ហោរាសាស្រ្តប្រចាំថ្ងៃព្រហស្បតិ៍ ទី១១ ខែឧសភា ឆ្នាំ២០២៣

នៅថ្ងៃព្រហស្បតិ៍ ទី១១ ខែឧសភា ឆ្នាំ២០២៣នេះ គេហទំព័រហោរាសាស្រ្ដចិនបានចុះផ្សាយពីរាសីប្រចាំថ្ងៃនៃអ្នកដែលកើតឆ្នាំទាំង១២ថា៖

ឆ្នាំជូត៖ រាសីល្អជាមធ្យម។ ថ្ងៃនេះដំណើរជីវិតរបស់លោកអ្នកមិនសូវល្អទេគឺមានគ្រោះច្រើនបន្តិចដូចនេះទោះធ្វើអ្វីៗគប្បីមានការប្រយ័ត្នប្រយែងទើបអាចចៀសផុតផលអាក្រក់ចំពោះមុខទៅរួច។ចំណែកការប្រកបការងារអ្វីត្រូវចេះត្រួតពិនិត្យ ហើយពិចារណាឱ្យបានគ្រប់ជ្រុងជ្រោយនោះផលល្អៗនឹងហុចឱ្យមកវិញជាក់ជាពុំខាន។សម្រាប់អ្នកប្រកបរបររកស៊ីជួញដូរវិញជួបរឿងលាភតូចធំច្រើនបោលហួសនិងចាប់មិនសូវជាប់ប៉ុន្មានទេ។ រីឯសេចក្តីស្នេហាកំលោះក្រមុំជួនល្អជួនអាក្រក់ព្រោះតែម្នាក់ៗមានចិត្តចង់ឈ្នះចង់ចាញ់គ្នាមិនឈប់ឈរ៕

ឆ្នាំឆ្លូវ៖ រាសីល្អជាមធ្យម។ក្នុងថ្ងៃនេះ ការធ្វើដំណើរឆ្ងាយជិត លោកអ្នកចូរប្រយ័ត្នក្រុមមនុស្សបង្កផលលំបាកអ្វីមួយពិសេសក្រុមមនុស្សភេទផ្ទុយគ្នាតែម្តង។ចំពោះការប្រកបការងារចូរប្រយ័ត្នកូនចៅនៅក្រោមបង្គាប់ឬបើជាកូនចៅគេអាចនឹងត្រូវជួបផលលំបាកអ្វីមួយដោយសារចៅហ្វាយនាយតែម្តង។អ្នកប្រកបរបររកស៊ីជួញដូរលាភតូចធំពុំសូវមានសម្បូរ ទេព្រោះបើមិនបោលហួសក៏ចាប់មិនសូវជាប់ដែរ។ រីឯបញ្ហាសេចក្តីស្នេហាកំលោះក្រមុំកើតមានការរកាំរកូស និង មានរឿងរាវប្រឆាំងគ្នាបន្តបន្ទាប់៕

ឆ្នាំខាល៖ រាសីស្រុតចុះ។នៅថ្ងៃនេះលោកអ្នកធ្វើអ្វីក៏ដោយមិនអាចប្រមាថបានទេ ពីព្រោះថាងាយធ្លាក់បញ្ហាតូចធំចូលមកណាស់ ។កិច្ចការងារតូចធំដំណើរជីវិតមិនល្អប្រសើរទេ ដូចនេះបើចង់ធ្វើអ្វីក៏តោងចេះថ្លឹងថ្លែងឱ្យបានល្អ ហើយមិនត្រូវជឿសម្តីក្រុមមនុស្សពេកដែរប្រយ័ត្នត្រូវគេរុញច្រានឱ្យធ្លាក់ទឹកដោយមិនដឹងខ្លួន។ចំពោះអ្នកប្រកបរបររកស៊ីជួញដូរលោកអ្នកមិនគប្បីហក់លោតពេកឡើយពីព្រោះមិនផ្តល់ផលល្អទេ និងបើដួលរំលំវិញគឺគ្មាននរណាជួយលើកនោះឡើយ។ រីឯបញ្ហាស្នេហាកំលោះក្រមុំបើលោកអ្នកចង់ធ្វើការជ្រើសរើសគូស្រករតែងជួបគូព្រេងពិតដូចសេចក្តីប្រាថ្នា៕

ឆ្នាំថោះ៖ រាសីល្អជាមធ្យម។នៅថ្ងៃនេះលោកអ្នកឱ្យប្រយ័ត្នក្រុមមនុស្សនៅក្បែរខ្លួននាំទុក្ខមកឱ្យដោយប្រការណាមួយ។ការប្រកបការងារក្នុងពេលនេះបើទោះបីឃើញថាមានការចម្រើនលូតលាស់ឆាប់រហ័សបែបណាក្តីតែងមិនអាចធ្វេសប្រហែសបានឡើយ ហើយត្រូវចងចាំថាកិច្ចការបើងាយឡើងក៏ងាយចុះទៅវិញដែរ។ អ្នកប្រកបរបររកស៊ីជួញដូរក្នុងថ្ងៃនេះវិញមិនមានអ្វីប្រែប្រួលប្តូរផ្លាស់គួរជាទីកត់សម្គាល់ទេគឺដូចសព្វមួយដង។ រីឯបញ្ហាសេចក្តីស្នេហាប្រុសស្រី ពុំសូវមានដំណើររីកលូតលាស់ទៅមុខទេគឺមានការថយក្រោយច្រើនជាង៕

ឆ្នាំរោង៖ រាសីខ្ពស់ត្រដែត។នៅថ្ងៃនេះបញ្ហាប្រាក់កាស និងបញ្ហាផ្ទាល់ខ្លួនឃើញថាមានការបោះជំហ៊ានទៅមុខ ហើយចង់ទំនាក់ទំនងអ្វីតែងឆ្លើយតបជាលទ្ធផលគ្រាន់កក់ក្តៅ។ការប្រកបការងារវិញតែងត្រូវបានបណ្តាមិត្តភក្តិកើតការគោរពខ្លបខ្លាច ហើយធ្វើអ្វីតែងជឿនលឿនគ្រាន់សមប្រកបផងដែរ។ចំណែកអ្នកប្រកបរបររកស៊ីជួញដូរទោះលោកអ្នកជួញទីជិតឆ្ងាយមិនថាផ្លូវគោកផ្លូវទឹកក្តីការរកផលកម្រៃបើឃើញថាអ្នកដទៃគេរកបានកុំប្រឹងរកតាមពេកព្រោះថាមិនអាចហុចផលកម្រៃដូចជាទីពេញចិត្តនោះឡើយ។ រីឯបញ្ហាសេចក្តីស្នេហាកំលោះក្រមុំមិនមានអ្វីប្រែប្រួលគួរកត់សម្គាល់ទេគឺដូចសព្វមួយដង៕

ឆ្នាំម្សាញ់៖ រាសីខ្ពស់ត្រដែត។ទាំងស្ត្រីបុរសថ្ងៃនេះចង់ជជែក ឬចង់ដោះស្រាយរឿងអ្វីមួយអាចធ្វើបានពីព្រោះថាតែងសសម្រេចដូចគាប់បំណង។ការប្រកបការងារលោកអ្នកអាចទទួលដំណឹងល្អដោយមានការរីកចម្រើនជឿនលឿនទៅមុខផង។សម្រាប់អ្នកប្រកបរបររកស៊ីជួញដូរមានការរីកលូតលាស់គួរសម ម្ល៉ោះហើយជាឱកាសល្អក្នុងការពង្រីកមុខរបរថ្មីឬបណ្តាក់ទុនបន្ថែមព្រោះផ្លែផ្កាដែលទទួលបានតែងហុចមកវិញដូចសមប្រកប។ រីឯបញ្ហាសេចក្តីស្នេហាប្រុសស្រីមានការជឿនលឿនទៅមុខនិងកំពុងស្រស់ស្រាយប្រពៃណាស់៕

ឆ្នាំមមី៖ រាសីល្អជាមធ្យម។នៅថ្ងៃនេះទោះធ្វើអ្វីក៏ដោយលោកអ្នកត្រូវចេះត្រួតពិនិត្យមើលសមាសភាពមនុស្សបន្តិចទើបមិនមានបញ្ហាមិនល្អណាមួយនាំទុក្ខលំបាកនៅគ្រាក្រោយ។អ្នកប្រកបការងារទីខ្ពស់ពិសេសកម្មករសំណង់ចូរប្រយ័ត្នប្រយែងការទ្បើងទីខ្ពស់ក្រែងភ្លាត់ដៃជើងធ្លាក់ចុះគ្រោះថ្នាក់ដោយប្រការណាមួយ។អ្នកប្រកបរបររកស៊ីជួញដួរមុខជំនួញមិនមានអ្វីប្រែប្រួលប្តួរផ្លាស់គួរជាទីកត់សំគាល់ទេគឺដូចសព្វមួយដង។ សម្ព័ន្ធស្នេហាប្រុសស្រីប្រយ័ត្នអ្នកដទៃអុជអាលនាំកើតជម្លោះវិវាទកើតឡើង៕

ឆ្នាំមមែ៖ រាសីស្រុតចុះ។នៅថ្ងៃនេះដំណើរជីវិតមិនល្អប្រសើរ ម្ល៉ោះហើយលោកអ្នកគប្បីធ្វើចិត្តត្រជាក់និងដាច់ខាតមិនត្រូវយកកំហឹងទល់កំហល់ឡើយនាំតែកើតបញ្ហាមិនចេះចប់ប៉ុណ្ណោះ។ការប្រកបការងារក៏ដូច្នេះដែរលោកអ្នកគប្បីរក្សាភាពស្ងប់ស្ងាត់ដោយមិនត្រូវតបតជាមួយក្រុមមនុស្សច្រើនពេកឡើយ បើពុំនោះនាំតែរឿងរាវដាក់ខ្លួនទេ។ចំពោះអ្នកប្រកបរបររកស៊ីជួញដូរលោកអ្នកងាយមានបញ្ហាភ្លាំងភ្លាត់ណាស់គួរមានការប្រយ័ត្នប្រយែង។ សម្ព័ន្ធស្នេហាកំលោះក្រមុំឬពោះម៉ាយមេម៉ាយក្តីមានការជឿនលឿនទៅមុខ ប៉ុន្តែបើថយក្រោយវិញក៏ឆាប់រហ័សដែរ៕

ឆ្នាំវក៖ រាសីល្អជាមធ្យម។ក្នុងថ្ងៃនេះលោកអ្នកប្រកបការងារអ្វីត្រូវសន្សឹមៗហើយមិនត្រូវធ្វើកិច្ចការងារអ្វីសំខាន់ពេកដែរពីព្រោះថាឧបសគ្គនៅរារាំងមុខខ្លះៗនាំជួបផលលំបាកក្នុងការឆ្លងកាត់។រាល់កិច្ចការងារបើមានបញ្ហាជាមួយអ្នកដទៃត្រូវចេះទប់ចិត្ត សង្កត់អារម្មណ៍ និងប្រញាប់ដោះស្រាយទើបរឿងតូចមិនរីកជាធំ ។សម្រាប់អ្នកប្រកបរបររកស៊ីជួញដូរក្នុងថ្ងៃនេះវិញមានការចម្រើនលូតលាស់ទៅមុខគួរសម ហើយភាពសុខដុមក៏កើតមានច្រើនដែរ។ សម្ព័ន្ធស្នេហាកំលោះក្រមុំក្នុងថ្ងៃនេះវិញកុំគប្បីជ្រួលជ្រើមខុសបែបបទប្រយ័ត្នរែកពន់ភាពទុក្ខសោកទៅវិញ៕

ឆ្នាំរកា៖ រាសីខ្ពស់ត្រដែត។ការរស់នៅបើលោកអ្នកចង់ដោះស្រាយបញ្ហា ឬចង់ជជែកពិភាក្សាអ្វីមួយជាមួយអ្នកដទៃតែងអាចរកច្រកចេញបានខ្លះនាថ្ងៃនេះ។ថ្ងៃនេះដែរដំណើរជីវិតគាប់ប្រសើរប្រពៃ ម្ល៉ោះហើយផ្តល់ផលល្អសម្រាប់ចាត់ចែងការងារសំខាន់ឬការងារធំដុំពីព្រោះថាផលល្អតែងហុចមកវិញដូចជាទីពេញចិត្ត។អ្នកប្រកបរបររកស៊ីជួញដូរទោះជួញទីជិតឆ្ងាយការរកផលកម្រៃមានភាពធូរស្បើយជាងមុនដោយអាចរកប្រាក់ចំណូលគ្រាន់ចិញ្ចឹមឆ្នាំងបាយអញ្ចឹងដែរ។ សម្ព័ន្ធស្នេហាកំលោះក្រមុំបើលោកអ្នកមិនទាន់មានគូគាប់ ហើយចង់ស្វែងរកជាពេលវេលាល្អប្រពៃបំផុត ៕

ឆ្នាំច៖ រាសីស្រុតចុះ។ថ្ងៃនេះដួងរាសីស្រុតចុះ ម្ល៉ោះហើយបើជាស្ត្រីតោងតែមានការប្រយ័ត្នប្រយែងជាងបុរសពីព្រោះថាងាយកើតជារឿងរាវជាងសព្វមួយដង។ការបំពេញការងារបើមានកិច្ចការអ្វីសំខាន់ ហើយចង់ទៅពឹងពាក់នរណាម្នាក់តែងពុំសូវសម្រេចដូចបំណងប៉ុន្មានដែរ ហើយគេមានតែស្តីបន្ទោសបន្ថែមទៀត។អ្នកប្រកបរបររកស៊ីជួញដូរវិញការជួញទីជិតឆ្ងាយចូរប្រយ័ត្នកើតការជម្លោះវិវាទណាមួយជាមួយមនុស្សនៅក្បែរខ្លួនដែលនាំជះឥទ្ធិពលអាក្រក់នាពេលក្រោយ។ រីឯបញ្ហាប្រុសស្រីដែលមិនទាន់មានគូគាប់កុំឃើញភ្លាមស្រឡាញ់ភ្លែតប្រយ័ត្នជួបរឿងកម្មក្រាសនៅពេលក្រោយហើយមកដេកឈឺចិត្ត៕

ឆ្នាំកុរ៖ រាសីល្អជាមធ្យម។ថ្ងៃនេះបើចង់ដោះស្រាយ ឬចរចាអ្វីមួយឃើញថាតែងពុំសម្រេចដូចបំណង ឬក៏ជួបស្ថានភាពលំបាកដែរ។សម្រាប់កម្មករ ឬ បុគ្គលិកនានាចូរប្រយ័ត្នកិច្ចការរបស់ខ្លួនពីព្រោះបើបង្កើតឱ្យមានកំហុសអាចជួបរឿងរង្គោះរង្គើដល់តួនាទីការងារថែមទៀត។អ្នកប្រកបរបររកស៊ីជួញដូរវិញមានការខ្សត់ខ្សោយក្នុងការរកផលចំណូលណាស់ ដូច្នេះទាល់តែខិតខំខ្លាំងទើបអាចរកប្រាក់កម្រៃ ចិញ្ចឹមគ្រួសារគ្រាន់រស់ស្រួលខ្លួន។ រីឯបញ្ហាស្នេហាកំលោះក្រមុំមានការជ្រួលជ្រើមខុសបែបបទ ដូចនេះត្រូវចេះកាត់បន្ថយខ្លះទើបគ្មានរឿងរាវអាក្រក់នាថ្ងៃខាងមុខ៕