ហោរាសាស្រ្តប្រចាំថ្ងៃពុធ ទី១០ ខែឧសភា ឆ្នាំ២០២៣

នៅថ្ងៃពុធ ទី១០ ខែឧសភា ឆ្នាំ២០២៣នេះ គេហទំព័រហោរាសាស្រ្ដចិនបានចុះផ្សាយពីរាសីប្រចាំថ្ងៃនៃអ្នកដែលកើតឆ្នាំទាំង១២ថា៖

ឆ្នាំជូត៖ រាសីស្រុតចុះ។ក្នុងថ្ងៃនេះលោកអ្នកធ្វើដំណើរចេញក្រៅផ្ទះប្រយ័ត្នក្រុមមនុស្សចាក់រុកឆ្កឹះឆ្គៀលពីបញ្ហាអ្វីមួយ បង្កើតជម្លោះវិវាទជាមួយសត្រូវចាស់ថ្មីកើតឡើង។ការប្រកបការងារ ទោះធ្វើអ្វីមួយក៏ដោយគប្បីមានការប្រយ័ត្នប្រយែងបន្តិច ហើយត្រូវចងចាំថាទោះលោកអ្នកប្រកបកិច្ចការអ្វីផ្លែផ្កាឆ្លើយតបមកវិញមិនដូចជាទីគាប់ចិត្តនោះទេ។អ្នកប្រកបរបររកស៊ីជួញដូរពេលព្រឹកមានភាពរកាំរកូសច្រើន ប៉ុន្តែថ្ងៃបន្តិចពេលព្រះអាទិត្យរះពេញអាកាសវេហាឧបទ្រពចង្រៃទាំងពួងនឹងវិនាសជាអហោសិកម្មអស់។ សម្ព័ន្ធស្នេហាប្រុសស្រីមានការប្រែប្រួលប្តូរផ្លាស់ព្រោះជួនត្រូវរ៉ូវគ្នាជួនទាស់ទែងគ្នា៕

ឆ្នាំឆ្លូវ៖ រាសីខ្ពស់ត្រដែត។ការរស់នៅបើលោកអ្នកធ្វើអ្វីមួយផ្លែផ្កាដែលហុចមកវិញតែងឆ្លើយតបដូចជាទីពេញចិត្តផង។ចំពោះការធ្វើដំណើរទីជិតឆ្ងាយជួបសេចក្តីសុខក្សេមក្សាន្តទាំងពេលទៅនិងត្រឡប់មកវិញ។ នៅថ្ងៃនេះផ្តល់ផលល្អសម្រាប់លោកអ្នកសម្រេចចិត្តការងារឬចុះប្រកបកិច្ចការងារសំខាន់អ្វីមួយ។អ្នកប្រកបរបររកស៊ីជួញដូរវិញមានការចម្រើនលូតលាស់ទៅមុខដូច្នេះជាឱកាសល្អក្នុងការផ្លាស់ប្តូរមុខរបរឬបើកធ្វើជំនួញតូចធំផង។ រីឯបញ្ហាសេចក្តីស្នេហាកំលោះក្រមុំមានការជឿនលឿនទៅមុខនិងផ្អែមល្ហែមប្រពៃណាស់៕

ឆ្នាំខាល៖ រាសីខ្ពស់ត្រដែត។ការរស់នៅញាតិមិត្តដែលធ្លាប់តែបង្កបញ្ហាឬចង់បង្ករឿងហេតុក៏មិនហ៊ានចូលក្បែរ ហើយអ្នកខ្លះបែរជាចង់ចងជាមិត្តវិញទៀតផង។ក្នុងថ្ងៃនេះដែរដោយសារដួងរាសីឡើងខ្ពស់ ដូចនេះបើលោកអ្នកចង់ទំនាក់ទំនងចរចាឬនិយាយបញ្ហាអ្វីមួយពាក់ព័ន្ធពីកិច្ចការងារតូចធំ តែងសម្រេចជោគជ័យត្រឡប់មកវិញ។សម្រាប់អ្នកប្រកបរបររកស៊ីជូញដូរវិញឃើញថាលោកអ្នកជួញទីជិតឆ្ងាយតែងហុចផលកម្រៃគ្រាន់ហូរចូលតក់ៗសម្រាប់មួយទប់ទល់។ រីឯបញ្ហាស្នេហាកំលោះក្រមុំឬពោះម៉ាយមេម៉ាយក្តីបើចង់រៀបចំគ្រួសារជាពេលវេលាល្អប្រពៃណាស់៕

ឆ្នាំថោះ៖ រាសីល្អជាមធ្យម។ នៅក្នុងថ្ងៃនេះទទួលរងនូវឧបទ្រពចូលយាយី ហើយកើតការមិនសប្បាយចិត្តក៏ច្រើន។ការប្រកបការងារពុំសូវមានការជឿនលឿនទៅមុខ ហើយក៏មិនថយក្រោយដែរគឺដូចសព្វមួយដង។ ក្នុងអំឡុងពេលនេះដែរចំពោះលោកអ្នកដែលចង់ពង្រីកមុខរបររកស៊ីជួញដូរគឺពុំសូវទទួលផលប្រយោជន៍ អ្វីឡើយគឺបានត្រឹមមួយបង់កម្លាំងច្រើនជាង។ រីឯបញ្ហាគូស្នេហាប្រុសស្រីបើចង់ផ្តើមស្នេហ៍ជាមួយនរណាម្នាក់ងាយត្រូវរ៉ូវគ្នា ហើយក៏ងាយព្រាត់ប្រាស់ទៅវិញដែរ៕

ឆ្នាំរោង៖ រាសីស្រុតចុះ។នៅថ្ងៃនេះចូរលោកអ្នកប្រយ័ត្នប្រយែងអារម្មណ៍តប់ប្រម៉ល់កើតជាបញ្ហាមិនល្អណាមួយងាយឈានចូលណាស់។រាល់ការងារតូចធំ លោកអ្នកតែងជួបបញ្ហាស្មុគស្មាញច្រើន ហើយនៅផ្ទះសម្បែងទៀតសោតមានតែភាពរកាំរកូសនិងចាប់កំហុសគ្នា។ចំពោះបើជាអ្នកប្រកបរបររកស៊ីជួញដូរវិញការជួញទីជិតឆ្ងាយជួបផលលំបាកក្នុងការរកប្រាក់ចំណូលណាស់ ហើយក្រៅពីនេះលោកអ្នកគួរប្រយ័ត្នប្រយែងការមានជម្លោះវិវាទតែម្តង។ សម្ព័ន្ធស្នេហាប្រុសស្រីបើចង់ផ្សំផ្គុំគ្រួសារ ពេលនេះក៏ជាឱកាសមួយប្រពៃណាស់ព្រោះល្អទាំងការចូលស្តីដណ្តឹងនិងការរៀបចំអាពាហ៍ពិពាហ៍៕

ឆ្នាំម្សាញ់៖ រាសីខ្ពស់ត្រដែត។ការរស់នៅបើទោះបីដួងរាសីល្អប្រសើរបន្តិចក្តី ប៉ុន្តែ លោកអ្នកតែងជួបនូវបញ្ហាតប់ប្រម៉ល់និងមានរឿងរាវមិនល្អមួយចំនួនយាយីធ្វើឱ្យមិនសូវស្រួលចិត្តប៉ុន្មានទេ។ការប្រកបការងារ មានជោគមានជ័យ ហើយទោះធ្វើអ្វីឃើញថាតែងជឿនលឿនទៅមុខសន្សឹមៗជានិច្ច។ចំពោះអ្នកប្រកបរបររកស៊ីជួញដូរវិញមិនថាទីឆ្ងាយជិតតែងទទួលជោគជ័យដោយកើបផលចំណេញត្រឡប់មកផ្ទះវិញគួរជាទីកក់ក្តៅ។ រីឯសេចក្តីស្នេហាប្រុសស្រីជួបរឿងផ្អែមល្ហែមនិងកំពុងបើកទំព័រថ្មីសម្រាប់លោកអ្នកផងដែរ៕

ឆ្នាំមមី៖ រាសីល្អជាមធ្យម។នៅថ្ងៃនេះលោកអ្នកមិនគប្បីឆាប់ជឿក្រុមមនុស្សពេកទេព្រោះងាយជួបគ្រោះចាញ់បោកគេណាស់។ក្នុងការប្រកបការងារលោកអ្នកឱ្យប្រយ័ត្នក្រុមមនុស្សមាត់អុជអាលនាំជួបផលលំបាកណាមួយដែលរកនឹកស្មានមិនដល់។អ្នកប្រកបរបររកស៊ីជួញដូរនៅក្នុងថ្ងៃនេះដែរមានភាពលំនឹងល្អហើយទោះជួញទីជិតឆ្ងាយអាចរកផលកម្រៃចូលហែៗគ្រាន់ សម្រាប់ការចាយវាយអញ្ចឹងដែរ។ បញ្ហាគូស្នេហ៍ប្រុសស្រីកុំគប្បីយកភាពប្រកែប្រកាន់និងកំហឹងទល់កំហល់ដាក់ខ្លួនប្រយ័ត្នកើតរឿងជម្លោះវិវាទឥតឈប់ឈរហើយឈានមិនដល់ខ្លោងទ្វាអាពាហ៍ពិពាហ៍៕

ឆ្នាំមមែ៖ រាសីខ្ពស់ត្រដែត។ការរស់នៅបើចង់ពឹងពាក់ឬចង់ធ្វើអ្វីមួយដែលថ្មីអាចមានមធ្យោបាយដោះស្រាយនិងសម្រេចជោគជ័យ។ក្នុងថ្ងៃនេះដែរដំណើរជីវិតរបស់លោកអ្នកគាប់ប្រសើរ ដូចនេះបើទោះបីធ្វើអ្វីក៏ដោយតែងមានភ្លើងខៀវនិងទទួលផលសម្រេចមកវិញគ្រាន់ជាទីគាប់ចិត្តផងដែរ។អ្នកប្រកបរបររកស៊ីជួញដូរបើលោកអ្នកចង់ផ្លាស់ទីកន្លែងលក់ដូរឬចង់រើទីកន្លែងលក់ដូរឃើញថាក៏ជាឱកាសប្រពៃព្រោះអាចហុចផ្លែផ្កាមកវិញគ្រាន់ជាទីពេញចិត្ត។ សម្ព័ន្ធស្នេហាប្រុសស្រីមានការរីកលូតលាស់ទៅមុខឆាប់រហ័សតែយ៉ាងណាក៏ឆាប់ថយក្រោយវិញដែរគួរមានការប្រយ័ត្នប្រយែង ហើយត្រូវតែចេះថែទាំចំណងស្នេហ៍ដោយការពូនជ្រោយបន្តិចទើបប្រសើរ៕

ឆ្នាំវក៖ រាសីស្រុតចុះ។នៅថ្ងៃនេះលោកអ្នកធ្វើអ្វីតោងតែមានចិត្តត្រជាក់និងប្រយ័ត្នប្រយែងទើបគ្មានបញ្ហាអាក្រក់រត់ចូលកើត។ការប្រកបការងារនៅថ្ងៃនេះដែរលោកអ្នកត្រូវចេះទប់ស្កាត់បញ្ហា ហើយបើឃើញធំត្រូវធ្វើឱ្យតូច ហើយមិនត្រូវពង្រីកបញ្ហានាំជួបការលំបាកក្នុងការទប់ស្កាត់នៅពេលក្រោយ។អ្នកប្រកបរបររកស៊ីជួញដូរវិញមុខជំនួញឆ្ងាយជិតមានការប្រែប្រួលពីល្អមកអាក្រក់ច្រើន ដូច្នេះគួរមានការប្រយ័ត្តប្រយែងឱ្យបានខ្លាំងក្លា។ រីឯបញ្ហាប្រុសស្រីបើចង់ធ្វើការជ្រើសរើសគូស្រករពុំសូវល្អទេពីព្រោះច្រើនជួបគូកម្មជាងគូព្រេង៕

ឆ្នាំរកា៖ រាសីល្អជាមធ្យម។ការរស់នៅមិនផ្តល់ផលល្អសម្រាប់លោកអ្នកចេញធ្វើដំណើរទីជិតឆ្ងាយប៉ុន្មានទេ ពីព្រោះថាផលអាក្រក់ងាយកើតឡើងផង។ក្នុងថ្ងៃនេះបើទោះបីដួងរាសីត្រឹមកម្រិតមធ្យមក្តីតែការបំពេញការងារអ្វីក៏តែងឆ្លើយតបមកវិញគ្រាន់ហុចជាផ្លែផ្កានឹងទទួលផលសម្រេចខ្ពស់។សម្រាប់អ្នកប្រកបរបររកស៊ីជួញដូរបើលោកអ្នកចង់បោះទុនតូចធំឬចង់រកស៊ីចូលហ៊ុនជាមួយអ្នកដទៃត្រូវចេះត្រួតពិនិត្យឱ្យបានគ្រប់ជ្រុងជ្រោយ បើពុំនោះទេអាចជួបផលអាក្រក់ណាមួយនៅថ្ងៃខាងមុខជាក់ជាពុំខាន។ ចំពោះគូស្នេហ៍ដែលធ្លាប់ស្គាល់ចិត្ត ស្គាល់ថ្លើមគ្នាយូរហើយក្នុងរយៈពេលនេះអាចពិគ្រោះពិភាក្សារឿងរៀបអាពាហ៍ពិពាហ៍បានហើយ ៕

ឆ្នាំច៖ រាសីខ្ពស់ត្រដែត។ការរស់នៅបញ្ហាឬរឿងរាវដែលធ្លាប់តែយាយីបានចាកចេញទៅឆ្ងាយ ហើយផលល្អៗឬលាភហេងបានរត់ចូលវិញ។សម្រាប់លោកអ្នកប្រកបការងារផ្តល់ផលល្អសម្រាប់កិច្ចការដែលសំខាន់ឬកិច្ចការងារធំដុំអ្វីមួយពីព្រោះថាផលតែងឆ្លើយតបគ្រាន់កក់ក្តៅ។អ្នកប្រកបរបររកស៊ីជួញដូរការចង់ចេញធ្វើជំនួញទីជិតឆ្ងាយតែងហុចផ្លែផ្កាគួរជាទីកក់ក្តៅតែយ៉ាងណាមិនត្រូវឈ្លក់វង្វេងនឹងល្បែងស៊ីសងឡើយប្រយ័ត្នឧបទ្រពចង្រៃយាយីកើតតែបញ្ហាមិនចេះចប់។ រីឯបញ្ហាស្នេហាកំលោះក្រមុំបើចង់ធ្វើការជ្រើសរើសគូស្រករតែងជួបគូព្រេងពិតដូចគាប់បំណង៕

ឆ្នាំកុរ៖ រាសីស្រុតចុះ។បើលោកអ្នកសម្រេចចិត្តអ្វីមួយគឺងាយទទួលរងការអូសបន្លាយពេលយូរនិងជាប់គាំងរយះពេលច្រើនថ្ងៃ។នៅថ្ងៃនេះលោកអ្នកអាចកើតនូវទំនាស់សម្តីជាមួយអ្នកដទៃផងគប្បីមានការអត់ធ្មត់ធ្វើមិនដឹងមិនឮខ្លះទើបប្រសើរ។ចំណែកអ្នកប្រកបរបររកស៊ីជួញដូរការជួញទីជិតឆ្ងាយពុំសូវកាក់កបដូចប្រាថ្នាទេ ព្រោះលាភហេងច្រើនបោលហួសនិងក្រុមដៃគូបដិបក្ខប្រជែងយកអស់ៗមិនសូវសេសសល់។ រីឯបញ្ហាសេចក្តីស្នេហាប្រុសស្រីកុំគប្បីយកភាពប្រចែប្រច័ណ្ឌដាក់ខ្លួនច្រើននាំកើតតែរឿងរាវរកាំរកូសប៉ុណ្ណោះ៕