ត្រឹមតែលក់ស្មាតហ្វូនមិនអាចឲ្យក្រុមហ៊ុន Apple ជោគជ័យទេ តែមានចំណុចពិសេសដូចខាងក្រោម
ក្រុមហ៊ុនលក់ស្មាតហ្វូនដាច់ជាងគេលើលោក លំដាប់លេខ៣នេះ បានកសាងខ្លួនតាំងពីឆ្នាំ១៩៧៦មកម្លេះ ដែលកាលណោះមានស្ថាបនិក៣រូប ដែលដឹកនាំក្រុមហ៊ុន តែតំណែងជាCEO គឺបានធ្លាក់ទៅលើលោក Steve Jobs ហើយ២នាក់ទៀតដេកនៅផ្ទះចាំយកលុយភាគលាភ។
និយាយទៅការតស៊ូរបស់ Steve Jobs ពិតជាស្ងើចសរសើរមែន ព្រោះ៣០ឆ្នាំជាងហើយ ដែលលោកដឹកនាំក្រុមហ៊ុនប្រឡូកក្នុងវិស័យស្មាតហ្វូន ដែលដំណើរការខុសដាច់ពីគេ គឺ iOS ដែលគ្មានក្រុមហ៊ុនណាមួយអាចទិញ អាជ្ញាប័ណ្ឌ (License) ពី Apple បានជាដាច់ខាត ដូច្នេះហើយទើបធ្វើឲ្យ iOS មានតែលើ ស្មាតហ្វូន iPhone មួយគត់លើលោក។
ស្របពេលដែល Apple លេចធ្លោក្នុងសង្គមបច្ចេកវិទ្យា និង ទីផ្សារសកលលោកហើយ នោះ ក្រុមហ៊ុន Apple ក៏មិនបាននៅស្ងៀមលក់តែទូរស័ព្ទនោះដែរ គឺពួកគេចាប់ផ្ដើមក្រុមហ៊ុនថ្មីៗបន្ដបន្ទាប់ដើម្បីផលិតនៅផលិតផលរបស់ប្រ៊េន អេបផល ជាហូរហែមកទៀត។ ហើយការកើបលុយរបស់ Apple ពីយើងក៏មិនមែនបានមកពី ស្មាតហ្វូនមួយមុខនោះដែរ នៅមានផលិតផលជាច្រើនទៀតដែល Apple កំពុងដាក់ភ្ជាប់ជាមួយស្មាតហ្វូន និងបែបផលិតផលដាច់ដោយឡែកផងដែរ ដែលទាំងអស់នោះរួមមាន៖
១.iPhone ៖ គិតទៅលើពពួកស្មាតហ្វូនដែលយើងកំពុងប្រើប្រាស់ក្នុងពេលបច្ចុប្បន្ននេះ ។
២.Mac ៖ វាជាឈ្មោះដំបូងរបស់ត្រកូលកុំព្យូទ័រ Apple ដែលដាក់លើទីផ្សារសព្វថ្ងៃ ហើយតម្លៃរបស់កុំព្យូទ័រ Mac ក៏មានតម្លៃមិនធូថ្លៃដែរ គឺចាប់ពី ១ ពាន់ដុល្លារឡើងទើបអាចរកទិញថ្មីបាន ឬ ច្រើនជាងនេះទៅតាមឆ្នាំរបស់វា ។
៣.Apple Watch ៖ មួយនេះគឺជានាឡិការ ដែលផលិតដោយ Apple សម្រាប់ភ្ជាប់ជាមួយស្មាតហ្វូន Apple ឬ អាចពាក់ឲ្យមើលទៅស៊ីវីល័យ ហើយតម្លៃរបស់វាបើលុយល្មមៗមិនបាច់លូកទេ សូម្បីមួយទឹកក៏ខ្ទង់ ១០០ ដុល្លារក្រាស់ដែរ ។
៤.iPad ៖ នេះជាថេប្លេតរបស់ក្រុមហ៊ុន Apple ដូចគ្នា Apple ក៏បានផលិត iPad ឡើងដែរ ដើម្បីប្រជែងទីផ្សារជាមួយប្រទេសល្បីៗដូចជា កូរ៉េ ចិន ដែលមានមហិច្ឆតាចង់ដណ្ដើមទីផ្សារតែឯងនោះ ។
៥.Music and TV ៖ មិនមែនលក់តែគ្រឿងអេឡិចត្រូនិចប៉ុន្មានខាងលើទេ តែវាក៏មានលក់នៅ បាស់តូចៗ (Speaker) និង ដុំសម្រាប់ភ្ជាប់ទៅជាមួយទូរទស្សន៍ទៀតផង ដូចជា Apple TV HD ជាដើម ។
៦.Accessories ៖ វាក៏មានលក់ជាប្រភេទកាស់ ឆ្នាំងសាក ដុំសាក និង ផលិតផលជាច្រើនទៀតទាក់ទងជាមួយ គ្រឿងបន្លាស់ទូរស័ព្ទ កុំព្យូទ័រ ថេប្លេត ជាដើម ។
ដូច្នេះបើយើងមើលទៅវាហាក់ដូចជា Apple រកបានតែពីការលក់ស្មាតហ្វូន តែធាតុពិតមិនមែនទេ វាស្ទើតែមានគ្រប់របស់ប្រើប្រាស់ដែលយើងត្រូវការ ហើយអ្វីដែល Apple កើបលុយពីយើងបានច្រើនទៀតនោះ គឺផលិតទាំងអស់របស់ Apple មិនត្រូវបានភ្ជាប់មកជាមួយស្មាតហ្វូនថ្មីនោះទេ នេះបើសម្រាប់ការទិញទូរស័ព្ទថ្មីពី Apple គឺវាតម្រូវឲ្យទិញក្រៅបន្ថែមទើបបានប្រើ៕