នៅថ្ងៃអាទិត្យ ទី១៤ ខែឧសភា ឆ្នាំ២០២៣នេះ គេហទំព័រហោរាសាស្រ្ដចិនបានចុះផ្សាយពីរាសីប្រចាំថ្ងៃនៃអ្នកដែលកើតឆ្នាំទាំង១២ថា៖
ឆ្នាំជូត៖ រាសីល្អជាមធ្យម។ទាំងស្ត្រីបុរសលោកអ្នកត្រូវចេះរក្សាភាពនឹងធឹងទោះមានបញ្ហាអ្វីក៏ដោយ ពីព្រោះថាងាយកើតរឿងរាវជាមួយសាច់ញាតិ ឬមិត្តភក្តិទៀតផង។នៅថ្ងៃនេះទោះលោកអ្នកធ្វើអ្វីតែងមានកំហុសច្រើន ហើយពិសេសក្រុមមនុស្សដែលបង្ករឿងថ្នាំងថ្នាក់ក៏ច្រើនដែរ។ដូចនេះលោកអ្នកមុនធ្វើអ្វីមួយគប្បីមានការត្រិះរិះឱ្យបានច្បាស់លាស់ទើបមិនកើតការភ្លាំងភ្លាត់នាំសោកស្តាយនៅពេលក្រោយពិសេសបញ្ហាប្រាក់កាសតែម្តង។អ្នកប្រកបរបររកស៊ីជួញដូរមិនមានអ្វីប្រែប្រួលប្តូរផ្លាស់គួរជាទីកត់សម្គាល់ទេគឺប្រាក់ចំណូលមានហូរចូលមួយៗគ្រាន់បំពេញបំពង់ជានិច្ច។ រីឯសេចក្តីស្នេហាប្រុសស្រីចូរកុំគប្បីឈ្លក់វង្វេងតែសេចក្តីស្នេហាពេកត្រូវរកពេលវេលាបំពេញការងារឬរៀនសូត្រទើបជាការប្រពៃបំផុត៕
ឆ្នាំឆ្លូវ៖ រាសីស្រុតចុះ។ក្នុងថ្ងៃនេះដោយសារដួងរាសីស្រុតចុះ ម្ល៉ោះហើយលោកអ្នកអាចនឹងជួបនូររឿងរ៉ាវប្រទាំងប្រទើសចំពោះមុខច្រើន។ការប្រកបការងារលោកអ្នកមិនត្រូវជឿពាក្យអុជអាលអ្នកដទៃឡើយបើពុំនោះទេរឿងខ្លះតូចតាចសោះអាចរីកក្លាយជាធំជាក់ជាពុំខាន។សម្រាប់អ្នកប្រកបរបររកស៊ីជួញដូរមានការទិញចូលលក់ចេញគ្រាន់រស់រវើកបន្តិចវិញ ប៉ុន្តែយ៉ាងណាផលកម្រៃក៏មិនសូវឆ្លើយតបដូចសេចក្តីប៉ងប្រាថ្នាទេឬអាចនិយាយបានថាគ្រាន់មួយទប់ទល់។ សម្ព័ន្ធស្នេហាប្រុសស្រីកុំយកភាពប្រចែប្រច័ណ្ឌដឹកច្រមុះឱ្យសោះប្រយ័ត្នកើតរឿងរាវឈានមិនដល់ខ្លោងទ្វារអាពាហ៍ពិពាហ៍៕
ឆ្នាំខាល៖ រាសីខ្ពស់ត្រដែត។នៅថ្ងៃនេះដំណើរជីវិតល្អប្រសើរ ម្ល៉ោះហើយផ្តល់ផលល្អក្នុងការទំនាក់ទំនង ការបណ្តាក់ទុន ចរចា ការធ្វើកិច្ចសន្យា ឬការធ្វើបទសំភាសន៍ផ្សេងៗផង។ការប្រកបការងារមានសភាពរលូនល្អ ហើយក៏តែងហុចផ្លែផ្កាដូចការគ្រោងទុកថែមទៀត។សម្រាប់អ្នកប្រកបរបររកស៊ីជួញដូរវិញពេលនេះបើលោកអ្នកចង់ផ្លាស់ប្តូរមុខរបរឬបើករបរថ្មីក៏អាចធ្វើបានតែត្រូវប្រយ័ត្នប្រយែងបន្តិចពីព្រោះក្នុងរយះពេលវែងពុំសូវល្អទេ ពោលគឺអាចនឹងជួបឧបសគ្គច្រើន។ សម្ព័ន្ធស្នេហាកំលោះក្រមុំលោកអ្នកហាក់មាននិស្ស័យល្អជាមួយគូស្នេហ៍ដែលប្រៀបបានទៅនឹងព្រះអាទិត្យនឹងសត្វលោកដែលមិនអាចខ្វះបាន ហើយបើលោកអ្នកចេះថែរក្សាចំណងនេះគឺគ្មានអ្វីបំបែកបំបាក់បានឡើយ៕
ឆ្នាំថោះ៖ រាសីល្អជាមធ្យម។នៅថ្ងៃនេះបើមានបញ្ហាអ្វីក៏ដោយលោកអ្នកត្រូវមានស្មារតីប្រុងប្រយ័ត្ន ហើយដាច់ខាតមិនត្រូវជឿក្រុមមនុស្សមិនស្គាល់មុខឬមនុស្សពុំសូវស្គាល់គ្នានោះឡើយ ។បញ្ហាការងារ និង ប្រាក់កាសមិនចោទជាបញ្ហាទេនិងបើមានការឈ្មុសឈ្មុលតែងជួបសេចក្តីសម្រេចដូចគាប់បំណង។ចំពោះអ្នកប្រកបរបររកស៊ីជួញដូរវិញជួបការលំបាកក្នុងការរកផលចំណូលបន្តិចព្រោះតែងមានការប្រជែងគ្នាច្រើន ហើយពិសេសប្រយ័ត្នមានជម្លោះវិវាទព្រោះតែការដណ្តើមអតិថិជនគ្នា។ សម្ព័ន្ធស្នេហាកំលោះក្រមុំមានការឆាប់ប្រទាំងប្រទើសគ្នាបន្តិច ដូចនេះចូរប្រយ័ត្នកើតជម្លោះវិវាទណាមួយឡើង៕
ឆ្នាំរោង៖ រាសីស្រុតចុះ។ក្នុងថ្ងៃនេះលោកអ្នកធ្វើអ្វីមិនអាចប្រមាថបានសោះឡើយ ពុំនោះទេពិតជាជួបនូវផលលំបាកដោយប្រការណាមួយជាក់ជាពុំខាន។ចំពោះការប្រកបការងារអ្វីមួយត្រូវសន្សឹមៗនឹងប្រយ័ត្នប្រយែង និងមិនត្រូវធ្វើការងារណាមួយដែលសំខាន់ពេកឡើយពីព្រោះថាងាយជួបនូវបញ្ហាចម្រូងចម្រាសណាស់។អ្នកប្រកបរបររកស៊ីជួញដូរពេលនេះមានការហូរចេញ និងហូរចូលមិនទៀងទាត់ដូច្នេះមិនគួរផ្សងព្រេងទៅបោះទុនរកស៊ីធំដុំ និងយកទៅលេងល្បែងស៊ីសងទ្បើយនាំជាប់ការកុនខ្លួន។ សម្ព័ន្ធស្នេហាប្រុសស្រីបើចង់យកនរណាម្នាក់ជាគូគាប់ត្រូវចេះពិនិត្យពិច័យឱ្យបានច្បាស់លាស់ទើបប្រសើរ៕
ឆ្នាំម្សាញ់៖ រាសីស្រុតចុះ។នៅថ្ងៃនេះដោយសារដួងរាសីធ្លាក់ស្រុតចុះ ម្ល៉ោះហើយលោកអ្នកធ្វើដំណើរទៅណាមកណាតោងតែប្រយ័ត្នប្រយែងបន្តិចពីព្រោះថាផលអាក្រក់ងាយឈានចូលជាងសព្វមួយដង។ការប្រកបការងារ បើទោះបីធ្វើអ្វីក៏ដោយលោកអ្នកត្រូវតែមានចិត្តត្រជាក់ទើបមិនមានបញ្ហាមិនល្អណាមួយឈានចូលកើត។ក្នុងថ្ងៃនេះដែរអ្នកប្រកបរបររកស៊ីជួញដូរទាំងការជួញទីជិតឆ្ងាយការរកផលកម្រៃទោះជួបផលលំបាកម្តេចមា្តក៏មានហូរចូលមួយៗគ្រាន់បំពេញបំពង់អញ្ចឹងដែរ។ សម្ព័ន្ធស្នេហាកំលោះក្រមុំមានការជឿនលឿនទៅមុខតិចតួចណាស់ ដូចនេះត្រូវចេះពូនជ្រោយចំណងស្នេហារបស់ខ្លួនបន្តិចទើបប្រសើរ៕
ឆ្នាំមមី៖ រាសីខ្ពស់ត្រដែត។ក្នុងរយៈពេលនេះទោះលោកអ្នកធ្វើអ្វីក៏ដោយ ចូរចេះពិចារណា និងថ្លឹងថ្លែងឱ្យបានត្រឹមត្រូវទើបគ្មានពាក្យថាសោកស្តាយនៅពេលក្រោយ ។ទាំងស្ត្រីបុរសរាល់កិច្ចការងារតូចធំពុំមានអ្វីប្រែប្រួលច្រើនឡើយគឺនៅតែជួបការលំបាកភាគច្រើនដដែលទេ។ក្នុងពេលនេះលោកអ្នកមិនត្រូវហ៊ានប្រថុយប្រថានក្នុងការបណ្តាក់ទុនរកស៊ីទ្រង់ទ្រាយធំ និង មិនត្រូវប្រព្រឹត្តិល្បែងស៊ីសងឡើយ ប្រយ័ត្នក្រែងភ្លាត់ស្នៀតអាចវិនាសអន្តរាយទ្រព្យអស់រលីងពីខ្លួន។ រីឯបញ្ហាសេចក្តីស្នេហាប្រុសស្រីកើតមានការរកាំចិត្តនិងមានរឿងខ្វាយខ្វល់ច្រើន៕
ឆ្នាំមមែ៖ រាសីស្រុតចុះ។បើលោកអ្នកជួបបញ្ហាអ្វីក៏ដោយតោងតែចេះអត់ធ្មត់ និងមានចិត្តត្រជាក់ទើបរឿងធំនឹងរួមជាតូចវិញ ។នៅថ្ងៃនេះការបំពេញការងារធំដុំច្រើនភ្លាំងភ្លាត់ពុំសូវសមដូចប្រកបទេ ម្ល៉ោះហើយគប្បីប្រយ័ត្នប្រយែងបន្តិចទើបគ្មានបញ្ហាអាក្រក់ណាមួយកើតឡើង។អ្នកប្រកបរបររកស៊ីជួញដូរការរកផលចំណូលមិនត្រូវឱ្យអតិថិជនជំពាក់ប្រាក់ច្រើនទ្បើយប្រយ័ត្នជួបរឿងដូចពាក្យចាស់ថាពេលឱ្យជំពាក់ធូរដូចទឹកហូរ ឯការសងមកវិញតឹងដូចអូសឬស្សីបញ្ច្រាសចុងហើយកើតមានតែបញ្ហាជាមួយគ្នាមិនចេះចប់ ។ សម្ព័ន្ធស្នេហាកំលោះក្រមុំមានដំណើរថយក្រោយ ដូចនេះចូរប្រយ័ត្នជម្លោះវិវាទឈានដល់ការបែកបាក់៕
ឆ្នាំវក៖ រាសីល្អជាមធ្យម។នៅថ្ងៃនេះដំណើរជីវិតមិនល្អពេក ហើយក៏មិនអាក្រក់ពេកដែរ ។សម្រាប់ការរស់នៅលោកអ្នកទោះពុំមានឧបសគ្គរារាំងដំណើរនាំពិបាកដោះស្រាយនោះឡើយ។ដោយឡែកអ្នកប្រកបការងារពុំត្រូវមើលស្រាលយ ពីព្រោះថារបស់ទាំងអស់នេះសុទ្ធសឹងនាំអ្នកជួបផលលំបាកនាគ្រាខាងមុខវិញ។អ្នកប្រកបជំនួញវិញប្រាក់កាសរកបានដោយតានតឹងខ្លាំងណាស់ ប៉ុន្តែពេលនេះចំណាយវិញមានគ្រប់សារពើធ្វើឱ្យរ៉ាប់រងពុំចង់ឈ្នះសោះឡើយ។ សម្ព័ន្ធស្នេហាកំលោះក្រមុំកុំត្រចៀកស្រាល ត្រូវចេះមើលនឹងភ្នែកខ្លះទើបពុំមានបញ្ហារកាំរកូសកើតមានឡើង ៕
ឆ្នាំរកា៖ រាសីស្រុតចុះ។នៅថ្ងៃនេះបើមានការជជែកពិភាក្សាអ្វីមួយតែងមិនសូវសម្រេច ហើយពិសេសងាយធ្លាក់ក្នុងគ្រោះចាញ់ប្រៀបគេថែមទៀត។អ្នកប្រកបការងារវិញពុំផ្តល់ផលល្អក្នុងការសំខាន់ ឬកិច្ចការងារធំដុំឡើយ។ការប្រកបជំនួញវិញ មានតែក្រុមមនុស្សចាំច្រណែនឈ្នានីស ឬចាំមើលតែលោកអ្នកខុសដើម្បីជាន់ពន្លិចបន្ថែមប៉ុណ្ណោះ។ សម្ព័ន្ធស្នេហាកំលោះក្រមុំមានដំណើរថយក្រោយ ហេតុនេះត្រូវចេះផ្តល់សេចក្តីស្រឡាញ់ចំពោះគ្នាឱ្យកាន់តែច្រើនកាលណាគឺកាន់តែល្អកាលនោះដែរ៕
ឆ្នាំច៖ រាសីខ្ពស់ត្រដែត។ក្នុងថ្ងៃនេះផ្តល់ផលល្អសម្រាប់លោកអ្នកដំណើរកិច្ចការផ្ទាល់ខ្លួន ឬចរចាបញ្ហាអ្វីមួយពីព្រោះថាផលតែងឆ្លើយតបគ្រាន់កក់ក្តៅ។ដោយឡែកកិច្ចការងារវិញបើលោកអ្នកព្យាយាមពុះពារនោះក៏តែងសម្រេចជោគជ័យគ្រាន់ជាទីកក់ក្តៅ។ក្រៅពីនេះក៏ផ្តល់ផលល្អសម្រាប់លោកអ្នកចូលប្រឡូកការងារថ្មីៗផងដែរ។សម្រាប់អ្នកប្រកបរបររកស៊ីជួញដូរមានការទិញចូលលក់ចេញរស់រវើកគួរសម ហើយផលកម្រៃទៀតសោតអាចរកបានគ្រាន់ចិញ្ចឹមគ្រួសារ។ សេចក្តីស្នេហាកំលោះក្រមុំបើជាស្នេហាថ្មីថ្មោងតែងស្រស់ស្រាយ តែយ៉ាងណាត្រូវចេះពិនិត្យពិច័យផងដែរបើពុំនោះទេប្រយ័ត្នជួបផលលំបាកនាគ្រាខាងមុខ៕
ឆ្នាំកុរ៖ រាសីខ្ពស់ត្រដែត។ក្នុងថ្ងៃនេះដោយសារដួងរាសីឡើងខ្ពស់ រាល់ចង្រៃឧបទ្រព្យ និង រាល់ឧបសគ្គត្រូវបានសាបរលាបបាត់ស្រមោលអស់នោះ លោកអ្នកអាចប្រកបការងារពេញដៃពេញជើងឡើងវិញ។អ្នកប្រកបរបររកស៊ីជួញដូរមានការទិញចូលលក់ចេញគ្រាន់បើតែយ៉ាងណាលោកអ្នកទាល់តែខិតខំខ្លាំងទើបទទួលជោគជ័យជំនួញធំៗទៅរួច។ រីឯបញ្ហាសម្ព័ន្ធស្នេហាកំលោះក្រមុំមានការរីកលូតលាស់ទៅមុខ និងកំពុងផ្អែមល្ហែមប្រពៃ៕