ហោរាសាស្រ្តប្រចាំថ្ងៃអង្គារ ទី០១ ខែសីហា ឆ្នាំ២០២៣

នៅថ្ងៃអង្គារ ទី០១ ខែសីហា ឆ្នាំ២០២៣នេះ គេហទំព័រហោរាសាស្រ្ដចិនបានចុះផ្សាយពីរាសីប្រចាំថ្ងៃនៃអ្នកដែលកើតឆ្នាំទាំង១២ថា៖

ឆ្នាំជូត៖ រាសីស្រុតចុះ។ នៅថ្ងៃនេះបើទោះបីធ្វើអ្វីផ្លែផ្កាដែលហុចមកវិញតែងមិនសូវឆ្លើយតបដូចជាទីពេញចិត្តនោះឡើយ។ ចំណែកការងារពេលខ្លះត្រូវធ្វើមិនទាន់ឬបញ្ជូនមិនទាន់ក៏ត្រូវចៅហ្វាយនាយស្តីបន្ទោសផង។ បើជាអ្នកប្រកបរបររកស៊ីជួញដូរមិនត្រូវបោះទុនអ្វីមួយដោយតក់ក្រហល់ឡើយ ហើយត្រូវចេះពិនិត្យឱ្យបានគ្រប់ជ្រុងជ្រោយប្រយ័ត្នជួបរឿងស៊យបោះទុនទៅហើយសូន្យឈឹងរកតែដើមមកវិញមិនបាន។ រីឯបញ្ហាសេចក្តីស្នេហាប្រុសស្រីមានការរកាំរកូសព្រោះជួនត្រូវរ៉ូវជួនទាស់ទែងគ្នា៕

ឆ្នាំឆ្លូវ៖ រាសីល្អជាមធ្យម។ ដំណើរជីវិតរបស់លោកអ្នកនៅថ្ងៃនេះមិនគាប់ប្រសើរប៉ុន្មានទេពីព្រោះថាមានបញ្ហាមិនល្អចូលយាយីនាំពិបាកឆ្លងកាត់ផង។ ក្រៅពីនេះបើមានបញ្ហាអ្វីលោកអ្នកតោងតែគ្រប់គ្រងអារម្មណ៍ឱ្យបានល្អមិនអាចយកភាពមោហៈទោសៈដាក់ខ្លួនបានឡើយ ហើយពិសេសត្រូវពិនិត្យស្ថានការណ៍ឱ្យច្បាស់លាស់ទើបពុំមានបញ្ហារត់ចូលត្រូវដោះស្រាយដោយប្រការណាមួយ។ អ្នកប្រកបរបររកស៊ីជួញដូរវិញជួបការលំបាកក្នុងការរកផលចំណូលបន្តិចព្រោះតែមានការប្រជែងគ្នាច្រើនហើយពិសេសប្រយ័ត្នមានជម្លោះវិវាទថែមទៀត។ រីឯសម្ព័ន្ធស្នេហាកំលោះក្រមុំកុំចង់មានចិត្តរេព្រោះតែឃើញអ្នកថ្មីព្រោះអាចនាំមកនូវរឿងសោកកានៅពេលក្រោយព្រោះតែដូចពាក្យចាស់ថា”ចាក់ចោលអង្ករមកស្រវាអង្កាម”វិញ៕

ឆ្នាំខាល៖ រាសីខ្ពស់ត្រដែត។ នៅថ្ងៃនេះដំណើរជីវិតរបស់លោកអ្នកបានចូលមកលើកំណាត់ផ្លូវល្អឡើងវិញ ហេតុនេះចង់ដោះស្រាយរឿងរាវតូចធំតែងចង់ចុងចង់ដើម។ អ្នកប្រកបការងាររាជការឬក្រុមហ៊ុនឯកជនមានការចម្រើនលូតលាស់ទៅមុខល្អ ហើយបើមានគម្រោងការអ្វីមួយគួររួសរាន់ធ្វើព្រោះត្រូវចងចាំថាធ្វើច្រើនបានច្រើនធ្វើតិចបានតិច។ ចំពោះអ្នកប្រកបរបររកស៊ីជួញដូរវិញបើចង់បោះទុនតូចធំមិនទាស់ខុសអ្វីទេតែយ៉ាងណាត្រូវចេះពិនិត្យឱ្យបានគ្រប់ជ្រុងជ្រោយទើបមិនជួបបញ្ហាត្រូវបង់ទាំងទ្រព្យនិងកម្លាំងនៅគ្រាខាងមុខ។ រីឯបញ្ហាស្នេហាប្រុសស្រីមានភាពផ្អែមល្ហែមនិងស្រស់ស្រាយប្រពៃ៕

ឆ្នាំថោះ៖ រាសីល្អជាមធ្យម។ នៅថ្ងៃនេះអ្វីៗដែលបើលោកអ្នកមិនបានឃើញច្បាស់លាស់ទេមិនគប្បីជឿពាក្យសម្តីក្រុមមនុស្សពេកឡើយប្រយ័ត្នត្រូវគេអូសឱ្យធ្លាក់ទឹកដោយប្រការណាមួយ។ ការប្រកបការងារមានការចម្រើនលូតលាស់សន្សឹមៗដូចសព្វមួយដង។ សម្រាប់អ្នកប្រកបរបររកស៊ីជួញដូរទាំងការជួញទីជិតឆ្ងាយជួបផលលំបាកក្នុងការរកចំណូលបន្តិចហើយបើលោកអ្នកមានអ្នកដទៃគេជំពាក់ប្រាក់កាសទាល់តែខិតខំទារបន្តិចបើពុំនោះទេ មិនងាយបានឡើយ។ រីឯបញ្ហាស្នេហាកំលោះក្រមុំឬពោះម៉ាយមេម៉ាយក្តីកុំគប្បីជ្រួលជ្រើមក្នុងការដើរហើរព្រោះថាងាយជួបរឿងអាក្រក់ជាងសព្វមួយដង៕

ឆ្នាំរោង៖ រាសីខ្ពស់ត្រដែត។ ការរស់នៅថ្ងៃនេះបើលោកអ្នកមានបញ្ហាក្នុងគ្រួសារហើយចង់ផ្សះផ្សាជាឱកាសប្រពៃណាស់ពីព្រោះការឆាប់ត្រូវរ៉ូវគ្នាវិញក៏មានខ្ពស់ណាស់ផង។ ការប្រកបការងាររបស់លោកអ្នកក្នុងថ្ងៃនេះហាក់មានការកើនឡើងទៅមុខ ហើយបើទោះបីចេញធ្វើដំណើរឆ្ងាយជិតតែងហុចផលល្អៗមកវិញគ្រាន់ជាទីពេញចិត្តជានិច្ច។ អ្នកប្រកបរបររកស៊ីជួញដូរវិញមុននឹងចង់ដាក់ទុនអ្វីមួយត្រូវចេះគិតគូរឱ្យបានច្បាស់លាស់សិនមុនអនុវត្តជាក្រោយទើបអាចទទួលផលសម្រេចល្អៗទៅរួច។ បញ្ហាសេចក្តីស្នេហាប្រុសស្រីបើលោកអ្នកចង់ចូលនិយាយដល់ចាស់ទុំទុក ឬផ្សំផ្គុំគ្រួសារជាពេលវេលាល្អប្រពៃហើយ៕

ឆ្នាំម្សាញ់៖ រាសីល្អជាមធ្យម។ ការរស់នៅថ្ងៃនេះបើលោកអ្នកមានបញ្ហាក្នុងគ្រួសារហើយចង់ផ្សះផ្សាជាឱកាសប្រពៃណាស់ពីព្រោះការឆាប់ត្រូវរ៉ូវគ្នាវិញក៏មានខ្ពស់ណាស់ដែរ។ នៅថ្ងៃនេះការប្រកបការងារតែងជួបបញ្ហារាំងស្ទះនិងរឿងរាវយាយីច្រើន។ អ្នកប្រកបរបររកស៊ីជួញដូរទោះជួញទីជិតឆ្ងាយការរកផលកម្រៃមានភាពធូរស្បើយជាងមុនដោយលោកអ្នកអាចរកប្រាក់ចំណូលគ្រាន់ចិញ្ចឹមឆ្នាំងបាយអញ្ចឹងដែរ។ ការធ្វើដំណើរឆ្ងាយជិតជួបបញ្ហាប្រទាំងប្រទើសនិងរឿងរាវយាយីច្រើន។ រីឯបញ្ហាសេចក្តីស្នេហាកំលោះក្រមុំកំពុងស្រស់ស្រាយនិងផ្អែមល្ហែមល្អគ្រាន់បើ៕

ឆ្នាំមមី៖ រាសីស្រុតចុះ។ នៅថ្ងៃនេះ លោកអ្នក ធ្វើអ្វី ត្រូវមានចិត្តត្រជាក់ និង ប្រយ័ត្នប្រយែងបន្តិចទើបគ្មានបញ្ហាចោទឡើង។ ទាំងស្ត្រីបុរសលោកអ្នកទោះធ្វើអ្វីក៏ដោយមិនត្រូវមានអារម្មណ៍មួម៉ៅឬតប់ប្រម៉ល់ច្រើនឡើយពីព្រោះនាំកើតឧបទ្រពចង្រៃមានតែរឿងរាវជម្លោះវិវាទអសារឥតការប៉ុណ្ណោះ។ អ្នកអាជីវករមានការទិញចូលលក់ចេញគ្រាន់រស់រវើកគួរសម ហើយបើចង់ជួញទីជិតឆ្ងាយផលកម្រៃឆ្លើយតបក៏គ្រាន់ដោះស្រាយជីវភាពគ្រួសារដែរ។ រីឯសេចក្តីស្នេហាកំលោះក្រមុំកុំគប្បីមានការជ្រួលជ្រើមខុសបែបបទប្រយ័ត្នការសប្បាយក្លាយជាទុក្ខវិញ៕

ឆ្នាំមមែ៖ រាសីល្អជាមធ្យម។ នៅថ្ងៃនេះអ្វីៗដែលបើលោកអ្នកមិនបានឃើញច្បាស់លាស់ទេ មិនគប្បីជឿពាក្យសម្តីក្រុមមនុស្សពេកឡើយប្រយ័ត្នត្រូវគេអូសឱ្យធ្លាក់ទឹកដោយប្រការណាមួយ។ ការប្រកបការងារមានការចម្រើនលូតលាស់សន្សឹមៗដូចសព្វមួយដង។ សម្រាប់អ្នកប្រកបរបររកស៊ីជួញដូរទាំងការជួញទីជិតឆ្ងាយជួបផលលំបាកក្នុងការរកចំណូលបន្តិច ហើយបើលោកអ្នកមានអ្នកដទៃគេជំពាក់ប្រាក់កាសទាល់តែខិតខំទារបន្តិចបើពុំនោះទេ មិនងាយបានឡើយ។ រីឯបញ្ហាស្នេហាកំលោះក្រមុំឬពោះម៉ាយមេម៉ាយក្តីកុំគប្បីជ្រួលជ្រើមក្នុងការដើរហើរព្រោះថាងាយជួបរឿងអាក្រក់ជាងសព្វមួយដង ៕

ឆ្នាំវក៖ រាសីល្អជាមធ្យម។ ក្នុងថ្ងៃនេះពុំមានផលប៉ះទង្គិចអ្វីចំពោះស្ត្រីទេ ប៉ុន្តែសម្រាប់បុរសវិញមានការប៉ះទង្គិចច្រើន ដូចនេះទោះធ្វើអ្វីក៏ដោយតោងតែប្រយ័ត្នប្រយែងបន្តិចទើបឆ្លងផុតផលលំបាកទាំងពួងទៅរួច។ សម្រាប់អ្នកប្រកបរបររកស៊ីជួញដូរបើទោះបីលោកអ្នកចេញធ្វើជំនួញទីជិតឆ្ងាយមិនទាស់ខុសអ្វីដែរ ព្រោះថាផ្លែផ្កាដែលទទួលបានក៏មានការរីកលូតលាស់ជាសន្សឹមៗគ្រាន់បំពេញបំពង់។ រីឯបញ្ហាស្នេហាកំលោះក្រមុំកុំជ្រួលជ្រើមខុសរបៀបប្រយ័ត្នរែកពន់ផលលំបាក និង ភាពទុក្ខសោកមកវិញ៕

ឆ្នាំរកា៖ រាសីស្រុតចុះ។ ថ្ងៃនេះផ្តល់ផលល្អសម្រាប់លោកអ្នកទំនាក់ទំនងផ្លូវឆ្ងាយពីព្រោះតែងទទួលផលសម្រេចច្រើនជាងការទំនាក់ទំនងផ្លូវជិត។ ក្រៅពីនេះមិនផ្តល់ផលល្អសម្រាប់លោកអ្នកចេញធ្វើការផ្លូវឆ្ងាយទេហើយបើធ្វើការនៅនឹងកន្លែងប្រសើរជាង។ ចំពោះអ្នកប្រកបរបររកស៊ីជួញដូរមិនថាផ្លូវទឹកផ្លូវគោកឬផ្លូវអាកាសក្តីតែងអាចប្រមូលភោគផលត្រឡប់ចូលផ្ទះវិញដូចជាទីគាប់ចិត្ត។ រីឯបញ្ហាសេចក្តីស្នេហាកំលោះក្រមុំឬពោះម៉ាយមេម៉ាយក្តីកំពុងជឿនលឿនទៅមុខនិងបើកទំព័រថ្មីសម្រាប់អ្នកហើយ៕

ឆ្នាំច៖ រាសីល្អជាមធ្យម។ លោកអ្នកកុំគប្បីឆាប់ជឿពាក្យសម្តីជនខិលខូចចាក់ដោតឱ្យសោះពុំនោះទេផលប្រយោជន៍ដែលបម្រុងទទួលបាន អាចនឹងត្រូវរលត់រលាយសាបសូន្យទៅវិញពុំខាន។ នៅថ្ងៃនេះទោះលោកអ្នកធ្វើអ្វីមួយគប្បីប្រុងប្រយ័ត្នបន្តិច ពិសេសការប្រកបការងារផ្សេងៗគួរតែយកចិត្តទុកដាក់ឱ្យបានកម្រិតខ្ពស់ព្រោះមានតែក្រុមមនុស្សចាំវាយប្រហារប៉ុណ្ណោះ។ ចំណែកការប្រកបរបររកស៊ីជួញដូរជួបស្ថានភាពតានតឹងពីផលចំណូល ហើយក្នុងក្រុមគ្រួសារទៀតសោតក៏មានបញ្ហាច្រើនដែរ។ រីឯបញ្ហាស្នេហាកំលោះក្រមុំត្រូវចៀសវាងការប្រមាថឬមើលផ្លូវអាក្រក់ដល់គ្នាព្រោះនាំកើតជម្លោះវិវាទប៉ុណ្ណោះ៕

ឆ្នាំកុរ៖ រាសីខ្ពស់ត្រដែត។ នៅថ្ងៃនេះ បើលោកអ្នកចង់ដោះស្រាយកំហុសអ្វីមួយក៏ជាពេលវេលាល្អណាស់ដែរ។ នៅថ្ងៃនេះដំណើរជីវិតល្អប្រសើរដូចនេះបើចង់ប្រកបការងារអ្វីតែងងាយឆាប់ចប់និងបើពុះពារក៏តែងសម្រេចដល់គោលដៅភាគច្រើនមកវិញ។ ចំណែកអ្នកប្រកបរបររកស៊ីជួញដូរ លោកអ្នកមិនគប្បីជឿពាក្យញុះញង់ចាក់ដោតដោយក្រុមមនុស្សពេកឡើយប្រយ័ត្នឥតការអ្វីសោះមានសត្រូវនៅជុំវិញខ្លួនកាន់តែច្រើន ហើយនាំជួបស្ថានភាពលំបាកនៅគ្រាខាងមុខ។ រីឯបញ្ហាស្នេហាប្រុសស្រីបើស្គាល់ចិត្តស្គាល់ថ្លើមគ្នាយូរហើយជាឱកាសល្អបំផុតក្នុងការផ្សំផ្គុំជាគ្រួសារ៕