ថៅកែវសិប្បកម្មនាំលីលី ៖ បើយើងដោះស្រាយបញ្ហាកាន់តែច្រើន ចំនេះដឹង និងសមត្ថភាពរបស់យើងកាន់តែខ្លាំង
មោះមកមើលក្នុងដំណើរជីវិតប្រចាំថ្ងៃ ជីវិតការងារ ជីវិតអាជីវកម្ម គឺតែងតែមានបញ្ហាតិច ឬច្រើនដោយជៀសមិនផុតឡើយ ហើយអ្នកខ្លះក៏អាចដោះស្រាយបាន ហើយអ្នកខ្លះទៀតក៏មិនអាចដោះស្រាយបានរហូតដល់បោះបង់ចោលក្តីស្រម៉ៃកណ្តាលទីក៏មាន។ គ្រប់បញ្ហាសុទ្ធតែមានដំណោះស្រាយ គ្រាន់បញ្ហាខ្លះស្រួលនិងដោះស្រាយ ហើយបញ្ហាខ្លះស្មុគស្មាញមិនអាចដោះស្រាយបានងាយៗនោះទេ គឺទាមទាអោយអ្នកមានភាពអំណត់ តស៊ូ និងមានភាពឆ្លាតវ័យនោះទើបអាចដោះស្រាយរាល់បញ្ហាដែលកើតមានឡើងចំពោះអ្នកបាន។
ឧញ៉ា កែវ មុំ គឺជាម្ចាស់សិម្បកម្មផលិតនំស្រួយ លីលី បានលើកឡើងថា “បើយើងដោះស្រាយបញ្ហាកាន់បានកាន់តែច្រើន ចំនេះដឹង និងសមត្ថភាពរបស់យើងកាន់តែខ្លាំងជាងមនុស្សធម្មតា”។ ឧញ៉ា កែវ មុំ មានប្រសាសន៍បែបនេះគឺចង់បង្ហាញអោយយុវជន និងអ្នកដែលកំពុងប្រឡូកក្នុងការងារ ក៏ដូចជាអាជីវកម្ម ទាំងអស់អោយមានចិត្តមោះមុត ក្លាហាន និងតស៊ូមិនរុញរានៅក្នុងការដោះស្រាយបញ្ហាផ្សេងៗដែលកំពុងតែកើត ហើយប្រុងនិងកើតឡើងមកលើខ្លួនអ្នក ។ ខណះដែលអ្នកកំពុងព្យាយាមដោះស្រាយបញ្ហាដែលកើតមានឡើងចំពោះអ្នកនោះ អ្នកនិងអាចទទួលបាននូវចំនេះដឹង វិធីសាស្ត្រក្នុងការដោះស្រាយ និងដឹងពីវិធីសាស្ត្រនៅក្នុងការបញ្ចៀសរាល់បញ្ហា ដែលធ្លាប់កើតមានឡើងមកលើខ្លួនអ្នកមិនអោយកើតឡើងម្តងទៀតឡើយ។
អ្នកអាចដោះស្រាយនូវរាល់បញ្ហាដែលកើតមានឡើងចំពោះអ្នកបានមែន អ្នកគឺជាបុគ្គលម្នាក់ដែល រឹងមាំជាងមុន និងឆ្លាតវ័យជាងមុន និងសំបូរទៅដោយវិធីសាស្ត្រល្អៗនៅក្នុងការដោះស្រាយបញ្ហាផ្សេង ជាងអ្នកដ៏ទៃ ។ ហើយនៅពេលក្រោយទៀតអ្នកនិងដឹងថា ផ្លូវណាអាចជួបបញ្ហា ហើយផ្លូវណាដែលមិនជួបបញ្ហាថែមទៀតផង មិនតែប៉ុណ្ណោះក្រោយឆ្លងកាត់បញ្ហាជាច្រើនអ្នកនិងក្លាយជាបុគ្គលមួយដែលពោពេញទៅដោយភាពក្លាហាន និងមិនគេចវេសចេញពីបញ្ហាទាំងនោះឡើយ អ្នកនិងព្យាយាមដោះស្រាយវារហូតទទួលបានជោគជ័យ។
ដូច្នេះហើយប្រសិនបើជីវិតអ្នកជួនិងបញ្ហាអ្វីមួយ ឬវិប្បត្តិអ្វីមួយនោះ អ្នកត្រូវតែព្យាយាមដោះស្រាយអោយអស់ពីសមត្ថភាព នោះអ្នកនិងទទួលបានមកវិញនូវភាពប្រសើជាងមុន និងរីកចំរើនជាងមុនជាក់ជាមិនខាន៕
