អ្នកកើតឆ្នាំជូត,មមែ,រកា ថ្ងៃនេះគ្រូហោទាយពីអត្តចរិតលក្ខណៈរបស់អ្នកឃើញច្បាស់ខ្លាំងណាស់!
យោងតាមគេហទំព័រហោរាសាស្រ្តចិនចុះផ្សាយពីការទស្សទាយរបស់គ្រូហោនៅថ្ងៃទី២៥ ខែសីហា ឆ្នាំ២០២៣នេះ បានបញ្ជាក់ថាអ្នកកើតឆ្នាំជូត,មមែ,រកា គឺជាកំពូលមនុស្សដែលមានលាភសំណាងតាមជាប់គ្នា ហើយទេវតាតែងតែផ្ដល់អត្តចរិតមួយជូនអ្នកទាំងអស់គ្នាមិនខុសគ្នានោះទេ។
ឆ្នាំជូត៖ លោកអ្នកពិតជាពូកែដោះស្រាយបញ្ហា រហ័សរហួន មានគំនិតច្នៃប្រឌិត សម្បូរមន្តស្នេហ៍គួរឱ្យចង់គយគន់។ ជាអ្នកដើរលេង ឆ្លាតវៃ អារម្មណ៍ល្អ ញញឹមស្រស់បស់ ចេះបត់បែនខ្លួនបានយ៉ាងល្អ។ អ្នកមានភាពកក់ក្តៅ អាចធ្វើមេក្រុមផ្នែកកម្សាន្តបាន ជឿជាក់លើខ្លួនឯងណាស់។ ពេលខ្លះមើលទៅដូចមនុស្សទាត់ខ្យល់ ប៉ុន្តែមានគោលដៅជីវិតច្បាស់លាស់។
ឆ្នាំមមែ៖ មិនមានរឿងសម្ងាត់លាក់បាំង តែងតែបង្កើតភាពរីករាយឱ្យមនុស្សជុំវិញខ្លួនបានសើចសប្បាយ។ ជាមនុស្សនិយមភាពឡូយឆាយ ភាពលេចធ្លោ ស្រស់បស់ និងពូកែទុកដាក់លុយកាក់។ មិនសូវចូលចិត្តធ្វើឱ្យខ្លួនឯងរវល់ព្រោះជាមនុស្សឆាប់ហត់ ឆាប់ធុញ និងមិនសូវមានភាពអត់ធ្មត់។ ពេលមិនពេញចិត្តនរណា អ្នកលាក់គេមិនបាននោះទេព្រោះបញ្ចេញមកតាមទឹកមុខអស់ៗ។ អ្នកចូលចិត្តធ្វើដំណើរ ដើរលេង ការផ្សងព្រេង តែងតែស្វែងរកភាព រីករាយដាក់ក្នុងជីវិតជានិច្ច។
ឆ្នាំរកា៖ អ្នកជាមនុស្សអាចបត់បែនខ្លួនបានគ្រប់កាលៈទេសៈ ពូកែនិយាយលើកទឹកចិត្ត។ ជាមនុស្សចិត្តល្អ ឱ្យអស់ពីខ្លួន ថ្ងៃនេះអាចឧស្សាហ៍ ថ្ងៃស្អែកអាចនឹងខ្ជិល។ ចូលចិត្តដើរផ្សារ ជាពិសេសនៅពេលទំនិញបញ្ចុះតម្លៃ មានមិត្តភក្តិ ញាតិមិត្តច្រើន ប៉ុន្តែពឹងពាក់ខ្លួនឯងជាចម្បង។ មិនចូលចិត្តការជាប់ជំពាក់នឹងអ្វីឡើយ ពូកែលាក់អារម្មណ៍ ចេះសន្សំសំចៃលុយកាក់ និងពូកែដោះស្រាយបញ្ហា។ អ្នកចូលចិត្តភាពសប្បាយរីករាយ ហ៊ឺហា និងមិនចូលចិត្តការងារដែលត្រូវការភាពល្អិតល្អន់ឡើយ៕
