ធ្លាយព័ត៌មាន ! ប្រធានាធិបតីអាមេរិកលោក ដូ ណាស់ត្រាំង ធ្លាប់រកស៊ីខាតចុងខាតដើមរហូតដលជាង១ពាន់លាន$
យោងតាមរបាយការណ៍បង់ពន្ធរបស់លោកដូណាល់ត្រាំ ប្រធានាធិបតីអាមេរិក ដែលទើបតែបែកធ្លាយដោយសារព័ត៌មាន The New York Time បានឲ្យដឹងថា លោកត្រាំធ្លាប់ប្រកាសរកស៊ីខាតរហូតជិត១០ឆ្នាំ គិតជាទឹកប្រាក់ខាតរហូតដល់ជាង១ពាន់លានដុល្លារ។
ការប្រកាសខាតដ៏ធ្ងន់ធ្ងររបស់អតីតសហគ្រិនល្បីឈ្មោះរូបនេះ ហាក់ដើរផ្ទុយពីអ្វីដែលគាត់ធ្លាប់អួតថា ជាសហគ្រិនមានភាពវ័យឆ្លាតមានគំនិតរកស៊ីពូកែ។ នៅក្នុងយុទ្ធនាការបោះឆ្នោតកាលពីឆ្នាំ២០១៦កន្លងទៅ គាត់ជាបេក្ខជនប្រធានាធិបតីដែលមានប្រវត្តិជាសហគ្រិនរកស៊ីឆ្នើម ចំណេញលុយច្រើន រហូតក្លាយជាសេដ្ឋីប្រាក់ពាន់លាន។
គួរបញ្ជាក់ថា លោកត្រាំក៏ជាអ្នកនិពន្ធសៀវភៅល្បីល្បាញមួយរូបដែរ ដែលសៀវភៅល្បីជាងគេរបស់គាត់ គឺសៀវភៅ The Art of Deal។ សៀវភៅនេះនិយាយនូវបទពិសោធន៍ល្អៗរបស់គាត់ នូវការបិទការលក់ ឬក្នុងចរចារធំៗ។ គាត់បានបង្ហាញនូវគំនិតល្អៗជាច្រើន ដែលគាត់បានធ្វើដើម្បីក្លាយជាអ្នកចរចារដ៏វ័យឆ្លាតនៅក្នុងការរកស៊ី។
ចុះបើអួតថាពូកែយ៉ាងនេះ ហេតុអ្វីក៏ប្រកាសទៅពន្ធដារថា រកស៊ីខាត ហើយខាតរហូតដល់ជាង១ពាន់លានដុល្លារទៅវិញ? នេះជាសំនួរសួរដោយពិធីករទូរទស្សន៍ CNN លោក Don Lemon៕