វ៉ា វណ្ណថា ៖ អតីតពលករនៅកូរ៉េសល់ប្រាក់ត្រឹមតែ២៤,០០០$ រកស៊ីក្លាយជាម្ចាស់ក្រុមហ៊ុនម្កុដ168 Skin Care+
អតីតពលករធ្វើការនៅប្រទេសកូរ៉េ លោក វ៉ា វណ្ណាថា ដែលជាអ្នកមានស្រុកកំណើតនៅខេត្តស្វាយរៀង បានសល់ប្រាក់ខ្លះនិងបានទិញផ្ទះមួយកន្លែងស្ថិតនៅតំបន់បឹងស្នោរ ក្រុងភ្នំពេញ រាជធានីភ្នំពេញ ដើម្បីប្រកបរបរធ្វើអាជីវកម្ម និងបើកក្រុមហ៊ុនមួយនៅទីនោះផងដែរ។
ប្រាកដណាស់បន្ទាប់ពីទិញផ្ទះរួច លោក វណ្ណថា សល់ប្រាក់ត្រឹមតែ២៤០០ដុល្លារ ប៉ុណ្ណោះ ដើម្បីរកស៊ី មានមិត្តភក្តខ្លះប្រាក់ថាអោយទៅកូរ៉េវិញទៅ ដើម្បីរកដើមទុនបន្ថែម ឯខ្លះទៀតប្រាប់គាត់អោយប្រញ៉ាប់រកការងារនៅភ្នំពេញមួយធ្វើទៅ ព្រោះដើមទុនតិចតួចប៉ុណ្ណឹងចាយមិនបានយូរនោះទេ។
មិនមែនយោបល់មិត្តភក្តិបងប្អូន មិនល្អនោះទេ តែមិនមែនផ្លូវដែរវណ្ណថា ត្រូវជ្រើសរើសដើរព្រោះគាត់បានសម្រេចចិត្តរួចហើយ ថាកាល នៅកូរ៉េធ្វើការអោយគេឆ្អែតឆ្អន់ហើយ ហេតុអ្វីបានជាមកដល់ស្រុកខ្មែរវិញត្រូវធ្វើការអោយគេទៀត?
សហគ្រិនវ័យក្មេងរូបនេះ តែងមានគំនិតចង់កែប្រែជីវិត ពីពលករស្រុកគេ ទៅជាម្ចាស់សហគ្រិនដ៏ល្បីល្បាញម្នាក់នៅស្រុកខ្មែរ ទោះបីជាគាត់ត្រូវចាប់ផ្តើមពីដើមទុនតិចតួចក៏ដោយដោយភាពតស៊ូរនិងតាំងចិត្ត រយៈពេលមិនដល់មួយឆ្នាំផង គាត់បានផ្លាស់ប្តូរពីពលករស្រុកគេ មកជាម្ចាស់ក្រុមហ៊ុនគ្រឿងសម្អាងមួយ ដែលបានបោះជំហ៊ានបានរហូតដល់ ទៅ៨សាខា និងចែកចាយតាមប្រព័ន្ធអនឡានរហូតដល់ទៅ៦ប្រទេស ជាពិសេសប្រទេសដែលមានបងប្អូនខ្មែររស់នៅ (កម្ពុជា, អាមេរិក, កូរ៉េ, ជប៉ុន, ថៃ, និងអូស្រ្តាលី)។
បន្ថែមពីលើនេះ គាត់ក៏បានបើកឱកាសអោយបងប្អូនដែលជាពលករ ពលការនីសិស្សនិសិត្ស ពិសេសយុវជនខ្មែរ ចេះជំនាញរកស៊ីអនឡាញ ដោយចំណាយដើមទុនត្រឹមតែ១០០ដុល្លារប៉ុណ្ណោះ។
យុវជន វ៉ា វណ្ណថា ចង់ឃើញប្រេន 168 Skin Care+ ដែរមានឡូកូ ឃ្មុំពាក់ម្កុដ ក្លាយជាប្រេនគ្រឿងសម្អាងល្បីល្បាញលក្ខណៈអន្តរជាតិ (Internatnal Brand) ដ៏ពេញនិយមដែរកើតចេញពីស្នាដៃសហគ្រិនខ្មែរ៕