Michael Dell ៖ សូមកុំរងចាំឳកាសល្អឥតខ្ចោះសម្រាប់អ្នកអីវាគ្មានទេ ត្រូវបង្កើនល្បឿងប្រយ័ត្នខកពេល
មនុស្សជាច្រើនណាស់ ដែលកំពុងចំណាយពេលរង់ចាំឱកាសល្អដើម្បីចាប់ផ្តើមដើរតាមក្តីស្រម៉ៃ និងចាប់ផ្តើមធ្វើអ្វីដែលខ្លួនបានកំណត់ទុករួចហើយនោះ ប៉ុន្តែអ្នកខ្លះក៏ចេះតែចំណាយពេលរង់ចាំយូរទៅយូរទៅដោយគ្មានឱកាសល្អណាមួយអំណោយផលសោះ រហូតធ្វើអោយពួកគេដល់ខាតពេលវេលាអស់យ៉ាងច្រើនក៏មាន។
បើតាមបទពិសោធន៍ និងពាក្យសម្តីរបស់លោកមហាសេដ្ឋី Michael Dell នាយកប្រតិបត្តិក្រុមហ៊ុនកុំព្យូទ័រ Dell ធ្លាប់មានប្រសាសន៍ថា “លើលោកនេះគ្មានឡើយឱកាសឥតខ្ជោះ ដូច្នេះកុំរង់ចាំច្រើនពេកប្រយ័ត្នខកពេល”។
ប្រសាសន៍របស់លោក Michael Dell គឺចង់បញ្ជាក់ថានៅលើលោកនេះគឺគ្មានឡើ់យពេលវេលា និងគ្មានឡើយឱកាសឥតខ្ជោះនោះ ពេលវេលាណា ឱកាសណាក៏សុទ្ធតែល្អទាំងអស់អោយតែអ្នកចេះរៀបចំវាអោយបានល្អ និងធ្វើវាអោយបានល្អនោះ។ លោកក៏បានបញ្ជាក់ផងដែរថាប្រសិនបើយើងចំណាយពេលវេលាដើម្បីរង់ចាំឱកាសដែលល្អឥតខ្ជោះនោះគឺមិនខុសពីការកាប់បំពង់រង់ចាំទឹកភ្លៀងឡើយ។
ការចាប់ផ្តើមក្តីស្រម៉ៃ និងចាប់ផ្តើមនៅគោលដៅរបស់អ្នកគឺមិនត្រូវរង់ចាំឱកាសល្អយូរពេកឡើយ អ្នកអាចចាប់ផ្តើមពេលណាក៏បានអោយតែអ្នកបានរៀបចំខ្លួនប្រាណរួចខ្លួនរាល់។
ភាពជោគជ័យ គឺមិនបានកំណត់ថាអ្នកត្រូវតែចាប់ផ្តើមនៅពេលនេះ ឬចាប់ផ្តើមនៅពេលនោះឡើយ គឺសំខាន់អោយតែអ្នកមានការខិតខំ និងមានឆន្ទ:មោះមុតនោះមិនយូមិនឆាប់អ្នកនិងជោគជ័យមិនខាន៕