នៅថ្ងៃពុធ ទី១៧ ខែឧសភា ឆ្នាំ២០២៣នេះ គេហទំព័រហោរាសាស្រ្ដចិនបានចុះផ្សាយពីរាសីប្រចាំថ្ងៃនៃអ្នកដែលកើតឆ្នាំទាំង១២ថា៖
ឆ្នាំជូត៖ រាសីល្អជាមធ្យម។ ដួងរាសីស្រុតចុះខ្លាំងបន្តិច ឬជាខែឆុង(តាមភាសាចិន)ប៉ុន្តែក៏ពុំមានអ្វីចូលប៉ះពាល់យាយីច្រើនដល់លោកអ្នកនោះដែរ។លោកអ្នកត្រូវរវាសរវៃដៃជើងទើបលទ្ធផលល្អៗហុចមកឱ្យគួរជាទីពេញចិត្តទៅរួច។ចំពោះអ្នកប្រកបរបររកស៊ីជួញដូរមិនមានការលូតលាស់ទៅមុខគួរជាទីកត់សម្គាល់ទេគឺមានដំណើរថយក្រោយច្រើនជាង ដូចនេះបើចង់ធ្វើអ្វីមួយធំដុំគួរមានការប្រយ័ត្នប្រយែងឱ្យបានខ្លាំងក្លា។ រីឯបញ្ហាសេចក្តីស្នេហាកំលោះក្រមុំឬពោះម៉ាយមេម៉ាយក្តីមានដំណើរពុំល្អទេចូរប្រយ័ត្នក្រុមមនុស្សចូលមកបំបែកដោយប្រការណាមួយ៕
ឆ្នាំឆ្លូវ៖ រាសីខ្ពស់ត្រដែត។នៅថ្ងៃនេះអាចមានរឿងរាវល្អចូលមក ធ្វើឱ្យអ្វីៗដែលធ្លាប់មិនល្អនឹងប្រែមកគ្រាន់គាប់ប្រសើរឡើងវិញ។ចំពោះបញ្ហាប្រាក់កាសការងារឬរឿងផ្ទាល់ខ្លួនឃើញថាមានការចម្រើនលូតលាស់ឈានទៅមុខសន្សឹមៗជានិច្ច។អ្នកប្រកបរបររកស៊ីជួញដូរបើចង់បោះទុនតូចធំតែងហុចផ្លែផ្កាមកវិញគ្រាន់គាប់ប្រសើរ។ចំពោះការធ្វើដំណើរទីជិតឆ្ងាយជួបភាពសុខដុមនិងក្តីសោមនស្សជានិច្ច។ សម្ព័ន្ធស្នេហាប្រុសស្រីកំពុងមានភាពស្រស់ស្រាយប្រៀបដូចត្រីក្នុងទឹកនារដូវខែវស្សា៕
ឆ្នាំខាល៖ រាសីស្រុតចុះ។ក្នុងថ្ងៃនេះដំណើរជីវិតងាយផ្លាស់ប្តូរខាងផ្លូវអាមរម្មណ៍និងកិច្ចការតូចធំទៀតសោតក៏ងាយប្តូរផ្លាស់ប្តូរដូចគ្នា ។ការប្រកបការងារលោកអ្នកចូរប្រយ័ត្នត្រូវគេបន្ទោសឬកើតមានជម្លោះវិវាទណាមួយកើតឡើង។អ្នកប្រកបរបររកស៊ីជួញដូរលាភតូចធំពុំសូវមានសម្បូណ៍ទេព្រោះបើមិនបោលហួសក៏ត្រូវអ្នកដទៃដណ្តើមយកអស់ៗមុនដែរ។ រីឯបញ្ហាស្នេហាកំលោះក្រមុំឬពោះម៉ាយមេម៉ាយក្តីកើតមាន ភាពប្រទាំងប្រទើសនិងប្រឆាំងគ្នាច្រើន៕
ឆ្នាំថោះ៖ រាសីល្អជាមធ្យម។ នៅថ្ងៃនេះដួងរាសីរបស់លោកអ្នកមានការរីកលូតលាស់សន្សឹមៗទៅមុខឥតមានអ្វីដែលជាបញ្ហាអាក្រក់យាយីនាំពិបាកទប់ទល់ឡើយ។សម្រាប់រយះពេលនេះដែររាល់ឧបសគ្គ និង រាល់បញ្ហាស្មុគ្រស្មាញត្រូវបានសាបរលាបទៅឆ្ងាយ ធ្វើឱ្យដំណើរជីវិត ប្រកបទៅដោយភាពសុខដុមប្រសើរឡើងវិញ។អ្នកប្រកបរបររកស៊ីជួញដូរជួបបញ្ហាលំបាករកចំណូល ហើយពិសេសការចំណាយនោះមានខ្ពស់ថែមទៀត។ រីឯបញ្ហាសេចក្តីស្នេហាកំលោះក្រមុំមិនសូវចេះទប់សម្តីឡើយ ម្ល៉ោះហើយបើមិនចេះកែប្រែនិងចេះអត់ឱនឱ្យគ្នាទេជម្លោះនឹងកើតឡើងទៀតជាក់ជាពុំខាន៕
ឆ្នាំរោង៖ រាសីខ្ពស់ត្រដែត។នៅថ្ងៃនេះផ្តល់ផលល្អសម្រាប់លោកអ្នកចរចា និងទំនាក់ទំនងកិច្ចការដោយទទួលផលសម្រេចនោះមានខ្ពស់គួរសម។ការប្រកបការងារអ្វីឬ បើមានធ្វើអ្វីមួយងាយឆាប់ចប់ និងបើមានការខិតខំតែងហុចជាផ្លែផ្កាមកវិញដូចគាប់បំណង។សម្រាប់អ្នកប្រកបរបររកស៊ីជួញដូរឃើញថាជឿនលឿនទៅមុខគួរសម ហើយពិសេសងាយអាចទាក់ទាញអតិថិជនថែមទៀត។ រីឯបញ្ហាស្នេហាកំលោះក្រមុំមានភាពស្រស់ស្រាយ និងនឹករលឹកគ្នាដូចសព្វមួយដងទេ៕
ឆ្នាំម្សាញ់៖ រាសីខ្ពស់ត្រដែត។ការរស់នៅបើមានបញ្ហាកាលពីមុនមក ហើយលោកអ្នកយកថ្ងៃនេះមកធ្វើការដោះស្រាយតែងទទួលជាលទ្ធផលគ្រាន់ជាទីពេញចិត្ត។ការប្រកបការងារបើលោកអ្នកមានគម្រោង ឬផែនការកិច្ចការងារអ្វីមួយតែងមានការសហការពីអ្នកដទៃជានិច្ច។ការធ្វើអ្វីតែងមានការជឿនលឿនទៅមុខ និងផ្តល់ផលល្អមកវិញផង។ទាំងស្ត្រីបុរសផ្តល់ផលល្អសម្រាប់លោកអ្នកបណ្តាក់ទុនរកស៊ីដោយអាចមានការចម្រើនលូតលាស់ដូចពាក្យចាស់ថា”ដាក់ចុះរីកដុះដាលតាមដៃ”ផងដែរ។ រីឯបញ្ហាសេចក្តីស្នេហាកំលោះក្រមុំបើចង់ផ្សំផ្គុំគ្រួសារដោយចូលនិយាយដល់ចាស់ទុំឬសាសងស្នេហាថ្មីថ្មោងតែងសមដូចគាប់បំណងជានិច្ច៕
ឆ្នាំមមី៖ រាសីស្រុតចុះ។នៅថ្ងៃនេះដំណើរជីវិតរបស់លោកអ្នកស្ថិតនៅលើកំណាត់ផ្លូវរដិបរដុបច្រើនបន្តិច ហើយបើធ្វើអ្វីៗមិនអាចធ្វេសប្រហែសបានឡើយបើពុំនោះទេនឹងជះផលអាក្រក់ឡើងពុំខាន។ការប្រកបការងារលោកអ្នកចូរប្រយ័ត្នត្រូវគេបន្ទោសឬកើតមានជម្លោះវិវាទណាមួយកើតឡើងផង។អ្នកប្រកបរបររកស៊ីជួញដូរលាភតូចធំពុំសូវមានសម្បូណ៍ទេព្រោះបើមិនបោលហួសក៏ត្រូវអ្នកដទៃដណ្តើមយកអស់ៗមុនដែរ។ រីឯបញ្ហាស្នេហាកំលោះក្រមុំ ឬ ពោះម៉ាយមេម៉ាយក្តីកើតមាន ភាពប្រទាំងប្រទើស និង ប្រឆាំងគ្នាច្រើន៕
ឆ្នាំមមែ៖ រាសីល្អជាមធ្យម។ការរស់នៅលោកអ្នកអាចទទួលរងប៉ះទង្គិចជាមួយក្រុមមនុស្សច្រើន ពិសេសឱ្យប្រយ័ត្នក្រុមមនុស្សនៅក្បែរខ្លួនតែម្តង។ការប្រកបការងារ លោកអ្នកទទួលរងផលលំបាកច្រើនបន្តិច ពិសេសបញ្ហាការងារ ត្រូវរែកពន់ច្រើន ហើយកើតការប្រទាំងប្រទើសជាមួយអ្នកដទៃច្រើនទៀតផង។ សម្រាប់អ្នកប្រកបរបររកស៊ីជួញដូរវិញមានការរីកលូតលាស់ទៅមុខល្អគួរសម ហើយបើចង់ទិញទំនិញអ្វីមួយយូរមកហើយគ្រាន់ទុកជាការជួញដូរនៅថ្ងៃខាងមុខក៏ជាឱកាសល្អហើយ។ រីឯបញ្ហាកំលោះក្រមុំបើលោកអ្នកពុំទាន់មានគូគាប់ពេលនេះអាចជួបដូចគាប់បំណង៕
ឆ្នាំវក៖ រាសីស្រុតចុះ។នៅថ្ងៃនេះការធ្វើអ្វីមួយគឺងាយកើតអារម្មណ៍ខឹងសម្បារ និងកើតជារឿងរាវឈានចូលជាងសព្វមួយដង គប្បីមានការប្រយ័ត្នប្រយែង ។ចំពោះការប្រកបការងារក៏តែងមិនសម្រេចដូចបំណងតាមការប៉ងទុកនោះដែរ។អ្នកប្រកបរបររកស៊ីជួញដូរវិញកើតមានរឿងរាវរកាំរកូសច្រើនបន្តិចព្រោះតែមានក្រុមមនុស្សបង្កផលលំបាកច្រើន ដូចនេះបើមិនចេះដោះស្រាយទេពេលខ្លះរឿងរាវតូចសោះអាចប្រែរីកជាធំថែមទៀត។ សម្ព័ន្ធស្នេហាប្រុសស្រីមានការស្មុគស្មាញ ហើយងាយកើតជម្លោះវិវាទណាស់ដូចនេះលោកអ្នកត្រូវចេះកាត់បន្ថយការប្រកែប្រកាន់ចេញខ្លះទើបប្រសើរ៕
ឆ្នាំរកា៖ រាសីខ្ពស់ត្រដែត។ថ្ងៃនេះផ្តល់ផលល្អសម្រាប់លោកអ្នកសម្រេចចិត្តទិញផ្ទះសម្បែង លេងហ៊ុន ធ្វើកិច្ចសន្យា ចរចាទំនាក់ទំនងការងារ ឬផ្លាស់ប្តូរការងារអ្វីមួយ។បើមានការចរចាឬទំនាក់ទំនងអ្វីមួយលោកអ្នកយកថ្ងៃនេះក៏ល្អប្រសើរដែរពីព្រោះថាតែងទទួលជោគជ័យមកវិញផង។អ្នកប្រកបរបររកស៊ីជួញដូរក្នុងថ្ងៃនេះផ្តល់ផលល្អចំពោះការចរចា ការបណ្តាក់ទុនឬ ការចង់បញ្ចេញប្រាក់កាសក្នុងការធ្វើអ្វីមួយព្រោះមិនត្រឹមសមដូចប្រកបទេតែនៅឆាប់រីកដុះដាលឈានទៅមុខទៀតផង។ រីឯបញ្ហាស្នេហាកំលោះក្រមុំមានការផ្អែមល្ហែមគួរសម និងពេលនេះកំពុងផ្តល់ផលល្អបំផុតសម្រាប់ការរៀបចំផ្សំផ្គុំគ្រួសារ៕
ឆ្នាំច៖ រាសីស្រុតចុះ។នៅថ្ងៃនេះលោកអ្នកងាយលេចកើតរឿងរាវបន្តិចបន្តួចចូលយាយីបង្កឱ្យកើតការថ្នាំងថ្នាក់ចិត្តជាងសព្វមួយដង។ការប្រកបការងារលោកអ្នកធ្វើអ្វីក៏តែងជួបបញ្ហាកកូរផ្លូវចិត្តច្រើន ពិសេសងាយកើតរឿងរាវចម្រូងចម្រាសជាមួយអ្នកដទៃថៃមទៀត។សម្រាប់អ្នកប្រកបរបររកស៊ីជួញដូរក្នុងថ្ងៃនេះដែរការជួញទីជិតឆ្ងាយផលកម្រៃទោះជួបការលំបាកម្តេចម្តា ប៉ុន្តែក៏មានផលចំណូលមួយៗគ្រាន់បំពេញក្រពះផង។ចំពោះការធ្វើដំណើរឆ្ងាយជិតវិញមិនសូវមានសុវត្តិភាពទេគប្បីបន្ថែមការប្រុងប្រយ័ត្ន។ រីឯសេចក្តីស្នេហាកំលោះក្រមុំមិនមានផ្លាស់ប្តូរទេគឺមានភាពស្រុះស្រួលល្អដូចសព្វមួយដង៕
ឆ្នាំកុរ៖ រាសីស្រុតចុះ។ក្នុងថ្ងៃនេះបើលោកអ្នកជួបបញ្ហាអ្វីត្រូវចេះទប់ទល់ឱ្យបានល្អនោះរឿងតូចទើបមិនអាចរីកក្លាយជាធំបាន។ការប្រកបការងារបើទោះបីលោកអ្នកខំរត់ចុះឡើងក៏ពុំសូវសម្រេចដូចគាប់បំណងដែរគឺច្រើនខកបំណងច្រើនជាង។សម្រាប់អ្នកប្រកបរបររកស៊ីជួញដូរវិញបើលោកអ្នកចង់បោះទុនទៅលើអ្វីមួយត្រូវមើលមុខមើលក្រោយព្រោះផ្លែផ្កាទទួលបានមកវិញមានភាពយ៉ាប់យ៉ឺន និង បញ្ហាចូលមកលុកលុយច្រើន។ សម្ព័ន្ធស្នេហាប្រុសស្រីមានដំណើរប្រទាំងប្រទើសដែលងាយកើតរឿងជម្លោះវិវាទណាស់៕