នៅថ្ងៃអាទិត្យ ទី២៩ ខែតុលា ឆ្នាំ២០២៣នេះ គេហទំព័រហោរាសាស្រ្ដចិនបានចុះផ្សាយពីរាសីប្រចាំថ្ងៃនៃអ្នកដែលកើតឆ្នាំទាំង១២ថា៖
ឆ្នាំជូត៖ រាសីល្អជាមធ្យម។ ថ្ងៃនេះបើលោកអ្នកធ្វើអ្វីមិនសូវសមដូចបំណងទេ ហើយបញ្ហាខ្លះអាចជួបនូវការលំបាកកាន់តែខ្លាំងបន្ថែមទៀត។ ការប្រកបការងារកុំឆាប់ប្រកាន់ខឹង ហើយត្រូវដឹងថាកិច្ចការខ្លះកាន់តែអត់ធ្មត់ក៏កាន់តែប្រសើរដែរ។ ចំពោះបើជាអ្នកប្រកបរបររកស៊ីជួញដូរមិនត្រូវធ្វើអ្វីដោយតក់ក្រហល់ចង់បានភ្លាមៗទេពិសេសការបណ្តាក់ទុនរកស៊ីប្រយ័ត្នជួបរឿងស៊យអស់ប្រាក់កាសពីខ្លួនត្រូវមកដេកសោកស្តាយ។ រីឯបញ្ហាសម្ព័ន្ធស្នេហាប្រុសស្រីកុំមានរឿងអ្វីយកកំហឹងទល់កំហល់ឱ្យសោះប្រយ័ត្នកើតជាជម្លោះវិវាទឈានដល់ការបែកបាក់ហើយត្រូវមកសោកការខ្លួនឯង៕
ឆ្នាំឆ្លូវ៖ រាសីខ្ពស់ត្រដែត។ ដំណើរជីវិតផ្លាស់ប្តូរមកល្អប្រសើរ ម្ល៉ោះហើយរាល់ឧបទ្រពចង្រៃបានចាកចេញ ហើយបញ្ហាល្អៗបានឈានចូលមកជំនួសវិញ។ ដោយសារថ្ងៃនេះដួងរាសីឡើងខ្ពស់ ដូចនេះផ្តល់ផលល្អសម្រាប់លោកអ្នកប្រកបការងារណាដែលធំដុំឬកិច្ចការសំខាន់ពីព្រោះថាផលល្អៗតែងឆ្លើយតបមកវិញផង។ អ្នកប្រកបរបររកស៊ីជួញដូរមានការទិញចូលលក់ចេញជឿនលឿនទៅមុខគួរសម ឯផលកម្រៃទៀតសោតក៏មានចូលគ្រាន់កក់ក្តៅផងដែរ។ សម្ព័ន្ធស្នេហាប្រុសស្រីបើចង់ចូលស្តីដណ្តឹងដល់ចាស់ទុំតែងទទួលជោគជ័យដូចគាប់បំណង៕
ឆ្នាំខាល៖ រាសីល្អជាមធ្យម។ ក្នុងថ្ងៃនេះដំណើរចាកចេញក្រៅផ្ទះមានបញ្ហាអាក្រក់យាយីបន្តិចពីព្រោះមនុស្សនៅជុំវិញខ្លួនចាំតែចាប់កំហុសនិងបង្កជម្លោះប៉ុណ្ណោះ។ ការប្រកបកិច្ចការងាររបស់លោកអ្នកមានភាពរលូនល្អជាសន្សឹមៗទៅមុខតែយ៉ាងណាបញ្ហារកាំចិត្តតែងមកយាយីច្រើនផង ដូចនេះត្រូវចេះធ្វើមិនដឹងមិនឮចំពោះរឿងរាវ ខ្លះទើបប្រសើរ។ អ្នកប្រកបរបររកស៊ីជួញដូរត្រូវប្រុងប្រយ័ត្នក្រុមមនុស្សសម្តីផ្អែមល្ហែមព្រោះងាយធ្លាក់ក្នុងកលឧបាយគេណាស់ផង។ សម្ព័ន្ធស្នេហាកំលោះក្រមុំឬពោះម៉ាយមេម៉ាយក្តីពុំត្រូវផ្តោះផ្តងដោយសម្តីផ្លែផ្កាដាក់គ្នាឡើយប្រយ័ត្នកើតជម្លោះវិវាទឈានដល់ការប្រេះស្រាំខ្លាំងក្លា ៕
ឆ្នាំថោះ៖ រាសីល្អជាមធ្យម។ ក្នុងថ្ងៃនេះទោះធ្វើអ្វីមួយក៏ដោយលោកអ្នកគប្បីមានការប្រយ័ត្នប្រយែងបន្តិច សហើយត្រូវចងចាំថាទោះលោកអ្នកប្រកបកិច្ចការអ្វីផ្លែផ្កាឆ្លើយតបមកវិញមិនដូចជាទីគាប់ចិត្តនោះឡើយ។ ក្រៅពីនេះបើ លោកអ្នកប្រកបការងារឱ្យប្រយ័ត្នក្រុមមនុស្សចាក់រុកឆ្កឹះឆ្គៀលពីបញ្ហាអ្វីមួយហើយបង្កើតជម្លោះវិវាទជាមួយសត្រូវចាស់ថ្មីហើយគេបែរជាលួចសើចចំអកដាក់មកវិញ។ ចំពោះអ្នកប្រកបរបររកស៊ីជួញដូរពេលព្រឹកមានភាពរកាំរកូសច្រើនតែថ្ងៃបន្តិចពេលព្រះអាទិត្យរះពេញអាកាសវេហាឧបទ្រពចង្រៃទាំងពួងនឹងវិនាសជាអហោសិកម្មអស់។ រីឯសម្ព័ន្ធស្នេហាប្រុសស្រីមានការប្រែប្រួលប្តូរផ្លាស់ព្រោះជួនត្រូវរ៉ូវគ្នាជួនទាស់ទែងគ្នា៕
ឆ្នាំរោង៖ រាសីល្អជាមធ្យម។ ថ្ងៃនេះដំណើរជីវិតរបស់លោកអ្នកមានភាពងាយផុយស្រួយជម្លោះវិវាទណាស់ ដូច្នេះបើមានជម្លោះវិវាទណាមួយកើតឡើងដាច់ខាតមិនត្រូវយកកំហឹងទល់កំហល់បានទេ បើមិនដូច្នេះអាចជួបបញ្ហាអាក្រក់ៗកើតឡើងនាំរែកពន់ផលលំបាកនៅពេលក្រោយប៉ុណ្ណោះ។ ក្រៅពីនេះចំពោះស្ត្រីចូរប្រយ័ត្នបញ្ហាមួយមិនទាន់ចប់ បញ្ហាមិនល្អមួយទៀតចូលមានជាន់ ក បន្ថែម។ ការប្រកបការងារមិនត្រូវយកភាពប្រកែប្រកាន់ដាក់ក្នុងខ្លួនច្រើនឡើយពីព្រោះថាងាយជះផលអាក្រក់នាពេលក្រោយវិញណាស់។ សម្រាប់បើជាអ្នកប្រកបរបររកស៊ីជួញដូរមិនត្រូវបោះទុនអ្វីមួយដោយតក់ក្រហល់ឡើយហើយត្រូវចេះពិនិត្យឱ្យបានគ្រប់ជ្រុងជ្រោយប្រយ័ត្នជួបរឿងស៊យបោះទុនទៅហើយសូន្យឈឹងរកតែដើមមកវិញមិនឃើញ។ រីឯបញ្ហាសេចក្តីស្នេហាប្រុសស្រីមានការរកាំរកូសព្រោះជួនត្រូវរ៉ូវជួនទាស់ទែងគ្នា៕
ឆ្នាំម្សាញ់៖ រាសីខ្ពស់ត្រដែត។ នៅថ្ងៃនេះផ្តល់ផលល្អសម្រាប់លោកអ្នកសម្រេចចិត្តអ្វីមួយពីព្រោះថាផលល្អៗតែងមានច្រើនចំពោះមុខ។ ក្រៅពីនេះបើចង់ស្នើសុំអ្វីមួយពីមនុស្សចាស់តែងសម្រេចដូចគាប់បំណងថែមទៀត។ ការប្រកបការងារមានភាពសុខដុម ហើយលោកអ្នកអាចនឹងមានការជួបជុំសប្បាយរីករាយផង។ អ្នកប្រកបរបររកស៊ីជួញដូរដោយសារយីអ៊ុនកំពុងដាក់ស្រាប់ ម្ល៉ោះហើយធ្វើឱ្យក្រុមមនុស្សតាមឈ្នានីស និង ព្យាបាទយាយីច្រើន ដូច្នេះត្រូវរក្សាភាពស្ងប់ស្ងាត់ទើបចៀសផុតជម្លោះវិវាទទាំងពួងទៅរួច។ រីឯបញ្ហាស្នេហាកំលោះក្រមុំឬពោះម៉ាយមេម៉ាយក្តីមានការគិតផ្លូវអាក្រក់ចំពោះគ្នាច្រើនធ្វើឱ្យរកាំរកូសបន្តបន្ទាប់ ៕
ឆ្នាំមមី៖ រាសីខ្ពស់ត្រដែត។ ដំណើរជីវិតរបស់លោកអ្នកបានផ្លាស់ប្តូរមកល្អប្រសើរហើយចង់ធ្វើអ្វីឃើញថាគ្រាន់ដំណើរការរលូនល្អឡើងវិញ។ ចំពោះការប្រកបការងារមានភាពចម្រើនលូតលាស់និងមានភាពសុខដុមប្រពៃ។ ក្នុងថ្ងៃនេះដែរអ្នកប្រកបរបររកស៊ីជួញដូរមានភាពកាក់កបគួរសមទាំងការជួញទីជិតឆ្ងាយដោយអាចប្រមូលផលចំណូលត្រឡប់មកផ្ទះវិញដូចគាប់បំណង។ បញ្ហាសម្ព័ន្ធស្នេហាកំលោះក្រមុំពុំគប្បីលលេងជាមួយល្បែងកាមគុណប្រយ័ត្នជួបព្យុះជីវិតនាថ្ងៃខាងមុខចៀសពុំរួចហើយត្រូវមកខូចអនាគតភ្លឺស្វាងឥតអំពើ៕
ឆ្នាំមមែ៖ រាសីខ្ពស់ត្រដែត។ ដំណើរជីវិតស្ថិតនៅលើកំណាត់រលូនល្អវិញ ម្ល៉ោះហើយរឿងរាវឧបទ្រពចង្រៃចៀសឆ្ងាយហើយបញ្ហាល្អៗបានហូរចូល ហេតុនេះធ្វើឱ្យលោកអ្នកសប្បាយចិត្តសប្បាយកាយគ្រាន់គាប់ប្រសើរ។ បើលោកអ្នកកាន់កិច្ចការអ្វីគួរចាប់ផ្តើមឱ្យបានខ្លាំងក្លា ហើយត្រូវចងចាំថាធ្វើតិចបានតិចធ្វើច្រើនបានទទួលផលច្រើនជានិច្ច។ អ្នកប្រកបរបររកស៊ីជួញដូរមានការទិញចូលលក់ចេញគ្រាន់បើតែយ៉ាងណាលោកអ្នកទាល់តែខិតខំខ្លាំងទើបទទួលជោគជ័យជំនួញធំៗទៅរួច។ សម្ព័ន្ធស្នេហាកំលោះក្រមុំបើលោកអ្នកចង់ចងសម្ព័ន្ធជាមួយនរណាម្នាក់ពេលនេះជាឱកាសល្អប្រពៃបំផុត៕
ឆ្នាំវក៖ រាសីស្រុតចុះ។ ថ្ងៃនេះទោះធ្វើអ្វីគឺផ្លែផ្កាមិនឆ្លើយតបដូចសេចក្តីប្រាថ្នាទេ ពោលគឺច្រើនខកបំណងជាងសព្វមួយដង។ ការប្រកបការងារពុំសូវមានការជឿនលឿនទៅមុខផងដែរ គឺមានការថយក្រោយច្រើនជាង ហើយពិសេសអ្នកធ្វើការងារឯកជនងាយកើតជាបញ្ហាគេទម្លាក់កំហុសឱ្យច្រើនថែមទៀត។ សម្រាប់បើជាអ្នកប្រកបរបររកស៊ីជួញដូរមិនត្រូវបោះទុនអ្វីមួយដោយតក់ក្រហល់ឡើយ ហើយត្រូវចេះពិនិត្យឱ្យបានគ្រប់ជ្រុងជ្រោយប្រយ័ត្នជួបរឿងស៊យបោះទុនទៅហើយសូន្យឈឹងរកតែដើមមកវិញមិនឃើញ។ រីឯបញ្ហាសេចក្តីស្នេហាប្រុសស្រីមានការរកាំរកូសព្រោះជួនត្រូវរ៉ូវជួនទាស់ទែងគ្នា៕
ឆ្នាំរកា៖ រាសីខ្ពស់ត្រដែត។ នៅថ្ងៃនេះលោកអ្នកធ្វើអ្វីតែងមានភាពស្រស់ស្រាយ និង មានការសុខស្រួលខ្លួនច្រើន។ ការប្រកបការងារបើជាបុរសការធ្វើដំណើរផ្លូវឆ្ងាយពុំគប្បីឈ្លក់វង្វេងនឹងគ្រឿងស្រវឹងឬឈ្លក់នឹងបញ្ហាលោភលន់អ្វីមួយពីព្រោះថាផលអាក្រក់នោះក៏មាននៅឡើយនាំឱ្យអ្វីៗដែលល្អសោះនឹងប្រែជាអាក្រក់វិញ។ លោកអ្នកអាចបណ្តាក់ទុនរកស៊ីឬចេញទៅប្រកបជំនួញជួញដូរផ្លូវឆ្ងាយតែងអាចប្រមូលនូវផលកម្រៃមកវិញគ្រាន់ជាទីកក់ក្តៅដែរ។ រីឯបញ្ហាស្នេហាកំលោះក្រមុំឬពោះម៉ាយមេម៉ាយក្តីបើមានការចង់រៀបចំ ជីវិតគ្រួសារតែងមានភាពគាប់ប្រសើរនិងជឿនលឿនទៅមុខ ៕
ឆ្នាំច៖ រាសីល្អជាមធ្យម។ ថ្ងៃនេះដំណើរជីវិតរបស់លោកអ្នកឱ្យ ប្រយ័ត្នបញ្ហាក្រុមមនុស្សនាំទុក្ខមកឱ្យដោយប្រការណាមួយ។ ការប្រកបការងារលោកអ្នកជួបបញ្ហាព្យុះភ្លៀងចូលមកបោកបក់ច្រើន ដូចនេះទោះធ្វើអ្វីមិនអាចធ្វេសប្រហែសឬធ្វើដោយចិត្តក្តៅបានឡើយពីព្រោះថាអាចទទួលផលលំបាកត្រូវរាប់រងនៅពេលក្រោយវិញផង។ សម្រាប់ថ្ងៃនេះវិញអ្នកប្រកបរបររកស៊ីជួញដូរមិនមែនអ្វីប្រែប្រួលប្តូរផ្លាស់គួរជាទីកត់សម្គាល់ទេគឺដូចសព្វមួយដង។ រីឯបញ្ហាសេចក្តីស្នេហាប្រុសស្រី ពុំសូវមានការរីកលូតលាស់ទៅមុខទេគឺមានការថយក្រោយច្រើនជាង៕
ឆ្នាំកុរ៖ រាសីស្រុតចុះ។ ថ្ងៃនេះមានរឿងរាវលំបាកច្រើន ពិសេសងាយកើតបញ្ហាជាមួយអ្នកដទៃផងគប្បីប្រយ័ត្នប្រយែង។ការរស់នៅលោកអ្នកកុំទុកចិត្តគេពេកប្រយ័ត្នដូចពាក្យចាស់ថា”ស្គាល់តែមុខ ប៉ុន្តែមិនស្គាល់ចិត្ត”។ បើមានប្រកបការងារមិនសូវមានភាពរលូនល្អទេ ហើយពិសេសឱ្យប្រយ័ត្នកិច្ចការធំដុំបន្តិចពីព្រោះងាយកើតជាបញ្ហាជាងសព្វមួយដង។ សម្រាប់អ្នកប្រកបរបររកស៊ីជួញដូរវិញមានការទិញចូលលក់ចេញគ្រាន់រស់រវើកគួរសម ហើយបើចង់រកស៊ីចូលហ៊ុនជាមួយអ្នកដទៃក៏មានភាពល្អប្រសើរដែរតែត្រូវត្រួតពិនិត្យសមាសភាពឱ្យបានត្រឹមត្រូវប្រយ័ត្នត្រូវចាញ់បោកគេ។ រីឯបញ្ហាសេចក្តីស្នេហាកំលោះក្រមុំមានការប្រឆាំង និង ចង់ចាញ់ឈ្នះគ្នាច្រើននាំឱ្យកើតការរកាំចិត្តមិនតិចឡើយ៕