ហោរាសាស្រ្តប្រចាំថ្ងៃសុក្រ ទី១០ ខែវិច្ឆិកា ឆ្នាំ២០២៣

នៅថ្ងៃសុក្រ ទី១០ ខែវិច្ឆិកា ឆ្នាំ២០២៣នេះ គេហទំព័រហោរាសាស្រ្ដចិនបានចុះផ្សាយពីរាសីប្រចាំថ្ងៃនៃអ្នកដែលកើតឆ្នាំទាំង១២ថា៖

ឆ្នាំជូត៖ រាសីខ្ពស់ត្រដែត។ ខែវិច្ឆិកានេះដួងរាសីត្រឡប់មកល្អប្រសើរ ហេតុនេះធ្វើឱ្យទាំងការរស់នៅ និង កិច្ចការធ្លាប់តែជួបនូវរភាពរកាំរកូសបានប្រែប្រួលមករលូនគ្រាន់គាប់ចិត្តជាងមុនបន្តិចវិញ។ ក្នុងថ្ងៃនេះដែរផ្តល់ផលល្អសម្រាប់លោកអ្នកទំនាក់ទំនងការងារបណ្តាក់ទុនចរចាឬធ្វើកិច្ចសន្យាអ្វីមួយផង។ អ្នកប្រកបរបររកស៊ីជួញដូរមានការប្រជែងគ្នាច្រើននិងពិសេសមានការប្រទាំងប្រទើសជាមួយអ្នកមានមុខរបរដូចគ្នាផងដូចនេះគួរមានការបើកចិត្តឱ្យទូលាយបន្តិចទើបគ្មានរឿងរ៉ាវចម្រូងចម្រាសកើតមានឡើង។ រីឯបញ្ហាសេចក្តីស្នេហាកំលោះក្រមុំមានការជឿនលឿនទៅមុខនិងផ្អែមល្ហែមប្រពៃ៕

ឆ្នាំឆ្លូវ៖ រាសីខ្ពស់ត្រដែត។ នៅថ្ងៃនេះដំណើរជីវិតឃើញថាពុំមានឧបសគ្គអ្វីចូលមករារាំងនាំជួបការលំបាក ទេហើយបើចង់ពឹងពាក់នរណាម្នាក់ឱ្យជួយអ្វីមួយតែងទទួលបានការឆ្លើយតបគ្រាន់គាប់បំណងផង។ ការបំពេញការងារ អ្វីលោកអ្នកត្រូវចងចាំថាមានតម្លៃហើយពិសេសធ្វើច្រើនទទួលបានផលច្រើនទៀតផង។ សម្រាប់អ្នកប្រកបរបររកស៊ីជួញដូរមិនថាផ្លូវទឹកផ្លូវគោកឬផ្លូវអាកាសក្តីតែងអាចប្រមូលភោគផលត្រឡប់ចូលផ្ទះវិញដូចជាទីគាប់ចិត្ត។ ការធ្វើដំណើរឆ្ងាយជិតជួបសេចក្តីសុខក្សេមក្សាន្តទាំងពេលទៅនិងត្រឡប់មកវិញ។ សេចក្តីស្នេហាប្រុសស្រីកំពុងជឿនលឿនទៅមុខនិងបើកទំព័រថ្មីសម្រាប់អ្នកហើយ៕

ឆ្នាំខាល៖ រាសីល្អជាមធ្យម។ ការរស់នៅបើទោះបីថ្ងៃនេះជួបនូវលើកំណាត់ផ្លូវរដិបរដុប និងមានបញ្ហាបន្តិចបន្តួចចូលយាយីក្តី ប៉ុន្តែលោកអ្នកមិនត្រូវធ្វេសប្រហែសឬប្រមាថស្ថានការណ៍ឡើយពីព្រោះថាផលអាក្រក់អាចជះនៅក្នុងរយៈពេលយូរអង្វែងផង។ ការប្រកបការងារមានការជឿនលឿនតិច ហើយពិសេសកិច្ចការងារមិនអាចធ្វេសប្រហែសឡើយនាំជួបស្ថានភាពលំបាកណាមួយស្មានមិនដល់។ សម្រាប់អ្នកប្រកបរបររកស៊ីជួញដូរចូរប្រយ័ត្នក្រុមមនុស្សអុជអាលអ្វីមួយនាំឱ្យកើតការក្តៅក្រហាយបង្កជាជម្លោះជាមួយអ្នកដទៃឡើង។ រីឯបញ្ហាស្នេហាកំលោះក្រមុំចូរប្រយ័ត្នក្រុមមនុស្សទី៣ចូលមកអុកឡុកនាំកើតជម្លោះវិវាទឈានដល់ការបែកប្រេះស្រាំធ្ងន់ធ្ងរណាមួយកើតឡើង៕

ឆ្នាំថោះ៖ រាសីល្អជាមធ្យម។ ការរស់ថ្ងៃនេះអ្នកមិនត្រូវចេះដឹងរឿងអ្នកដទៃច្រើនឡើយ ពិសេសការរិះគន់និងការនិយាយដៀមដាមដោយប្រការណាមួយ ប្រយ័ត្ននាំរឿងរាវដល់អាត្មាខ្លួន។ ចំពោះកម្មករឬបុគ្គលិកនានាចូរប្រយ័ត្នកិច្ចការរបស់ខ្លួនពីព្រោះបើបង្កើតឱ្យមានកំហុសអាចជួបរឿងរង្គោះរង្គើដល់តំណែងការងារទៀតផង។ អ្នកប្រកបរបររកស៊ីជួញដូរវិញមានការខ្សត់ខ្សោយក្នុងការរកផលចំណូលណាស់ដូច្នេះទាល់តែខិតខំខ្លាំងទើបអាចរកផលចំណូលចិញ្ចឹមគ្រួសារគ្រាន់រស់ស្រួលខ្លួន។ រីឯបញ្ហាស្នេហាកំលោះក្រមុំមានការជ្រួលជ្រើមខុសបែបបទដូចនេះត្រូវចេះកាត់បន្ថយខ្លះទើបគ្មានរឿងរាវអាក្រក់នាថ្ងៃខាងមុខ៕

ឆ្នាំរោង៖ រាសីខ្ពស់ត្រដែត។ ដំណើរជីវិតរបស់លោកអ្នកនាថ្ងៃនេះឃើញថាបញ្ហាឧបទ្រពចង្រៃចៀសឆ្ងាយ ហើយបញ្ហាល្អៗបានហូរចូលជំនួសមកវិញ ហេតុនេះធ្វើឱ្យ លោកអ្នក សប្បាយចិត្ត សប្បាយកាយគ្រាន់ជាទី កក់ក្តៅ ផ្លូវចិត្ត។ ក្នុងថ្ងៃនេះលោកអ្នកអាចប្រកបការងារពេញដៃជើង ហើយធ្វើអ្វីក៏តែងមានការចម្រើនលូតលាស់ទៅមុខជានិច្ច។ សម្រាប់អ្នកប្រកបរបរកស៊ីជួញដូរក្នុងថ្ងៃនេះវិញចំណូលចំណាយមិនមានអ្វីលេចធ្លោទេគឺដូចសព្វមួយដងតែយ៉ាងណាបើលោកអ្នកមានគម្រោងចង់ធ្វើអ្វីមួយគួររួសរាន់ធ្វើព្រោះផ្លែផ្កាដែលទទួលបានមកវិញគួរជាទីកក់ក្តៅជានិច្ច។ រីឯបញ្ហាសេចក្តីស្នេហាប្រុសស្រីមានការយល់ចិត្ត និងបើមានបញ្ហារកាំរកូសឬទាស់សម្តីគ្នាជាពេលវេលានិយាយចរចាគ្នាវិញហើយ៕

ឆ្នាំម្សាញ់៖ រាសីស្រុតចុះ។ នៅថ្ងៃនេះងាយជួបនូវបញ្ហាប៉ះទង្គិចជាមួយក្រុមមនុស្សជុំវិញខ្លួនបន្តិច ហេតុនេះលោកអ្នកត្រូវធ្វើមិនដឹងមិនឮក្រុមមនុស្សខ្លះទើបចៀសផុតបញ្ហានាំអំពលទុក្ខ។ ការប្រកបការងារពុំសូវជឿនលឿនទៅមុខឡើយ ហើយបញ្ហាខ្លះតូចតាចសោះបើពុំចេះដោះស្រាយនឹងរីកជាធំជាក់ជាពុំខាន។ ការប្រកបមុខជំនួញជួបបញ្ហាលំបាក និង ការ រកប្រាក់ចំណូលខ្សត់ខ្សោយជាងសព្វមួយដង។ សម្ព័នស្នេហាប្រុសស្រីថ្ងៃនេះវិញពុំសូវមានការជឿនលឿនទៅមុខទេមានតែការថយក្រោយនិងងាយកើតរឿងបែកបាក់ថែមទៀត៕

ឆ្នាំមមី៖ រាសីល្អជាមធ្យម។ ការរស់នៅបញ្ហាខ្លះលោកអ្នកត្រូវចេះសម្រេចចិត្ត និងចេះមើលស្ថានការណ៍បើពុំនោះទេដំណើរជីវិតពិតជាមិនអាចរីកចម្រើនជាងនេះបានឡើយ។ សម្រាប់នៅថ្ងៃនេះអ្នកប្រកបការងារ មិនត្រូវមើលងាយកិច្ចការប្រចាំថ្ងៃ ឬធ្វើដោយក្តីធ្វេសប្រហែសឡើយពីព្រោះថាលោកអ្នកអាចជួបការលំបាកអ្វីមួយរកស្មានមិនដល់ផង។ ចំពោះបើជាអ្នកប្រកបរបររកស៊ីជួញដួរមុខជំនួញមិនមានអ្វីប្រែប្រួលប្តួរផ្លាស់គួរជាទីកត់សំគាល់ទេគឺដូចសព្វមួយដង។ រីឯបញ្ហាស្នេហាប្រុសស្រីជួបលើកំណាត់ផ្លូវរដិបរដុបនិងមានការប្រឆាំគ្នាច្រើន៕

ឆ្នាំមមែ៖ រាសីខ្ពស់ត្រដែត។ ដំណើរជីវិតរបស់លោកអ្នកនៅអំឡុងខែនេះស្ថិតនៅលើកំណាត់ផ្លូវរដិបរដុបច្រើនពិសេសបុរសជួបបញ្ហាច្រើនជាងស្ត្រី។ ក្រៅពីនេះលោកអ្នកតោងតែប្រយ័ត្នប្រយែងទៅលើបញ្ហាសុខភាព និងការធ្វើដំណើរផងដែរ។ ដោយឡែកនៅថ្ងៃនេះវិញដោយសារដួងរាសីឡើងខ្ពស់ ម្ល៉ោះហើយការបំពេញការងារមានការចម្រើនលូតលាស់ និងបើចង់ពឹងពាក់អ្នកដទៃគេតែងអាណិតស្រឡាញ់ និងជួយជ្រោមជ្រែងផង។ សម្រាប់អ្នកប្រកបរបររកស៊ីជួញដូរមិនថាទីជិតឆ្ងាយតែងហុចផ្លែផ្កា និងប្រមូលផលចំណេញវិលត្រឡប់ចូលផ្ទះវិញគួរជាទីពេញចិត្ត។ការធ្វើដំណើរទីជិតឆ្ងាយជួបសេចក្តីសុខក្សេមក្សាន្តទាំងពេលទៅនិងត្រឡប់មកវិញ។រីឯបញ្ហាគូស្នេហ៍កំលោះក្រមុំបើចង់ទំនាក់ទំនងស្នេហាថ្មីថ្មោងតែងសម្រេចជោគជ័យផងដែរ៕

ឆ្នាំវក៖ រាសីស្រុតចុះ។ ខែវិច្ឆិកានេះដំណើរជីវិតធ្លាក់ស្រុតចុះ ម្ល៉ោះហើយទោះធ្វើអ្វីតែងជួបនូវឧបសគ្គយាយី។ លោកអ្នកត្រូវចេះអត់ធ្មត់ និង តស៊ូជាមួយបញ្ហាទើបប្រសើរ។ ថ្ងៃនេះឃើញថាពុំមានអ្វីប្រែប្រួលប្តូរផ្លាស់គួរជាទីកត់សម្គាល់ទេគឺរាល់កិច្ចការងារតូចធំដំណើរទៅមុខសន្សឹមៗជានិច្ច។ អ្នកប្រកបរបររកស៊ីជួញដូរពុំសូវកាក់កបទេគឺលាភហេងច្រើនបោលហួសឬហោះរំលងជានិច្ច។ការធ្វើដំណើរទីជិតឆ្ងាយជួបភាពសុខដុមទាំងពេលទៅនិងត្រឡប់មកវិញ។ រីឯសេចក្តីស្នេហាប្រុសស្រីមានការប្រែប្រួលប្តូរផ្លាស់ព្រោះជួនត្រូវរ៉ូវគ្នាជួនទាស់ទែងគ្នា៕

ឆ្នាំរកា៖ រាសីល្អជាមធ្យម។ ក្នុងខែនេះដំណើរជីវិតរបស់លោកអ្នកបានផ្លាស់ប្តូរមកល្អប្រសើរ ម្ល៉ោះហើយបើធ្វើអ្វីក៏តែងជឿនលឿនគ្រាន់គាប់ប្រសើរជាងខែកន្លងមក។ ខែនេះដែរស្ត្រី មានការផ្លាស់ប្តូរមកល្អ ទាំងក្នុងរឿងប្រាក់កាស រឿងការងារនិងសូម្បីតែរឿងផ្ទាល់ខ្លួនក្តី។ ការប្រកបការងារពុំមានអ្វីប្រែប្រួលប្តូរផ្លាស់គួរកត់សម្គាល់ទេគឺដូចសព្វមួយដង។ ចំពោះអ្នកប្រកបរបររកស៊ីជួញដូរលោកអ្នកត្រូវមានទំនាក់ទំនងល្អជាមួយក្រុមមនុស្សជុំវិញខ្លួនឱ្យបានច្រើនព្រោះអាចទាញផលប្រយោជន៍អ្វីមួយមកវិញនៅថ្ងៃខាងមុខជាក់ជាពុំខាន។ បញ្ហាគូស្នេហ៍កំលោះក្រមុំឬពោះម៉ាយមេម៉ាយក្តីមានការលូតលាស់ទៅមុខយឺតៗហើយងាយថយក្រោយណាស់៕

ឆ្នាំច៖ រាសីល្អជាមធ្យម។ ដំណើរជីវិតរបស់លោកអ្នកក្នុងថ្ងៃនេះ បើទោះបីធ្វើអ្វីក៏ដោយតោងតែមានការប្រយ័ត្នប្រយែងព្រោះថាអាចមានការប្រែក្រឡាស់ពីល្អមកអាក្រក់បានទាំងអស់។ សម្រាប់ការបំពេញការងារមិនត្រូវធ្វេសប្រហែសឬធ្វើដោយរួចៗពីដៃបានដែរបើពុំនោះទេនឹងជះឥទ្ធិពលមិនល្អណាមួយនៅពេលក្រោយនាំពិបាកដោះស្រាយថែមទៀត។ អ្នកប្រកបរបររកស៊ីជួញដូរក្នុងថ្ងៃនេះជួបការលំបាកក្នុងការរកផលកម្រៃណាស់ ឯការជួញទីជិតឆ្ងាយទៀតសោតកើតមានភាពរកាំរកូសច្រើន។ រីឯបញ្ហាគូស្នេហាប្រុសស្រីមានការហួងហែងនិងម្នាក់ៗយកភាពប្រចែប្រច័ណ្ឌដឹកមុខមិនតិចនោះទេ ៕

ឆ្នាំកុរ៖ រាសីស្រុតចុះ។ នៅខែវិច្ឆិកានេះនៅមានគ្រោះ យាយីបន្តពីខែកន្លងមក ពិសេសលោកអ្នកអាចទទួលរងប៉ះពាល់ទាំងខាងសុខភាព និង ផ្លូវចិត្ត។ យ៉ាងណាក្តីសម្រាប់ស្ត្រីដំណើរជីវិតល្អប្រសើរជាងអំឡុង តុលា ហើយធ្វើអ្វីក៏លូតលាស់ទៅមុខសន្សឹមៗដែរ។ ការប្រកបការងារមានការរាំងស្ទះ និងពិសេសក្រុមមនុស្សតែបង្កការរំខានផ្លូវចិត្តនោះក៏ច្រើនដែរ។បើមានកិច្ចការងារអ្វីបង្កមានកំហុស ឬភ្លាំងភ្លាត់លោកអ្នកមិនត្រូវប្រើចិត្តក្តៅទេ ត្រូវយកភាពត្រជាក់ដាក់ខ្លួនទើបរឿងរាវខ្លះអាក្រក់សោះប្រែជាល្អវិញ។ សម្រាប់អ្នកប្រកបរបររកស៊ីជួញដូរនៅថ្ងៃនេះការរកផលកម្រៃមិនត្រូវលោភលន់ឡើយបើពុំនោះទេប្រយ័ត្នបានបាតដៃទទេវិលត្រឡប់មកផ្ទះវិញ។ រីឯបញ្ហាស្នេហាប្រុសស្រីមានការចង់ចាញ់ឈ្នះនិងប្រចែប្រច័ណ្ឌច្រើនដូចនេះបញ្ហារកាំចិត្តក៏កើតមានច្រើនដែរ៕