នៅថ្ងៃអង្គារ ទី១៦ ខែឧសភា ឆ្នាំ២០២៣នេះ គេហទំព័រហោរាសាស្រ្ដចិនបានចុះផ្សាយពីរាសីប្រចាំថ្ងៃនៃអ្នកដែលកើតឆ្នាំទាំង១២ថា៖
ឆ្នាំជូត៖ រាសីស្រុតចុះ។នៅថ្ងៃនេះការរស់នៅងាយជួបរឿងរាវប្រទាំងប្រទើសច្រើនបន្តិចដោយសារតែក្រុមមនុស្សចាំចាប់កំហុស និងមានបញ្ហាមិនល្អរត់ចូលច្រើន។ការបំពេញការងារមានការរីកលូតលាស់យឺត ហើយទាល់តែខិតខំខ្លាំងបន្តិចទើបទទួលជោគជ័យកិច្ចការធំៗមួយចំនួន។សម្រាប់អ្នកប្រកបរបររកស៊ីជួញដូរមិនថាផ្លូវគោកផ្លូវទឹកឬផ្លូវអាកាសក្តីទោះលោកអ្នកខិតខំប៉ុនណាបានត្រឹមមួយទប់ទល់ ហើយបើឱ្យសល់ធំដុំនោះគ្មាននោះឡើយ។ សម្ព័ន្ធស្នេហាកំលោះក្រមុំឬពោះម៉ាយមេម៉ាយក្តីកើតមានការចាប់កំហុស និងយកភាពប្រចែប្រច័ណ្ឌដាក់ខ្លួនច្រើននាំឱ្យកើតការកាំចិត្តមិនតិចទេ៕
ឆ្នាំឆ្លូវ៖ រាសីល្អជាមធ្យម។នៅថ្ងៃនេះលោកអ្នកមិនត្រូវជឿពាក្យសម្តីក្រុមមនុស្សច្រើនពេកឡើយ បើពុំនោះទេអាចនឹងជួបរឿងខាតប្រយោជន៍អ្វីមួយពុំខាន។ទោះបីយ៉ាងណាយីអ៊ុនរបស់លោកអ្នកនៅថ្ងៃនេះពុំគាប់ប្រសើរចំពោះការប្រកបកិច្ចការងារពេលព្រឹកប៉ុន្មាននោះឡើយ ដូចនេះបើមានចាប់កាន់កិច្ចការអ្វីមួយថ្មីថ្មោងចូរប្រយ័ត្នការមានកំហុសបន្តិច ហើយបើការងារជាកូនឈ្នួលគេផងងាយត្រូវថៅកែបណ្តេញចេញណាស់។សម្រាប់អ្នកប្រកបរបររកស៊ីជួញដូរមិនមានការលូតលាស់ទៅមុខគួរជាទីកត់សម្គាល់ទេគឺមានដំណើរថយក្រោយច្រើនជាង ដូចនេះបើចង់ធ្វើអ្វីមួយធំដុំគួរមានការប្រយ័ត្នប្រយែងឱ្យបានខ្លាំងក្លា។ រីឯបញ្ហាសេចក្តីស្នហាកំលោះក្រមុំឬពោះម៉ាយមេម៉ាយក្តីមានដំណើរពុំល្អទេចូរប្រយ័ត្នក្រុមមនុស្សចូលមកបំបែកដោយប្រការណាមួយ៕
ឆ្នាំខាល៖ រាសីខ្ពស់ត្រដែត។នៅថ្ងៃនេះដំណើរជីវិតមានភាពសុខដុម ហើយរាល់បញ្ហាឧបទ្រពចង្រៃក៏រលត់រលាយទៅចាកឆ្ងាយដែរ។ការប្រកបការងារគឹផ្តល់ផលល្អសម្រាប់លោកអ្នកទំនាក់ទំនងការងារការបណ្តាក់ទុន ការចរចាឬចុះហត្ថលេខាអ្វីមួយពីព្រោះថាផលល្អៗតែងឆ្លើយតបមកវិញជានិច្ច។សម្រាប់លោកអ្នកដែលប្រកបរបររកស៊ីជួញដូរក្នុងពេលនេះមានការរីកលូតលាស់គួរសម ហើយបើចង់ពង្រីកមុខរបរថ្មីឬមានការបណ្តាក់ទុនរកស៊ីក្នុងអ្វីមួយតែងផ្តល់ផលល្អៗមកខ្លួនវិញយ៉ាងដូចសមប្រកប។ សម្ព័ន្ធស្នេហាកំលោះក្រមុំឬពោះម៉ាយមេម៉ាយក្តីជួបភាពរកាំចិត្ត និង មិនសូវទុកចិត្តទុកគ្នាប៉ុន្មានទេគឺភាពប្រចែប្រច័ណ្ឌកំពុងចូលលុកលុយច្រើន៕
ឆ្នាំថោះ៖ រាសីខ្ពស់ត្រដែត។បើលោកអ្នកចង់ស្វែងរកអ្វីមួយគឺអាចនឹងជួបនូវក្តីសម្រេច ហើយបើចង់ពឹងពាក់អ្នកដទៃក៏ក៏តែងគេអាណិតជួយដោះស្រាយដែរ។ការប្រកបការងារផ្តល់ផលល្អក្នុងការទំនាក់ទំនង ឬបើចង់ចូលដោះស្រាយបញ្ហាតូចធំក៏តែងផ្តល់ផលល្អដូចគ្នា។សម្រាប់អ្នកប្រកបរបររកស៊ីជួញដូរវិញការជួញទីជិតឆ្ងាយមិនថាផ្លូវគោកផ្លូវទឹកផ្លូវអាកាសក្តីតែងហុចផ្លែផ្កានិងប្រមូលផលកម្រៃគ្រាន់ជាទីកក់ក្តៅ ហើយក៏មានភាពសុខដុមប្រពៃ។ រីឯបញ្ហាស្នេហាប្រុសស្រីបើចង់ធ្វើការជ្រើសរើសគូស្រករតែងជួបគូព្រេងពិតដូចសេចក្តីប្រាថ្នា៕
ឆ្នាំរោង៖ រាសីល្អជាមធ្យម។សម្រាប់ស្ត្រីបុរសបញ្ហាដែលទាក់ទងប្រាក់កាសគប្បីប្រយ័ត្នប្រយែងព្រោះមិនត្រឹមជួបការលំបាកដោះស្រាយទេ តែនៅអាចកើតរឿងជម្លោះវិវាទទៀតផង។ថ្ងៃនេះបើទោះបីការប្រកបការងារលោកអ្នកត្រូវរែកពន់ភាពលំបាក និងស្មុគស្មាញច្រើនតែយ៉ាងណាបើចេះអត់ធ្មត់ក៏តែងជោគជ័យគួរសម។អ្នកប្រកបរបររកស៊ីជួញដូរដោយសារយីអ៊ុនកំពុងដាក់ស្រាប់ ម្ល៉ោះហើយធ្វើឱ្យមានក្រុមមនុស្សតាមឈ្នានីស និងព្យាបាទយាយីច្រើន ដូច្នេះត្រូវរក្សាភាពស្ងប់ស្ងាត់ទើបចៀសផុតជម្លោះវិវាទទាំងពួង។ រីឯបញ្ហាស្នេហាកំលោះក្រមុំឬពោះម៉ាយមេម៉ាយក្តីមានការគិតផ្លូវអាក្រក់ចំពោះគ្នាច្រើនធ្វើឱ្យរកាំរកូសមិនស្ទើរដែរទេ៕
ឆ្នាំម្សាញ់៖ រាសីស្រុតចុះ។ការរស់នៅបើចង់ពឹងពាក់នរណាម្នាក់ឱ្យជួយអ្វីមួយមិនត្រូវរំពឹងពេកឡើយពីព្រោះថាផលដែលទទួលបានមកវិញនោះតិចតួចណាស់។ការប្រកបការងាររបស់ លោកអ្នកក៏មិនសូវល្អប្រសើរទេ ហើយបើចង់ធ្វើអ្វីមួយ ឬ សម្រេចចិត្តអ្វីគប្បីប្រយ័ត្នប្រយែងពីព្រោះថាផលអាក្រក់នោះមានច្រើនត្រឡប់មកវិញ។អ្នកប្រកបរបររកស៊ីជួញដូរពេលនេះមុខជំនួញឆ្ងាយជិតមានការប្រែប្រួលពីល្អមកអាក្រក់ច្រើន ដូច្នេះគួរមានការប្រយ័ត្តប្រយែងឱ្យបានខ្លាំងក្លា។ បញ្ហាស្នេហាកំលោះក្រមុំនាពេលនេះអ្វីក៏ដោយមិនត្រូវរំពឹងពេកឡើយពីព្រោះថាងាយខកបំណងនិងបញ្ហាច្រើនយាយី៕
ឆ្នាំមមី៖ រាសីខ្ពស់ត្រដែត។នៅថ្ងៃនេះលោកអ្នកអាចមានដំណឹងល្អចូលមកឱ្យសប្បាយចិត្ត និងក្រៅពីនេះលោកអ្នកអាចទទួលដំណឹងល្អអ្វីមួយថែមទៀត ។ទាំងស្ត្រីបុរសផ្តល់ផលល្អសម្រាប់លោកអ្នកដំណើរកិច្ចការងារអ្វីមួយពីព្រោះថាផលជាផ្លែផ្កាតែងហុចមកវិញជានិច្ច។ចំពោះអ្នកប្រកបរបររកស៊ីជួញដូរពេលនេះប្រៀបបានដូចជា”ភ្លៀងធ្លាក់មួយមេមេឃស្រទ្បះ”ព្រោះអាចកម្ចាត់រាល់ឧបទ្រពចង្រៃទាំងពួងឱ្យវិនាសជាអហោសិកម្មអស់ ហើយលោកអ្នកអាចប្រកបមុខរបរពេញដៃពេញជើងទ្បើងវិញ។ រីឯបញ្ហាសេចក្តីស្នេហាប្រុសស្រីមានការស្រុះស្រួល ហើយបើមានជម្លោះវិវាទជាពេលល្អក្នុងការដោះស្រាយហើយ៕
ឆ្នាំមមែ៖ រាសីល្អជាមធ្យម។ការរស់នៅរឿងរាវខ្លះលោកអ្នកមិនត្រូវយកចិត្តទុកដាក់ឡើយ ហើយត្រូវចងចាំថាបញ្ហាកើតឡើងជារឿងធម្មតាចំពោះមនុស្សលោក។ធ្វើបានបែបនេះទើបសេចក្តីសុខដុមមានកាន់តែច្រើនជាងនេះ។ទោះបីយ៉ាងណាក៏ដោយលោកអ្នកធ្វើអ្វីៗត្រូវគិតឱ្យបានគ្រប់ជ្រុងជ្រោយកុំធ្វើទាំងចុងដៃចុងជើងនោះនាំជួបតែបញ្ហាស្មុគស្មាញនៅគ្រាខាងមុខ។ការធ្វើដំណើរជាជំនួញទីជិតឆ្ងាយលោកអ្នកមិនគប្បីមានការមាត់ប៉ប៉ាច់ប៉ប៉ោចច្រើនឡើយព្រោះជញ្ជាំងមានត្រចៀកហើយ បើហ៊ានរិះគន់អ្នកដទៃនាំត្រូវកើតជារឿងរាវនៅគ្រាខាងមុខពុំខាន ។ សេចក្តីស្នេហាកំលោះក្រមុំជួនល្អជួនអាក្រក់ព្រោះតែព្យុះភ្លៀងកំពុងអុកឡុកដំណើរជីវិតស្នេហារបស់លោកអ្នកឱ្យទទួលរងផលលំបាកច្រើនចំពោះមុខ ៕
ឆ្នាំវក៖ រាសីល្អជាមធ្យម។ទាំងស្ត្រីបុរសការចេញដំណើរពីផ្ទះមិនថាទី ជិតឆ្ងាយឱ្យប្រយ័ត្នរោគជំងឺបៀតបៀនយាយីដោយប្រការណាមួយ។ការប្រកបការងារមិនត្រូវប្រកែប្រកាន់ច្រើន ឬរុញរាការងារតូចធំឡើយបើពុំនោះទេនឹងជះផលអាក្រក់នាថ្ងៃខាងមុខពុំខាន។សម្រាប់ការប្រកបរបររកស៊ីជួញដូរលោកអ្នកអាចមានបាតុភាពរកាំរកូសខ្លះៗកើតឡើង ដូចនេះត្រូវចេះបើកចិត្តឱ្យទូលាយដោយធ្វើមិនដឹងមិនឮចំពោះរឿងរាវខ្លះទើបប្រសើរបំផុត។ សម្ព័ន្ធស្នេហាកំលោះក្រមុំអំឡុងពេលនេះបើចង់ធ្វើការជ្រើសរើសគូស្រករពុំល្អទេគប្បីមានការត្រួតពិនិត្យឱ្យបានគ្រប់ជ្រុងជ្រោយព្រោះច្រើនជួបគូកម្មច្រើនជាងគូព្រេង៕
ឆ្នាំរកា៖ រាសីស្រុតចុះ។ការរស់នៅលោកអ្នកចាំបាច់ត្រូវចេះមើលគេឯង មិនត្រូវរឹងទទឺង ឬចង់ឈ្នះចាញ់ជាមួយក្រុមគ្រួសារ ឬអ្នកដទៃមិនមើលមុខក្រោយឡើយនាំជះផលលំបាកដល់អាត្មាខ្លួន។ដោយសារនៅថ្ងៃនេះដួងរាសីស្រុតចុះ ម្ល៉ោះហើយផ្តល់ផលល្អសម្រាប់លោកអ្នកចាត់ចែងការងារចាស់ៗដែលសេសសល់ពីមុនមកពីព្រោះថាវានឹងផ្តល់ផលល្អមកអ្នកវិញច្រើនជាងសព្វមួយដង។ ចំពោះរាល់ការធ្វើជំនួញពុំសូវមានការលូតលាស់ទៅមុខទេពោគឺមានការថយក្រោយនាំឱ្យជួបស្ថានភាពលំបាកច្រើន។ សម្ព័ន្ធស្នេហាកំលោះក្រមុំមានការថ្នាំងថ្នាក់និងមិនសូវចុះសម្រុងគ្នាប៉ុន្មានឡើយដោយសារម្នាក់ៗចិត្តខ្លាំងរៀងៗខ្លួន៕
ឆ្នាំច៖ រាសីខ្ពស់ត្រដែត។ ការប្រកបការងារពុំមានអ្វីចូលមករារាំងនាំជួបការលំបាកច្រើនទេ ហើយពិសេសមានការចុះសម្រុងគ្នាល្អប្រសើរថែមទៀត។ចំពោះអ្នកប្រកបរបររកស៊ីជួញដូរបើចង់បោះទុនតូចធំមិនទាស់ខុសអ្វីទេតែយ៉ាងណាត្រូវចេះពិនិត្យឱ្យបានគ្រប់ជ្រុងជ្រោយទើបមិនត្រូវអសារបង់ប្រាក់កាសដោយប្រការណាមួយ។ គូស្នេហ៍ក្នុងពេលនេះមានភាពល្អូកល្អិនល្អណាស់ និងមានសុភមង្គលក្នុងក្រុមគ្រួសារទៀតផង ៕
ឆ្នាំកុរ៖ រាសីល្អជាមធ្យម។នៅថ្ងៃនេះលោកអ្នកមិនត្រូវថាស្តីបន្ទោស អ្នកដទៃដោយមិនបានគិតមុខក្រោយឡើយពីព្រោះថាងាយនឹងទទួលរងផលប៉ះពាល់នាគ្រាក្រោយវិញណាស់។ការប្រកបការងារឃើញថាដំណើរជីវិតស្ថិតនៅលើកំណាត់ផ្លូវរដិបរដុបបន្តិច ម្ល៉ោះហើយទោះធ្វើអ្វីក៏តែងមិនសម្រេចតាមគោលដៅ ឬ មានការជឿនលឿនទៅមុខដូចគាប់បំណងនោះឡើយ។សម្រាប់អ្នកប្រកបរបររកស៊ីជួញដូរក៏ដូច្នេះដែរការចង់បោះទុនទៅលើអ្វីមួយត្រូវមើលមុខមើលក្រោយព្រោះផ្លែផ្កាទទួលបានមកវិញមានភាពយ៉ាប់យ៉ឺនបន្តិច។ គូស្នេហ៍ក្នុងរយៈពេលនេះចូរប្រយ័ត្នមានអ្នកទី៣ចូលមកជ្រៀតជ្រែក៕