ហោរាសាស្រ្តប្រចាំថ្ងៃព្រហស្បតិ៍ ទី០៩ ខែវិច្ឆិកា ឆ្នាំ២០២៣

នៅថ្ងៃព្រហស្បតិ៍ ទី០៩ ខែវិច្ឆិកា ឆ្នាំ២០២៣នេះ គេហទំព័រហោរាសាស្រ្ដចិនបានចុះផ្សាយពីរាសីប្រចាំថ្ងៃនៃអ្នកដែលកើតឆ្នាំទាំង១២ថា៖

ឆ្នាំជូត៖ រាសីខ្ពស់ត្រដែត។ នៅថ្ងៃនេះដួងរាសីល្អប្រសើរ ហេតុនេះធ្វើឱ្យមានការរីកចម្រើនលូតលាស់ និងរឿងរាវខ្លះដែលធ្លាក់តែអាក្រក់នឹងប្រែមកល្អប្រសើរឡើងវិញ។ ការប្រកបការងារមានការជឿនលឿននិងផលសម្រេចគ្រាន់ឆ្លើយតបមកវិញគ្រាន់ជាទីកក់ក្តៅផ្លូវចិត្ត។ អ្នកអាជីវករទោះមានការជួញទីជិតឆ្ងាយតែងអាចប្រមូលភោគផលចូលផ្ទះវិញយ៉ាងត្រជាក់ចិត្ត។ សម្ព័ន្ធស្នេហាកំលោះក្រមុំឬពោះម៉ាយមេម៉ាយក្តី មានភាពផ្អែមល្ហែមនិងស្រស់ស្រាយចំពោះគ្នាប្រពៃណាស់៕

ឆ្នាំឆ្លូវ៖ រាសីខ្ពស់ត្រដែត។ ក្នុងរង្វង់គ្រួសារកើតមានភាពសុខដុម និង កំពុងកើតវាលកាលកុម្ពត្រជាក់ត្រជុំគ្រាន់គាប់ប្រសើរឡើងវិញ។ ថ្ងៃនេះដោយសារដួងរាសីឡើងខ្ពស់ ដូចនេះទោះធ្វើអ្វីត្រូវសម្រុកឱ្យបានពេញទីនោះផ្លែផ្កាល្អៗតែងហុចមកវិញដូចជាទីពេញចិត្ត។ អ្នកប្រកបរបររកស៊ីជួញដូរបើលោកអ្នកចង់ផ្លាស់ទីកន្លែងលក់ដូរឬចង់រើទីកន្លែងលក់ដូរឃើញថាក៏ជាឱកាសប្រពៃណាស់ព្រោះអាចហុចផ្លែផ្កាមកវិញគ្រាន់ជាទីកក់ក្តៅ។ សម្ព័ន្ធស្នេហាប្រុសស្រីកុំគប្បីពុះកញ្ជ្រោលព្រោះតែការសេពកាមគុណប្រយ័ត្នរែកពន់ទុក្ខសោកនៅគ្រាក្រោយហើយអសោចកេរិ៍្តឈ្មោះឥតអំពើ៕

ឆ្នាំខាល៖ រាសីល្អជាមធ្យម។ នាពេលនេះលោកអ្នកកុំសម្លឹងខ្ពស់ និងស្រមើលស្រម៉ៃអ្វីមិនមែនការពិតពីព្រោះថានេះសុទ្ធសឹងរឿងឥតប្រយោជន៍ ហើយនាំឧបទ្រពចង្រៃដាក់ខ្លួន។ ការប្រកបការងារថ្ងៃនេះពុំមានសូវជឿនលឿនទៅមុខ ហើយក៏មិនថយក្រោយដែរពោលគឹនឹងធឹងល្អប្រពៃ។ អ្នកប្រកបរបររកស៊ីជួញដូរមានការខ្សត់ខ្សោយក្នុងការរកផលចំណូលណាស់ ដូច្នេះទាល់តែខិតខំខ្លាំងទើបអាចរកផលកម្រៃចិញ្ចឹមគ្រួសារទៅរួច។ សម្ព័ន្ធស្នេហាប្រុសស្រីមានភាពតែលតោលនិងខ្វាយខ្វល់ព្រោះ តែបញ្ហារកាំរកូស កំពុងកើតឡើងឥតសូវធូរស្បើយឡើយ៕

ឆ្នាំថោះ៖ រាសីស្រុតចុះ។ ការរស់នៅថ្ងៃនេះលោកអ្នកជួបរឿងសៅហ្មង ហើយបញ្ហាទាំងប្រាក់កាស និងក្រុមគ្រួសារក៏ជួបរឿងរាវអំពលទុក្ខច្រើនដែរ។ លោកអ្នកត្រូវយកចិត្តទុកដាក់ចំពោះការងារបន្តិចព្រោះថាមានក្រុមមនុស្សចាំតែចាប់កំហុស ហើយបើឃើញលោកអ្នកមានបញ្ហាផងគេចាំតែជាន់ពន្លិចបន្ថែមប៉ុណ្ណោះ។ អ្នកប្រកបរបររកស៊ីជួញដូរលោកអ្នកត្រូវចេះមានគិនិតផ្តួចផ្តើមរបរថ្មីៗបន្ថែមទៀតឬរកប្រាក់ចំណូលបន្ថែមទើបជាការប្រសើរ។ ការធ្វើដំណើរទីជិតឆ្ងាយពុំសូវមានសុវត្តិភាពទេគួរបន្ថែមការប្រុងប្រយ័ត្នពិសេសទិសអាគ្នេយ៍តែម្តង។ សម្ព័ន្ធស្នេហាប្រុសស្រីមិនត្រូវយកភាពប្រកែប្រកាន់ដាក់មុខច្រើនឡើយ បើពុំនោះកើតមានតែរឿងរាវមិនចេះចប់ពុំខាន៕

ឆ្នាំរោង៖ រាសីស្រុតចុះ។ ក្នុងថ្ងៃនេះឃើញថាដំណើរជីវិតជួបនូវបញ្ហាស្មុគស្មាញ ម្ល៉ោះហើយត្រូវអត់ធ្មត់និងមានការប្រយ័ត្នប្រយែងបន្តិចពីព្រោះថា ស្ថិតនៅលើកំណាត់ផ្លូវ រដិប រដុប ច្រើន។ ដោយឡែកនៅថ្ងៃនេះវិញដំណើរជីវិតរបស់លោកអ្នកបានងើបប្រសើរឡើងវិញមិនថាជាកិច្ចការងារ ឬ ប្រាក់កាសតែងផ្តល់ជាផ្លែផ្កាមកវិញផង។ សម្រាប់អ្នកប្រកបរបររកស៊ីជួញដូរជួបលើផលលំបាកច្រើនព្រោះផលចំណូលរកបានដោយតានតឹង និង ភាគច្រើនលាភហេងធំៗច្រើនបោលហួសជានិច្ច។ រីឯសេចក្តីស្នេហាប្រុសស្រីកុំចង់ចាញ់ឈ្នះគ្នាដោយសារការចិត្តខ្លាំងប្រយ័ត្នជម្លោះឈានដល់ការបែកបាក់៕

ឆ្នាំម្សាញ់៖ រាសីខ្ពស់ត្រដែត។ នៅថ្ងៃនេះដួងរាសីត្រឡប់មកល្អប្រសើរឡើងវិញ ហើយក៏ជាថ្ងៃសុខដុម។ ក្រៅពីនេះបើលោកអ្នកចង់សម្រេចរឿងការងារត្រូវជជែករឿងការងារ និងបើចង់សមដូចប្រកបរឿងស្នេហាត្រូវជជែករឿងស្នេហា។ នៅថ្ងៃនេះផ្តល់ផលល្អសម្រាប់សម្រុកកិច្ចការងារតូចធំ ហើយ។ ក្រៅពីនេះក៏ផ្តល់ផលល្អសម្រាប់លោកអ្នកទំនាក់ទំនងកិច្ចឬចរចាបញ្ហាអ្វីមួយផង។ សម្រាប់អ្នកប្រកបរបររកស៊ីជួញដូរមានការទិញចូលលក់ចេញគ្រាន់រស់រវើកគួរសម ហើយបើចង់រកស៊ីចូលហ៊ុនជាមួយអ្នកដទៃក៏មានភាពល្អប្រសើរដែរតែត្រូវត្រួតពិនិត្យសមាសភាពឱ្យបានត្រឹមត្រូវប្រយ័ត្នត្រូវចាញ់បោកគេ។ រីឯបញ្ហាសេចក្តីស្នេហាកំលោះក្រមុំមានការរីកលូតលាស់និងមានភាពសុខដុមប្រពៃ៕

ឆ្នាំមមី៖ រាសីខ្ពស់ត្រដែត។ អំឡុងពេលនេះបើលោកអ្នកកាន់តែយកអារម្មណ៍តានតឹងដាក់ខ្លួន ឬយកភាពសៅហ្មងដាក់ខ្លួនប៉ុនណាបញ្ហាក៏តែងរត់ចូលច្រើនប៉ុននោះដែរ។ ដូចនេះត្រូវបើកចិត្តឱ្យទូលាយទើបជាការល្អប្រពៃបំផុត។ក្រៅពីនេះលោកអ្នកអាចទទួលដំណឹងល្អឬធ្វើអ្វីតែងមានភ្លើងសញ្ញាពណ៌បៃតងរង់ចាំជានិច្ច។ ចំពោះការប្រកបរបររកស៊ីជួញដូរលោកអ្នកអាចបោះទុនរកស៊ីចូលហ៊ុនជាមួយអ្នកដទៃដោយអាចទទួលផ្លែផ្កាមកវិញគួរជាទីពេញចិត្ត ហើយបើលោកអ្នកចង់ជួញដូរផ្លូវឆ្ងាយក៏តែងហុចផ្លែផ្កាដូចការគ្រោងទុកគួរសមដែរ។ រីឯបញ្ហាស្នេហាកំលោះក្រមុំបើមានការទុំជោរ ហើយជាឱកាសល្អក្នុងការចូលនិយាយដល់ចាស់ទុំឬចូលស្តីដណ្តឹងហើយ៕

ឆ្នាំមមែ៖ រាសីស្រុតចុះ។ អំឡុងពេលនេះបើឃើញមានរឿងរាវ ឬបញ្ហាមិនល្អចូលមក លោកអ្នកមិនត្រូវយកខ្លួនបៀតឡើយពិសេសរឿងរាវអ្នកដទៃតែម្តង។ ការប្រកបការងារមិនផ្តល់ផលល្អសម្រាប់លោកអ្នកសម្រចចិត្តធ្វើអ្វីដែលជារឿងសំខាន់ឬមិនផ្តល់ផលល្អក្នុងការទំនាក់ទំនងកិច្ចការផ្នែកខាងក្រៅឡើយពីព្រោះថាងាយរាំងស្ទះនិងជួបបញ្ហាច្រើន។ ចំពោះអ្នកប្រកបរបររកស៊ីជួញដូរវិញការចេញធ្វើជំនួញទោះទីជិតឆ្ងាយពុំសូវសុខស្រួលខ្លួនប៉ុន្មានទេព្រោះជារឿយៗតែងមានក្រុមមនុស្សអុកឡុកយាយីជានិច្ច។ រីឯបញ្ហាសេចក្តីស្នេហាប្រុសស្រីមានការល្អក់កករនិងប្រឆាំងគ្នាធ្វើឱ្យកើតបញ្ហាមិនសូវចេះចប់ទេ៕

ឆ្នាំវក៖ រាសីខ្ពស់ត្រដែត។ ថ្ងៃនេះផលអាក្រក់បម្រុងរត់ចូល ត្រឡប់បែរជាហោះរំលង ឬ មិនហ៊ានចូលក្បែរនាំលោកអ្នកជួបការលំបាកបន្តទៀតឡើយ។ ការប្រកបការងារឃើញថាពុំមានអ្វីចូលមកយាយីនាំពិបាកត្រូវពុះពារឆ្លងកាត់ ឬត្រូវប្រឈមច្រើនទេ។ អ្នកប្រកបរបររកស៊ីជួញដូរបើលោកអ្នកចង់ចេញធ្វើជំនួញទីជិតឆ្ងាយតែងផ្តល់ផលកម្រៃហូរចូលតក់ៗគ្រាន់បំពេញបំពង់និងចិញ្ចឹមគ្រួសារ។ រីឯសម្ព័ន្ធស្នេហាប្រុសស្រីបើពុំទាន់មានគូគាប់ជាឱកាសល្អក្នុងការស្វែងរកឬមានការចូលដល់ចាស់ទុំផងដែរ៕

ឆ្នាំរកា៖ រាសីស្រុតចុះ។ ការរស់នៅថ្ងៃនេះមិនត្រូវចេះដឹងរឿងអ្នកដទៃច្រើន ឬយករឿងអ្នកដទៃមកជជែកនាំកើតជាបញ្ហាពិបាក ឬត្រូវប្រឈមជាមួយអ្នកដទៃនៅពេលក្រោយប៉ុណ្ណោះ។ ការប្រកបការងារឃើញថាដំណើរជីវិតរបស់លោកអ្នកជួបបញ្ហារាំងស្ទះបន្តិចបន្តួចយាយីពិសេសធ្វើច្រើនបានទទួលផលតិចថែមទៀត។ ចំណែកអ្នកប្រកបរបររកស៊ីជួញដូរវិញលាភហេងទោះតូចឬធំមានការបោលហួសជានិច្ច ដូច្នេះប្រាក់កាសដែលរកបានមកមានភាពតានតឹងណាស់។ ការធ្វើដំណើរឆ្ងាយជិតមិនសូវមានសុវត្តិភាពទេគប្បីបន្ថែមការប្រុងប្រយ័ត្ន។ រីឯបញ្ហាសេចក្តីស្នេហាកំលោះក្រមុំបើជួបគ្នាថ្មី្មថ្មោងតែងមានការជឿនលឿនទៅមុខឆាប់រហ័ស ហើយបើថយក្រោយវិញក៏លឿនដែរ៕

ឆ្នាំច៖ រាសីធ្លាក់ស្រុតចុះ។ ថ្ងៃនេះលោកអ្នកមួយចំនួនជួបបញ្ហាហោប៉ៅគ្មានប្រាក់ ហើយបញ្ហាមួយចំនួនរត់ចូលនាំឱ្យជួបសៅហ្មងមិនតិចសោះឡើយ។ ថ្ងៃនេះការប្រកបការងារអ្វីមួយឃើញថាមិនសូវមានការជឿនលឿនទៅមុខប៉ុន្មានទេគឺតែងមានឧបសគ្គយាយីពិបាកក្នុងការទប់ទល់ផង។ អ្នកប្រកបរបររកស៊ីជួញដូរវិញ ដោយសារយីអ៊ុនពុំសូវអំណោយផល ម្ល៉ោះហើយធ្វើឱ្យមានក្រុមមនុស្សតាមឈ្នានីសនិងព្យាបាទយាយីច្រើន។ រីឯសម្ព័ន្ធស្នេហាកំលោះក្រមុំកុំគប្បីឈ្លក់នឹងល្បែងកាមគុណប្រយ័ត្នរែកពន់ភាពទុក្ខសោកនៅពេលក្រោយ៕

ឆ្នាំកុរ៖ រាសីខ្ពស់ត្រដែត។ ទាំងស្ត្រីបុរសការរស់នៅលោកអ្នកត្រូវចេះរៀបចំគ្រួសារ និង ប្រាក់កាសឱ្យបានល្អទើបពុំមានអ្វីនាំឱ្យរែកពន់ភាពលំបាកលំបិននាពេលក្រោយ។ ការប្រកបការងារដោយសារដួងរាសីឡើងខ្ពស់ ដូចនេះអាចសម្រុកបានហើយ ពីព្រោះថាផលតែងហុចមកវិញគ្រាន់ជាទីពេញចិត្តជានិច្ច។ អ្នកប្រកបរបររកស៊ីជួញដូរនៅថ្ងៃនេះដែរបើលោកអ្នកចង់ផ្លាស់ប្តូរមុខរបរថ្មីឬបើកធ្វើជំនួញតូចធំតែងផ្តល់ផលល្អៗមកវិញជានិច្ច។ រីឯបញ្ហាសេចក្តីស្នេហាកំលោះក្រមុំបើមានបញ្ហាល្អក់កករផ្លូវចិត្ត ថ្ងៃនេះអាចប្រែមកល្អូកល្អិននិងយល់ចិត្តគ្នាឡើងវិញ៕