នៅថ្ងៃច័ន្ទ ទី៣១ ខែកក្កដា ឆ្នាំ២០២៣នេះ គេហទំព័រហោរាសាស្រ្ដចិនបានចុះផ្សាយពីរាសីប្រចាំថ្ងៃនៃអ្នកដែលកើតឆ្នាំទាំង១២ថា៖
ឆ្នាំជូត៖ រាសីស្រុតចុះ។ នៅថ្ងៃនេះដំណើរជីវិតរបស់លោកអ្នកមិនល្អប្រសើរទេ ពិសេសងាយមានការផ្លាស់ប្តូរខាងអារម្មណ៍ឬប្រាក់កាសផង។ ការប្រកបការងារតែងមានការរាំងស្ទះនិងពិសេសងាយមានការប៉ះទង្គិចជាមួយអ្នកដទៃច្រើនថែមទៀត។ អ្នកប្រកបរបររកស៊ីជួញដូរលាភតូចធំពុំសូវមានសំបូរទេព្រោះបើមិនបោលហួសគឺឈោងចាប់មិនសូវជាប់នោះឡើយ។ការធ្វើដំណើរទីជិតឆ្ងាយគួរមានការយកចិត្តទុកដាក់សុវត្តិភាពផ្ទាល់ខ្លួនបន្តិចទើបគ្មានរឿងរាវអ្វីមួយចូលយាយីកើត។ សម្ព័ន្ធសេចក្តីស្នេហាកំលោះក្រមុំជួបរឿងរកាំចិត្តពីព្រោះតែការប្រឆាំងគ្នា និង ពិសេសមិនសូវចេះខាងចុះចាញ់គ្នាប៉ុន្មានឡើយ៕
ឆ្នាំឆ្លូវ៖ រាសីល្អជាមធ្យម។ ក្នុងការរស់នៅលោកអ្នកគប្បីមានការប្រយ័ត្នប្រយែងបញ្ហាសុខភាពបន្តិចពីព្រោះងាយកើតបញ្ហាយាយីផង។ ថ្ងៃនេះដំណើរជីវិតរបស់លោកអ្នកមានការរីកលូតលាស់សន្សឹមៗហើយមិនអាចធ្វើអ្វីដោយប្រញាប់ប្រញាល់ឬតក់ក្រហល់មិនមើលមុខក្រោយឡើយបើពុំនោះទេនឹងជួបក្តីខកបំណងពុំខាន។ សម្រាប់អ្នកប្រកបរបររកស៊ីជួញដូរមានការទិញចូលលក់ចេញគ្រាន់បើតែយ៉ាងណាលោកអ្នកទាល់តែខិតខំខ្លាំងទើបទទួលជោគជ័យជំនួញធំៗទៅរួច។ សម្ព័ន្ធស្នេហាប្រុសស្រីនាពេលនេះដំណើរសេចក្តីស្នេហាហាក់ពុំសូវរលូនប៉ុន្មានទេដោយសារម្នាក់ៗតែងប្រកាន់ចិត្តខ្លាំងរៀងៗខ្លួន៕
ឆ្នាំខាល៖ រាសីល្អជាមធ្យម។ នៅថ្ងៃនេះលោកអ្នកទទួលរងភាពតានតឹងច្រើនបន្តិច ម្ល៉ោះហើយទោះធ្វើអ្វីទាល់តែអត់ធ្មត់តស៊ូបន្តិចទើបចៀសផុតរឿងរាវអាក្រក់ទាំងពួងរត់ចូលកើត។ ក្រៅពីនេះការប្រកបការងារលោកអ្នកគួររក្សាភាពស្ងប់ស្ងាត់ ហើយរកពេលវេលាសម្រាកឱ្យបានច្រើនទើបជាការប្រសើរ។ ចំណែកអ្នកប្រកបរបររកស៊ីជួញដូរមានការទិញចូលលក់ចេញដាច់មួយៗគ្រាន់ចិញ្ចឹមឆ្នាំងបាយរស់អញ្ចឹងដែរតែយ៉ាងណាឱ្យប្រយ័ត្នគ្រោះចាញ់បោកគេបន្តិចព្រោះងាយរងគ្រោះផង។ សម្ព័ន្ធស្នេហាកំលោះក្រមុំក្នុងអំឡុងពេលនេះមិនទៅមុខហើយក៏មិនថយក្រោយដែរគឺចតនៅស្ងៀមល្អណាស់៕
ឆ្នាំថោះ៖ រាសីស្រុតចុះ។ ការរស់នៅ ពិសេសការធ្វើដំណើរទីជិតឆ្ងាយមិនសូវមានសុវត្តិភាពទេពិសេសឱ្យប្រយ័ត្នទិសពីគឺឧត្តរនិងឦសានតែម្តង។ នៅថ្ងៃបើទោះបីដួងរាសីស្រុតចុះប៉ុន្តែលោកអ្នកនៅតែអាចដំណើរកិច្ចការងារផងដែរគ្រាន់តែមានភាពរអាក់រអួលនិងផលប៉ះពាល់ច្រើនបន្តិចប៉ុណ្ណោះ។ ចំណែកអ្នកអាជីវករវិញលោកអ្នកជួបលើបញ្ហាប្រទាំងប្រទើសច្រើន ឯផលកម្រៃទៀតសោតក៏ហូរចូលដោយតឹងណាស់។ រីឯបញ្ហាស្នេហាប្រុសស្រីមានការចាប់កំហុសព្រោះតែភាពប្រចែប្រច័ណ្ឌកំពុងដឹកមុខ៕
ឆ្នាំរោង៖ រាសីខ្ពស់ត្រដែត។ នៅថ្ងៃនេះឧបទ្រពចង្រៃតូចធំបានចៀសគេចឆ្ងាយធ្វើឱ្យលោកអ្នកមានការសប្បាយចិត្តនិងធូរស្រាលបញ្ហាមួយចំនួនឡើងវិញ។ សម្រាប់អ្នកប្រកបរបររកស៊ីជួញដូរមានការទិញចូលលក់ចេញគួរសម ហើយទោះជួញទីជិតឆ្ងាយអាចរកផលកម្រៃចូលផ្ទះគ្រាន់ជាទីកក់ក្តៅ។ ការធ្វើដំណើរជួបសេចក្តីសុខដុមទាំងពេលទៅនិងត្រឡប់មកវិញ។ រីឯបញ្ហាស្នេហាកំលោះក្រមុំមានការរីកលូតលាស់និងផ្អែមល្ហែមប្រពៃណាស់៕
ឆ្នាំម្សាញ់៖ រាសីស្រុតចុះ។ នៅថ្ងៃនេះការធ្វើដំណើរ លោក អ្នក តោងតែ ប្រយ័ត្នប្រយែង បញ្ហាចរាចរផងដែរពីព្រោះងាយកើតបញ្ហាទទួលរងផាកពិន័យឬការធ្វើដំណើរត្រូវគេឃាត់ដោយប្រការណាមួយផងដែរ។ នៅថ្ងៃនេះដោយសារដួងរាសីស្រុតចុះ ហេតុនេះលោកអ្នកគប្បីប្រយ័ត្នប្រយែងរឿងរាវកើតឡើងនាំខ្វាយខ្វល់ចិត្ត។ សម្រាប់អ្នកប្រកបរបររកស៊ីជួញដូរវិញទោះលោកអ្នកជួញទីជិតឆ្ងាយមិនថាផ្លូវគោកផ្លូវទឹកឬផ្លូវអាកាសក្តីលាភធំដុំកុំសូវសង្ឃឹមពេកពីព្រោះច្រើនមិនឆ្លើយតបដូចសេចក្តីប្រាថ្នាទេគឺបើបានត្រឹមមួយល្មមទប់ទល់ហើយអ្នកខ្លះអាចត្រូវខកបំណងទៀតផង។ រីឯបញ្ហាស្នេហាកំលោះក្រមុំលោកអ្នកមិនគប្បីជឿពាក្យសម្តីក្រុមមនុស្សពេកឡើយព្រោះអ្នកខ្លះអុជអាលឱ្យតែលោកអ្នកធ្លាក់ទឹក ហើយគេចាំទះដៃហ៊ោនៅពេលក្រោយប៉ុណ្ណោះ៕
ឆ្នាំមមី៖ រាសីខ្ពស់ត្រដែត។ ក្នុងថ្ងៃនេះដំណើរជីវិតរបស់លោកអ្នកមានជោគមានជ័យល្អ ហើយទោះទៅណាមកណាក៏តែងមានការជឿនលឿនទៅមុន និង អាចមានប្រៀបជាងអ្នកដទៃផងដែរ។ ដំណើរជីវិតការងាររបស់លោកអ្នកល្អប្រសើរ ម្ល៉ោះហើយទោះធ្វើអ្វីក៏ដោយតែងមានការចម្រើនលូតលាស់ច្រើនរឿងមិនថាជាការងារ បញ្ហាប្រាក់កាស ឬ រឿងផ្ទាល់ខ្លួនទេគឺមានការល្អប្រសើរគួរសម។ សម្រាប់អ្នកប្រកបរបររកស៊ីជួញដូរវិញបើចង់បោះទុនតូចធំ ឬ ចង់រកស៊ីចូលហ៊ុនជាមួយអ្នកដទៃត្រូវចេះត្រួតពិនិត្យឱ្យបានគ្រប់ជ្រុងជ្រោយបើពុំនោះទេអាចជួបផលអាក្រក់ណាមួយនៅថ្ងៃខាងមុខជាក់ជាពុំខាន។ រីឯសម្ព័ន្ធស្នេហាកំលោះក្រមុំមិនសូវមានការលូតលាស់ទៅមុខទេ ហើយពិសេសងាយកើតជម្លោះវិវាទដោយសារម្នាក់ៗចង់ចាញ់ឈ្នះគ្នារៀងៗខ្លួន៕
ឆ្នាំមមែ៖ រាសីល្អជាមធ្យម។ នៅថ្ងៃនេះ បើទោះធ្វើអ្វីក៏ដោយ លោក អ្នក ត្រូវសន្សឹមៗកុំបំបោល ហើយត្រូវឱ្យប្រយ័ត្នសត្រូវក្បែរខ្លួនបន្តិចព្រោះគេងាយបង្កផលលំបាកដែលត្រូវរាប់រងណាស់ផង។ ការប្រកបការងារលោកអ្នកទោះធ្វើអ្វីៗក៏ដោយត្រូវចេះប៉ាន់ប្រមាណ ហើយពុំត្រូវលោភលន់ទេបើមិនដូច្នេះនឹងជួបរឿងសោកសង្រេងជាក់ជាពុំខាន។អ្នកប្រកបរបររកស៊ីជួញដូរបើលោកអ្នកចង់ជួញធំដុំមិនសូវកាក់កបប៉ុន្មានទេ ពិសេសប្រយ័ត្នជួបគ្រោះចាញ់បោកគេ ឬ ការបណ្តាក់ទុន ហើយមិនហុចផលអ្វីមកវិញ។ រីឯបញ្ហាស្នេហាកំលោះក្រមុំឬពោះម៉ាយមេម៉ាយក្តីមានការចាប់កំហុសព្រោះតែភាពចង់ឈ្នះគ្នារៀងៗខ្លួន៕
ឆ្នាំវក៖ រាសីស្រុតចុះ។ នៅថ្ងៃនេះលោកអ្នកធ្វើអ្វីតោងតែមានចិត្តត្រជាក់ និង ប្រយ័ត្នប្រយែងទើបមិនមានបញ្ហាមិនល្អណាមួយចោទឡើង។ការប្រកបការងារងាយទៅមុខហើយក៏ងាយថយក្រោយដែរ។ អ្នកប្រកបរបររកស៊ីជួញដូរវិញមានការប្រែប្រួលប្តូរផ្លាស់ឥតឈប់ឈរ ដូចនេះត្រូវប្រយ័ត្នប្រយែងពាក្យសម្តីបន្តិចទើបអាចចៀសផុតពីជម្លោះណាមួយកើតឡើងជាមួយក្រុមមនុស្សនៅក្បែរខ្លួន ឬ សូម្បីតែមនុស្សពីចម្ងាយក្តី។ បញ្ហាគូគ្រងប្តីប្រពន្ធឬគូស្នេហ៍កំលោះក្រមុំឬពោះម៉ាយមេម៉ាយក្តីកុំសូវយករឿងចាស់មកនិយាយច្រើនប្រយ័ត្នកើតជម្លោះវិវាទរស់នៅមិនសុខដុម៕
ឆ្នាំរកា៖ រាសីខ្ពស់ត្រដែត។ នៅថ្ងៃនេះដំណើរជីវិតមានភាពរលូនល្អ និង ធ្វើអ្វីតែងសម្រេចតាមគោលដៅផង។ ក្រៅពីនេះបើមានការប្រកបការងារត្រូវបានចៅហ្វាយនាយអាណិតស្រឡាញ់និងជួបចរចា អ្វីឃើញថាតែងមានការចុះសម្រុងគ្នាបានយ៉ាងងាយទៀតផង។ ចំពោះអ្នកប្រកបរបររកស៊ីជួញដូរពេលនេះប្រៀបដូចបានជា”ភ្លៀងធ្លាក់មួយមេមេឃស្រទ្បះ”ព្រោះអាចកំចាត់រាល់ឧបទ្រពចង្រៃទាំពួងឱ្យវិនាសជាអហោសិកម្មអស់ ហើយលោកអ្នកអាចប្រកបមុខរបរពេញដៃពេញជើងទ្បើងវិញ។ រីឯសម្ព័ន្ធស្នេហាប្រុសស្រីមានការជឿនលឿនទៅមុខ និង កំពុងមានភាពស្រស់ស្រាយប្រពៃណាស់៕
ឆ្នាំច៖ រាសីស្រុតចុះ។ នៅថ្ងៃនេះលោកអ្នកមិនត្រូវធ្វើអ្វីដែលសំខាន់ពេកឬធ្វើធំដុំពេកពីព្រោះថាផលអាក្រក់ងាយកើតឡើងជាងសព្វមួយដង។ ក្រៅពីនេះការប្រកបការងារត្រូវចេះសន្សំទុកខ្លះទើបប្រសើរ។ ដោយឡែកសម្រាប់អ្នកប្រកបការងាររកស៊ីជួញដូរនៅថ្ងៃនេះវិញការរកផលចំណូលជួបភាពតានតឹងហើយទាល់តែខិតខំខ្លាំងទើបអាចរកផលកម្រៃគ្រាន់កក់ក្តៅទៅរួច។ ការធ្វើដំណើរជិតឆ្ងាយជួបភាពសុខដុមទាំងពេលទៅនិងត្រឡប់មកវិញ។ រីឯបញ្ហាសម្ព័ន្ធស្នេហាកំលោះក្រមុំមានភាពផុយស្រួយជម្លោះវិវាទគួរប្រយ័ត្នប្រយែងពាក្យសម្តីបន្តិចទើបជាការប្រពៃបំផុត៕
ឆ្នាំកុរ៖ រាសីខ្ពស់ត្រដែត។ ការរស់នៅថ្ងៃនេះរាល់ឧបទ្រពមិនល្អបានចាកចេញឆ្ងាយ ហើយភាពសិរីសួស្តីបានត្រឡប់ចូលមកវិញ។ ក្នុងថ្ងៃនេះដោយសារដួងរាសីឡើងខ្ពស់ ម្ល៉ោះហើយបើទោះបីធ្វើអ្វីមួយលោកអ្នកអាចសម្រុកបានពេញទីហើយពីព្រោះថាផលល្អៗតែងហុចមកវិញគ្រាន់ជាទីពេញចិត្តជានិច្ច។ អ្នកធ្វើជំនួញទាំងតូចទាំងធំបើចង់ចរចាទិញឬដោះដូរទំនិញអ្វីមួយដោយមិនត្រឹមឆាប់ត្រូវរ៉ូវគ្នាទេតែអាចសម្រេចជោគជ័យយ៉ាងឆាប់រហ័សផង ហើយមុខទំនិញមានការលូតលាស់ទៅមុខដោយអាចរកផលចំណូលគ្រាន់ចិញ្ចឹមឆ្នាំងបាយអញ្ចឹងដែរ។ សម្ព័ន្ធស្នេហាកំលោះក្រមុំមានការរីកលូតលាស់ទៅមុខ និង បើមិនទាន់មានគូគាប់ពេលនេះជាឱកាសល្អក្នុងការស្វែងរកហើយ៕