យោងតាមគេហទំព័រហោរាសាស្រ្តចិនចុះផ្សាយពីការទស្សទាយរបស់ស្ដេចហោនៅថ្ងៃទី៣១ ខែធ្នូ ឆ្នាំ២០២៣នេះ បានបញ្ជាក់ថាអ្នកកើតឆ្នាំម្សាញ់,មមី,ខាល គឺជាឆ្នាំដែលមានលាភសំណាងល្អជាច្រើនចូលក្នុងជីវិត ហើយខាងក្រោមនេះក៏ជាវ័យដែលលោកអ្នកអាចរកលុយបានច្រើនបំផុតផងដែរក្នុងមួយឆាកជីវិត។
ឆ្នាំម្សាញ់៖ អ្នកដែលកើតក្នុងឆ្នាំនេះ ជាមនុស្សដែលមានខួរក្បាលវ័យឆ្លាតក្នុងផ្នែករកស៊ី។ ផ្លូវនៃការរកលុយរបស់គេមានច្រើនណាស់ ដូចនេះ មិនចាំបាច់ដ៏ចាស់ទេ គេនឹងអាចរកបានលុយច្រើនហើយ។ ប៉ុន្តែនៅពេលវ័យក្មេង គេជាមនុស្សដែលរកបានប៉ុន្មាន ចាយប៉ុណ្ណឹង ដោយមិនចេះសន្សំប្រាក់ឡើយ។ នៅពេលដែលអាយុរាងច្រើន ទើបគេអាចសល់ប្រាក់បានច្រើន។
ឆ្នាំមមី៖ អ្នកដែលកើតក្នុងឆ្នាំនេះ ជាមនុស្សដែលមានវាសនាមិនធម្មតាឡើយ។ នៅពេលដែលចាប់ពីវ័យកណ្តាលទៅ គេនឹងមានខួរក្បាលរកស៊ីយ៉ាងពូកែមួយ។ ហើយនៅពេលដែលមានអាយុកាន់តែច្រើនទៅ គេនឹងមានអ្នកជួយច្រើន ជាហេតុដែលធ្វើឲ្យលុយមិនខ្វះចាយឡើយ។
ឆ្នាំខាល៖ អ្នកដែលកើតក្នុងឆ្នាំនេះ ជាមនុស្សដែលចេះសន្សំប្រាក់ ដោយពុំសូវហ៊ាយចាយលុយឡើយ។ ម្យ៉ាងទៀត គេជាមនុស្សដែលចេះប្រើលុយបង្កើតលុយ ដោយនៅពេលដែលចាស់ទៅគឺមិនខ្វះលុយចាយឡើយ៕