ហោរាសាស្រ្តប្រចាំថ្ងៃសុក្រ ទី០៥ ខែឧសភា ឆ្នាំ២០២៣

នៅថ្ងៃសុក្រ ទី០៥ ខែឧសភា ឆ្នាំ២០២៣នេះ គេហទំព័រហោរាសាស្រ្ដចិនបានចុះផ្សាយពីរាសីប្រចាំថ្ងៃនៃអ្នកដែលកើតឆ្នាំទាំង១២ថា៖

ឆ្នាំជូត៖ រាសីល្អជាមធ្យម។ក្នុងថ្ងៃនេះដំណើរជីវិតរបស់លោកអ្នកមានភាពស្ងប់ស្ងាត់ និង មានភាពជឿនលឿនទៅមុខសន្សឹមៗឥតមានឧបសគ្គអ្វីធំដុំនាំជួបការលំបាកក្នុងការរែកពន់នោះឡើយ។ការប្រកបការងារ ដំណើរជីវិតរបស់លោកអ្នកឃើញថាមានការចម្រើនលូតលាស់ទៅមុខសន្សឹមៗហើយធ្វើអ្វីក៏តែងមានភាពសុខដុមផងដែរ។ អ្នកប្រកបរបររកស៊ីជួញដូរឱ្យប្រយ័ត្នពាក្យសម្តីបន្តិចព្រោះងាយប៉ះទង្គិចជាមួយមនុស្សនៅជុំវិញខ្លួនណាស់។ រីឯបញ្ហាស្នេហាប្រុសស្រីកុំចង់យកកំហឹងទល់កំហល់ប្រយ័ត្នកើតជម្លោះវិវាទឈានដល់ការមិនមាត់ក រកគ្នានិងបង្កើតតែរឿងសៅហ្មងមិនចេះចប់៕

ឆ្នាំឆ្លូវ៖ រាសីខ្ពស់ត្រដែត។ក្នុងផ្ទះសម្បែងបើលោកអ្នកមានជម្លោះវិវាទជាពេលវេលាល្អក្នុងការដោះស្រាយហើយ ព្រោះមិនត្រឹមឆាប់ត្រូវរ៉ូវគ្នាទេតែអាចប្រែមកផ្អែមល្ហែមយ៉ាងឆាប់រហ័សទៀតផង។ថ្ងៃនេះបើលោកអ្នកធ្វើអ្វីកុំរង់ចាំយូរត្រូវរវៀសរវៃពីព្រោះថាផលល្អៗតែងហុចមកវិញគ្រាន់មានលំនឹងផ្លូវចិត្ត។ សម្រាប់អ្នកប្រកបរបររកស៊ីជួញដូរមិនថាទីជិតឆ្ងាយតែងហុចផ្លែផ្កា និង ប្រមូលផលចំណេញវិលត្រឡប់ចូលផ្ទះវិញគួរជាទីកក់ក្តៅ។ សម្ព័ន្ធស្នេហាប្រុសស្រីមានភាពជឿនលឿនទៅមុខនិងមានភាពស្រស់ស្រាយដោយមានក្តីផ្អែមល្ហែមល្អចំពោះគ្នា៕

ឆ្នាំខាល៖ រាសីស្រុតចុះ។ត្រូវចេះមានចិត្តអត់ធ្មត់ជាមួយក្រុមមនុស្ស និងបើកចិត្តឱ្យទូលាយទើបស្ថានភាពការរស់នៅនឹងល្អប្រសើរជាងនេះវិញ។ការប្រកបការងារក្នុងថ្ងៃនេះងាយកើតទាំងជម្លោះវិវាទ និងងាយទាំងត្រូវប្រឈមជាមួយបញ្ហាជាងសព្វមួយដង ។អ្នកប្រកបរបររកស៊ីជួញដូរមិនត្រូវបោះទុនអ្វីមួយដោយតក់ក្រហល់ឡើយ ហើយត្រូវចេះពិនិត្យឱ្យបានគ្រប់ជ្រុងជ្រោយប្រយ័ត្នជួបរឿងស៊យបោះទុនទៅហើយសូន្យឈឹងរកតែដើមមកវិញមិនឃើញ។ រីឯបញ្ហាសេចក្តីស្នេហាប្រុសស្រីមានការរកាំរកូសព្រោះជួនត្រូវរ៉ូវជួនទាស់ទែងគ្នា៕

ឆ្នាំថោះ៖ រាសីល្អជាមធ្យម។ថ្ងៃនេះ បើទោះបីពុំមានបញ្ហាមិនល្អយាយីក្តី ប៉ុន្តែការប៉ះទង្គិចមួយចំនួនក៏តែងកើតឡើងផងដែរ ពិសេសឱ្យប្រយ័ត្នកើតចេញពីបញ្ហាអារម្មណ៍ និង គំនិតតែម្តង។ការប្រកបការងារពុំមានអ្វីប្រែប្រួលប្តូរផ្លាស់ទេគឺដូចសព្វមួយដង។អ្នកប្រកបរបររកស៊ីជួញដូរបើចង់បោះទុនទៅលើអ្វីមួយត្រូវមើលមុខមើលក្រោយព្រោះផ្លែផ្កាទទួលបានមកវិញមានភាពយ៉ាប់យ៉ឺន និង បញ្ហាចូលមកលុកលុយច្រើន។ រីឯបញ្ហាសម្ព័ន្ធស្នេហាកំលោះក្រមុំមានដំណើរប្រទាំងប្រទើសដែលងាយកើតរឿងជម្លោះវិវាទណាស់៕

ឆ្នាំរោង៖ រាសីខ្ពស់ត្រដែត។នៅថ្ងៃនេះរាល់ឧបទ្រពចង្រៃបានចៀសឆ្ងាយ ម្ល៉ោះហើយរឿងរាវធ្លាប់អាក្រក់បានរលត់រលាយតាមកាលវេលា ហើយរឿងរាវល្អៗបានចូលមកវិញ។លោកអ្នកត្រូវចេះខិតខំបំពេញការងារតូចធំ ហើយមិនត្រូវរុញរាបន្តទៀតឡើយនោះលទ្ធផលតែងបង្ហាញឱ្យឃើញនាពេលខាងមុខពុំខាន។សម្រាប់អ្នកប្រកបរបររកស៊ីជួញដូរមានភាពកាក់កបគួរសមទាំងការជួញទីជិតឆ្ងាយដោយអាចប្រមូលផលចំណូលត្រឡប់មកផ្ទះវិញដូចគាប់បំណង។ រីឯបញ្ហាស្នេហាកំលោះក្រមុំកុំគប្បីលលេងជាមួយល្បែងកាមគុណប្រយ័ត្នជួបព្យុះជីវិតនាថ្ងៃខាងមុខចៀសពុំរួចហើយត្រូវមកខូចអនាគតភ្លឺស្វាងឥតអំពើ៕

ឆ្នាំម្សាញ់៖ រាសីខ្ពស់ត្រដែត។នៅថ្ងៃនេះដំណើរជីវិតភ្លឺថ្លា ម្ល៉ោះហើយការរស់នៅពុំមានឧបសគ្គយាយី និង ធ្វើអ្វីតែងទទួលនូវលទ្ធផលគ្រាន់ជាទីពេញចិត្ត។ការប្រកបការងារ បើលោកអ្នកបានសម្រេចចិត្តអ្វីមួយល្អប្រសើរពីមុនមកឃើញថាតែងផ្តល់ផលល្អនឹងហុចជាផ្លែផ្កាឱ្យឃើញទៀតផង។អ្នកប្រកបរបររកស៊ីជួញដូរទាំងស្ត្រីបុរសតែងហុចជាផ្លែផ្កា ហើយទោះចង់បណ្តាក់ទុនរកស៊ីឬធ្វើអ្វីមួយតែងហុចផ្លែផ្កាដូចសមប្រកបជានិច្ច។ បញ្ហាសេចក្តីស្នេហាកំលោះក្រមុំមានការរីកលូតលាស់ទៅមុខ និងផ្អែមល្ហែមប្រពៃណាស់៕

ឆ្នាំមមី៖ រាសីស្រុតចុះ។នៅថ្ងៃនេះលោកអ្នកធ្វើអ្វីតែងជួបញ្ហាសៅហ្មង និងពិសេសក្រុមមនុស្សនៅក្បែរខ្លួនតែងបង្កបញ្ហាឱ្យជួបស្ថានភាពលំបាកច្រើន។បើទោះបីធ្វើអ្វីគប្បីមានការប្រយ័ត្នប្រយែងពីព្រោះថាងាយទទួលរងផលប៉ះទង្គិចជាងសព្វមួយដង។អ្នកប្រកបរបររកស៊ីជួញដូរវិញទោះជួញទីជិតឆ្ងាយការរកផលកម្រៃមានភាពធូរស្បើយជាងមុនដោយលោកអ្នកអាចរកប្រាក់ចំណូលគ្រាន់ចិញ្ចឹមគ្រួសាររស់ស្រួលខ្លួន។ រីឯបញ្ហាស្នេហាប្រុសស្រីមានភាពស្រស់ស្រាយព្រោះតែម្នាក់ៗមានការយកចិត្តទុកដាក់ចំពោះគ្នាគ្រាន់បើជាងមុន៕

ឆ្នាំមមែ៖ រាសីល្អជាមធ្យម។នៅថ្ងៃនេះដំណើរជីវិតរបស់លោកអ្នកងាយជួបបញ្ហាបាក់បែក និង រឿងរាវញាំញីណាស់ ដូចនេះសំខាន់ត្រូវប្រយ័ត្នប្រយែងបញ្ហាអារម្មណ៍បើពុំនោះនឹងជួបបញ្ហាណាមួយឈានចូលជាក់ជាពុំខាន។ការប្រកបការងារពុំមានអ្វីប្រែប្រួលប្តូរផ្លាស់ទេគឺដូចសព្វមួយដង។សម្រាប់អ្នកប្រកបរបររកស៊ីជួញដូរវិញមានការជួបស្ថានភាពលំបាកក្នុងការរកប្រាក់ចំណូល ឯការចាយវាយទៀតសោតគ្រប់សារពើធ្វើឱ្យជួបស្ថានភាពលំបាកបន្តបន្ទាប់។ សម្ព័ន្ធស្នេហាប្រុសស្រីមានដំណើរថយក្រោយ និង តែងទាស់ទែងពាក្យសម្តីគ្នា៕

ឆ្នាំវក៖ រាសីល្អជាមធ្យម។ទាំងស្ត្រីបុរសលោកអ្នកតែងមានរឿងរាវប្រទាំងប្រទើស និងមានរឿងសៅហ្មងច្រើនយាយី។ការប្រកបការងារឃើញថាពុំមានអ្វីប្រែប្រួលប្តូរផ្លាស់គួរជាទីកត់សម្គាល់ទេគឺដូចសព្វមួយដង។ អ្នកប្រកបរបររកស៊ីជួញដូរនៅថ្ងៃនេះវិញបើលោកអ្នកមានការខិតខំ ហើយរវៀសរវៃក្នុងមុខទំនិញខ្លះក៏អាចរកផលចំណូលចូលធូរគ្រាន់ស្រួលចិត្ត។ រីឯបញ្ហាស្នេហាកំលោះក្រមុំមានភាពសុខដុមល្អតែយ៉ាងណាភាពប្រចែប្រច័ណ្ឌនៅតែលុកលុយនៅឡើយ៕

ឆ្នាំរកា៖ រាសីខ្ពស់ត្រដែត។ក្នុងរង្វង់គ្រួសារបើធ្លាប់តែមានភាពអួអាប់ នឹងប្រែមកល្អប្រសើរ ហើយកំពុងកើតមានវាលកាលកុម្ពត្រជាក់ត្រជុំឡើងវិញ។ដោយសារដំណើរជីវិតល្អប្រសើរដូចនេះផ្តល់ផលល្អសម្រាប់លោកអ្នកធ្វើដំណើរប្រកបកិច្ចការងារអ្វីមួយពីព្រោះថាផលល្អៗតែងឆ្លើយតមកវិញគ្រាន់កក់ក្តៅជានិច្ច។ចំពោះអ្នកប្រកបរបររកស៊ីជួញដូរលាភធ្លាប់តែបោលហួសឬជួបភាពតានតឹងបានផ្លាស់ប្តូរមកធូរស្រាល ហើយបើមានក្រុមអតិថិជនជំពាក់ប្រាក់កាសគេអាចយកមកសងវិញទៀតផង។ សម្ព័ន្ធស្នេហាប្រុសស្រីមានការរីកលូតលាស់ទៅមុខ និងកំពុងបើកទំព័រថ្មីសម្រាប់អ្នកហើយ៕

ឆ្នាំច៖ រាសីស្រុតចុះ។ទាំងស្ត្រីបុរសទោះមានរឿងរាវ ឬធ្វើអ្វីមួយចូរប្រយ័ត្នរឿងតូចតាចរីកជាធំ និងបញ្ហាខ្លះអាចអូសបន្លាយពេលយូរអង្វែងថែមទៀត ។ការប្រកបការងារមិនគាប់ប្រសើរទេ ម្ល៉ោះហើយបើទោះបីលោកអ្នកធ្វើអ្វីក៏តែងផ្តល់ផលមិនល្អដូចការគិតទុកឡើយ ឯបញ្ហាខ្លះអាចជួបនូវរឿងរាវហួសពីការស្មានទុកផង។អ្នកប្រកបរបររកស៊ីជួញដូរការរកផលចំណូលមិនត្រូវឱ្យអតិថិជនជំពាក់ប្រាក់ច្រើនទ្បើយប្រយ័ត្នជួបរឿងដូចពាក្យចាស់ថាពេលឱ្យជំពាក់ធូរដូចទឹកហូរ ឯការសងមកវិញតឹងដូចអូសឬស្សីបញ្ច្រាសចុង។ សម្ព័ន្ធស្នេហាប្រុសស្រីមិនមានការជឿនលឿនទៅមុខទេ ហើយបើសេសអាចមានក្រុមមនុស្សចូលមកនាំកើតបញ្ហាមិនសូវចេះចប់៕

ឆ្នាំកុរ៖ រាសីស្រុតចុះ។នៅថ្ងៃនេះលោកអ្នកធ្វើអ្វីក៏ដោយតោងតែមានការប្រយ័ត្នប្រយែងពិសេសរឿងរោគជំងឺ និង ឧប្បត្តិហេតុណាមួយយាយីចូលមក។ចំពោះការប្រកបការងារវិញគឺមានការរាំងស្ទះ និង ជួបឧបសគ្គច្រើន។អ្នកប្រកបរបររកស៊ីជួញដូរកុំសូវលោភលន់ច្រើនព្រោះបើមិនដូច្នេះមិនត្រឹមលាភហេងបោលហួសទេគឺអាចត្រូវបង់កម្លាំងទទេទៀតផង។សម្រាប់ការធ្វើដំណើរឆ្ងាយជិតឱ្យប្រយ័ត្នឧប្បត្តិហេតុយាយីបន្តិច ពិសេសមិនត្រូវសេពគ្រឿងស្រវឹងក្នុងការបើកបរនោះឡើយ។ រីឯបញ្ហាស្នេហាវិញជួនផ្អែមល្ហែម ជួនទាស់ទែង និងពេលខ្លះទៀតក៏មានអ្នកទី៣ចូលមកនាំសៅហ្មង៕