនាក់ទំនងឬចូលចែវចូវដល់ចាស់ទុំជាការប្រពៃ៕

ឆ្នាំមមែ៖ រាសីល្អជាមធ្យម។ថ្ងៃនេះបើជួបបញ្ហាមិនល្អណាមួយគប្បីត្រៀមទប់ទល់ឱ្យបានល្អទើបមិនមានបញ្ហាអាក្រក់ណាមួយយាយីបន្ថែមទៀត។ការបំពេញកិច្ចការងារបើលោកអ្នកជាមន្ត្រីរាជការ ឬ ក្រុមហ៊ុនឯកជនចូរប្រយ័ត្នក្រុមមនុស្សបាបមិត្តបង្កការថ្នាំងថ្នាក់និងទម្លាក់កំហុសទុកឱ្យដោយប្រការណាមួយ។សម្រាប់អ្នកប្រកបរបររកស៊ីជួញដូរចូរប្រយ័ត្នជួបគ្រោះចាញ់បោកគេនិងគ្រោះបាត់របស់ដោយប្រការណាមួយ។ រីឯបញ្ហាស្នេហាប្រុសស្រីកើតមានការថ្នាំងថ្នាក់ និង ចាប់កំហុសគ្នាច្រើន ដូចនេះត្រូវចេះបំបាត់អារម្មណ៍ឆេវឆាវចេញពីខ្លួនខ្លះទើបប្រសើរហោង៕

ឆ្នាំវក៖ រាសីល្អជាមធ្យម។នៅថ្ងៃនេះលោកអ្នក អាចលេចរឿងរាវបន្តិចបន្តួចចូលយាយីនាំឱ្យកើតការរកាំរកូសនិងបញ្ហាឈឺក្បាល។ការប្រកបការងារនៅថ្ងៃនេះលោកអ្នកតោងតែប្រយ័ត្នប្រយែងផងដែរពិសេសកិច្ចការសំខាន់ងាយប្រែប្រួលពីល្អមកអាក្រក់បានគ្រប់ពេលវេលា។អ្នកប្រកបរបររកស៊ីជួញដូរបើលោកអ្នកចង់ជួញផ្លូវឆ្ងាយមិនថាផ្លូវទឹក ផ្លូវអាកាស ឬផ្លូវគោកក្តីតែងអាចរកផលកម្រៃចូលផ្ទះវិញគ្រាន់កក់ក្តៅ។ សម្ព័ន្ធស្នេហាកំលោះក្រមុំបើស្គាល់ចិត្តស្គាល់ថ្លើមគ្នាយូរហើយជាឱកាសល្អក្នុងការរៀបចំផ្សំផ្គុំគ្រួសារបំផុត៕

ឆ្នាំរកា៖ រាសីស្រុតចុះ។នៅថ្ងៃនេះដំណើរជីវិតជួបលើកំណាត់ផ្លូវរដិបរដុប ម្ល៉ោះហើយចូរចងចាំថាស៊ូធ្វើរបស់តូចតាចទោះបានផលតិចតួចប្រសើរជាងធ្វើរបស់ធំ ហើយបែរជាពុំបានទទួលផលអ្វីសោះនោះឡើយ ។ការប្រកបការងារ ដោយសារដួងរាសីស្រុតចុះ ហេតុនេះធ្វើឱ្យលេចរឿងរាវបន្តិចបន្តួចចូលយាយីនាំឱ្យកើតការសៅហ្មង។អ្នកប្រកបរបររកស៊ីជូញដូរបើលោកអ្នកមានបើករបររយះពេលខ្លីៗតែងអាចរកផលកម្រៃគ្រាន់បើ ហើយបើរកស៊ីធំដុំពុំសូវកាក់កបប៉ុន្មានទេពិសេសឱ្យប្រយ័ត្នជួបគ្រោះចាញ់បោកគេតែម្តង។ រីឯបញ្ហាសម្ព័ន្ធស្នេហាកំលោះក្រមុំមានការចាប់កំហុស និងប្រឆាំងគ្នាច្រើន ហើយបើលោកអ្នកមិនកាត់បន្ថយភាពជម្លោះវិវាទទេប្រយ័ត្នឈានដល់ការបែកបាក់៕

ឆ្នាំច៖ រាសីខ្ពស់ត្រដែត។ថ្ងៃនេះបើលោកអ្នកប្រាថ្នា ឬចុះធ្វើអ្វីមួយតែងសម្រេចដូចគាប់បំណងព្រមទាំងត្រូវបានបងប្អូនញាតិសន្តានជួយជ្រោមជ្រែងទៀតផង។អ្នកអាចសម្រុកការងារពេញទីបានហើយ ពីព្រោះថាផលជាផ្លែផ្កាតែងហុចមកវិញជានិច្ច។នៅថ្ងៃនេះដែរផ្តល់ផលល្អសម្រាប់លោកអ្នកធ្វើធុរៈកិច្ចតូចធំពីព្រោះថាផលតែងឆ្លើយតបមកវិញគ្រាន់គាប់បំណង។ រីឯបញ្ហាស្នេហាកំលោះក្រមុំបើលោកអ្នកចង់ផ្សំផ្គុំគ្រួសារជាពេលវេលាល្អប្រពៃបំផុត៕

ឆ្នាំកុរ៖ រាសីល្អជាមធ្យម។ក្នុងថ្ងៃនេះលោកអ្នកបានធូរស្រាលផ្លូវចិត្តបន្តិចវិញ ហើយទោះទៅកាន់ទីកន្លែងណាមានតែក្រុមមនុស្សស្វាគមន៍រាក់ទាក់ និងអាណិតស្រឡាញ់ជានិច្ច។ទាំងស្ត្រីបុរសការប្រកបការងារវិញមិនមានអ្វីគួរព្រួយបារម្ភទេគឺតែងមានការរីកលូតលាស់ទៅមុខជានិច្ច។សម្រាប់អ្នកប្រកបរបររកស៊ីជួញដូរការរកផលចំណូលមានហូរចូលគ្រាន់គួរជាទីកក់ក្តៅផងដែរហើយបើចង់ជួញផ្លូវឆ្ងាយផងជាការប្រសើរដោយលោកអ្នកអាចកើបផលចំណូលត្រឡប់មកវិញយ៉ាងត្រជាក់ចិត្ត។ គូស្វាមីភរិយាមានភាពសុខដុមរមនា៕