ហោរាសាស្រ្តប្រចាំថ្ងៃសៅរ៍ ទី១៣ ខែឧសភា ឆ្នាំ២០២៣

នៅថ្ងៃសៅរ៍ ទី១៣ ខែឧសភា ឆ្នាំ២០២៣នេះ គេហទំព័រហោរាសាស្រ្ដចិនបានចុះផ្សាយពីរាសីប្រចាំថ្ងៃនៃអ្នកដែលកើតឆ្នាំទាំង១២ថា៖

ឆ្នាំជូត៖ រាសីល្អជាមធ្យម។ការរស់នៅបើទោះបីជួបនូវបញ្ហាតានតឹងខ្លះៗក្តី ប៉ុន្តែអ្វីដែលត្រូវយកចិត្តទុកដាក់នោះគឺបញ្ហាសុខភាពពីព្រោះថាងាយទទួលរងប៉ះទង្គិចណាស់។ការប្រកបការងារឬធ្វើអ្វីក៏ដោយលោកអ្នត្រូវចងចាំថាមិនត្រូវម៉ាក់ងាយមនុស្សឡើយបើពុំនោះទេនឹងជះឥទ្ធិពលអាក្រក់នៅពេលក្រោយជាក់ជាពុំខាន។សម្រាប់អ្នកប្រកបរបររកស៊ីជួញដូរលោកអ្នកត្រូវមានទំនាក់ទំនងល្អជាមួយក្រុមមនុស្សជុំវិញខ្លួនឱ្យបានច្រើនព្រោះអាចទាញផលប្រយោជន៍អ្វីមួយមកវិញទៀតផង។ សម្ព័ន្ធស្នេហាកំលោះក្រមុំមានការប្រែប្រួលប្តូរផ្លាស់ព្រោះជួនត្រូវរ៉ូវគ្នាជួនពាក់មុខយក្សដាក់គ្នា៕

ឆ្នាំឆ្លូវ៖ រាសីល្អជាមធ្យម។ថ្ងៃនេះដោយសារភាពឧបទ្រពនៅតាមជាប់នៅឡើយ ម្ល៉ោះហើយលោកអ្នកឱ្យប្រយ័ត្នការមានទំនាស់ជាមួយក្រុមមនុស្សនៅក្បែរខ្លួន និង សមាជិកក្រុមគ្រួសារដោយប្រការណាមួយ។នៅថ្ងៃនេះកិច្ចការបើធ្លាប់តែចុះដុនដាប បានងើបឡើងវិញ ហើយធ្វើអ្វីមួយតែងទទួលផលប្រយោជន៍មកវិញគ្រាន់កក់ក្តៅ។អ្នកប្រកបរបររកស៊ីជួញដូរវិញមិនត្រូវយកភាពច្រណែនឈ្នានីសដាក់ចំពោះមុខឬបង្ករឿងថ្នាំងថ្នាក់ចំពោះអ្នកដទៃប្រយ័ត្នកើតឧបទ្រពចង្រៃការលក់ដូរកាន់តែមិនដាច់ថែម។ រីឯបញ្ហាសេចក្តីស្នេហាកំលោះក្រមុំមានការប្រឆាំង និងប្រទាំងប្រទើសគ្នាច្រើន៕

ឆ្នាំខាល៖ រាសីស្រុតចុះ។ក្នុងថ្ងៃនេះបើមានរឿងរាវអ្វីត្រូវចេះអត់ធ្មត់ និងធ្វើមិនដឹងមិនឮរឿងរាវខ្លះទើបបានសុខស្រួលខ្លួន ។ការប្រកបការងារអ្វីក៏ដោយលោកអ្នកតែងជួបបញ្ហាបន្តិចបន្តួចចូលយាយីនាំជួបការលំបាក។សម្រាប់អ្នកប្រកបរបររកស៊ីជួញដូរ វិញលោកអ្នកជួបរឿងខ្វាយខ្វល់ច្រើនព្រោះតែការធ្វើជំនួញទីជិតឆ្ងាយមិនសមដូចប្រកបទេតែងមានរឿងរកាំចិត្តច្រើន។ រីឯបញ្ហាស្នេហាប្រុសស្រីមានការរកាំចិត្ត និងពាក់មុខយក្សដាក់គ្នាមិនតិចដែរទេ៕

ឆ្នាំថោះ៖ រាសីខ្ពស់ត្រដែត ។ការរស់នៅលោកអ្នកអាចទទួលការជួយជ្រោមជ្រែងពីញាតិមិត្តបងប្អូន និងចង់ពឹងពាក់នរណាម្នាក់តែងមានភាពរលូនល្អទៅមុខជានិច្ច។នៅថ្ងៃនេះផ្តល់ផលល្អសម្រាប់លោកអ្នកដំណើរកិច្ចការងារពីព្រោះថាតែងមានការសហការពីអ្នកដទៃនិងហុចផ្លែផ្កាមកវិញគ្រាន់ជាទីពេញចិត្ត។អ្នកប្រកបការងាររកស៊ីជួញដូរលោកអ្នកកុំសោះអង្គើយត្រូវរវាសរវៃដៃជើងព្រោះមិនដូច្នេះទ្រព្យលាភដែលបម្រុងធ្លាក់ដល់ដៃនឹងត្រូវបោលហួសធ្លាក់ទៅលើអ្នកដទៃវិញជាក់ជាពុំខាន។ រីឯបញ្ហាសេចក្តីស្នេហាកំលោះក្រមុំមានភាពស្រស់ស្រាយ និងមានការចេះអត់ឱនឱ្យគ្នាល្អប្រពៃ៕

ឆ្នាំរោង៖ រាសីស្រុតចុះ។នៅថ្ងៃនេះលោកអ្នកងាយកើតផ្ទុះនូវកំហឹង ហើយអាចបង្កបញ្ហាជាមួយអ្នកដទៃជាងសព្វមួយដង ហេតុនេះគប្បីចេះទប់ចិត្តសង្កត់អារម្មណ៍ទើបប្រសើរ។ការប្រកបការងារមានភាពប្រទាំងប្រទើស និងងាយកើតជាកំហុសច្រើន។សម្រាប់អ្នកប្រកបរបររកស៊ីជួញដូរវិញលោកអ្នកជួបរឿងខ្វាយខ្វល់ព្រោះតែការធ្វើជំនួញទីជិតឆ្ងាយមិនសមដូចប្រកបទេ។ រីឯបញ្ហាសេចក្តីស្នេហាប្រុសស្រីមានការប្រែប្រួលប្តូរផ្លាស់ព្រោះជួនត្រូវរ៉ូវគ្នាជួនទាស់ទែងគ្នា៕

ឆ្នាំម្សាញ់៖ រាសីស្រុតចុះ។ការរស់នៅចូរលោកអ្នកប្រយ័ត្នប្រយែងពាក្យសម្តីចរចាទៅរកអ្នកដទៃបន្តិចពីព្រោះគេងាយថ្នាំងថ្នាក់ចាប់ជាកំហុសគុំគួនទៅថ្ងៃក្រោយ។នៅថ្ងៃនេះទោះធ្វើអ្វីក៏ដោយលោកអ្នកមិនអាចប្រមាថបានទេពីព្រោះថាផលអាក្រក់នោះងាយកើតផងដែរ។អ្នកប្រកបរបររកស៊ីជួញដូរលោកអ្នកកុំគប្បីមានការទុក្ខព្រួយច្រើនពេកព្រោះបើផលចំណូលតានតឹងពិតមែនតែលោកអ្នកក៏មានភាពសុខដុមផងដែរ។ រីឯបញ្ហាស្នេហាកំលោះក្រមុំងាយកើតបញ្ហាចម្រូងចម្រាសណាស់គប្បីប្រយ័ត្នប្រយែងពាក្យសម្តីចរចាទៅរកគ្នាបន្តិចទើបពុំមានបញ្ហាមិនល្អចោទឡើង ៕

ឆ្នាំមមី៖ រាសីល្អជាមធ្យម។នៅថ្ងៃនេះលោកអ្នកមិនត្រូវ ប្រើសម្តីតូច សម្តីធំ ច្រើនពេកឡើយ បើពុំនោះទេងាយផ្ទុះជារឿងរាវរីករាលដែលអាចឈានដល់ការប្រកាប់ប្រចាក់គ្នាថែមទៀត។ដោយឡែកបើលោកអ្នកមានការប្រកបការងារមិនថាជាការងាររាជការ ឬ ក្រុមហ៊ុនឯកជនក្តីមានភាពប្រទាំងប្រទើសខ្លះៗផងដែរព្រោះតែក្រុមមនុស្សចាំចាប់កំហុស និង ព្យាបាទយាយី។អ្នកប្រកបរបររកស៊ីជួញដូរមានដំណើរការទៅមុខយ៉ាប់យ៉ឺនបន្តិចពិតមែនតែក៏មានភាពសុខដុមប្រពៃណាស់។ រីឯសេចក្តីស្នេហាកំលោះក្រមុំមានការជឿនលឿនទៅមុខតិចតួច ឯបើថយក្រោយវិញនោះឆាប់រហ័សណាស់គប្បីមានការប្រយ័ត្នប្រយែង៕

ឆ្នាំមមែ៖ រាសីខ្ពស់ត្រដែត។នៅថ្ងៃនេះផ្តល់ផលល្អសម្រាប់លោកអ្នកទំនាក់ទំនងការងារ បណ្តាក់ទុន ឬចរចារឿងអ្វីមួយពីព្រោះថាផលតែងឆ្លើយតបគ្រាន់កក់ក្តៅ។ការប្រកបការងារវិញឃើញថារឿងរាវអាក្រក់បានរត់ចេញ ឬហោះរំលង ហើយផលល្អនឹងចូលមកជំនួសវិញហើយ។ចំពោះអ្នកប្រកបរបររកស៊ីជួញដូរបើចង់ធ្វើទំនាក់ទំនងមុខរបរអ្វីមួយអាចហុចលទ្ធផលគ្រាន់បើជាងមុនបន្តិចវិញ ប៉ុន្តែយ៉ាងណាចំណូលកុំរំពឹងពេកព្រោះនៅតែចោទជាបញ្ហាដដែលទេ។ រីឯបញ្ហាសេចក្តីស្នេហាកំលោះក្រមុំមានការផ្អែមល្ហែម និងកំពុងរីកលូតលាស់ទៅមុខប្រពៃណាស់៕

ឆ្នាំវក៖ រាសីស្រុតចុះ។នៅថ្ងៃនេះតែងទទួលបានដំណឹងមិនល្អ និងរឿងរាវខ្លះនាំឱ្យប៉ះពាល់ដល់លោកអ្នកថែមទៀត។ការប្រកបការងារពុំសូវជឿនលឿនទេ ហើយពិសេសងាយមានបញ្ហាច្រើនជាងសព្វមួយដង។ ចំពោះអ្នកប្រកបរបររកស៊ីជួញដូរមានការទិញចូលលក់ចេញគ្រាន់រស់រវើកផងដែរតែយ៉ាងណាចូរប្រយ័ត្នគ្រោះបាត់របស់របរ និង គ្រោះចាញ់បោកគេដោយប្រការណាមួយ។ សម្ព័ន្ធស្នេហាកំលោះក្រមុំមានការប្រែប្រួលច្រើនពីព្រោះថាជួនផ្អែមល្ហែមជួនពាក់មុខយក្សដាក់គ្នា៕

ឆ្នាំរកា៖ រាសីល្អជាមធ្យម។ ក្នុងថ្ងៃនេះផលល្អ និង មិនល្អនៅលាយឡំគ្នា ដូចនេះទោះធ្វើអ្វីក៏ដោយលោកអ្នកតោងតែប្រយ័ត្នប្រយែងបន្តិចទើបប្រសើរ។ការធ្វើដំណើរឆ្ងាយជិតជួបភាពសុខដុមដូចសព្វមួយដង។ ការប្រកបការងារលោកអ្នកមិនត្រូវ សម្រេចចិត្តលឿនឬធ្វើដោយមិនគិតមុខក្រោយឡើយពីព្រោះថាផលមិនល្អនោះក៏មានច្រើនចំពោះមុខ។អ្នកប្រកបរបររកស៊ីជួញដូរការជួញទីជិតឆ្ងាយចូរប្រយ័ត្នជួបគ្រោះចាញ់បោកគេដោយការលង់ជឿសម្តីជនបោកប្រាស់ដោយប្រការណាមួយ។ រីឯបញ្ហាគូគ្រងប្តីប្រពន្ធ និង គូស្នេហ៍ប្រុសស្រីមានការពាក់មុខយក្សដាក់គ្នាព្រោះតែការទាស់សម្តីគ្នាច្រើន៕

ឆ្នាំច៖ រាសីខ្ពស់ត្រដែត។នៅថ្ងៃនេះទាំងស្ត្រីបុរសលោកអ្នកអាចសម្រុកធ្វើអ្វីមួយបានហើយពីព្រោះថាផលសម្រេចតែងឆ្លើយតបមកវិញគ្រាន់ជាទីគាប់ចិត្ត។ផ្តល់ផលល្អសម្រាប់លោកអ្នកប្រកបកិច្ចការងារណាដែលសំខាន់ពីព្រោះឃើញថាផលដែលឆ្លើយតបមកវិញគ្រាន់ជាទីកក់ក្តៅ។អ្នកប្រកបរបររកស៊ីជួញដូរបើលោកអ្នកមានជម្លោះ ហើយមានការស្រុះស្រួលគ្នារវាងស្វាមីភរិយាឡើងវិញនោះមិនថាការជួញទីជិតឆ្ងាយយ៉ាងណាក្តីតែងមានភាពកាក់កបប្រពៃដោយអាចប្រមូលភោគផលចំណេញចូលផ្ទះវិញយ៉ាងត្រជាក់ចិត្ត។ រីឯបញ្ហាគូស្នេហ៍កំលោះក្រមុំពុំមានអ្វីល្អក់កករឬបញ្ហាចូលមករារាំងនាំពិបាកដោះស្រាយនោះដែរ៕

ឆ្នាំកុរ៖ រាសីខ្ពស់ត្រដែត។នៅថ្ងៃនេះដោយសាររាល់ចង្រៃឧបទ្រព និងរាល់ឧបសគ្គត្រូវបានសាបរលាបបាត់ទៅឆ្ងាយអស់រលីងធ្វើឱ្យដំណើរជីវិតប្រកបដោយភាពស្រស់ស្រាយឡើងវិញ។ទាំងស្ត្រីបុរសរាល់ការជជែកកិច្ចការងារអ្វីក៏ដោយងាយឆាប់ចប់ និងទទួលបានផលលឿនទៀតផង។ក្រៅពីនេះលោកអ្នកអាចទទួលដំណឹងល្អអ្វីមួយឱ្យសប្បាយចិត្តថែមទៀត។សម្រាប់អ្នកប្រកបរបររកស៊ីជួញដូរវិញបើចង់បោះទុនតូចធំឬចង់រកស៊ីចូលហ៊ុនជាមួយអ្នកដទៃត្រូវចេះត្រួតពិនិត្យឱ្យបានគ្រប់ជ្រុងជ្រោយ បើពុំនោះទេអាចជួបផលអាក្រក់ណាមួយនៅថ្ងៃខាងមុខជាក់ជាពុំខាន។ សម្ព័ន្ធស្នេហាកំលោះក្រមុំមានភាពស្រស់ស្រាយប្រៀបប្រដូចទៅនឹងត្រីក្នុងទឹកនារដូវវស្សាដូច្នេះដែរ៕