ហោរាសាស្រ្តប្រចាំថ្ងៃសៅរ៍ ទី១៥ ខែកក្កដា ឆ្នាំ២០២៣

នៅថ្ងៃសៅរ៍ ទី១៥ ខែកក្កដា ឆ្នាំ២០២៣នេះ គេហទំព័រហោរាសាស្រ្ដចិនបានចុះផ្សាយពីរាសីប្រចាំថ្ងៃនៃអ្នកដែលកើតឆ្នាំទាំង១២ថា៖

ឆ្នាំជូត៖ រាសីស្រុតចុះ។ នៅថ្ងៃនេះលោកអ្នកធ្វើអ្វីមិនអាចប្រមាថបានទេពីព្រោះថាងាយទទួលផលអាក្រក់មកវិញណាស់។ ការប្រកបការងារងាយបង្កកំហុសនិងក្រុមមនុស្សងាយបង្កការថ្នាំងថ្នាក់ណាស់ដែរគប្បីប្រយ័ត្នប្រយែង។ចំណែកអ្នកប្រកបរបររកស៊ីជួញដូរក្នុងថ្ងៃនេះដែរទាំងការជួញទីជិតឆ្ងាយមានភាពថេរល្អពោលគឺមិនឡើង ហើយក៏មិនចុះដែរទេ ដោយលោកអ្នកអាចរកផលចំណូលគ្រាន់ចូលមួយៗសម្រាប់ជួយគ្រួសាររស់ ។ រីឯបញ្ហាសម្ព័ន្ធស្នេហាប្រុសស្រីមានដំណើរថយក្រោយនិងពាក់មុខយក្សដាក់គ្នាច្រើន។

ឆ្នាំឆ្លូវ៖ រាសីល្អជាមធ្យម។ ការរស់នៅលោកអ្នក ចូរប្រយ័ត្នជួបគ្រោះចាញ់បោកគេដោយសារបញ្ហាអ្វីមួយ។ ចំពោះបុរសឱ្យប្រយ័ត្នបញ្ហាស្រីញីក្រៅផ្ទះបន្តិច។ ការប្រកបការងារលោកអ្នកធ្វើអ្វីឃើញថាតែងទទួលជោគជ័យនិងហុចផ្លែផ្កាមកវិញគ្រាន់ជាទីកក់ក្តៅផង។ អ្នកប្រកបរបររកស៊ីជួញដូរវិញការរកផលកម្រៃមិនត្រូវលោភលន់ឡើយបើពុំនោះទេប្រយ័ត្នបានបាតដៃទទេវិលត្រឡប់មកផ្ទះវិញ។ រីឯបញ្ហាស្នេហាប្រុសស្រី មានដំណើរថយក្រោយនិងងាយមានជម្លោះវិវាទណាស់។

ឆ្នាំខាល៖ រាសីល្អជាមធ្យម។ ក្នុងរង្វង់គ្រួសារលោកអ្នកត្រូវតែចេះអត់ឱនឱ្យ គ្នា ទើបមានភាពសុខដុមនិងប្រាក់កាសមិនសូវហូរធ្លាយចេញ។ ថ្ងៃនេះការប្រកបការងារលោកអ្នកឆាប់មានការប៉ះទង្គិចជាមួយមនុស្សនៅក្បែរខ្លួនណាស់គប្បីមានការប្រយ័ត្នប្រយែងបន្តិចទើបពុំមានបញ្ហាចម្រូងចម្រាសកើតឡើង។ អ្នកប្រកបរបររកស៊ីជួញដូរវិញការរកផលចំណូលជួបការលំបាកហើយទាល់តែស្វះស្វែងបន្តិចទើបប្រាក់កាសហូរចូលគ្រាន់ធូរទៅរួច។ រីឯសេចក្តីស្នេហាប្រុសស្រីមានការជឿនលឿនទៅមុខនិងផ្អែមល្ហែមល្អប្រពៃ។

ឆ្នាំថោះ៖ រាសីស្រុតចុះ។ ទាំងស្ត្រីបុរសបើទោះបីលោកអ្នកមានប្រាក់កាសច្រើនក៏ដោយកុំសូវចិត្តល្អឱ្យគេខ្ចីពេកប្រយ័ត្នជួបរឿងដូចពាក្សចាស់ថា”ខ្ចីធូរឯការសងមកវិញតឹងដូចអូសឫស្សីបញ្ច្រាសចុង”។ នៅថ្ងៃនេះបើលោកអ្នកធ្វើអ្វីក៏តែងទទួលរងផលប៉ះទង្គិចច្រើន ហើយពិសេសធ្វើច្រើនបែរជាទទួលផលតិចទៅវិញទៀតផង។ សម្រាប់អ្នកប្រកបរបររកស៊ីជួញដូរលោកអ្នកជួបរឿងចំណូលតិច ឯការចាយវាយវិញចោមរោមគ្រប់ទិសទីឥតស្រួលចិត្តប៉ុន្មានទេ។ បញ្ហាសម្ព័ន្ធស្នេហាកំលោះក្រមុំមានការប្រែប្រួលប្តូរផ្លាស់ព្រោះជួនត្រូវរ៉ូវគ្នាជួនទាស់ទែងគ្នា។

ឆ្នាំរោង៖ រាសីខ្ពស់ត្រដែត។ នៅថ្ងៃនេះបើលោកអ្នកមានប្រកបការងារអ្វីតែងងាយឆាប់ចប់និងពិសេសអាចសម្រេចដល់គោលដៅហួសពីការគិតទុកទៅទៀត។ អ្នកប្រកបរបររកស៊ីជួញដូរនៅក្នុងថ្ងៃនេះឃើញថាមានការហូរចូលគ្រាន់គាប់ប្រសើរ ពិសេសធ្វើច្រើនទទួលផលកម្រៃច្រើនផង។ រីឯបញ្ហាសេចក្តីស្នេហាកំលោះក្រមុំនៅពេលនេះត្រូវចេះរក្សាភាពស្ងប់ស្ងាត់ពិសេសងាយកើតជារឿងជម្លោះវិវាទណាស់។

ឆ្នាំម្សាញ់៖ រាសីស្រុតចុះ។ នៅថ្ងៃនេះបើទោះបីលោកអ្នកធ្វើអ្វីក៏តែងមិនហុចផ្លែផ្កាឆ្លើយតបដូចជាទីពេញចិត្តនោះឡើយ ពិសេសឱ្យប្រយ័ត្នមានជម្លោះវិវាទជាមួយក្រុមមនុស្សដែលមានភេទផ្ទុយគ្នា។ អ្នកប្រកបការងាររាជការឬក្រុមហ៊ុនឯកជនក្តីលោកអ្នកមិនត្រូវមើលស្រាលក្រុមមនុស្សឡើយត្រូវតែប្រុងប្រយ័ត្នជានិច្ចពីព្រោះគេចាំមើលតែលោកអ្នកចន្លោះប្រហោងដើម្បីវាយប្រហារប៉ុណ្ណោះ។ រីឯសម្ព័ន្ធស្នេហាប្រុសស្រីមានភាពផុយស្រួយជម្លោះវិវាទគួរប្រយ័ត្នប្រយែងពាក្សសម្តីបន្តិចទើបជាការប្រពៃបំផុត។

ឆ្នាំមមី៖ រាសីស្រុតចុះ។ ដំណើរជីវិតរបស់មនុស្សយើងមិនមានអ្វី នៅនឹងមួយកន្លែងទេ ពោលគឺតែងប្រែប្រួលប្តូរផ្លាស់ខ្លះៗកើតឡើងជានិច្ច។ ហេតុនេះបើមានបញ្ហាកើតឡើងមិនត្រូវរុញរា ឬអស់សង្ឃឹមឡើយត្រូវតែចេះតស៊ូទើបរកជោគជ័យនាពេលក្រោយវិញឃើញ។ ក្នុងថ្ងៃនេះដោយសារដួងរាសីស្រុតចុះ ដូចនេះធ្វើឱ្យការប្រកបការងារមានការរាំងស្ទះ និង មានបញ្ហាអុកឡុកយាយីច្រើន។ ចំណែកអ្នកប្រកបរបររកស៊ីជួញដូរវិញមានការប្រជែងគ្នាច្រើន និង ពិសេសមានការប្រទាំងប្រទើសជាមួយអ្នកមានមុខរបរដូចគ្នាផងគួរមានការបើកចិត្តឱ្យទូលាយបន្តិចទើបពុំមានរឿងរ៉ាវចម្រូងចម្រាសកើតមានឡើង។ រីឯបញ្ហាស្នេហាកំលោះក្រមុំមានការនឿយណាយ និង បង្កជម្លោះជាមួយគ្នាច្រើនបន្តិច៕

ឆ្នាំមមែ៖ រាសីខ្ពស់ត្រដែត។ នៅថ្ងៃនេះដំណើរជីវិតរបស់លោកអ្នកល្អប្រសើរ ប៉ុន្តែយ៉ាងណាការរស់នៅតោងចេះពិភាក្សា ឬ សួរយោបល់ ដល់ ចាស់ទុំ ក្នុងការធ្វើអ្វីមួយទើបប្រសើរហោង។ ការប្រកបការងារពុំមានឧបគ្គអ្វីចូលមករារាំងនាំជួបការលំបាកដោះស្រាយច្រើនឡើយ។ សម្រាប់អ្នកប្រកប របរ រស៊ីជួញដូរក្នុងថ្ងៃនេះដែរពេលព្រឹកជួបលើបញ្ហា ខ្សត់ខ្សោយ ចំណូល តែថ្ងៃបន្តិចមានហូរចូលមួយៗអញ្ចឹងដែរ។ រីឯបញ្ហាគូគ្រងប្តីប្រពន្ធ ឬ គូស្នេហ៍ប្រុសស្រីកំពុងស្រស់ស្រាយនិងផ្អែមល្ហែមគ្រាន់ជាទីកក់ក្តៅ។

ឆ្នាំវក៖ រាសីល្អជាមធ្យម។ ការរស់នៅថ្ងៃនេះឃើញថាលោកអ្នកមិនមានបញ្ហាទាំងសុខភាពនិងជម្លោះណាមួយនាំពិបាកឆ្លងកាត់ទេ។ ការប្រកបការងារពុំទាន់ដោះស្រាយបញ្ហាមួយចំនួនចេញនៅឡើយ ឯបញ្ហាថ្មីៗចូលបន្ថែមទៀតធ្វើឱ្យអ្នកកើតឆ្នាំខ្លាខ្លះត្រូវរែកពន់ផលលំបាកច្រើនផងដែរ។ អ្នកប្រកបរបររកស៊ីជួញដូរវិញលោកអ្នកមានការធូរស្បើយដោយអាចរកចំណូលសម្រាប់ផ្គត់ផ្គង់គ្រួសារ ប៉ុន្តែយ៉ាងណាការកើតភាពរកាំរកូសមានច្រើនផងដែរ។ រីឯបញ្ហាសេចក្តីស្នេហាប្រុសស្រីងាយទាំងកើតជម្លោះវិវាទនិងងាយទាំងកើតការបែកបាក់។

ឆ្នាំរកា៖ រាសីខ្ពស់ត្រដែត។ ការរស់នៅលោកអ្នកមិនត្រូវសម្លឹងមនុស្សក្នុងផ្លូវមិនល្អច្រើនពេកឡើយ ហើយត្រូវចេះបើកចិត្តទូលាយនោះសិរីសួស្តីនឹងចូលមកក្នុងជីវិតអ្នកកាន់តែច្រើនជាងនេះពុំខាន។ ក្នុងថ្ងៃនេះបើលោកអ្នកចង់ប្រកបកិច្ចការអ្វីឃើញថាមានការចម្រើនលូតលាស់ និងហុចផ្លែផ្កាមកវិញគ្រាន់ជាទីពេញចិត្ត។ ចំពោះអ្នកប្រកបរបររកស៊ីជួញដូរមានការទិញចូលលក់ចេញគ្រាន់បើតែយ៉ាងណាបើចង់បណ្តាក់ទុនរកស៊ីធំៗត្រូវចេះមើលមុខក្រោយឱ្យស្រួលបួលបើពុំនោះនឹងត្រូវខកបំណងក្នុងរឿងអ្វីមួយជាក់ជាពុំខាន។ គូគ្រងប្តីប្រពន្ធឬគូស្នេហ៍ប្រុសស្រីមានការជឿនលឿនទៅមុខនិងកំពុងផ្អែមល្ហែមគ្រាន់កក់ក្តៅចំពោះគ្នាយ៉ាងប្រពៃ។

ឆ្នាំច៖ រាសីស្រុតចុះ។ ការរស់នៅជួបបញ្ហារកាំរកូសច្រើន ហើយពិសេសអាចកើតមានជម្លោះវិវាទជាមួយអ្នកដទៃទៀតផង។ នៅថ្ងៃនេះបើលោកអ្នកធ្វើអ្វីក៏តែងដោះស្រាយមិនអស់ឬដោះស្រាយមិនបានដូចជាទីពេញចិត្តនោះដែរ។ សម្រាប់បើជាអ្នកប្រកបរបររកស៊ីជួញដូរក្នុងថ្ងៃនេះជួបលើបញ្ហាប្រទាំងប្រទើសច្រើនហើយផលកម្រៃទៀតសោតក៏ហូរចូលដោយតឹងណាស់។ រីឯបញ្ហាស្នេហាប្រុសស្រីបើចង់ធ្វើការជ្រើសរើសគូស្រករពុំសូវល្អទេព្រោះច្រើនជួបគូកម្មច្រើនជាងគូព្រេង។

ឆ្នាំកុរ៖ រាសីខ្ពស់ត្រដែត។ ការរស់នៅជួបបញ្ហាក្រុមមនុស្សបង្កថ្នាំថ្នាក់ផងដែរ ប៉ុន្តែយ៉ាងណាដំណើរជីវិតនៅតែមានភាពសុខដុមដូចសព្វមួយដង។ ការប្រកបការងារបើលោកអ្នកធ្វើអ្វីក៏តែងមានការចម្រើនលូតលាស់ឈានទៅមុខគួរសមផង។ ចំណែកអ្នកប្រកបរបររកស៊ីជួញដូរក្នុងថ្ងៃនេះដែរទោះជួញទីជិតឆ្ងាយតែងហុចផ្លែផ្កាមកវិញគួរសម ឯមុខរបរទៀតសោតក៏មានភាពសុខដុមល្អដូចសព្វមួយដង។ រីឯបញ្ហាសម្ព័ន្ធស្នេហាកំលោះក្រមុំមានដំណើរជឿនលឿនទៅមុខនិងកំពុង ស្រស់ស្រាយប្រពៃ។