ហោរាសាស្រ្តប្រចាំថ្ងៃព្រហស្បតិ៍ ទី០៦ ខែកក្កដា ឆ្នាំ២០២៣

នៅថ្ងៃព្រហស្បតិ៍ ទី០៦ ខែកក្កដា ឆ្នាំ២០២៣នេះ គេហទំព័រហោរាសាស្រ្ដចិនបានចុះផ្សាយពីរាសីប្រចាំថ្ងៃនៃអ្នកដែលកើតឆ្នាំទាំង១២ថា៖

ឆ្នាំជូត៖ រាសីស្រុតចុះ។អ្នកប្រកបការងារនៅថ្ងៃនេះចូរប្រយ័ត្នការឈប់សម្រាកក្លាយជាបញ្ហាលំបាកនៅគ្រាខាងមុខ។ក្រៅពីនេះឱ្យប្រយ័ត្នសត្រូវលាក់មុខតែម្តង។អ្នកប្រកបរបររកស៊ីជួញដូរវិញការជួញទីជិតឆ្ងាយក្តីផលកម្រៃមិនជួបការលំបាកដូចមុនទេ ពោលគឺអាចមានហូរចូលគ្រាន់ជាទីកក់ក្តៅដែរ។ទោះបីយ៉ាងណាលោកអ្នកគួរប្រយ័ត្នប្រយែងការមានជម្លោះវិវាទនាំការលក់ដូរនៅមិនសុខ។ រីឯបញ្ហាសម្ព័ន្ធស្នេហាកំលោះក្រមុំត្រូវចៀសវាងការប្រមាថឬមើលផ្លូវអាក្រក់ដល់គ្នាព្រោះនាំកើតជម្លោះវិវាទប៉ុណ្ណោះ៕

ឆ្នាំឆ្លូវ៖ រាសីល្អជាមធ្យម។នាពេលនេះលោកអ្នកសុខកាយសប្បាយចិត្តបន្តិចវិញ ហើយមានការជួបជុំយ៉ាងសប្បាយរីករាយទៀតផង។ការប្រកបការងារមានឡើងមានចុះតែយ៉ាងណាក៏ពុំមានបញ្ហាអ្វីចូលមកបង្កផលលំបាកច្រើនដែរ។ចំពោះបើជាអ្នកប្រកបរបររកស៊ីជួញដូរក្នុងថ្ងៃនេះវិញពុំសូវកាក់កបទេគឺលាភហេងច្រើនបោលហួសឬហោះរំលងជានិច្ច។ រីឯបញ្ហាស្នេហាប្រុសស្រីជួបរឿងរ៉ាវប្រទាំងប្រទើសនិងចាប់កំហុសគ្នាច្រើន ដូចនេះបើមិនចេះកាត់បន្ថយជម្លោះវិវាទទេបញ្ហាជម្លោះពិតជាកើតមានឡើងពុំខាន៕

ឆ្នាំខាល៖ រាសីស្រុតចុះ។នៅថ្ងៃនេះការរស់នៅលោកអ្នកមិនត្រូវមានចិត្តមានៈឬចង់យកឈ្នះចាញ់ជាមួយអ្នកដទៃច្រើនឡើយ នាំតែជះផលអាក្រក់រស់នៅមិនសុខដុមប៉ុណ្ណោះ។ចំពោះអ្នកប្រកបរបររកស៊ីជួញដូរទោះធ្វើអ្វីក៏ដោយ លោកអ្នក ត្រូវចេះធ្វើចិត្តឱ្យត្រជាក់ និងសម្រេចចិត្តឱ្យបានគ្រប់ជ្រុងជ្រោយនោះផ្លែផ្កាដែលទទួលបានមកវិញពិតជាគាប់ដូចបំណងទៅរួច។ រីឯបញ្ហាសេចក្តីស្នេហាប្រុសស្រីបើមានការជឿនលឿនទៅមុខខ្លាំង ឯការថយក្រោយវិញនោះក៏ខ្លាំងដែរ៕

ឆ្នាំថោះ៖ រាសីខ្ពស់ត្រដែត។ការរស់នៅថ្ងៃនេះឃើញថាលោកអ្នកកើតឆ្នាំទន្សាយល្អប្រសើរគួរសម ហេតុនេះទោះធ្វើអ្វីក៏ជឿនលឿនល្មមសមរម្យដែរ។ទោះបីយ៉ាងណាលោកអ្នកតោងតែប្រយ័ត្នប្រយែងផងដែរពីព្រោះថាស្ថិតនៅក្នុងដួងរាសីខែស្រុតចុះ ដែលងាយប៉ះទង្គិចចំពោះមុខណាស់។ចំពោះការប្រកបការងារនៅថ្ងៃនេះគូប្រជែងតែងខ្លបខ្លាចមិនសូវហ៊ានអើតមុខប៉ុន្មានទេ។អ្នកប្រកបរបររកស៊ីជួញដូរមានការរីកលូតលាស់ទៅមុខល្អគួរសម ហើយបើចង់ទិញទំនិញអ្វីមួយយូរមកហើយគ្រាន់ទុកជាការជួញដូរក៏ជាឱកាសល្អប្រពៃហើយ។ រីឯបញ្ហាកំលោះក្រមុំក្នុងពេលនេះដែរបើលោកអ្នកពុំទាន់មានគូគាប់ទីបំផុតបើមានការស្វែងរកពេញទីគឺអាចជួបគូស្នេហ៍ដែលខ្លួនពេញចិត្ត ហើយថែមទាំងផ្អែមល្ហែមដល់ចាស់ស្លាប់ថែមទៀតផង៕

ឆ្នាំរោង៖ រាសីស្រុតចុះ។នាថ្ងៃនេះ គប្បីមានការប្រយ័ត្នប្រយែងបន្តិចពីព្រោះថាផលអាក្រក់ងាយយាយីជាងសព្វមួយដង។ដោយឡែកការប្រកបការងារមិនសូវជឿនលឿនទៅមុខទេពោលគឺងាយថយក្រោយនិងបង្កើតជាបញ្ហាទៀតផង។អ្នកប្រកបរបររកស៊ីជួញដូរក្នុងថ្ងៃនេះវិញបើគិតធ្វើអ្វីមួយគប្បីមានការប្រយ័ត្នប្រយែងពុំនោះទេការចំណាយប្រាក់កាសធ្វើអ្វីមួយពិតត្រូវជាខាតអសារបង់ពុំខាន។ រីឯបញ្ហាសេចក្តីស្នេហាកំលោះក្រមុំមិនសូវចុះសម្រុងគ្នាឡើយព្រោះជារឿយៗតែងចង់ចាញ់ឈ្នះគ្នាជានិច្ច៕

ឆ្នាំម្សាញ់៖ រាសីស្រុតចុះ។នៅថ្ងៃនេះលោកអ្នកបើទោះបីដួងរាសីត្រឹមកម្រិតមធ្យមពិតមែន តែចូរប្រយ័ត្នគ្រោះចាញ់បោកគេតែម្តង។សម្រាប់ថ្ងៃនេះវិញអ្នកប្រកបរបររកស៊ីជួញដូរបើទោះបីលោកអ្នកចេញធ្វើជំនួញទីជិតឆ្ងាយមិនទាស់ខុសអ្វីឡើយព្រោះថាផ្លែផ្កាដែលទទួលបានក៏មានការរីកលូតលាស់ជាសន្សឹមៗគ្រាន់បំពេញបំពង់ដែរ។ រីឯបញ្ហាសេចក្តីស្នេហាកំលោះក្រមុំកុំដើរហើរពាសវាលកាលឬប្រព្រឹត្តិស្នេហាភ្លើតភ្លើនប្រយ័ត្នជួបរឿងស៊យកើតរឿងធំគ្មាននរណាជួយស្រោចស្រង់រួច៕

ឆ្នាំមមី៖ រាសីស្រុតចុះ។នៅថ្ងៃនេះដួងរាសីស្រុតចុះចូរប្រយ័ត្នបញ្ហាការលេងល្បែងស៊ីសងពីព្រោះងាយជួបប្រទះរឿងរាវ និងបញ្ហាតូចធំងាយរត់ចូលជាងសព្វមួយដង។ការប្រកបការងារវិញលោកអ្នកត្រូវប្រយ័ត្នប្រយែងនិងមានចិត្តត្រជាក់ធ្វើមិនដឹងមិនឮបញ្ហាចំពោះមុខទើបប្រសើរ។ចំណែកអ្នកប្រកបរបររកស៊ីជួញដូរវិញដោយសារដួងរាសីដាំក្បាលចុះម្ល៉ោះហើយការចេញធ្វើជំនួញទីជិតឆ្ងាយគឺមានការជួបបញ្ហាលំបាកក្នុងការរកផលចំណូលនិងកើតការរកាំរកូសច្រើនថែមទៀត។ រីឯបញ្ហាសេចក្តីស្នេហាប្រុសស្រីត្រូវចេះរក្សាកិត្តិយសកុំភ្លើតភ្លើនខុសរបៀបនាំខូចអស់កេរ្ត៍ឈ្មោះវង្សត្រកូល៕

ឆ្នាំមមែ៖ រាសីខ្ពស់ត្រដែត។នៅថ្ងៃនេះផ្តល់ផលល្អក្នុងការសម្រេចចិត្តឬធ្វើអ្វីមួយពីព្រោះថាផលជាផ្លែផ្កាតែងហុចមកវិញជានិច្ច។ការប្រកបការងារមិនត្រូវរង់ចាំយូរឡើយ ត្រូវតែរួសរាន់ទាន់ឱកាសរង់ចាំច្រើន។ចំពោះអ្នកប្រកបរបររកស៊ីជួញដូរពេលនេះប្រៀបដូចបានជា“ភ្លៀងធ្លាក់មួយមេមេឃស្រទ្បះ”ព្រោះអាចកំចាត់រាល់ឧបទ្រពចង្រៃទាំពួងឱ្យវិនាសជាអហោសិកម្មអស់ហើយលោកអ្នកអាចប្រកបមុខរបរពេញដៃពេញជើងទ្បើងវិញ។ការធ្វើដំណើរជិតឆ្ងាយជួបសេចក្តីសុខក្សេមក្សាន្តដូចសព្វមួយដង។ រីឯបញ្ហាសម្ព័ន្ធស្នេហាប្រុសស្រីមានការជឿនលឿនទៅមុខនិងកំពុងមានភាពស្រស់ស្រាយចំពោះគ្នាប្រពៃ៕

ឆ្នាំវក៖ រាសីល្អជាមធ្យម។ថ្ងៃនេះដំណើរជីវិតរបស់លោកអ្នកល្អប្រសើរ ដូចនេះបើទោះបីធ្វើអ្វីក៏តែងមានការចម្រើនលូតលាស់សន្សឹមៗទៅមុខជានិច្ច។ ដោយឡែកការប្រកបការងារវិញងាយរងគ្រោះនិងក្រុមមនុស្សប្រមាថណាស់ដែរគប្បីប្រយ័ត្នប្រយែងពាក្យសម្តីបន្តិច។អ្នកប្រកបរបររកស៊ីជួញដូរបើលោកអ្នកចង់ចេញធ្វើជំនួញទីជិតឆ្ងាយឃើញថាមិនមានអ្វីទាស់ខុសទេគឺតែងផ្តល់ការចម្រុងចម្រើនគួរសម។ការធ្វើដំណើរទីជិតឆ្ងាយមិនគប្បីប៉ះពាល់គ្រឿងស្រវឹងឡើយព្រោះពុំសូវមានសុវត្តិភាពឡើយពិសេសអ្នកបើកបរតែម្តង។ រីឯបញ្ហាសេចក្តីស្នេហាកំលោះក្រមុំមានការលូតលាស់និងកំពុងមានភាពសុខដុមចំពោះគ្នាប្រពៃ៕

ឆ្នាំរកា៖ រាសីស្រុតចុះ។ក្នុងមួយរយៈកាលកន្លងមកលោកអ្នកបានទុកពេលវេលាទំនេរចោលច្រើន ហេតុនេះបើមិនចេះខិតខំបំពេញការងារទេផលលំបាកនឹងចៀសមិនរួចឡើយនាថ្ងៃខាងមុខ។នៅថ្ងៃនេះដោយសារដួងរាសីស្រុតចុះ ម្ល៉ោះហើយងាយធ្វើឱ្យអារម្មណ៍តប់ប្រម៉ល់និងការប្រកបការងារមានការរាំងស្ទះច្រើនផង។អ្នកប្រកបរបររកស៊ីជួញដូរការចង់បង្កើតរបរថ្មីៗអាចធ្វើបានចំពោះការបោះទុនតូចៗឬធុនមធ្យមតែការបង្កើតរបរដើមទុនធំដុំគួរប្រយ័ត្នប្រយែងបន្តិចព្រោះងាយជួបគ្រោះចាញ់បោកគេណាស់។ រីឯបញ្ហាស្នេហាកំលោះក្រមុំកុំគប្បីដើរពាសវាលកាលឬប្រព្រឹត្តិស្នេហាមិនគប្បីព្រោះថាផលអាក្រក់ៗបើកើតមានហើយគឺមិនត្រឹមអាប់ឱនទេនៅអាចខូចទាំងអនាគតភ្លឺស្វាងថែមទៀត៕

ឆ្នាំច៖ រាសីខ្ពស់ត្រដែត។នៅថៃ្ងនេះឃើញថាដំណើរជីតរបស់លោកអ្នកមានភាពល្អប្រសើរ ហើយធ្វើអ្វីភាគច្រើនតែងឆ្លើយតបផលគ្រាន់កក់ក្តៅមកវិញ។ការប្រកបការងារមានភាពសុខដុម និងធ្វើអ្វីៗក៏មានលទ្ធផលឆ្លើយតបគ្រាន់កក់ក្តៅផ្លូវចិត្ត។សម្រាប់អ្នកប្រកបរបររកស៊ីជួញដូរក្នុងថ្ងៃនេះវិញទោះគ្មានចំណូលអ្វីជាដុំកំភួនតែភាពសុខដុមមានភាពប្រពៃណាស់។ បញ្ហាស្នេហា ប្រុសស្រីមានការចម្រើនលូតលាស់ទៅមុខនិងកំពុងមានភាពផ្អែមល្ហែមប្រពៃ៕

ឆ្នាំកុរ៖ រាសីខ្ពស់ត្រដែត។នៅពេលនេះការរស់នៅលោកអ្នកត្រូវចេះបើកចិត្តឱ្យទូលាយនិងគិតគូរឱ្យបានវែងឆ្ងាយបន្តិចបើគ្មានបញ្ហាចោទឡើងនាពេលក្រោយ។នៅថ្ងៃនេះបើមានការបើកចរចាអ្វីឃើញថាមានការដំណើរការទៅមុខរលូនគួរសមនិងបើចាប់ផ្តើមកិច្ចការសំខាន់អ្វីឃើញថាក៏ផ្តល់ផលល្អមកវិញដែរ។សម្រាប់អ្នកប្រកបរបររកស៊ីជួញដូរមានការចម្រើនលូតលាស់និងបើចង់បង្កើតអ្វីថ្មីអាចសឹងនិយាយដូចពាក្យចាស់បានថា”ដាក់ចុះដុះតាមដៃ”ផង។ការធ្វើដំណើរឆ្ងាយជិតជួបភាពសុខដុមទាំងពេលទៅនិងត្រឡប់មកវិញ។ រីឯបញ្ហាសេចក្តីស្នេហាកំលោះក្រមុំមានភាពស្រស់ស្រាយនិងផ្អែមល្ហែមល្អប្រពៃ៕