ហោរាសាស្រ្តប្រចាំថ្ងៃសុក្រ ទី០១ ខែឆ្នូ ឆ្នាំ២០២៣

នៅថ្ងៃសុក្រ ទី០១ ខែឆ្នូ ឆ្នាំ២០២៣នេះ គេហទំព័រហោរាសាស្រ្ដចិនបានចុះផ្សាយពីរាសីប្រចាំថ្ងៃនៃអ្នកដែលកើតឆ្នាំទាំង១២ថា៖

ឆ្នាំជូត៖ រាសីស្រុតចុះ។ ការរស់នៅថ្ងៃនេះដោយសារដួងរាសីស្រុតចុះ ម្ល៉ោះហើយនាំឱ្យជួបនូវភាពរកាំរកូសនិងអ្នកខ្លះជួបបញ្ហាលំបាកត្រូវឆ្លងកាត់ផង។ ក្រៅពីនេះការប្រកបការងារក៏ងាយការសម្រេចចិត្តអ្វីមួយងាយភ្លាំងភ្លាត់ដែរគប្បីប្រយ័ត្នប្រយែង។ អ្នកប្រកបរបររកស៊ីជួញដូរក្នុងថ្ងៃនេះពុំផ្តល់ផលល្អក្នុងការបណ្តាក់ទុនធំប៉ុន្មានឡើយ គួរមានការគិតឱ្យបានជ្រុយជ្រោយមុនធ្វើអ្វីមួយព្រោះបើបោះទុនទៅហើយមិនងាយដកទុនមកវិញឡើយ ហើយស្រួលមិនស្រួលកប់ដើមសូន្យឈឹងតែម្តង។ រីឯបញ្ហាស្នេហាកំលោះក្រមុំឬពោះម៉ាយមេម៉ាយក្តី មានការហួងហែងនិងម្នាក់ៗយកភាពប្រចែប្រច័ណ្ឌដឹកមុខនាំឱ្យល្អក់កករផ្លូវចិត្តច្រើន ៕

ឆ្នាំឆ្លូវ៖ រាសីស្រុតចុះ។ ថ្ងៃនេះបើទោះបីដំណើរជីវិតរបស់លោកអ្នកមិនបានទទួលរងផលប៉ះពាល់អ្វីក៏ដោយប៉ុន្តែក៏ផលលំបាកមួយចំនួនតែងយាយីផងដែរទាំងនេះ ដោយសារការរកាំរកូសកើតចេញពីក្នុងគ្រួសារមានច្រើន។ ការប្រកបការងារពុំសូវលូតលាស់ទៅមុខទេ ហើយបើថយក្រោយនោះឃើញថាខ្លាំងក្លាផង។ សម្រាប់អ្នកប្រកបរបររកស៊ីជួញដូរនៅថ្ងៃនេះវិញឃើញថាការរកផលចំណូលពុំសូវដូចគាប់បំណងប៉ុន្មានទេគឺច្រើនបោលហួសនិងហោះរំលងជានិច្ច។ រីឯសេចក្តីស្នេហាប្រុសស្រីកុំចង់យកកំហឹងទល់កំហល់ប្រយ័ត្នកើតជម្លោះវិវាទឈានដល់ការបែកបាក់៕

ឆ្នាំខាល៖ រាសីល្អជាមធ្យម។ នៅថ្ងៃនេះមុនសម្រេចចិត្តអ្វីមួយ តោងតែគិតពិចារណាឱ្យបានល្អពីព្រោះថាបើសម្រេចចិត្តត្រូវនោះផលល្អៗតែងឆ្លើយតបមកវិញជានិច្ច ប៉ុន្តែបើសម្រេចចិត្តខុសវិញនោះផលអាក្រក់ក៏តែងផ្តល់មកវិញទៅតាមនោះដូចគ្នា។ ការប្រកបកិច្ចការការងារពុំឃើញមានអ្វីប្រែប្រួលប្តូរផា្លស់គួរជាទីកត់សម្គាល់ទេគឺដូចសព្វមួយដង។ ការប្រកបមុខជំនួញជួបបញ្ហាលំបាក និង ការ រកប្រាក់ចំណូលខ្សត់ខ្សោយជាងសព្វមួយដង។ សម្ព័នស្នេហាប្រុសស្រីថ្ងៃនេះវិញពុំសូវមានការជឿនលឿនទៅមុខទេមានតែការថយក្រោយនិងងាយកើតរឿងបែកបាក់ថែមទៀត៕

ឆ្នាំថោះ៖ រាសីខ្ពស់ត្រដែត។ នៅថ្ងៃនេះដំណើរជីវិតរបស់លោកអ្នកមានជោគមានជ័យ ហេតុនេះផ្តល់ផលល្អក្នុងការធ្វើអ្វីមួយសំខាន់ពីព្រោះថាតែងហុចជាលទ្ធផលគ្រាន់ជាទីគាប់ចិត្ត។ ក្នុងថ្ងៃនេះលោកអ្នកប្រកបការងារអ្វីក៏ដោយក៏តែងទទួលបានផលសម្រេចតាមសមបំណងប្រាថ្នានិងពិសេសចៅហ្វាយនាយអាចមើលឃើញថែមទៀត។ អ្នកប្រកបរបររកស៊ីជួញដូរមានការទិញចូលលក់ចេញគ្រាន់បើតែយ៉ាងណាលោកអ្នកទាល់តែខិតខំខ្លាំងទើបទទួលជោគជ័យជំនួញធំៗទៅរួច។ សម្ព័ន្ធស្នេហាប្រុសស្រីបើមានការផ្សំផ្គុំគ្រួសារឬចូលស្តីដណ្តឹងជាពេលវេលាល្អប្រពៃបំផុត៕

ឆ្នាំរោង៖ រាសីស្រុតចុះ។ ក្នុងអំឡុងពេលនេះលោកអ្នកគប្បីមានការបើកចិត្តឱ្យទូលាយជាងនេះ ទើបដំណើរជីវិតមានភាពសុខដុម ហើយគ្មានរឿងរាវចម្រូងចម្រាសកើតឡើង។ នៅថ្ងៃនេះវិញបើលោកអ្នកប្រកបការងារអ្វីមួយមិនគប្បីមានភាពរឹងរូសឬយកភាពមោហៈទោសៈដាក់ខ្លួនឡើយបើពុំនោះទេនឹងជួបរឿងរាវបង់ប្រយោជន៍ណាមួយជាក់ជាពុំខាន។ អ្នកប្រកបរបររកស៊ីជួញដូរនៅថ្ងៃនេះដែរមានការជឿនលឿនទៅមុខជាសន្សឹមៗឥតថយក្រោយទេតែយ៉ាងណាបើលោកអ្នកចង់រកស៊ីចូលហ៊ុនជាមួយអ្នកដទៃឱ្យប្រយ័ត្នបន្តិចព្រោះងាយខាតបង់និងចាញ់បោកគេណាស់។ រីឯបញ្ហាសម្ព័ន្ធស្នេហាកំលោះក្រមុំមានការផ្អែមល្ហែមនិងជឿនលឿនទៅមុខប្រពៃ៕

ឆ្នាំម្សាញ់៖ រាសីល្អជាមធ្យម។ ក្នុងពេលនេះបើទោះបីលោកអ្នកធ្វើអ្វីក៏ដោយមិនត្រូវធ្វេសប្រហែសឡើយពិសេសមុនចុះហត្ថលេខា ឬផ្តិតស្នាមមេដៃលើលិខិតស្នាមនានាចូរចេះពិនិត្យពិច័យឱ្យបានល្អិតល្អន់ទើបពុំមានការភ្លាំងភ្លាត់និងមិនខាតប្រយោជន៍ឥតអំពើ។ ការប្រកបការងារលោកអ្នកឱ្យប្រយ័ត្នកើតរឿងមួយហើយមួយទៀតមិនចេះចប់និងពិបាកដោះស្រាយនាពេលក្រោយ។ សម្រាប់អ្នកប្រកបរបររកស៊ីជួញដូរទាំងការជួញទីជិតឆ្ងាយការរកផលកម្រៃទោះជួបផលលំបាកម្តេចមា្តក៏មានហូរចូលមួយៗគ្រាន់បំពេញបំពង់អញ្ចឹងដែរ។ សម្ព័ន្ធស្នេហាប្រុសស្រី ឬសូម្បីតែស្វាមីភរិយាក្តីអាចមានអ្នកទី៣ចូលមកជ្រៀតជ្រែក៕

ឆ្នាំមមី៖ រាសីខ្ពស់ត្រដែត។ ក្នុងពេលនេះលោកអ្នកបើទោះបីនិយាយស្តី ឬចរចារឿងអ្វីមួយតែងមានក្រុមមនុស្សចូលចិត្តស្តាប់ និង ត្រង់ត្រាប់ធ្វើតាមបង្គាប់បញ្ជាទៀតផង។ ដោយសារតែថ្ងៃនេះដួងរាសីឡើងខ្ពស់ ម្ល៉ោះហើយ ផ្តល់ផលល្អសម្រាប់លោកអ្នកប្រកបការងារតូចធំពីព្រោះថាផលតែងឆ្លើយតបគ្រាន់កក់ក្តៅ។ អ្នកប្រកបរបររកស៊ីជួញដូរបើចង់ធ្វើអ្វីមួយមិនភ័យព្រួយឡើយពីព្រោះលោកអ្នកតែងមានប្រៀបឬយ៉ាងហោចណាស់ក៏អាចរកផលកម្រៃគ្រាន់កក់ក្តៅខ្លះដែរ។ បញ្ហាសេចក្តីស្នេហាកំលោះក្រមុំឱ្យចេះដឹងទុក្ខធុរះគ្នា ហើយមិនត្រូវអាត្មានិយមឡើយបើពុំនោះទេផលលំបាកនឹងជួបនៅពេលក្រោយចៀសមិនរួចឡើយ៕

ឆ្នាំមមែ៖ រាសីល្អជាមធ្យម។ សម្រាប់ការប្រកបការងារបើមានឧបសគ្គ ហើយកាលពីមុនមកទទួលផលលំបាកក្នុងការដោះស្រាយពេលនេះបើព្យាយាមពុះពារក៏តែងហុចផ្លែផ្កាដូចជាទីពេញចិត្តផងដែរ។ សម្រាប់អ្នកប្រកបរបររកស៊ីជួញដូរមានការរីកលូតលាស់គួរសម ម្ល៉ោះហើយជាឱកាសល្អក្នុងការពង្រីកមុខរបរថ្មីឬបណ្តាក់ទុនបន្ថែមព្រោះផ្លែផ្កាដែលទទួលបានតែងហុចមកវិញដូចសមប្រកប។ រីឯបញ្ហាសេចក្តីស្នេហាប្រុសស្រីកំពុងសុខដុមនិងមានភាពផ្អែមល្ហែមគួរសម៕

ឆ្នាំវក៖ រាសីស្រុតចុះ។ ក្នុងរយៈពេលនេះលោកអ្នកមិនត្រូវជឿពាក្យអុជអាលរបស់អ្នកដទៃឡើយប្រយ័ត្នជួបតែបញ្ហាស្មុគស្មាញរកសិរីសួស្តីមិនឃើញ។ ការប្រកបការងារលោកអ្នកគប្បីបន្ថែមការប្រុងប្រយ័ត្នបន្តិចពីព្រោះថាផលអាក្រក់ងាយកើតឡើងត្រូវឆ្លងកាត់ផង។ សម្រាប់អ្នកប្រកបរបររកស៊ីជួញដូរមានការរីកលូតលាស់តិចតួចតែយ៉ាងណាការជួញទីជិតឆ្ងាយការរកផលកម្រៃនោះទោះមិនច្រើនពិតមែនក្តីតែក៏មានភាពសុខដុមគួរជាទីកក់ក្តៅផង។ រីឯបញ្ហាសេចក្តីស្នេហាប្រុសស្រីកុំមានចិត្តរេដូចចុងស្រល់ប្រយ័ត្នកម្មពៀរវាឆ្លងម្តងម្នាក់វិញ៕

ឆ្នាំរកា៖ រាសីល្អជាមធ្យម។ ថ្ងៃនេះលោកអ្នកទោះធ្វើអ្វីក៏ដោយនៅតែមានការរីកលូតលាស់ទៅមុខសន្សឹមៗដូចនេះត្រូវខិតខំប្រឹងប្រែងនោះនឹងជោគជ័យដល់គោលដៅជាក់ជាពុំខាន។ ក្រៅពីនេះទោះធ្វើអ្វីក៏ដោយត្រូវគិតឱ្យបានគ្រប់ជ្រុងជ្រោយនោះទើបមិនជួបរឿងរាវត្រូវចាញ់បោកគេដោយប្រការណាមួយ។ សម្រាប់អ្នកប្រកបរបររកស៊ីជួញដូរលោកអ្នកត្រូវមានទំនាក់ទំនងល្អជាមួយក្រុមមនុស្សជុំវិញខ្លួនឱ្យបានច្រើនព្រោះអាចទាញផលប្រយោជន៍អ្វីមួយមកវិញទៀតផង។ សម្ព័ន្ធស្នេហាប្រុសស្រីកុំគប្បីយកភាពប្រចែប្រច័ណ្ឌដាក់ខ្លួនច្រើននាំភាគីម្ខាងទៀតកើតការធុញទ្រាន់ងាករេចិត្ត៕

ឆ្នាំច៖ រាសីស្រុតចុះ។ ថ្ងៃនេះបើជាស្ត្រីមុនធ្វើអ្វីតោងតែចេះគិតគូរឱ្យបានគ្រប់ជ្រុងជ្រោយ បើពុំនោះទេផលលំបាកពិតជាមិនងាយចៀសរួចណាស់។ ក្នុងថ្ងៃនេះដែរបើលោកអ្នកសម្រេចចិត្តធ្វើអ្វីក៏ដោយត្រូវមានការប្រយ័ត្នប្រយែងបន្តិចព្រោះថាផលល្អនិងផលអាក្រក់ដើរទន្ទឹមគ្នាជានិច្ច។ សម្រាប់អ្នកប្រកបរបររកស៊ីជួញដូរការជួញផ្លូវឆ្ងាយពុំសូវកាក់កបប៉ុន្មានទេ ហើយបើរកស៊ីនាយអាយក្បែរៗផ្ទះបានគ្រាន់ចិញ្ចឹមឆ្នាំងបាយអញ្ចឹងដែរ។ រីឯបញ្ហាសេចក្តីស្នេហាកំលោះក្រមុំមានការកើតទុក្ខឥតសូវស្បើយដែរទេដោយសាររឿងរាវប្រទាំងប្រទើសកើតឡើងបន្តបន្ទាប់នាកន្លងមក៕

ឆ្នាំកុរ៖ រាសីខ្ពស់ត្រដែត។ ដំណើរជីវិតរបស់លោកអ្នកនាថ្ងៃនេះឃើញថាបញ្ហាឧបទ្រពចង្រៃចៀសឆ្ងាយ ហើយបញ្ហាល្អៗបានហូរចូលជំនួសមកវិញ ហេតុនេះធ្វើឱ្យ លោកអ្នក សប្បាយចិត្ត សប្បាយកាយគ្រាន់ជាទី កក់ក្តៅ ផ្លូវចិត្ត។ ថ្ងៃនេះការប្រកបការងារមិនសូវជឿនលឿនទៅមុខពិតមែនប៉ុន្តែក៏មានភាពសុខដុមគ្រាន់ប្រពៃ។ អ្នកប្រកបរបររកស៊ីជួញដូរវិញប្រៀបដូចបានជា(ភ្លៀងធ្លាក់មួយមេមេឃស្រទ្បះ)ព្រោះអាចកម្ចាត់រាល់ឧបទ្រពចង្រៃទាំងពួងឱ្យវិនាសជាអហោសិកម្មអស់ ហើយលោកអ្នកអាចប្រកបមុខរបរពេញដៃពេញជើងទ្បើងវិញ។ សម្ព័ន្ធស្នេហាប្រុសស្រីមានការជឿនលឿនទៅមុខនិងកំពុងមានភាពស្រស់ស្រាយប្រពៃណាស់៕